Morgunblaðið - 07.04.1982, Blaðsíða 27
MORGUNBLAÐIÐ, MIÐVIKUDAGUR 7. APRÍL 1982
27
Litli leikklúbburinn á ísafirði:
Frumsýnir nýtt
íslenskt leikrit
annan í páskum
LITLI leikklúbburinn á ísafirði frumsýnir annan dag páska nýtt
islenskt leikrit, Úr aldaannál. Er það eftir Böðvar Guðmundsson
og var sérstaklega skrifaö fyrir Litla leikklúbbinn. Þá hefur
Jónas Tómasson samið tónlist við verkið. Leikstjóri er Kári
Halldór. Mbl. ræddi á dögunum við hann og forráðamenn Litla
leikklúbbsins.
Fremst standa þ*r Kristin Karlsdóttir, Ásthildur Þórðardóttir og María
Mariusdóttir, en uppi i hjallinum sitja Jón Baldvin Hannesson og Reynir
Sigurðsson. l.jósm. Leó.
Halla Sigurðardóttir er formað-
ur Litla leikklúbbsins og Trausti
Hermannsson, sem lengi var
formaður, hefur með höndum
framkvæmdastjórn þessarar sýn-
ingar. Þá kemur Hafsteinn Vil-
hjálmsson og við sögu, en hann sér
um gerð leikskrár og prentun á
leikritinu, en ráðgert er að það
komi einnig út í bók. Þau þrjú eru
spurð hvers vegna ráðist var í að
fá leikrit sérstaklega skrifað fyrir
Litla leikklúbbinn.
— Það kom upphaflega til af því
að okkur var boðið að taka þátt í
norrænni leiklistarhátíð í Hró-
arskeldu, vinabæ ísafjarðar. Leit-
uðum við eftir höfundi til að skrifa
myndrænt verk, sem auðvelt væri
í flutningi á erlendri grund, þ.e. að
verkið væri ekki eingöngu byggt
upp af texta. Við sömdum við
Böðvar Guðmundsson og í þann
mund sem það var frágengið feng-
um við bréf þess efnis að þeir Hró-
arskeldumenn treystu sér ekki til
að halda hátíðina.
En þá kom annað til, Listahátið
í Reykjavík hafði boðið Bandalagi
ísl. leikfélaga að senda verk í sam-
keppni og yrði eitt valið úr til sýn-
inga á Listahátið. Einnig leituðum
við eftir öðrum möguleika á utan-
landsferð og höfum nú ákveðið að
fara til Næstved í Danmörku í lok
maí og að sjálfsögðu höfum við
alltaf ráðgert að sýna verkið hér
vestra. Þá munu fulltrúar frá
Listahátíð sjá sýningu okkar og í
framhaldi af því verður ljóst hvort
við fáum að sýna á Listahátíð.
Möguleikarnir í þeirri samkeppni
eru háðir því að verkið hafi ekki
verið flutt á Stór-Reykjavíkur-
svæðinu áður og að það sé á ein-
hvern hátt nýstárlegt eða frum-
legt.
Litli leikklúbburinn hefur nú
starfað í 17 ár og jafnan haft sýn-
ingar haust og vor. í vetur voru
einnig sérstakar barna-
skemmtanir og komu þá 35 manns
við sögu. Verk Böðvars er 36. verk-
efni félagsins. Litli leikklúbburinn
telur 70 félaga og eru um 40 þeirra
virkir þátttakendur. Níu leikarar
koma fram í sýningunni og eru öll
hlutverkin nokkuð svipuð að um-
fangi, öll eru þau aðalhlut-
verk. Leikararnir heita Reynir
Sigurðsson, Jón Steinar Ragnars-
son, Laufey Waage, Kristín
Karlsdóttir, Ásthildur Þórðar-
dóttir, Páll F. Hólm, María
Maríusdóttir, Börkur Gunnarsson
og Jón Baldvin Hannesson.
Fyrir utan leikarana starfa um
15 manns að sýningunni, margt
annað en leikarar eða annað það
sem sést á sviðinu fylgir því að
setja upp leikrit. Ráðgerðar eru 8
til 9 sýningar og segja forráða-
menn sýningarinnar að það dugi
vart til að ná inn fyrir kostnaði og
hafa verði í frammi ýmsa fjáröfl-
un til að greiða megi kostnað við
fyrirhugaðar ferðir.
