Morgunblaðið - 21.03.1981, Síða 10
10
MORGUNBLAÐIÐ, LAUGARDAGUR 21. MARZ 1981
Aðalfundur Verzlunarbankans:
Mesta innlánsaukn-
íng í sögu bankans
Aðalfundur Verzlunarbankans
var haldinn sl. lau^ardaK að
Hótel Soku. Fundarstjóri var
kjörinn Hjörtur Hjartarson ok
fundarritarar voru GunnlauKur
J. Briem ok MaKnús E. Finnsson.
Þetta var 20. aðalfundur bank-
ans, en forveri hans, Verzlun-
arsparisjóðurinn. starfaði i 5 úr
ok á þvi stofnunin 25 ára starf að
baki um þessar mundir.
Formaður bankaráðs, Pétur O.
Nikulásson ok Höskuldur Ólafsson
bankastjóri fluttu ítarlegar
skýrslur um starfsemi bankans og
skýrðu reikninga hans. Starfsemi
bankans jókst verulega á síðast-
liðnu ári, innlánsaukning var inn-
an þeirra marka, sem stefnt var
að í efnahagsáætlunum, en þetta
hvort tveggja leiddi til stórbata í
lausafjárstöðu bankans.
Hagur og
rekstur bankans
»Tv|;
" frm fr iin|^ Ytfrm
■ ■
'0
Pétur 0. Nikulásson, formaður bankaráðs i ræðustól. Til beggja handa sitja bankastjórar,
bankaráðsmenn, fundarstjóri og fundarritarar.
Eigið fé bankans í árslok var
2.105 milljónir og hafði aukist á
árinu um 921 milljón. Nemur eigið
fé í árslok 14% af heildarinnstæð-
um í bankanum. Heimilað hlutafé
bankans er nú 800 milljónir. 1.
október í haust er gjalddagi á
síðasta þriðjungi hlutafjárútboðs
frá 1979. Aðalfundurinn sam-
þykkti að gefa út á árinu jöfnun-
arhlutabréf allt að 4.000.000, sem
er 50% af hlutafé bankans. Þá var
samþykkt tillaga bankaráðsins að
innkalla áður útgefin hlutabréf og
gefa þau út að nýju í samræmi við
gjaldmiðilsbreytinguna.
Hagnaður af rekstri ársins varð
179,5 milljónir og voru 62 milljón-
ir lagðar í varasjóð, sem verður þá
412 milljónir. Óráðstafað eigið fé í
árslok er 138 milljónir. Aðalfund-
urinn samþykkti að greiða hlut-
höfum 10% arð.
Niðurstöðutölur á rekstrar-
reikningi eru 6.944 milljónir kr. og
hafa þær hækkað um tæp 107%
frá fyrra ári. Vaxtatekjur og
verðbætur útlána námu alls 6570,0
milljónum kr. en þóknun og aðrar
þjónustutekjur voru 374,0 milljón-
ir króna.
Vaxtagjöld og verðbætur námu
samtals 5534,0 milljónum kr. og
Eigið fé nam í árslok 14% af heildarinnistæðum
Frá aðalfundi Verzlunarbankans.
rekstrarkostnaður varð 1173,0
millj. kr. Laun og launatengd
gjöld hækkuðu um 55,4%, en
annar kostnaður um 73,4%.
Verzlunarbankinn er aðili að
Húsi verzlunarinnar og greiddi
hann á árinu 219,0 millj. kr. til
þeirra framkvæmda.
Innlán
Innlánsaukning bankans á síð-
asta ári varð 6090,6 millj. kr. eða
67,9%, sem er mesta hlutfallsleg
aukning sem orðið hefur hjá
bankanum frá upphafi og er yfir
meðaltalsaukningu bankakerfis-
ins á sl. ári.
