Morgunblaðið - 11.08.1981, Qupperneq 27

MORGUNBLAPIÐ, ÞRIÐJUDAGUR 11. ÁGÚST 1981
27
Dýrmæt stig
til KA
- eftir góðan sigur á Val 3-0
VALSMENN riðu ekki feitum hesti frá leik sinum við KA norður á
Akureyri á föstudaginn en KA sigraði örugglega 3—0 eftir að staðan
í hálfleik hafði verið 1—0. Með sigri þessum má segja að KA hafi
blandað sér all hressilega i toppbaráttu deildarinnar og eru þeir nú til
alls liklegir.
Fyrri hálfleikur
KA-menn hófu leikinn með sókn
og þurftu áhorfendur ekki að bíða
lengur en í fjórar mínútur eftir
fyrsta góða færi þeirra. Eyjólfur
Ágústsson átti þá misheppnað
skot af vítateig og boltinn barst til
Gunnars Blöndal sem var að-
þrengdur af varnarmanni á
markteig en gott skot hans fór
framhjá.
Nú dofnaði heldur yfir leiknum
og fór hann að mestu leyti milli
vítateiga. Bæði liðin gerðu sér far
um að spila þó að það virtist ekki
bera tilætlaðan árangur. Næsta
færi féll KA mönnum í skaut eins
og reyndar flest færin í þessum
leik. Það var á 14. mín. Þá átti
Hinrik Þórhallsson fast skot að
marki Vals. ólafur markvörður
varði en hélt ekki boltanum. Hann
barst út í teiginn þar sem Valur
Valsson hreinsaði af tánum á
Gunnar Blöndal. Fjórum mínútum
síðar áttu Valsmenn sitt fyrsta og
jafnframt eina færi í fyrri hálfleik
og þar voru að verki Valur Vals-
son og Hilmar Sighvatsson. Valur
lék skemmtilega á varnarmann
KA á vinstri kanti gaf síðan vel
fyrir þar sem Hilmar skallaði
fastan bolta framhjá.
Lítið markvert skeði á næstu
mínútum og sá blm. sig ekki
knúinn til að punkta neitt niður.
Þó færðist fjör í leikinn á síðustu
fimm mínútum hálfleiksins þegar
KA-menn sóttu nær linnulaust að
marki Valsmanna. Á 42. mínútu
sendi Eyjólfur fyrir markið og þar
var fyrir Ásbjörn Björnsson sem
kastaði sér niður og skallaði en í
hliðarnetið rétt við stöngina. Að-
eins tveim mínútum síðar kom svo
fyrsta mark KA. Elmar Geirsson
tók horn. Markmaður Vals hafði
hendur á boltanum en missti hann
frá sér til Ásbjarnar Björnssonar
sem þakkaði pent fyrir sig og
skallaði boltann í netið.
Seinni hálfleikur
í seinni hálfleik þyngdist sókn
KA heldur og hafði það ábyggi-
lega sitt að segja að Grími Sæm-
undssen var vikið af leikvelli á 57.
mín. eftir að hann hafði brotið
mjög gróflega á Elmari Geirssyni.
Á 63. mín. kom svo annað mark
KA. Þeir spiluðu vel upp miðjuna.
Þaðan barst boltinn síðan á hægri
kantinn til Elmars sem tók á rás
upp að endamörkum, gaf síðan
boltann fyrir markið og beint á
kollinn á Hinrik Þórhallssyni sem
kom á fullri ferð og skallaði
gullfallega í netið.
Má segja að KA-menn hafi
ráðið lögum og lofum á vellinum á
næstu mínútum og var sem allur
vindur væri úr Valsmönnum. Á 75.
mín. braust Ásbjörn af harðfylgi í
gegnum vörnina, skaut föstu skoti
en Ólafur varði vel.
En á 79. mín. létu Valsmenn
loks vita að þeir væru líka á
vellinum. Þá lék Hilmar Sig-
hvatsson skemmtilega á Gunnar
Gíslason á hægri kanti, skaut
síðan föstu skoti rétt utan við
hægra vítateigshorn en Aðal-
steinn Jóhannsson varði vel.
