Morgunblaðið - 21.03.1981, Qupperneq 25
MORGUNBLAÐIÐ, LAUGARDAGUR 21. MARZ 1981
25
Hólmsteinn kemur til hafnar á Stokkseyri að lokinni leit, en fyrir ströndinni má sjá mörg skip á leitarsvaeðinu.
„í gegn um særokið sá ég
mann hanga á kili báts“
„Sá möstrin leggjast niður og bátnum hvolfa“
Hinrik ólafsson vörubílstjóri. Um 20 bátar kembdu hafið út af Stokkseyri iiðlega kiukkustund eftir að Þernu hvolfdi.
í Þorlákshöfn i
gærkvöldi. Skip-
verjar á Hafsæl
sem björguðu
Gunnsteini af
kili. Skipstjór-
inn, Hólmar Viðir
Gunnarsson er
annar frá
hægri.
SKJÓTT var ^ brugðid við
þegar Þernu ÁR 22 hvolfdi
skammt undan Þorlákshöfn
um fimmleytið í gær, því
vörubílstjóri á bryggjunni
á Stokkseyri sá þegar bátn-
um hvolfdi, en hvöss norð-
anátt var á með gaddi og
vindöldu. Morgunblaðs-
menn fylgdust með björg-
unaraðgerðum úr lofti yfir
slysstað á Stokkseyri og í
Þorlákshöfn.
„Ég var niðri á bryggju
að losa net fyrir Ilólmstein
ÁR sem var nýkominn að
og þegar mér varð allt í
einu litið til sjávar sá ég
hvar bátnum var að hvolfa.
Ég sá möstrin leggjast
niður og báturinn virtist
strax fara á hvolf,“ sagði
Hinrik ólafsson vörubíl-
stjóri frá Baugsstöðum í
samtali við Mbl. í gær, „ég
hljóp strax til þeirra á
Hólmsteini og sagði þeim
hvað hefði skeð og þeir
leystu landfestar samstund-
is og sigldu á vettvang og
komu rétt á eftir Hafsæl.“
Strax voru kallaðar út björgun-
arsveitir og nálæg skip sigldu á
vettvang þar sem leit var skipu-
lögð fram í myrkur án árangurs.
Morgunblaðið ræddi einnig við
skipstjórann á Hafsæl EA 85,
Hólmar Víði Gunnarsson, og sagð-
ist honum svo frá: „Við vorum á
landleið eftir að hafa lagt netin
þegar ég veitti eftirtekt einhverju
torkennilegu á sjónum og þegar
betur var að gáð í gegnum særokið
sá ég mann hanga á kili báts sem
maraði í kafi. Við náðum að
flakinu eftir skamma stund og
gátum bjargað skipverjanum, en
félaga hans tvo sáum við ekki.
Annar hafði verið í stýrishúsi
þegar bátnum hvolfdi og skaut
honum upp skömmu síðar nokkuð
frá bátnum og hinn bar einnig frá
bátnum. Þeir náðu ekki kili og við
sáum þá aldrei en báturinn mar-
aði í yfirborðinu í einar 10 mín.
eftir að við komurn."
Aðspurður hvort hann hefði
bjargað manni áður svaraði
Hólmar Víðir: „Ég hef ekki bjarg-
að manni áður, en mér hefur verið
bjargað á mjög svipaðan hátt og
við mjög líkar aðstæður og voru
nú. Það var árið 1973 við Sand-
gerði, við vorum þrír á 12 tonna
bát sem hvolfdi í illviðri og við
komumst á kjöl og vorum svo
heppnir að Víðir II bjargaði okkur
öllum.
Það má því segja að maður hafi
reynsluna. Gunnsteinn var furðu
brattur þegar við náðum honum.
Við reyndum að hlúa að honum og
hann var strax settur í þurr föt, en
það var verst að ná ekki öllum.“
-á.j.
Um 160 manns
ræddu umhverfi og
útivist í þéttbýli
UM 160 manns sóttu i gær ráðstefnu um umhverfi og útivist i þéttbýli,
sem Samband isl. sveitarfélaga, Landvernd og Félag isl. landsiagsarki-
tekta efndu til á Kjarvalsstöðum. Voru margir fulltrúa langt að
komnir úr sveitarfélögunum úti á landi, en þar voru fulltrúar
aðildarfélaga Landverndar. landslagsarkitektar. skipulagsfólk, garð-
yrkjufólk og fleiri, og var um viðfangsefnið fjallað i 6 umræðuhópum
að framsögucrindum loknum. Stóð ráðstefnan allan daginn, en matur
og kaffi framreitt á staðnum.
Jón G. Tómasson, formaður
sambandsins, setti ráðstefnuna kl.
9.40. Forstöðumanni umhverfis-
málastofnunar Bergen, Anders
Kvam, hafði verið boðið sérstak-
lega til ráðstefnunnar og flutti
hann erindi um skipulag umhverf-
ismála í sveitarfélögum í Noregi,
lýsti starfsháttum þar. Þá voru
flutt sex framsöguerindi: Álfheið-
ur Ingadóttir, formaður, ráðsins
talaði um stefnu og störf Um-
h verf ismálaráðs Rey kj avíkur-
borgar, Hafliði Jónsson garð-
yrkjustjóri um gildi grænna
svæða og samstarf sveitarfélaga
um ræktunarmál, Tryggvi Gísla-
son skólameistari og formaður
skipulagsnefndar Akureyrar um
umhverfismótun sem þátt í skipu-
lagsmálum, Baldur Andrésson
arkitekt hjá Skipulagi ríkisins
Anders Kvam i ræðustól.
talaði um hlutverk útivistarsvæða
í skipulagi þéttbýlis, Húnbogi Þor-
steinsson sveitarstjóri í Borgar-
nesi um umhverfismál í kauptúna-
hreppum og Einar E. Sæmundsson
um umhverfi og útivist í þéttbýli.
Og Haukur Hafstað framkvæmda-
stjóri Landverndar kynnti niður-
stöður umhverfiskönnunar, sem
Frá ráðstefnunni.
Landvernd lét gera í 22 sveitarfé-
lögum í þéttbýii nýlega.
Umræðuhópar störfuðu síðdeg-
is, en þeir fjöiluðu um: Útivistar-
svæði í aðalskipulagi, samstarf
sveitarfélaga að umhverfis- og
útivistarmáium, stöðu og upp-
byggingu umhverfismálaflokksins
Ljóen. ÓI.K.Ma«.
innan ramma stjórnkerfis sveitar-
félagsins, útivistarsvæði og nýt-
ingu þeirra og búnað, um fjármál
umhverfismála og loks um um-
hverfiskönnun Landverndar. En
umræðuhópar skipuðu áliti í lok
umræðna og sleit Þorleifur Ein-
arsson formaður Landverndar
ráðstefnunni.