Heildarinnstæður námu
15.064,9 millj. kr. Spariinnlán
námu 12.019,0 millj. kr., en velti-
innlán voru 3.045,9 millj. kr. Bank-
inn rekur 5 útibú, fjögur í Reykja-
vík og eitt úti á landi, þ.e. í
Keflavík. Hlutfallsleg aukning
innlána í útibúum var 81,3% á
móti 62,9% í aðalbankanum. Inn-
lánsaukning varð að sjálfsögðu
mest á þeim reikningum, sem bera
hæsta vexti, þ.e. vaxtaaukareikn-
ingum. Á árinu var opnaður nýr
innlánsflokkur, sem er verð-
tryggður miðað við lánskjaravísi-
tölu. Þessir reikningar voru
bundnir til 2ja ára. Ekki var í
fyrstu mikill áhugi fyrir þessum
reikningum og mun hinn langi
binditími hafa átt sinn þátt í því.
En nú hefur binditíminn verið
styttur í 6 mánuði og hefur það
stóraukið áhuga fólks fyrir þess-
um reikningum, sem eru fyllilega
samkeppnisfærir við spariskír-
teini ríkissjóðs.
Útlán
Útlán bankans námu í árslok
12.987 millj. kr., þar af er hlutur
Verzlunarlánasjóðs 3.286 millj. kr.
Útlánaaukning bankans varð
48,8% á árinu 1980. Útlánaaukn-
ing þessi er mjög í anda þess
samkomulags, sem gert var við
Seðlabankann um að innláns-
stofnanir bættu lausafjárstöðu
sína frá því sem var lengst framan
af árinu.
Hlutfallsleg skipting útlána
bankans í árslok er sú, að stærsti
hlutinn eða 52,9% fer til verzlun-
ar. Næst stærsti hlutinn eða
26,9% eru lán til einstaklinga.
Útlán til annarra greina eru
rúmlega 20%.
Verzlunar-
lánasjóður
Stofnlánadeild bankans, Verzl-
unarlánasjóður, afgreiddi á árinu
142 ný lán að upphæð 1.601,0 millj.
kr. og jukust þau um 81,4% á
árinu. Ef lán Verzlunarlánasjóðs
Félagslíf og frímerkjasýningar
Því miður verð ég að segja
eins og mér finnst, að ég álít
félagslíf meðal íslenzkra frí-
merkjasafnara heldur dauft um
þessar mundir. Vafalaust er eng-
in ein skýring tiltæk, enda getur
margt haft hér áhrif, beint og
óbeint. Ég held samt, að einn
þáttur skipti ekki svo litlu máli,
og hann er sá, að oft lendir það,
sem gera þarf, á of fáum herð-
um. Og þá þreytast menn að
vonum og þá ekki sízt, þegar nær
allir hafa nóg að gera í daglegu
brauðstriti.
Eitt færir mönnum þó heim
sanninn um það, að menn geta
hrist af sér slenið, ef þeir vilja
og eru samtaka. Þá á ég við þær
frímerkjasýningar, sem haldnar
hafa verið á liðnum árum. Og
ekki þarf að fara langt aftur —
ekki lengra en til daganna í
nóvember sl., þegar Félag frí-
merkjasafnara hélt sýningu í
sambandi við Dag frímerkisins,
FRÍM 80. Á stjórn F.F. þakkir
skildar fyrir framtak sitt, ekki
sízt formaður félagsins, Páll H.
Ásgeirsson, og formaður sýn-
ingarnefndar, Jóhann Guð-
mundsson.
Ég hlýt að játa, að ég var
sjálfur ekki of bjartsýnn, þegar
fyrst var imprað á að halda
þessa sýningu. En þar sem ég
léði máls á að sitja í sýningar-
nefnd, átti ég þess kost að
kynnast því, hversu samhuga
menn geta orðið — og þá ekki
sízt, þegar forystan er styrk.
