Morgunblaðið - 19.02.1983, Blaðsíða 45

MORGUNBLAÐIÐ, LAUGARDAGUR 19. FEBRÚAR 1983
45
VELVAKANDI
SVARAR í SÍMA
10100 KL. 11—12
FRÁ MÁNUDEGI
FÖSTUD
Þessir hringdu . . .
Velkominn
í dýrðina
Sveinbjörn Helgason hringdi og
hafði eftirfarandi að segja: — Ég
hringi vegna greinar Vestmannaey-
ingsins í dálkunum hjá þér í gær.
Hann hefur allt á hornum sér varð-
andi okkur hér á suðvesturhorninu
og er alveg dolfallinn yfir því, að við
skulum hugsa og tala eins og annað
fólk. Hins vegar segir hann, að við
gerum okkur alls ekki grein fyrir öll-
um þeim lúxus, sem við höfum
hérna. Þetta virðist benda til að
maðurinn sé eitthvað óánægður úti í
Eyjum og því liggur beinast við að
bjóða manninn velkominn í dýrðina,
til að taka þátt í gleðinni með okkur.
Auðvitað hlýtur honum að vera
frjálst að flytjast hingað. Honum
ofbýður hvað hitaveitan okkar er
ódýr, en hitaveitan í Vestmannaeyj-
um dýr. Er þetta ekki þeirra eigin
hitaveita, Vestmannaeyinga. Að
minnsta kosti höfum við Reykvík-
ingar lagt okkar hitaveitu sjálfir og
greitt allan kostnað af henni. Þar
hafa engir aðrir nærri komið. Ef ég
þekki Vestmannaeyinga rétt, þá tal-
ar þessi maður ekki fyrir munn
þeirra. Þeir eru menn til að standa
fyrir sínu og una glaðir við sitt úti í
Eyjum. Það var ekki einu sinni hægt
að koma þeim þaðan með eldgosi.
Vildi að þing-
menn fengju
dagsbrúnarkaup
Sigurður Jónsson, Hátúni 10B,
hringdi og hafði eftirfarandi að
segja: — Mig langaði til að vekja
athygli á djarfri og einlægri ræðu
sem Einar J. Gíslason, fyrrverandi
útgerðarmaður og sjómaður en nú-
verandi forstöðumaður Fíladelfíu-
safnaðarins, flutti á sunnudaginn
var, við messu sem útvarpað var. Þar
kom m.a. fram, að Einar vildi fækka
þingmönnunum niður í þrjátíu og
það væri nóg að þeir hefðu dags-
brúnarkaup. Undir þetta vil ég taka
heils hugar. Því lægra kaup sem þeir
hafa, þeim mun fyrr skynja þeir á
sjálfum sér afleiðingar gerða sinna.
*
I opinberum
erindagjörðum?
GJ. hringdi og hafði eftirfarandi
að segja: — Þeir eru að segja, að
Valli víðförli sé horfinn frá Rifi.
Getur ekki átt sér stað, að hann sé í
opinberum erindagjörðum í Dana-
veldi? A.m.k. held ég, að tryggast
væri, að menn þar ytra hvesstu sjón-
ir út í þarabrúkið á Kaupinhafnar-
fjöru, í tíma, svo að hann verði ekki
af fluginu heim.
Hvaða hugsun
býr að baki?
Níundi bekkur grunnskólans á
Hvammstanga hafði samband við
þáttinn og bað fyrir eftirfarandi at-
hugasemd: — Við vorum að ræða
fötlun á málfundi í skólanum okkar.
Kom þar m.a. til umræðu grein í
Morgunblaðinu frá 13. febrúar, þar
sem sagt var frá bágum aðstæðum
fyrir fötluð börn í Hliðaskóla. Okkur
langar til að vita, hvaða hugsun get-
ur búið að baki því hjá borgaryfir-
völdum að kaupa gervigras á
íþróttavöllinn í Laugardal, meðan
börnin í Hlíðaskóla búa við lyftu-
leysi, en þurfa þó að komast á milli
hæða. Við viljum minna á, að fötluð
börn eru ekki dauðir hlutir. Við
krakkarnir í níunda bekk hér á
Hvammstanga lýsum fyllsta stuðn-
ingi okkar við þau og skorum á borg-
aryfirvöld að greiða sem fyrst úr
þessum vanda.
Illa fariö
að afgreiða
málið þannig
Snorri Steinarsson hringdi og hafði
eftirfarandi að segja: — Fyrir jól
lögðu nemendur, sem búsettir eru í
Garðabæ en stunda nám í Reykja-
vík, beiðni fyrir bæjarstjórn Garða-
bæjar, um að þeir fengju styrk úr
bæjarsjóði vegna strætisvagnaferða.
Þeirri beiðni hefur nú verið synjað.
Finnst mér það illa farið að afgreiða
málið þannig, þar sem fargjaldið
kostar nú orðið um 22 kr., hver ferð
niður í bæ, og með tilliti til þess að
bæði Hafnfirðingar og Kópavogsbú-
ar fá 80—100% námsmannastyrk
vegna ferðakostnaðar með strætis-
vögnum. Ég get ekki skilið, hvers
vegna bæjarstjórn Garðabæjar sá
sér ekki fært að fara eins að.
í leiðinni langar mig til að senda
þakkir til nemandanna í Garðaskóla,
sem standa fyrir útvarpssendingum
þessa dagana. Starf þeirra hefur
tekist með ágætum og þeir hafa ver-
ið með mikið og gott lagaúrval.

„Mættu margar ríkis.stjórnir undanfarinna ára vera hreyknar af að eiga ekki nema 10 atriðum ólokið þegar að leiðarlokum
dregur... Má því ríkisstjóm vor vera sæmilega ánægð þegar upp er staðið."
ismanns og lái þeim hver sem vill.
