Morgunblaðið - 21.06.1981, Blaðsíða 20

20
MORGUNBLAÐIÐ, SUNNUDAGUR 21. JÚNÍ1981
Fjórðungsmót sunn-
lenskra hestamanna
haldið að Hellu
FJÓRÐUNGSMÓT sunnlenskra hestamanna verður
haldið á Hellu, dagana 2. til 5. júlí í sumar, að því er
fram kom á blaðamannafundi sem framkvæmdanefnd
mótsins efndi til. Framkvæmdanefndina skipa þeir
Bergur Magnússon, Fáki, formaður, Bjarni H. Ansnes,
Smára, ritari, Steinþór Runólfsson, Hrossaræktarsam-
bandi Suðurlands, gjaldkeri, Birgir Guðmundsson,
Sleipni, Hreinn Ólafsson, Herði, Jóhannes Guðmunds-
son, Gusti og Gunnar Jóhannsson, Geysi, framkvæmda-
stjóri.
Fimmtán hestamannafélög,
vestan úr Hvalfirði austur að
Lómagnúp og Hrossaræktar-
samband Suðurlands taka þátt
í mótinu, sem verður hið fjöl-
mennasta í ár, að sögn fram-
kvæmdanefndarinnar og er
gert ráð fyrir milli 5 og 10
þúsund þátttakendum.
Á dagskrá verða hefðbundn-
ar greinar svo sem A og B
flokkskeppni gæðinga, ungl-
ingakeppni í flokki 13 til 15 ára
og í flokki 12 ára og yngri. Auk
Merki mótsins
þess verður í samráði við
íþróttadeildir aðildarfélaganna
háð töltkeppni. Fjöldi hrossa í
þessum greinum er um 80. I
kappreiðum eru skráð til leiks
rúmlega 100 hross og eru það
öll sterkustu hlaupahross
landsins því tímamörk, sem
sett voru eru þau ströngustu
sem sett hafa verið hér á landi.
Til samræmis við það eru
verðlaunin í kappreiðunum þau
hæstu sem um getur, en þau
geta orðið allt að 80.000 kr.
Helstu nýjungar á þessu
móti eru þær að sérstök sýning
verður fyrir þau bú sem stunda
markvissa hrossarækt. Fimm
ræktunaraðilar taka þátt í
þeirri sýningu. Samanlagður
fjöldi hrossa í keppni og sýn-
ingum verður yfir 400.
Framkvæmdanefndin hefur
ákveðið að hver aðgöngumiði
að mótinu gildi sem happ-
drættismiði og verður dregið
um vinningana mótsdagana.
Þá hefur verið komið af stað
kappreiðaveðmáli, en það mun
vera nýjung hérlendis. Veðmál-
ið er í formi getraunaseðla og
þar sem svo strangt úrval er
viðhaft í kappreiðunum, koma
öll hross til greina í verðlauna-
sæti. Á vegum fjórðungsmóts-
ins og Landssambands hesta-
manna hefur verið gefinn út
upplýsingabæklingur og af-
rekaskrá svo allir landsmenn
geta tekið þátt í veðmálunum.
Að sögn framkvæmdanefnd-
arinnar verður allt fyrirkomu-
lag á mótsstað með þeim hætti
að um ánægjulega fjölskyldu-
skemmtun verði að ræða og
góða útivistarhelgi, en stutt er
á fallega staði frá Hellu, s.s. í
Fljótshlíðina og Eyjafjöllin.
Tjaldbúðaaðstaða verður góð
og völ á öllum veitingum á
staðnum. Gert er ráð fyrir að
þeir sem vilja vera út af fyrir
sig í rólegheitum, geti verið
það, en dansleikir verða haldn-
ir á Hvolsvelli fyrir unga
fólkið. Á mótsstað verður eitt-
hvað um að vera allan tímann
og á laugardagskvöldinu verð-
ur skemmtun þar sem. frám
koma landsþekktir skemmti-
kraftar. Þá hafa hestamenn
efnt til vísnakeppni, að sjálf-
sögðu í anda mótsins, og hafa
fyrripartarnir þegar verið
sendir út, en menn munu
spreyta sig á því að botna á
mótinu og dómnefnd skera úr
um gæði kveðskaparins.
Hestamannafélagið Geysir,
sem leigir svæðið, hefur byggt
það mjög myndarlega upp á
undanförnum tveimur árum.
Hafa Geysismenn byggt 300 m2
samkomuhús og sáð í nokkra
tugi lands og er öll aðstaða til
mótshalds nú hin ákjósan-
legasta. Hestamenn ættu því
að eiga ánægjulega mótshelgi í
vændum á Hellu í sumar.
EFÞAÐERFRÉTT-
NÆMT ÞÁ ER ÞAÐ í
MORGUNBLAÐENTJ
Helgi H. Hannesson sigr-
aði í spurningakeppni úr
Gamla testamentinu
Úrslitaeinvígið i spurningakeppninni úr
Gamla testamentinu var háð i útvarpssal sl.
sunnudag og eins og hlustendur vita sigraði
Ilclgi Ilermann Ilannesson, háskólastúdent,
mótherja sinn Sæmund Gisla Jóhannesson á
endasprettinum eftir óvenju spennandi
keppni. Helgi mun þvi halda utan til ísrael i
haust þar sem lokakeppnin fer fram, en þar
munu leiða saman hesta sína sigurvegarar
frá löndum viða um heim. ísraelsmenn hafa
haldið þessa keppni i mörg ár cn þetta er i
fyrsta skipti sem ísland er þátttakandi.