Á 85. mín. innsigluðu KA-menn
svo sigur sinn. Elmar Geirsson
fékk þá stungubolta inn fyrir
Valsvörnina frá Jóhanni Jakobs-
syni, hljóp af sér alla vörnina og
renndi örugglega framhjá mark-
manninum. Á síðustu mínútu
leiksins hljóp smá grimmd í
Valsmenn en má segja að það hafi
verið heldur seint. Mátti Aðal-
steinn þá leggja sig allan fram og
varði hann tvisvar mjög vel skot
af stuttu færi. í heildina var
leikurinn kannski ekkert sérstak-
lega vel leikinn og fór mikill hluti
hans fram á miðjunni. KA-menn
áttu þó sigurinn fyllilega skilinn.
Liðin
Lið KA spilaði oft á tíðum vel
• Ómar Torfason Víking skorar annað mark sitt gegn Þór, er liðin
iéku á laugardag í 1. deild.
Gunnar sigraði tvöfalt
í Saab-Toyota mótinu
UM HELGINA fór fram að Jaðri
við Akureyri Saab-Toyota-mótið i
golfi. Mótið var opið og voru
leiknar 36 holur bæði með og án
forgjafar. Verðlaunin til mótsins
voru gefin af Bláfelli en það
hefur umboð fyrir Saab og Toy-
ota á Akureyri. Úrslit i mótinu
urðu sem hér segir:
Án forgjafar:
högg
1. Gunnar Þórðarson 147
r,
2. Jón Þór Gunnarsson 156
3. Þórhallur Pálsson 161
4. Héðinn Gunnarsson 164
Með forgjöf: högg
1. Gunnar Þórðarson 139
2. Héðinn Gunnarsson 146
3.-4. Sverrir Þorvaldsson 147
3.-4. Þórhallur Pálsson 147
jor.
• Njáll Eiðsson, Jóhann Jakobsson og Guðmundur Þorbjðrnsson berjast um boltann í leik KA og Vals.
Ljósm. sor
saman og sýndu það og sönnuðu
að þeir geta unnið hvaða lið sem
er. Vörnin saknaði í þessum leik
Haralds Haraldssonar sem hefur
verið mjög sterkur í sumar og
virkaði hún stundum óörugg en
það kom ekki að sök þar sem
sóknarþungi Valsmanna var ekki
fyrir hendi. Framlínan var spræk
en þó sérstaklega Elmar Geirsson
sem var besti maður KA í þessum
leik.
Lið Vals var ekki beysið í
þessum leik og virtist vanta bæði
baráttu og áhuga í leik liðsins, en
það kann ekki góðri lukku að
stýra. Það bætti heldur ekki úr
skák að um miðjan fyrri hálfleik
fór besti maður liðsins Njáll
Eiðsson út af vegna meiðsla.
Framlínan var með afbrigðum
döpur og var ekki hægt að sjá að
lið þetta væri í toppbaráttu deild-
arinnar.
í stuttu máli:
1. deild, föstudaginn 8. ágúst KA
- Valur 3—0 (1-0).
Mörk KA: Ásbjörn Björnsson á 44.
mín., Hinrik Þórhallsson á 63.
mín. og Elmar Geirsson á 85. mín.
Spjöld: Njáll Eiðsson Val gult og
Grímur Sæmundsen rautt.
Áhorfendur 1430.
Dómari: Vilhjálmur Þ. Vil-
hjálmsson.
- jor.
''
4# ^ *
Við hvetjum
alia til aö sýna
frjálsíþrótta
fólkinu okkar
stuðning í
verki —
mætum
á völlinn.
m
Í*L
FLUGFAR
fyrir Al 0ERTER, fjór-
faldan Olympíumeist-
> ara í kringlukasti, er
okkar framlag til
jP* REYKJAVÍKURLEIK-
ANNA sem verða
á þriðjudag og
miðvikudag og
hefjast kl. 19.00
báða dagana.
%KARNABÆR
H0LUW00Ð
Merkin sem marka má.