Morgunblaðið - 23.01.1982, Blaðsíða 38

38
MORGUNBLAÐIÐ, LAUGARDAGUR 23. JANÚAR 1982
Er skipulag íslandsmótsins f
handknattleik gengið sér til húðar?
I. DEILDARKEPPNIN í hand-
knattleik er nú hálfnuð. Ef stigatafla
móLsins er rifjuð upp, kemur í ljó.s
að a.m.k. 4 lið eiga góða möguleika
á að hreppa hinn eftirsótta ís-
landsmeistaratitil í ár. Ef allt væri
með felldu ætti mót, þar sem svo
tnorg lið eiga jafngóða möguleika á
að verða íslandsmeisstarar, að geta
boðið upp á mikla spennu og laðað
til sín mikinn fjölda áhorfenda.
Reyndin er nú samt önnur. Furðuleg
niðurröðun kemur öðru fremur
niður á mótinu og fyrir það gjalda
félögin.
Ekki veit ég hvort hinn almenni
áhorfandi gerir sér almennt grein
fyrir því hvað leikmenn 1. deildar
og margra 2. deildarliða leggja hart
að sér til að ná sem bestum árangri
á íslandsmótinu. Staðreyndin er
nefnilega sú, að liðin stunda þrot-
lausar æftngar 9 til II mánuði á ári
til þess eins, að því er virðist, að
taka þátt í „sundurslitnu** íslands-
móti, scm stendur eðlilegri þróun
handboltans á íslandi fyrir þrifum.
Flest góð 1. deildarlið æfa 4—5
sinnum í viku, sem er sama og
leikmenn heimsmeistara Vestur-
Þjóðverja gera með sínum félags-
liðum. Munurinn er bara sá, að í
Vestur-Þýzku Bundesligunni eru
ieiknir 26 leikir, reyndar frá miðj-
um september fram í maí. Danir,
sem við gjarnan berum okkur
saman við, æfa 2 sinnum til 3
sinnum t' viku. Þeir leika þó 18
leiki og er niðurröðun á þeirra 1.
deildarkeppni töluvert samfelldari
en okkar. Þó taka Danir þátt í að-
alkeppni heimsmeistarakeppninn-
ar í febrúar og marz á þessu ári.
Ef íslandsmót það, sem nú er
hálfnað og styrinn stendur um, er
skoðað nánar, kemur í ljós að mót-
ið byrjaði vel. Einn leikur á viku
hjá hverju liði og alls voru leiknar
3 umferðir. Spenna var í mótinu
og áhorfendum fjölgaði jafnt og
þétt. Síðan er gert hlé á mótinu
vegna Tékkóslóvakíuferðar lands-
liðsins, sem margir hafa gagnrýnt
sem hreina og beina tímaskekkju,
og nær hefði verið að geyma sér
þessa ferð þar til á næsta ári. Ferð
þessi kom þó harðast niður á Vík-
ingurn, sem náðu ekki að undirbúa
lið sitt sem skyldi fyrir fyrri leik
sinn við spænsku meistarana Atl-
etico Madrid.
Þráðurinn var svo tekinn upp að
nýju viku eftir að landsliðið kom
heim frá Tékkóslóvakíu og tvær
umferðir leiknar á mótinu. Síðan
er gert eðlilegt hlé á mótinu vegna
undirbúnings og þátttöku lands-
liðs Islands, skipað leikmönnum
21 árs og yngri, í heimsmeistara-
keppninni í Portúgal. Sjötta um-
ferð var svo leikin í kringum 20.
desember, á þeim árstíma, sem
menn gjarnan hugsa um eitthvað
annað en handbolta. Sjöunda um-
ferð fór síðan fram t janúarbyrj-
un.
Eftir þessa skrykkjóttu fyrri
umferð, hefði mátt ætla að seinni
umferð færi fram með eðlilegum
hætti og leikinn yrði að meðaltali
1 leikur á viku, sem er það ákjós-
anlegasta. Félagsliðin hafa for-
gang, segir landsliðsþjálfarinn í
viðtali við eitt dagblaðanna. En
mótið kemur til með að ráðast á 10
dögum frá 30. janúar að telja. Þá
eiga liðin að leika 3 leiki á 10 dög-
um. Allt skal sett til hliðar fyrir 5
heimalandsleiki í febrúar. HSI
hefur oft réttilega bent á, að þeir
þurfi að leika marga heimalands-
leiki til að fá tekjur í kassann. En
hvað þá með þær tekjur, sem fé-
lögin þurfa að fá af 1. deildar-
keppninni til að reka kostnaðar-
samar handknattleiksdeildir?
Þrátt fyrir þessa furðulegu niður-
röðun er aðsókn eitthvað að
aukast eftir ládeyðu undanfarinna
ára, sem betur fer fyrir félögin.
Eitt er víst að aðsóknin myndi enn
aukast ef mótið færi fram með
eðlilegri hætti.