Formaður undirbúningsnefndar hér á landi
var Bernharður Guðmundsson, fréttaritari
Þjóðkirkjunnar og alls tóku sextán manns
þátt i keppninni. Dómarar keppninnar
hérlcndis voru þeir Þórir Kr. Þórðarson,
prófessor i gamlatestamentisfræðum við
Háskóla íslands og Gunnlaugur A. Jónsson,
guðfra'ðingur og blaðamaður.
Mhl. átti stutt spjall við þá Helga og
Sæmund.
Helgi Hermann Hannesson:
„Biblían, ótæm-
andi f jársjóður
„Ég byrjaði ekki að lesa Biblíuna að ráði fyrr en ég
varð 19 ára en núorðið les ég hana á hverjum degi,
alltaf kvölds og morgna og einnig þess á milli hafi ég
tíma,“ sagði Helgi Hermann Hannesson, 28 ára
háskólanemi, í samtali við Mbl. „Biblían er ekki dauð
og úrelt bók heldur lifandi orð Guðs, þess sem skapaði
heiminn og með því að lesa Biblíuna fræðist ég um
Guð, manninn og lífið. Að þessu leyti er hún ótæmandi
fjársjóður."
Helgi hefur búið í Bandaríkj-
unum í samtals átján ár, en
foreldrar hans eru búsettir i
New Jersey. Helgi er sonur
hjónanna Hannesar B. Krist-
inssonar efnaverkfræðings frá
Akureyri og Jóhönnu Her-
mannsdóttur. Síðastliðin tvö ár
hefur Helgi verið búsettur í
Reykjavík.
„Ég var við nám í fjögur ár
hjá óháðum söfnuði í Oregon í
Bandaríkjunum og lærði þar
m.a. grísku og hebresku og um
Biblíuna. Eftir að ég kom heim
frá Bandaríkjunum hef ég einnig
lagt stund á þessar greinar tií
þess að halda kunnáttunni við,
en annars hef ég áhuga á
flestum greinum raunvísinda,
líffræði, eðlisfræði, heilsufræði
og hef alltaf verið hálfgerður
bókaormur."
— Hefurðu sérstakt dálæti á
ákveðnum kafla í Biblíunni?
„Ég á marga uppáhaldskafla
og nær ómögulegt er að gera upp
á milli þeirra, það þyrfti að
nefna svo margt. Ég held mikið
upp á Jóhannesarguðspjaliið. Yf-
irleitt les ég einn sálm, einn
kafla úr Orðskviðunum og einn
kafla úr Guðspjöllunum dag
hvern. Sálmar númer 1, 23, 100,
111 finnst mér einnig sérstakir.
Þótt ég reyni að komast reglu-
lega yfir Biblíuna, les ég hana
vegna þeirrar blessunar, sem
hún veitir mér en ég tel ekki
skiptin sem ég hef farið yfir
hana.
Þegar ég fluttist til íslands
aftur hugðist ég stofna söfnuð
svipaðan þeim og ég dvaldi hjá í
Oregon, en ég byrjaði á því að
kynna mér þá söfnuði, sem fyrir
hendi voru hér og eftir að hafa
hugsað mig um og leitað vilja
Guðs ákvað ég að starfa með
Elím, sem er óformlegur söfnuð-
ur. Við höldum samkomur á
sunnudögum og þriðjudögum að
Grettisgötu 62, og auk þess eru
Bibliulestrar aðra hverja viku í
heimahúsum."
— Hvernig lýst þér á að taka
þátt í keppninni í ísrael?
„Ég hlakka mikið til að fara
þó ég geri mér ekki miklar vonir
um að sigra. Ég vonast til þess
að geta dvalið þarna í nokkrar
vikur og skoðað mig um eftir
keppnina. Keppendur eru frá
rúmlega fjörutíu löndum en það
geta alltaf gerst kraftaverk!"
Sæmundur G. Jóhannesson:
„Les Biblíuna til að
endumýja kraftana“
„Ég er undrandi yfir því hvað ungi maðurinn var
seigur, en ég er mjög ánægður með þessi úrslit. Helgi
mun þá fara út í haust. Ég hefði hvort eð er ekki viljað
fara án konu minnar, en hún er bundin heima. Svo fer
maður að verða gamall, en Helgi er maður framtíðar-
innar," sagði Sæmundur G. Jóhannesson, 81 árs, þegar
blm. hringdi til hans á Akureyri í gær.
„Fystu Biblíuna eignaðist ég
við fermingu, síðan þá hef ég
lesið hana margoft. Og lesturinn
hef ég aukið eftir að ég fór að
eldast. Ég byrjaði að lesa Biblí-
una þegar ég var á áttunda ári,
eða strax og ég varð læs. Þetta
var Oxford-útgáfan frá 1866.
Hún var með stóru letri og ég las
hana við tunglsljós heima í
baðstofunni á kvöldin. Núorðið
les ég Biblíuna alla um fjórum
sinnum á ári.“
Ég átti talsvert bókasafn
heima í Finnmörk í Miðfirði, þar
sem ég er fæddur, en það brann
allt saman fyrir nokkrum árum.
Mestan áhuga hef ég haft á
trúvarnarritum og mikill hluti
bóka minna er eftir enska
trúfræðinga.
í Biblíunni stendur að orð
Guðs sé lifandi og kröftugt...
„og beittara hverju tvíeggjuðu
sverði og smýgur inni innstu
(,
fylgsni sálar og anda, liða-
móta og mergjar og er vel
fallið til að vera dómari hug-
renninga og hugsana hjart-
ans.“ (Hebr. 4.12.).
og þegar ég les biblíuna bið ég
Guð um að láta orð sitt endur-
nýja krafta mína, bæði sálar og
líkama.