Morgunblaðið - 07.04.1982, Blaðsíða 37
MORGUNBLAÐIÐ, MIÐVIKUDAGUR 7. APRIL 1982
37
Myndin er tekin á ráðstefnu LÍÚ og SMS.
Námskeið á veg-
um LÍÚ og SMS
EFNT VAR til náinskeiðs á vegum
Landssambands íslenskra útvegs-
manna og Sambands málm- og
skipasmiðja á Hótel Ksju dagana 29.
mars til 1. apríl. Að sögn forsvars-
manna þessara aðila, Brynjars Har-
aldssonar og Kristins Halldórsson-
ar, var megintilgangur þessa nám-
skeiðs að stuðla að því að betur
verði staðið að skipaviðgerðum af
beggja hálfu. I*að kom fram að þess-
ir aðilar hafa lengi átt i erjum sín á
milIL
Af þeim sökum hefðu þeir tekið
höndum saman og staðið að þessu
námskeiði í því skyni að leitast við
að koma á sættum og auka gagn-
kvæman skilning á sjónarmiðum
beggja aðila. Fyrirmyndir nám-
skeiðs þessa eru norskar, en reynt
var að laga þær eins og kostur var
á að íslenskum aðstæðum. 15
starfsmenn á vegum þessara aðila
tóku þátt í námskeiðinu. Var
þátttakendum skipt í þrjá hópa.
Hver hópur fékk spurningar um
atriði sem þátttakendum eru kunn
úr atvinnulífinu. Má segja að
verkefnið hafi spannað vítt svið;
allt frá byrjun viðgerðar til loka-
reikninga. M.ö.o. var í raun leitast
við að vinna eftir sem fullkomn-
astri verklýsingu. Síðan voru
niðurstöður þessara þriggja hópa
rökræddar.
Þetta er annað námskeið af
þremur sem þessir aðilar gangast
fyrir. Fyrsta námskeiðið var hald-
ið í febrúar, en ráðgert er að halda
það þriðja 1 haust.
Að sögn Brynjars og Kristins er
það brýnt að skipaviðgerðir fari
fram á íslandi, en nokkur brögð
eru að því að útgerðarmenn láti
gera við skip sín erlendis. Það sé
því nauðsynlegt að ákveðin endur-
skipulagning verði á rekstri skipa-
smiðjanna hér á landi til að svo
verði.
Brynjar og Kristinn voru sam-
mála um að gagnkvæmt traust
þessara aðila mundi aukast veru-
lega beri námskeiðið tilætlaðan
árangur. Að sögn Kristins er það
mikilvægt að útvegsmenn geti
treyst því að kostnaður við skipa-
viðgerðir sé rétt metinn. Og með
þessu námskeiðahaldi m.a. væri
verið að tryggja að þeir gætu
fylgst með einstökum verkliðum
viðgerðar.
Mbl. ræddi við tvo þátttakendur
á námskeiðinu, Svein Jónatansson
og Kristin B. Kristinsson.
Sveinn kvaðst vænta góðs
árangurs af þessu námskeiði. Að
hans dómi væri námskeiðahald
sem þetta besta leiðin til að leysa
þau vandamál sem komið hafa
upp milli þessara tveggja aðila um
skipaviðgerðir. Kristinn tók í
sama streng. Að hans hyggju
þyrfti að varðveita þá þekkingu,
sem miðlað var á þessu námskeiði,
í fyrirtækjunum svo að tilgangin-
um með námskeiðinu yrði náð.
Samyinnuverzlunin
gerir tilraun með
hvetjandi launakerfi
AÐALFUNDIIR Vinnumálasam-
bands samvinnufélaganna var hald-
inn fostudaginn 2. apríl að Ármúla 3,
Reykjavík.
Í frétt frá sambandinu segir, að á
aðalfundinum hafi verið fjallað um
ástand og horfur í kjaramálum nú og
samþykkti fundurinn eftirfarandi
ályktun í þeim efnum.
„Vinnumálasamband samvinnu-
félaganna álítur að stöðug verð-
bólga valdi rýrnun kaupmáttar, og
þeim mun meiri rýrnun sem verð-
bólgan er meiri. Það er jafnframt
skoðun VMS, að verðbólgan hafi
nú þegar valdið mikilli kaupmátt-
arrýrnun og sú þróun muni halda
áfram með vaxandi hraða nema
spyrnt verði við fótum.
Jafnframt þessu grefur verð-
bólgan undan rekstri atvinnufyr-
irtækjanna með því að rýra eigið
fé og draga inn lánsfé með vax-
andi kostnaði.
Möguleikar fyrirtækjanna á að
standa undir launagreiðslum
minnka því með aukinni verð-
bólgu.
Þess vegna leggur VMS höfuð-
áherslu á það við gerð yfirstand-
andi kjarasamninga að ná verð-
bólgunni niður, í bráð og lengd, og
væntir þess að samkomulag geti
náðst um það við verkalýðshreyf-
inguna."
