Morgunblaðið - 07.04.1982, Blaðsíða 18
18
MORGUNBLAÐIÐ, MIÐVIKUDAGUR 7. APRÍL 1982
Kristinn Guðjóns-
son forstjóri 75 ára
Maðurinn sem veitti birtu
inn í líf íslendinga
Árið 1933. Ungur drengur fluttist
að Sjafnargötu 12 og þar var þá fyrir
ungur maður, bróðir húseigandans.
Ekki man ég hvað þeim fór á milli,
unga manninum og litla drengnum,
þau ár sem þeir bjuKKu í sama húsi,
en rámar þó óljóst í sögur, hlátur og
svona eina og eina karamellu.
Ég heid að hvorugan hafi órað fyrir
því að æviþræðir þeirra ættu eftir að
tvinnast svo saman sem raun varð á.
En örlaganornirnar, sem aldrei
liggur á, héldu ótrauðar áfram að
vefa sinn vef og næst bar þá saman á
lífsins braut, þegar þeir voru kosnir
saman í stjórn Félags íslenskra iðn-
rekenda árið 1968. Og nú ófust
örlagaþræðir þeirra saman að nýju og
mynduðu fljótt ramman vef trúnað-
artrausts og órofa vináttu, vináttu
sem aldrei hefur borið skugga á.
Ég veit ekki hve margir gera sér
grein fyrir því að Kristinn er einn af
frumkvöðlum nútíma iðnaðar, ekki
aðeins íslensks iðnaðar, heldur líka
evrópsks iðnaðar.
Flúrlampar, og flúrlýsing, eru orð-
nir svo snar þáttur í öllu nútímalífi,
að við tökum þá sem sjálfsagðan hlut
og njótum birtu þeirra í öllum skól-
um, skrifstofum og verksmiðjum.
En þetta var ekki alltaf svo, lýsing
á öllum þessum vinnustöðum var
langtum lélegri og ófullkomnari hér
áður fyrr og hafði það vafalaust
óheilnæm áhrif, bæði á sjón fólks yf-
irleitt og svo hlýtur fólk að hafa
þreyst miklum mun fyrr og meira við
að þurfa að rýna í lélegri birtu við
vinnu sína.
Þeir eru vafalaust nokkrir, sem vita
að Kristinn Guðjónsson hóf fyrstur
manna framleiðslu og sölu flúrlampa
á íslandi, en ég held að það séu mjög
fáir, sem vita að það var hann, sem
var fyrstur manna í allri Evrópu, til
að hefja framleiðsiu flúrlampa.
Það þurfti mikla framsýni til þess
árið 1940 að sjá að flúrlampar voru
það sem koma skyldi í almennri lýs-
ingu, en okkur, sem þekkjum Kristin,
kemur það ekki á nokkurn hátt á
óvart, að hann skyldi vera fyrsti mað-
ur í Evrópu, sem skildi hvað klukkan
sló, þvert á móti, það var einmitt það,
sem við ætluðumst til af honum.
Sem samstarfsmaður er Kristinn
alveg óvenjulegur maður — fastur
fyrir, rökfastur, fljótur að átta sig á
breyttum aðstæðum, en alltaf jafn
þolinmóður að hlusta og sanngjarn í
garð annarra. Kristinn kann aragrúa
af sögum um menn og málefni og
kímni hans er víðfræg í röðum iðn-
rekenda.
Það eru ekki fá skiptin, sem Krist-
inn hefur bjargað málum, sem voru
að reyrast í einhvern allsherjar vand-
ræðarembihnút með einhverri sögu,
spaugsyrði eða snjallri samlíkingu.
Að vonum var Kristinn beðinn um
að taka að sér fjölda trúnaðarstarfa
fyrir iðnaðinn. Hann sat í stjórn og
var varaformaður Félags íslenskra
iðnrekenda í mörg ár, sat í bankaráði
Iðnaðarbanka tslands, í stjórn Hús-
félags iðnaðarins, og fleira og fleira,
sem ég hirði ekki að tína til hér, en öll
þessi störf leysti hann af slíkri prýði
að ekki verður betur gert. Fyrir öll
þessi störf erum við samstarfsmenn
hans honum afar þakklátir og ís-
lenska þjóðin sýndi þakklæti sitt er
honum var veitt Fálkaorðan fyrir
nokkrum árum.
