Morgunblaðið - 04.08.1982, Blaðsíða 35
MORGUNBLAÐIÐ, MIÐVIKUDAGUR 4. ÁGÚST 1982
39
hefði haft af að starfa í félaginu
og sjá, hvernig því tókst að hrinda
mörgum velferðarmálum hrepps-
félagsins í framkvæmd.
Ennfremur fannst mér sjálfsagt
að reyna að leggja mitt fram til
þess að gera gagn í þessu litla
hreppsfélgi, sem varð heimili mitt.
Ég held, að enginn geti sagt annað
en að öll störf félagsins hafi verið
unnin í þágu sameiginlegra hags-
bóta allra í hreppnum." (Viðtalið
var tekið 1973.)
Þegar mér barst á sínum tíma
andlátsfregn frænda míns og vin-
ar, Einars í Ásgarði, var ég stadd-
ur vestur í Bandaríkjunum. Vissu-
lega kom fregnin mér á óvart, því
að ég átti ekki von á, að þessi
sterkbyggði, þrekmikli og tiltölu-
lega ungi maður yfirgæfi jarðsvið-
ið með svo skjótum hætti sem
raun varð á. Að sjálfsögðu hefði ég
kosið að vera við útför hans, sem
fór fram 1. mars á sl. ári, en því
varð ekki við komið, en þótt seint
sé vil ég nú kveðja hann með fá-
einum orðum.
Einar var Suðurnesjamaður í
húð og hár, fæddur og uppalinn í
Grindavík, sem var starfsvett-
vangur hans til hinstu stundar.
Faðir hans og afar báðir voru
harðduglegir og fengsælir for-
menn, og ekki verður annað sagt,
en að Einar hafi erft þá hæfileika
í ríkum mæli. Hann var ekki tví-
tugur, þegar honum var fyrst falin
formennska á báti, og síðan var
hann skipstjóri allt til hinstu
stundar.
Fyrsti vélbáturinn, sem hann
stjórnaði, var í eigu föður míns,
Einars í Garðhúsum. Ég man vel
eftir, þegar þetta gerðist, og mig
minnir að Einar hafi þá verið að-
eins 17 ára. Síðan var hann skip-
stjóri á ýmsum vélbátum, en átti
þá alltaf hluta af útgerðinni sjálf-
ur, fyrst með frænda sínum, Jóni
Gíslasyni frá Vík, og síðar með
Guðmundi bróður sínum og Gísla
Jóhannssyni mági sínum. >
Það var enginn leikur, lífið í
fámennum sjávarþorpum suður
með sjó á árunum milli heims-
styrjaldanna. Lífsbaráttan var
miskunnarlaus, skipin lítil og
ófullkomin, samanborið við allar
aðstæður í dag, tækniframfarir
svo til óþekktar og öll véivæðing á
byrjunarstigi. Þetta var harður og
erfiður skóii mörgum unglingum,
sem áttu ekki í önnur hús að
venda, þegar leita skyldi sér at-
vinnu, en það herti þá og fæddi af
sér marga afbragðs dugnaðar-
menn.
Einar var mikill gæfumaður
alla sína skipstjórnartíð, því að
hann varð aldrei fyrir teljandi
áföllum, þótt oft væri verið á sjó
við erfiðar aðstæður og landtakan
þá stundum stórhættuleg. En á
slíkum stundum koma skipstjórn-
arhæfileikarnir hvað gleggst í
ljós. Einar var að vísu gerkunnug-
ur öilum aðstæðum þekkti bæði
landtökuna og sjávarlagið, en
meira þurfti til, ef vel átti til að
takast.
Við slíkar aðstæður verða skip-
stjórar oft að taka erfiðar ákvarð-
anir án minnsta hiks eða víls, og
þá sýna þeir best skipstjórnar-
hæfileikana. Einar var gætinn og
lét sér mjög annt um öryggi skip-
verja sinna og báts, því að hvort
tveggja hélst í hendur, en hann
var jafnframt áræðinn og djarfur,
og þar sem góð eðlisgreind, mikil
reynsla og þekking á starfinu fór
saman, farnaðist honum ævinlega
vel. Aldrei hlekktist honum á, og
aldrei týndi hann manni af sinni
fleytu.
Ég held, að það hljóti að vera
ánægjulegustu augnablik í starfi
hvers skipstjóra, þegar honum
hlotnast sú gæfa að geta hjálpað
meðbræðrum sínum, sem eru í
nauðum staddir á öldum hafsins.
Þetta reyndi Einar líka. Hann bar
gæfu til að bjarga tveim mönnum
frá drukknun á Járngerðarstaða-
sundi við mjög erfiðar aðstæður.
Til þess þurfti bæði lag, kjark og
snarræði.
Heimili þeirra Laufeyjar og
Einars, Ásgarður í Grindavík, er
mér jafnan mjög minnisstætt. Ég
kom þar oft og naut mikillar
gestrisni. Það var fallegt og það,
sem meira var um vert, þar ríkti
góður andi. Ég er sannfærður um,
að þeir eru fleiri en ég, sem sakna
þeirra hjóna af heilum hug, þegar
þau hafa nú verið kölluð burt,
sakna skemmtilegra samræðna
ogánægjulegs viðmóts — sakna
þess anda, sem þar ríkti jafnan.