Fleiri hafa einnig komið við
sögu þessarar sýningar Litla
leikklúbbsins. Hilde Helgason var
fengin eina helgi til að halda sér-
stakt námskeið fyrir leikara og
Jón Axel Steindórsson var fenginn
til að æfa með þeim júdó. Er það
m.a. vegna þess að ýmsar stymp-
ingar eru í verkinu og Helga
Hjörvar, framkvæmdastjóri
Bandalags ísl. leikara, hefur að-
stoðað á ýmsan hátt. Segjast
forráðamenn Litla leikklúbbsins
þannig vilja undirbúa allt sem
best og vilja leggja í nokkurn
kostnað til að það megi takast.
Kári Halldór, leikstjóri, og Böð-
var Guðmundsson, höfundur
verksins, ræddust nokkuð við áður
Kári Halldór leikstjóri.
en Böðvar lauk við að skrifa og
sagði Kári að þar hefði hann feng-
ið að koma með nokkrar ábend-
ingar og hugmyndir, sem Böðvar
hefði síðan unnið úr. — Það var
mjög skemmtilegt að vinna þannig
með höfundi sem hefur áhuga á
leikhúsinu öllu, sagði Kári Hall-
dór. — Texti í leikriti getur stund-
um þvælst ofurlítið fyrir atburð-
arásinni, en með leikriti er leitast
við að lýsa ákveðnum aðstæðum
og atburðum og þá skiptir textinn
sjálfur ekki alltaf höfuðmáli.
Reyni ég að kynna leikurum
ákveðin kjörorð, hugsun — hreyf-
ing — texti.
Ekki verður hér fjallað um
verkið sjálft, enda réttast að menh
sjái það sjálfir, en þó má segja um
það að það styðjist við atburði frá
árunum 1784 til 1786, i móðuharð-
indunum. Kemur fram hvaða
áhrif aðstæður þá höfðu á mann-
lífið og sérstaklega er fjallað um
örlög fjögurra kvenna og kemur
fram hvernig ákveðnir aðilar nota
sér aðstæður annarra. En hvað
segir Kári Halldór um það að
vinna með áhugaleikklúbbi?
— Þetta hefur verið mjög gam-
an. Tíminn hefur að vísu verið
naumur, en ég byrjaði á því að
vera með fólkinu eina helgi og út
frá því voru leikarar valdir. Mun-
urinn á áhugaleikara og atvinnu-
leikara er stundum ekki svo mikill
og hér finn ég ákveðinn metnað í
öllum um að gera vel. Auðvitað
hefur atvinnuleikari ýmsa tækni
framyfir aðra og hann er vanari,
en þá reyni ég að finna einfalda
þjálfunarleið, sem bætir radd-
beitinguna og fleira, en ekki er
tími til að fara mjög ítarlega út í
þá sálma.
Við höfum getað æft allan tím-
ann hér í félagsheimilinu og er
það mjög mikils virði að geta strax
æft stöður og hreyfingar með
leikmyndinni, en hún sjálf er hluti
af verkinu og hjálpar okkur að fá
fram áhrifin, leikmyndin er engin
venjuleg skreyting, eins og mér
virðist menn stundum halda.
Sem fyrr segir frumsýnir Litli
leikklúbburinn verkið annan dag
páska. Næstu sýningar eru síðan
ráðgerðar á miðvikudag, fimmtu-
dag og föstudag, 14. til 16. apríl.
Páskamynd
Gamla Bíós
er „Ofjarl
óvættanna“
PÁSKAMYND Gamla bíós er
brezk-bandarísk og heitir „Ofjarl
óvættanna“ eða Clash of the Tit-
ans á frummálinu.
Leikstjóri er Desmond Davis
og í aðalhlutverkum eru Harry
Hamlin, Maggie Smith, Judi
Bowker, Claire Bloom, Burgess
Meredith, Ursula Andress og
Lawrence Olivier.
Myndin er byggð á sögum úr
goðafræði Forn-Grikkja og seg-
ir frá Perseifi, jarðneskum syni
Seifs, og baráttu hans við alls
konar forynjur og illvætti til að
frelsa hina fögru Andrómedu
frá illum örlögum.
Sýningar hefjast miðvikudag-
inn 7. apríl.
22. aprfl — 27. dagar — Verð kr. 9.400 — hálft fæði
Þátttakendur í Mallorkaferð
Vegna mikillar eftirspurnar höfum við fengið fleiri herbergi til ráðstöfunar
á Hótel Piznero og getum þar af leiöandi bætt við þátttakendum í Mallorca-
ferðina 22. apríl.
islenskur fararstjóri og hjúkrunarfræðingur er í ferðinni.
FERDASKRIFSTOFAN
URVAL
VID AUSTURVÖLL SÍMI26900