Kristinn hefur verið mikill gæfu-
maður í einkalífi sínu. Hann hefur
búið við mikið barnalán — tengda-
sonalán og barnabarnalán, en þó held
ég að hans mesta gæfuspor í lífinu
hafi verið þegar hann giftist Siggu.
Þar fékk hann það ljós, þann sólar-
geisla inn í líf sitt, sem hefur lýst
honum síðan. Þau eru með afbrigðum
samrýnd og samhent og öllum, sem
þau þekkja, er ljóst að ef þeim á að
líða vel, þá mega þau ekki nokkra
stund hvort af öðru sjá.
Þau eru bæði afar listelsk og
smekkleg, eins og heimili þeirra að
Víðimel 55 og sumarbústaðurinn í
Mosfellssveit bera vott og þar kemur
enn glöggt fram hversu náin sam-
vinna þeirra er.
Mig langar til að þakka þér Krist-
inn fyrir bæði langt og óvenjulega
ánægjulegt samstarf í sambandi við
eitt mál þjóðarinnar allrar, iðnaðinn,
jafnframt því, sem ég þakka fyrir að
við Steffí höfum fengið að vera vinir
ykkar Siggu öll þessi ár.
Að lokum langar mig svo til að óska
þér, síunga lífsglaða afmælisbarn,
hjartanlega til hamingju með þennan
áfanga og óska þér, Siggu og allri
fjölskyldunni Guðs blessunar um
mörg ókomin ár og ég vona að við
Steffí fáum að njóta þeirra með ykk-
ur.
Ilavið Sch. Thorsteinsson
leöurfatnaöur
semvekur
Fallegar ullarfóöraöar leö-
urkápur og jakkar, leöurbux-
ur og leöurpils.
Ath:
Greiðsluskilmálar viö allra
hæfi.
Ný sending frá Beged-Or
í miklu úrvali.
Kirkjuhvoli gengt
Dómkirkjunni,
sími 20160.
Magnús Erlendsaon, forseti bejaratjúmnr, og Signrgeir Sigurðsson, bæj-
arstjóri á Seltjaraarnesi, skýra líkan af nýjum byggingarsvæðum.
Ljiam. Gmdjóm SUIaaoa.
Fjölmenni á fundi
Baldurs um húsnæðis-
mál á Seltjarnarnesi
Fundur Baldurs, félags ungra sjálfsUeðismanna á Seltjarnarnesi, var vel
sóttur og fundarsalurinn þéttsetina. Ljómm. Mbi. Goðjón suiaaon.
Hluti fundarmanna á fnndi Baldurs.
BALDUR, félag ungra sjálfstæð-
ismanna á Seltjarnarnesi, hélt
nýverið almennan fund um bygg-
ingamál ungs fólks á Nesinu, og
var fundurinn vel sóttur, sá fjöl-
mennasti sem félagið hefur geng-
ist fyrir frá því það var stofnað á
árinu 1974. Til fundarins voru
sérstaklega boðaðir fulltrúar
meirihluta bæjarstjórnar Sel-
tjarnarncss, og frambjóðendur
Sjálfstæðisflokksins við bæjar-
og sveitarstjórnarkosningarnar í
vor.
Framsögumenn á fundi Bald-
urs voru Magnús Erlendsson,
forseti bæjarstjórnar Seltjarn-
arness, Sigurgeir Sigurðsson
bæjarastjóri og Þorvaldur
Mawby, formaður Byggung í
Reykjavík. Gerðu þeir grein
fyrir því hvað framundan væri í
byggingamálum á Seltjarn-
arnesi, og hvað ungu fólki stæði
til boða á Nesinu í þeim efnum.
Að sögn formanns Baldurs ber
þar hæst blokkirnar, sem fara á
að byggja í Plútóbrekkunni, við
Austurströnd.
Á fundinum var um það rætt
hvort ungt fólk á Nesinu ætti að
Þorvaldur Mawby, formaður Bygg-
ung, í ræðustól.
stofna byggingarsamvinnufélag,
en niðurstaðan varð sú að hag-
kvæmast væri að ganga til sam-
starfs við Byggung í Reykjavík,
og að ungt fólk á Nesinu léti skrá
sig á sérstaka lista hjá þeim að-
ila.