►
Ekki B-ár
Töluvert hefur verið rætt og rit-
að um það hvort landsliðið eigi að
hafa forgang eða ekki. Þessar um-
ræður litu dagsins Ijós er Víkingar
bentu á að á þá hefði verið hallað
vegna títt nefndrar Tékkóslóv-
akíuferðar landsliðsins. Málið er
ekki svo einfalt að hægt sé að af-
greiða það með einföldu jái eða
neii. Verkefnum þarf að raða eftir
mikilvægi. Meta þarf möguleika
íslenskra félagsliða í Evrópu-
keppni til jafns við möguleika
landsliða okkar í forkeppni (sem
við leikum í annað hvert ár).
Hagsmunir félaga og landsliðs
eiga að geta farið saman ef rétt er
haldið á málum.
Með tilliti til þess, að um algjört
„milliár" er að ræða hjá okkur ís-
lendingum, hefði aðaláherzla átt
að vera á 21 árs landsliðið (frekar
hefði átt að senda það til Tékkó)
og Evrópukeppni félagsliða, þar
sem möguleikar eru meiri heldur
en til dæmis næsta ár, þar sem
margar Austur-Evrópuþjóðir taka
ekki þátt í Evrópukeppni í ár. Á
svokölluðu „milliári" náði Valur
sínum besta árangri í Evrópu-
keppni. Síðast en ekki síst hefði
verið upplagt tækifæri að spila
öfluga og fjöruga 1. deildarkeppni.
Næsta ár fer aftur á móti fram
forkeppni Ol-leika í Hollandi með
þátttöku 12 B-þjóða. Aðeins tvö lið
komast áfram á sjálfa Ol-leikana í
Los Angeles 1984 og að því marki
stefnir íslenzka liðið. í ár hefði ísl.
landsliðið leikið u.þ.b. 25 lands-
leiki ef Búlgaríuferðin hefði ekki
fallið niður, sem hefði talist frá-
bær undirbúningur fyrir t.d.
næsta ár. Á meðan leikum við 1.
deildarkeppni með aðeins 14 leikj-
um. Hér er kannski kjarni
vandans þ.e.a.s. mótið sjálft. Er
ekki skipulag þess gengið sér til
húðar?
Er úrvaldsdeild það
sem koma skal?
Flestir ættu að geta verið sam-
mála um að núverandi mótafyr-
irkomulag og þar með leikjafjöldi
er ófullnægjandi. Flestir sjá í
hendi sér að hlutfall milli þess
sem er æft og leikið, er ekki rétt.
Hvað er þá til bragðs að taka?
Ilvaða fyrirkomulag hentar okkur
íslendingum best? Æ háværari
raddir eru uppi um að koma á 6
liða úrvalsdeild, svipað og tíðkast
hefur í körfuboltanum undanfarin
ár. Leikjum myndi þá fjölga úr 14
í 20, en vandinn felst í því að fá
slíka deild samþykkta, sérstaklega
hjá utanbæjarfélögunum.
Aðrir vilja halda 8 liðum í deild-
inni, leika tvöfalda umferð eins og
nú er gert, en að þeim loknum fari
fram keppni um 4 efstu sætin ann-
ars vegar, en 4 neðstu sætin hins
vegar og verði þá stigin í mótinu
látin gilda áfram. Þetta er nokk-
urn veginn sú hugmynd, sem Svíar
hafa notað að undanförnu í sinni
Allsvenskan.
Þeir róttækustu telja að við aqtt-
um að taka upp 8 liða úrvalsdeild
eða kalla hana landsliðsdeild, þar
sem allir leikmenn úr landsliði
yrðu væntanlega valdir úr þessari
deild. Leika ætti 4 umferðir og
fjölgaði þá leikjum í 28. Það liggur
í augum uppi að lengja yrði
keppnistímabilið og jafnvel leika
tvo leiki á kvöldi eins og forðum
daga, þegar Laugardalshöllin var
þéttsetin í hvert skipti sem leikið
var. Forsendur eru breyttar, því í
dag eru það ekki bara Valur og
Víkingur, sem draga til sín áhorf-
endur, heldur eru fleiri félög farin
að láta að sér kveða. Með því að
leika tvo leiki á kvöldi leysum við
húsnæðisvandann, sem ekki er
hægt að líta framhjá þegar við
tölum um breytt fyrirkomulag.
Með tveggja leikja fyrirkomulagi
væri bæði hægt að koma leikjum
Sýningarhópurinn á vegum Volvo
kemur til íslands í aprfl. Volvo hefur
safnað saman skíðameisturum sem
hafa sett saman sýningu, sem er sú
eina sinnar tegundar í heiminum í
dag. Þar eru samankomnir fyrrver
andi og núverandi heimsmethafar í
skíðafimi, sem sýna listir sínar víðs-
vegar um heim.