A fundinum var ennfremur
fjallað um hvetjandi launakerfi í
verslunum. Vinnumálasambandið
hefur unnið að undirbúningi slíks
kerfis á síðustu tveimur árum og
er sú vinna á lokastigi þannig að
innan tíðar verður hægt að hefja
tilraunir með slíkt launakerfi í
samvinnuversluninni, segir í frétt-
inni.
í stjórn Vinnumálasambands
samvinnufélaganna eru nú: Hall-
grímur Sigurðsson, Reykjavík,
formaður; Ólafur Sverrisson,
Borgarnesi, varaformaður; Arni
Benediktsson, Reykjavík; Árni Jó-
hannsson, Blönduósi; Matthías
Gíslason, Vík í Mýrdal; Jón Al-
freðsson, Hólmavík og Gísli Har-
aldsson, Neskaupstað. Fram-
kvæmdastjóri er Júlíus Kr. Valdi-
marsson.
Jón Valdimar
Lövdal — Minning
Mann setur ávallt hljóðan þegar
maður heyrir um andlát vinar og
félaga. Ekki hvað síst þegar um
slys er að ræða og menn á besta
aldursskeiði láta lífið og eru
horfnir af sjónarsviðinu.
Mánudaginn 1. mars sl. lagði
báturinn Grunnvíkingur frá Sand-
gerði net sín undan Hafnarbergi.
Vildi þá svo til að einn af skipverj-
um tók útbyrðis og drukknaði.
Skipstjóri og áhöfn gerðu allt sem
í þeirra valdi stóð til leitar og var
lengi leitað, en án árangurs og á
skipstjóri og áhöfn þakkir fyrir.
Góður Guð blessi skipstjóra,
áhöfn og skip og alla þá sem tóku
þátt í leit að Jóni Valdimar. Sér-
stakar þakkir til björgunarsveit-
anna sem tóku þátt í leitinni.
Jón Valdimar Lövdal var fædd-
ur 9. desember 1959, sonur hjón-
anna Sigrúnar Jónsdóttur og
Edvard Lövdals. Þau slitu sam-
vistum á uppvaxtarárum Jóns.
Var hann í sveit á sumrin og lengi
að Sauðhaga, Vallarhreppi. Líkaði
heimafólki þar mjög vel við hans
framkomu og störf og fékk hann
mikið lof fyrir. Til Noregs fór
hann 16 ára gamall og vann þar
við landbúnaðarstörf og fékk góð
meðmæli þaðan. Sama ár réðist
Jón til sjós á Grunnvíking og var
þetta 7. vertíðin þegar hann
drukknaði. Hann fékk mikið
þakklæti frá skipstjóra sínum
fyrir áræðni og dugnað.
Ég, sem þetta skrifa, færi mági
mínum miklar þakkir fyrir
ánægjulegar samverustundir á
heimili okkar hjónanna og víðar
og blessuð sé minning hans.
Lengi lifi minning hans ávallt í
hjörtum okkar.
Móðir Jóns giftist aftur Gunn-
ari Sigurgeirssyni, múrara, og er
honum þakkað fyrir þann hlýhug
og umhyggju sem hann hefur sýnt
börnum hennar, svo og tengda-
móður minni og heimilinu ávallt.
Leyst allan vanda í blíðu og stríðu.
En umhyggja hans er frábær,
enda tók hann börnum eins og
hann ætti þau sjálfur.
Mágkonum mínum og mágum,
tengdamóður minni og Gunnari
óska ég alls þess besta, og góður
Guð styrki þau í sorgum sínum og
allir góðir vættir greiði þeirra veg.
Kristín Halldórsdóttir.
+
Þökkum innilega auðsýnda samúð viö fráfall og jarðarför
SVANLAUGAR BJARNADÓTTUR,
Túngötu 41.
Bjarni isleifsson, Bára Vilbergs,
Jón ísleifsson, Lillý Steingrimsdóttir,
Leifur fsleifsson, Bergljót Halldórsdóttir,
Nanna ísleifsdóttir,
barnabörn og barnabarnabörn.
Nánari upplýsingar hja:
Aðalumboðsmenn
í Danmörku:
DFDSA/S
Sankt Annæ Plads 30
DK-1295 K0BENHAVN K.
Sími: (01) 156300
Telex: 19435
Umboðs- og vörumóttöku-
aðiiar í Horsens:
Wilh. Chr. Bech Spedition
Havnen 43
8700 HORSENS
Sími: (05) 625444
Telex: 61618
HORSENS
Næstu ferðir
frá Horsens:
26. apríl - irafoss
10. mai - Múlafoss
24. mai • írafoss
07. júní - Mulafoss
rvýtt
Jótland
Beinar ferðir frá HORSENS á tveggja vikna fresti
HORSENS - nýr valkostur sem gæti opnað þér nýja möguleika
Hafðu samband
EIMSKIP
Simi 27100