Aðstaðan gefur ekki tilefni til ann-
ars, enda sami tónninn, sem þeir
verða að blása út. Þar er fátt um
fína drætti annað en að koma sem
mestu svörtu í dálkana. Engan
skyldi því undra þótt með svona
áframhaldi mættu þeir búast við að
verða stakir steinar í eyðimörkinni
sem fjöldinn æki framhjá.
Að maður tali nú ekki um vindinn
frá Sauðárkróki. Ekki hleypir hann
sólskininu í bæinn. Enda eitthvað
það afkáralegasta sem blásið hefir
um íslenskt þjóðlíf svo ekki sé meira
sagt. Kuldinn yfirgnæfandi og ekki
farið í grafgötur með hvað skuli gera
við þá sem ekki falla í kramið og láta
ekki flokksræðissvipuna buga sig.
Litið til þessara dæma, þá er það
vafasamur heiður að vera sjálfstæð-
ismaður, eins og þeir hugsa það.
Ég hélt nefnilega að sjálfstæðis-
stefnan væri fólgin í að auka mann-
gildi, trú manna á landi og þjóð, efla
guðstrú og góða siði og vinna sínum
flokki á þeim akri gagn og þjóðinni
okkar um leið. Nýta vel besta landið
í heiminum, auka trú á það, en ekki
ráðast á þá sem vilja að hverjum og
einum gefist kostur á að vinna landi
sínu og þjóð það gagn sem hann má.
Ekki að ráðst á þá ef þeir skyggðu á
þá sem ekki skilja annað en þeir séu
ævikjörnir og eigi flokkinn með húð
og hári, séu hættulegir vissum sjón-
armiðum í flokknum og þá þarf
flokksvélin að fara í gang og gæta
þess að litríkið verði ekki of mikið —
halda í skefjum. Það er engin sjálf-
stæðisstefna. Ég tel mig sjálfstæð-
ismann og skyldu mína að auka sól-
skinið í íslensku þjóðlifi, reyna að
gera mitt til að hér ríki í framtíðinni
fagurt mannlíf. Munum að við eigum
gott land, erum rík. Við skulum
þakka guði fyrir það þegar við lítum
til annarra landa.“
Ný söngkona í
Töfraflautunni
SÚ BREYTING er orðin á hlut-
verkaskipan í Töfraflautunni aö
Elísabet F. Eiríksdóttir hefur tekið
við hlutverki fyrstu hirðmeyjar
næturdrottningarinnar af Sieg-
linde Kahman.
Elísabet tók við hlutverkinu á
34. sýningu íslensku óperunnar í
gærkvöldi.
Námskeið fyrir for-
eldra sykursjúkra barna
SAMTÖK sykursjúkra, Reykjavík
munu á næstunni efna til námskeiðs
fyrir foreldra sykursjúkra barna.
Leiðbeinendur á námskeiðinu
verða læknir, félagsráðgjafi og
matarfræðingur.
Takmark námskeiðs sem þessa,
er að veita leiðbeiningar og
fræðslu um meðferð sykursýki,
rétt mataræði, og félagsleg vanda-
mál sem henni fylgja.
Stjórnandi námskeiðsins verður
Sævar Berg Guðbergsson félags-
ráðgjafi.
Tilhögun námskeiðsins verður
nánar kynnt á fundi sem Samtök
sykursjúkra halda í Holtagörðum
þriðjudaginn 22. febrúar nk.
Finnsk listiðnaðarsýn-
ing í Norræna húsinu
í DAG, laugardaginn 19. febrúar, vcrður opnuð sýning í sýningarsölum
Norræna hússins á finnskum listiðnaði. Hér er um að ræða hóp úr samtökum
handiðnaðarmanna í Ilelsinki Artisaani. Á sýningunni eru leirvörur ýmiss
konar, skartgripir úr silfri og bronsi, þrykktir og ofnir textílar, prjónavörur
og glermunir.
Samtökin Artisaani voru stofn-
uð 1974 af 13 félögum í Ornamo,
félagi finnskra hönnuða. Félags-
menn eru nú um 80, hvaðanæva úr
Finnlandi. Flestir þeirra eru text-
ílhönnuðir og leirlistamenn. Sam-
tökin settu á stofn verslun í Hels-
inki árið 1975. Þar er á boðstólum
fjölbreytt úrval listiðnaðar: leir-
vörur, skartgripir úr silfri og
bronsi, leður- og trévörur, textílar,
föt, prjónavörur og glermunir.
Stjórn Artisaani velur nýja fé-
laga úr hópi umsækjenda, sem
verða að hafa atvinnu af listiðn
sinni og verða verk þeirra einnig
að standast kröfur Artisaani um
listrænt gildi. Sl. ár sóttu 6 iista-
menn um inngöngu, en aðeins 3
voru valdir. Sífellt bætast nýir fé-
lagsmenn í hópinn, en einnig eru
alltaf einhverjir sem hætta, t.d. ef
þeir hefja störf við hönnun fyrir
iðnaðarframleiðslu.
Sýningin í Norræna húsinu
verður opin daglega kl. 14—19 til
1. mars nk.
Hluti sýningarmunanna á sýningunni í Norræna húsinu.
Hótel Loftleiðir:
Arni Elvar á „Jazzbrunch“
Sunnudaginn 20. febrúar verður
„Jazzbrunch" í Blómasal Hótels
Ijoftleiða í hádeginu. Tríó Steina
Steingríms leikur og Árni Elvar
kemur sem gestur og leikur á
básúnu.
Gestir geta valið um rétti á
kalda borðinu í Blómasal auk
rétta af morgunverðarborði.