Þetta er fjórða árið í röð sem
Voivo-skíðasýningin er haldin, og
hafa þúsundir manna séð sýning-
una.
fyrir og skapa nauðsynlegt svig-
rúm fyrir okkar efnilega landslið.
Enn aðrir vilja fara bil beggja og
leika 3. umferð á hlutlausum velli
eða jafnvel láta draga um annan
heimaleikinn og skipta tekjum
jafnt, sem af honum kæmi.
Hvernig væri nú einu sinni að
vera framsýnir og taka upp 8 liða
landsliðsdeild og samþykkja hana
strax fyrir næsta keppnistímabil!
Hvað myndi ávinn-
ast með breyttu
fyrirkomulagi?
Áhorfendum fjöigar. Leikjum
fjölgar. Leikmenn liðanna kæmust
í betri leikæfingu og sæju meiri
tilgang í að æfa jafn mikið og
raun ber vitni um. íslenzkur hand-
knattleikur myndir þróast fram á
við, hugsanlega færu færri leik-
menn utan, þar sem ísl. landsliðs-
deildin yrði orðin ein sú skemmti-
legasta og erfiðasta sem leikin
yrði í heiminum í dag. Breytingin
yrði til þess að íslenzka landsliðið
myndi sjálfkrafa bæta sig um 25%
án þess að samæfing þess yrði
nokkuð meiri en hún er í dag. Eru
menn búnir að gleyma aðalbar-
áttumáli Vlado Stenzeis, lands-
liðsþjálfara Vestur-Þjóverja.
Hann beitti sé fyrir því að Bund-
esligan yrði leikin í einni deild og
leikjum fjölgað í 26, og eftir þá
breytingu urðu þeir heimsmeist-
arar.
A síðastliðnu ári kom skíðafólk-
ið fram rúmlega fimmtíu sinnum í
sjónvarpi í Evrópu, Bandaríkjun-
um og Suður-Ameríku.
Volvo-skíðasýningarhópurinn
kemur hingaö i boði Flugleiða og
Skíðasambands Islands.
I ár auglýsir Volvo-skíðasýn-
ingarhópurinn Flugleiðir á öllum
sýningum sínum um heim allan.
Hingað til Islands kemur hópur-
inn í apríl og verða sýningar í
Bláfjöllum 3. og 4. apríl nk.
Heimsmeistarar í
skíðafimi sýna
í Bláf jöllum
Jóhann Ingi
skrifar um
handknattleik
HINN kunni handknattleiksþjálfari,
Jóhann Ingi Gunnarsson, fyrrum
landsliðsþjáifari íslands, nú þjálfari
KR, mun á næstunni skrifa þrjár
greinar um handknattleik á íslandi.
Á síðunni í dag er fyrsta grein Jó-
hanns og ber hún fyrirsögnina Er
skipulag íslandsmóLsins í hand-
knattleik gengið sér til húðar? í
næstu grein mun Jóhann fjalla um
mál landsliðsins o.fl. Þá er rétt að
greina frá því að í dag verður úr því
skorið hvort Jóhann mun taka við
danska landsliðinu í handknattleik.
Bikarkeppni HSÍ
FH mætir
Fylki
NÆNTKOMANDI mánudagskvöld
fara fram tveir leikir í bikarkeppni
HSÍ í handknattleik í íþróttahúsinu í
Hafnarfirði. FH leikur gegn Fylki í
meLstaraflokki karla en í meistara-
flokki kvenna leika FH og Valur.
Kvennaleikurinn hefst kl. 20.30, en
karialeikurinn strax á eftir.
Víkingur mætir
KA í 1. deild
EINN leikur fer fram í 1. deild fs-
landsmótsins í handknattleik á
mánudagskvöldið í Laugardalshöll-
inni. íslandsmeistarar Víkings leika
gegn KA og hefst leikur liðanna kl.
20.00.
Úrvalsdeildin
í körfubolta
um helgina
TVEIR leikir fara fram í úrvalsdeild
íslandsmótsins í körfuknattleik um
helgina, einn í dag, en annar á morg-
un. í dag mætast ÍR og Fram I
íþróttahúsi Hagaskólans og hefst
leikurinn klukkan 14.00. Á morgun
eru það Valur og KR sem eigast við
og fer sá leikur einnig fram í Haga-
skólanum. Hann hefst klukkan
20.00.
Tveir leikir í
blakinu í dag
TVEIR leikir fara fram í 1. deild
íslandsmóLsins í blaki um helgina,
báðir í dag. Um klukkan 15.00 eigast
við UMSE og Þróttur í Glerárskóla á
Akureyri og í Hagaskólanum leika
klukkan 14.00 Víkingur og ÍS. Strax
að þeim leik loknum fer fram hörku-
leikur í 1. deild kvenna, ÍS og UBK
mætast, en það eru lang bestu lið
deildarinnar.