Morgunblaðið - 19.02.1983, Blaðsíða 3

MORGUNBLAÐIÐ, LAUGARDAGUR 19. FEBRÚAR 1983 3
Gunnar Thoroddsen á fundi með erlendum blaðamönnum:
íslendingar hafa sömu af-
stöðu til NATO og Danir
Frá Ib Björnbak, Kaupmannahöfn í gær.
GUNNAR Thoroddsen forsætisráðherra sagði á fjölmennum fundi með
blaðamönnum úr austri og vestri að hann og Poul Schluter forsætisráð-
herra hefðu skipzt á upplýsingum um pólitísk og efnahagsleg vandamál
íslands og Danmerkur.
Gunnar Thoroddsen sagði að
andstætt því sem væri upp á ten-
ingnum annars staðar á Norður-
löndum væri mikil verðbólga á
íslandi, en ekkert mikið atvinnu-
leysi. íslendingar ættu við út-
flutningsvandamál að stríða —
þorskafli hefði brugðizt í ár og
afli verið minni þrátt fyrir út-
færslu landhelginnar. Hann
gæti þó ekki gefið Schluter góð
ráð til lausnar atvinnuleysi á
tíma útflutningserfiðleika, góð
ráð væru ekki íslenzk útflutn-
ingsvara.
Hann sagði að íslendingar
hefðu áhuga á samvinnu í fisk-
veiðum við Grænlendinga, Fær-
eyinga og Kanadamenn, einn
helzta keppinautinn á Banda-
ríkjamarkaði. Þrátt fyrir
minnkandi afla hefði íslend-
ingar haldið hlut sínum á
Bandaríkjamarkaði, en Nígeríu-
menn gætu minna keypt af
skreið.
Heimsblöðin höfðu áhuga á
viðhorfinu til NATO. Forsætis-
ráðherra sagði að íslendingar
litu eins og Danir á NATO sem
varnarbandalag, sem stuðlaði að
varðveizlu friðar í Evrópu. Lönd-
in væru kjarnorkuvopnalaus og
afvopnun von beggja. 60% al-
þingismanna væru fylgjandi að-
ild að NATO og stefnunni í varn-
armálum og það endurspeglaði
viðhorf þjóðarinnar.
í hádegisverðarboði hjá Ingi-
ríði drottningu sagði Schluter
forsætisráðherra að bæði íslend-
ingar og Danir hefðu valið þann
kost að láta aðildina að NATO
vera grundvöli stefnunnar í ör-
yggismálum. Löndin hefðu mikla
hernaðarþýðingu vegna legu
sinnar, þótt þau væru smá, og
því væri samvinna nauðsynleg
við aðrar þjóðir með sama
þjóðfélagslega og menningarlega
arf. „Þess vegna eru Danir sér
þess alltaf meðvitandi hve mikla
þýðingu stefna fslendinga í ör-
yggismálum hefur á ástandið á
Norður-Atlantshafi."
Lennart Ljung, yfirhershöfðingi.
Sænski yfir-
hershöföing-
inn heimsæk-
ir Island
LENNART Ljung, yfirmaður sænska
heraflans, er væntanlegur hingað til
lands í næstu viku á vegum Samtaka
um vestræna samvinnu og Varðbergs.
Mun hann flytja fyrirlestur á vegum
þeirra um hervarnir í Svíþjóð, laug-
ardaginn 26. febrúar.
Á meðan sænski yfirhershöfð-
inginn dvelst hér hittir hann m.a.
Ólaf Jóhannesson, utanríkisráð-
herra, og Geir Hallgrímsson, for-
mann utanríkismálanefndar Al-
þingis, að máli.
Þetta er í fyrsta sinn sem yfir-
maður sænska heraflans sækir ís-
land heim, hins vegar hafa nem-
endur í sænska varnarmálaháskól-
anum nokkrum sinnum haft hér
viðdvöl á námsferðum sínum.
1981 flutti yfirmaður norska her-
aflans erindi á vegum Samtaka um
vestræna samvinnu og Varðbergs
og um þetta leyti fyrir ári kom yf-
irmaður danska heraflans hingað í
sömu erindum.
Gunnar Thoroddsen á fundinum með blaðamönnum í gær. Til hægri er Guðmundur Benediktsson ráðuneytis-
stjóri. Símamynd/Nordfoto
Þetta er ekki fyrir
hálfum flugfarseðli
— segir Eggert Guð-
mundsson listmálari
og hafnar lista-
mannalaununum
„ÉG HEF ákveðið að taka ekki við
þessum svokölluðu listamannalaun-
um,“ sagði Eggert Guðmundsson
listmálari í samtali við blaðamann
Morgunblaðsins í gær, en hann var
einn þeirra sem úthlutunarnefnd
listamannalauna gerði tillögu um að
fengi laun í ár. „í fyrra var ég tekinn
út af listamannalaunum," sagði Egg-
ert, „sjálfsagt í tilefni árs aldraðra,
svo nú hlýt ég að vera nógu ungur til
að vera án launanna áfram.
Þessi upphæð er líka svo lág, að
hún skiptir engu máli. Það er lítið
hægt að gera fyrir 7.500 krónur,
þetta er ekki einu sinni fyrir hálf-
um flugfarseðli til útlanda, en áð-
ur notaði ég yfirleitt listamanna-
launin til að ferðast aðeins og sjá
mig um.
Eg mun því ekki taka við þessu
Eggert Guðmundsson listmálari.
fé, þeir hljóta að geta látið ein-
hvern annan hafa það, ef einhver
vill það,“ sagði Eggert að lokum.
Tveir ökumenn grun-
aðir um lyfjanotkun
TVEIR árekstrar urdu t Reykjavík a fimmtudag, þar sem
jfrunur leikur á að ökumenn hefi verið undir áhrifum lyfja,
samkvæmt upplýsingum sem Mbl. fékk hjá lögreglunni í gær.
Atvik voru þau að árekstur
varð á Miklubraut, austan
Lönguhlíðar, á milli Fíat-bíls og
bifreiðar af Volkswagengerð.
Ökumaður Fíatsins er grunaður
um lyfjanotkun. Bílarnir
skemmdust lítið og ekki urðu
meiðsli á fólki. I hinu tilfellinu
varð árekstur á horni Tryggva-
götu og Kalkofnsvegar, þar sem
lentu saman Mazda-bíll og Opel
og liggur ökumaður Mözdunnar
undir grun um að hafa verið und-
ir áhrifum lyfja við aksturinn.
Hinir grunuðu ökumenn voru
báðir fluttir í lyfjaprófun, en
niðurstöðu úr því prófi er ekki að
vænta fyrr en að tveimur vikum
liðnum, samkvæmt upplýsingum
lögreglunnar.
NÖTAÐIR
QG
NYIR
Qpið i dag til 1<14
SAAB- eigendur athugið,
tökum þann gamla upp í nýjan
-eöa seljum hann fyrir þig
ef þú vilt heldur. Mikil
eftirspurn tryggir hagstæð skipti.
TÖGGURHH
SAAB
UMBOÐtÐ
BÍLDSHÖFÐA 16, SÍMAR 81530-83104