Um það held ég flestir geti
verið sammála, að hér tókst vel
til. FRÍM 80 var líka þess eðlis,
að hún höfðaði vel til almenn-
ings á margan hátt. Sýningin
um
i ÍSLAND :
Frlmerki
eftir JÓN AÐAL-
STEIN JÓNSSON
var einnig mjög vel sótt og
skilaði F.F. góðum hagnaði, sem
allur rennur til félagsstarfsins
og um leið til kynningar á hollri
og góðri tómstundaiðju. Þá
munu og allmargir nýir félags-
menn hafa bætzt við í raðir
F.F.-manna og þá í beinu fram-
haldi af þessari sýningu.
Þá er afmæiissýning F.F.
framundan, því að 11. júní 1982
verður félagið 25 ára. Er það
ekki lítill atburður í íslenzkri
frímerkjasögu. Veit ég, að stjórn
félagsins er þegar farin að hugsa
til þessa afmælis og þess starfs,
sem vinna þarf. Er vonandi, að
sem flestir félagsmenn leggií hér
hönd á plóginn.
Þá veit ég, að stjórn L.Í.F.
hefur í athugun, að íslenzkir
safnarar geti tekið að sér að
halda samnorræna frímerkja-
sýningu, sem nefnist Nordia og
haldin hefur verið árlega á
Norðurlöndum um nokkur ár.
Væri vissulega bæði gagn og
gaman að geta haldið slíka
sýningu hér á landi, en auðvitað
kostar það bæði fé og ekki síður
fyrirhöfn, þar sem við erum svo
fá. Enginn vafi leikur samt á því,
að við höldum þess konar sýn-
ingu á íslandi fyrr eða síðar.
Aðalfundur Félags
frímerkjasafnara
var haldinn 26. febrúar sl.
Ekki neita ég því, að hann hefði
mátt vera fjölsóttari en raun
varð á. Fundarstörf fóru fram
með hefðbundnum hætti og er
engin ástæða til að rekja þau
hér. Stjórnin er að mestu
óbreytt frá síðasta ári. Páll H.
Ásgeirsson er formaður, Þórir
Kristmundsson varaformaður,
Óskar Jónatansson ritari, Magni
R. Magnússon gjaldkeri og Hugi
Ármannsson spjaldskrárritari.
Meðstjórnendur eru Hjalti Jó-
hannesson og Jóhann Guð-
mundsson, en varamenn í stjórn
þau Ellen Sighvatsson og Her-
mann Pálsson.
í F.F. eru nú tæplega 300
félagsmenn. Fundir eru haldnir
mánaðarlega frá í september og
þar til í maí. Innanfélagsuppboð
á alls konar frímerkjaefni eru
tvisvar til þrisvar á ári, og þau
eru yfirleitt mjög vel sótt.
Félagsheimili F.F. er að Amt-
mannsstíg 2 og er opið öllum á
miðvikudögum kl. 17—19, en
félagsmönnum og gestum þeirra
á laugardögum kl. 15—18. Á
siðasta ári komu rúmlega 1200
gestir í herbergi félagsins, og
var það veruleg fjölgun frá árinu
á undan.
Ég hef haft öruggar spurnir af
því, að F.F. ætli að halda markað
með myntsöfnurum laugardag-
inn fyrir páska, þ.e. 18. apríl nk.
Frímerkja- og myntmarkaður
hefur verið haldinn síðustu tvö
ár, og hafa safnarar og aðrir
flykkzt á hann, enda oft hægt að
fá þar gott efni í söfn sín og eins
losna við annað í skiptum.
Frímerkjauppboð F.F.
var haldið 14. febrúar sl., og
var það nokkuð kynnt hér í
þættinum skömmu áður. Því
miður hafa þessir þættir verið
nokkuð strjálir að undanförnu,
og þess vegna hefur ekkert verið
sagt frá uppboðinu. Þá gat ég
ekki sjálfur sótt uppboðið og
fylgzt með því, en ég hef aftur á
móti haft tækifæri til að athuga
niðurstöðu þess.