Ásgarður í Grindavík bar merki
velsældar. Víst má þakka það
dugnaði eiginmannsins og góðra
aflabragða. En slíkt er ekki ein-
hlítt og ég hef aldrei verið í vafa
um, að Laufey átti sinn stóra þátt
í hagsæld heimiiisins. Ég hef áður
sagt á prenti, að gengi eiginmanns
byggðist að verulegu leyti á
mannkostum maka hans, og sú
skoðun rýrir á engan hátt kosti og
hlut mannsins.
Við Einar ræddum oft ýmis mál,
sem voru þá og þá stundina í
brennidepli í fréttum. Skoðanir
okkar voru oftast nokkuð líkar á
hinum ýmsu málefnum, en væri
svo ekki, sagði hvor um sig álit
sitt umbúðalaust. Stundum bar
trúmál á góma, því að Einar var
maður trúaður og trúði meðal
annars á framhald lífsins.
I þeim efnum sagði hann mér
m.a. einu sinni, að amma okkar
frá Garðhúsum fylgdist alltaf með
honum, já, við hvert fótmál, og
hann taldi sig hafa gildar sannan-
ir fyrir því. Er ég ekki í neinum
vafa um, að frændi minn trúði ein-
læglega, og það er von mín, að
hann hafi haft rétt fyrir sér.
Það hefur verið og er, að ég
held, enn siður á Suðurnesjum að
menn geri sér glaðan dag að lok-
inni vertrarvertíð. Slíkt verður að
teljast eðlilegt og sanngjarnt.
Mörg erfið verkefni hafa þá venju-
lega verið af hendi leyst og unnt
að kasta mæðinni um tima. Og
ekki held ég að frændi minn í Ás-
garði hafi látið sig vanta í hópinn,
meðan hann var ungur og hress,
enda maður hreinn og beinn, jafnt
í gleði sem striti, og alltaf sami
dugnaðurinn að hverju sem gengið
var. Kom þá stundum fyrir, þegar
ríkulega hafði verið fórnað á alt-
ari gleðinnar, að ekki var neitt
„tæpitungumál talað yfir fylltri
skál“.
Samúðarkveðja fylgir línum
þessum til barna, venslafólks og
vina þessara minnisstæðu og vin-
sælu hjóna.
Ólafur E. Einarsson.
Póst- og símaþjón-
usta hækkar um 18%
PÓST- og símamálastjórnin
hefur fengid heimild til 18%
gjaldskrárhækkunar, og tek-
ur ný gjaldskrá fyrir síma-
þjónustu gildi 1. ágúst 1982,
en fyrir póstþjónustu 1. sept-
ember.
Breytingar á símagjöldum verða
sem hér segir: Stofngjald fyrir
síma hækkar úr 1.491 krónu í 1.759
krónur án söluskatts, en með sölu-
skatti verða þessar tölur 1.841
króna og 2.172 krónur. Símnotandi
greiðir fyrir talfæri og uppsetn-
ingu tækja eins og áður.
Gjald fyrir umframskref hækk-
ar úr 0,57 krónum í 0,67 krónur en
sé söluskattur reiknaður með
hækkar gjaldið fyrir hvert um-
framskref úr 0,70 krónum í 0,83
krónur. Afnotagjald af heimilis-
síma á ársfjórðungi hækkar úr
241,40 krónum í 285 krónur, en
þessar upphæðir með söluskatti
eru 298,13 krónur og 351,98 krón-
ur, sem verður afnotagjald á
ársfjórðungi með söluskatti.
Þá hækkar venjulegt flutn-
ingsgjald milli húsa á sama
gjaldsvæði úr 745,50 krónum í
879,50 krónur. Þessar upphæðir
með söluskatti eru 920,69 krónur
og 1.086,18 krónur.
Auóvitað
fær Stína dúkka
frítt til Kiíien
en kiakkamir borsa
1.085.-kránur!
( helgarferðunum okkar til Kaupmannahafnar í
sumar hugsum við sérstaklega um börnin. Tívolí,
dýragarðurinn og Ðakkinn eru draumastaðir allra
krakka og fullorðinna raunar líka. Við bjóðum
þægilegt flug á föstudegi, gistingu á úrvals hótel-
um í herbergi með baði, ásamt morgunverði og
heimflug á mánudegi. Verðið er frá 4£54jOO kr.
fyrir fullorðna en frát085j00 kr. fyrir börn 11 ára
og yngri í herbergi með foreldrum sinum og það
kostar ekkert að láta Stfnu dúkku fljóta með.
Smellið þið nú krökkunum í strigaskóna og sjálf-
um ykkur ( stellingar og drífið í að kaupa miða
strax því sætafjöldi er takmarkaður og ferðirnar
fyllast óðum.
Leitlð upplýsinga hjá söluskrifstofum Flug-
leiða, umboðsmönnum eða ferðaskrifstofun-
um. Farpantanir eru einnig teknar í síma
25100.
FLJUGLEIDIR
G'ott fólk hjá traustu félagi
Háð sampykW vtðkomandl stjómvalda.