Morgunblaðið - 26.05.1983, Blaðsíða 18
18
MORGUNBLAÐIÐ, FIMMTUDAGUR 26. MAÍ 1983
Aðstandendur tímariLsins Storðar. Taldir frá vinstri: Guðjón Eggertsson, hönnuður ritsins, Haraldur J. Hamar, ritstjóri, Brynjólfur Bjarnason, sem
situr í útgáfunefnd, Páll Magnússon, aðstoðarritstjóri og Eiríkur Hreinn Finnbogason, sem einnig situr í útgáfunefnd.
„Vildum rit sem byði upp á
vandað efni í fallegum búningi"
Fyrsta tölublað tímaritsins Storðar komið út:
— segir Haraldur J. Hamar rit-
stjóri hins nýja tímarits
„Okkur langaði til að koma á stofn verulega góðu riti, sem byði upp á
vandað efni í fallegum búningi, riti sem höfðaði til fjöldans, en ekki bara
til fárra útvaldra," sagði Haraldur J. Hamar, annar eigenda og útgefenda
tímaritsins Storðar, en eins og sagt var frá í Morgunblaðinu í gær, hefur
nýtt tímarit litið dagsins Ijós á íslandi. I>að er tímaritið Storð, sem ber
undirtitilinn Heimur í öðru Ijósi, en ásamt Haraldi, sem um árabil hefur
gefið út tímaritið lceland Review eins og kunnugt er, stendur Almenna
bókafélagið að útgáfunni.
Áætlað er að tímaritið Storð
komi út ársfjórðungslega. Þetta
fyrsta tölublað sem nú hefur lit-
ið dagsins ljós, er 128 blaðsíður
að stærð, allt litprentað. Meðal
efnis í þessu fyrsta tölublaði er
viðtal við dr. Kristján Eldjárn,
sem tekið var á æskusióðum
hans að Tjörn í Svarfaðardal,
skömmu áður en hann lést. Þá er
skýrt frá úrslitunum í leynilegu
skákeinvígi sem tímaritið efndi
til milli Boris Spassky, fyrrver-
andi heimsmeistara í skák, og
Fririks Ólafssonar í október síð-
astliðnum, en leikar fóru þannig
að Spassky bar sigur úr býtum,
3—1, tvær skákir urðu jafntefli,
og Spassky sigraði í tveimur
skákanna. Eru skákirnar birtar
með skýringum skákmeistar-
anna. Þá er í blaðinu grein eftir
dr. Sigurð Þórarinsson heitinn
um Skaftárelda, en þá rann
mesta hraun, sem runnið hefur á
íslandi síðan land byggðist, en
200 ár eru frá Skaftáreldum.
Einnig er birt í tímaritinu, frá-
sögn eftir Illuga Jökulsson
blaðamann af togaratúr á Hala-
mið og Halldór Blöndal alþingis-
maður á viðtal við Ragnhildi
Gísladóttur úr kvennahljóm-
sveitinni Grýlunum. Birt eru
þrjú áður óbirt ljóð eftir Jón úr
Vör og einnig er í ritinu smásaga
eftir Kristján Karlsson og margt
fleira.
„Ég er búinn að gæla við þessa
hugmynd lengi, að gefá út fyrir
íslenska lesendur tímarit sem
bæri svolítið annan svip, en þau
tímarit sem við eigum hér fyrir,
bæði hvað efnisval og útlit
snerti," sagði Haraldur J. Ham-
ar ennfremur. „Ég hef gefið út
Iceland Review í tvo áratugi
núna og átt ýmiskonar samvinnu
við Almenna bókafélagið og til
þeirrar samvinnu má eiginlega
rekja samstarfið um þessa út-
gáfu. Þá hefur Almenna bókafé-
lagið yfir að ráða einu öflugasta
dreifingakerfinu hér á landi, þar
sem er bókaklúbbur AB, en
tímaritinu verður dreift til fé-
laga í bókaklúbbnum og þeim
gefin kostur á að gerast áskrif-
endur með hagkvæmum kjörum,
en bæði verður hægt að fá ritið í
áskrift og lausasölu þar fyrir
utan.
Við gengum því til samvinnu
um það að gefa út rit, sem hefði
vandað efnisval á breiðum
grundvelli og væri framsett á
þann máta sem hæfði innihald-
inu. Við höfum reynt að tileinka
okkur alþjóðleg vinnubrögð í
þessum efnum og viljum meina
að þetta rit standist samanburð
við tímarit hvar sem er í heimin-
um. Þar njótum við reynslunnar,
sem við höfum fengið af útgáfu
Iceland Review undanfarin ár.
Það er ótrúlega mikið til af
tímaritum á fslandi miðað við
stærð þjóðarinnar, en þetta er
tilraun til að búa til rit sem
stendur upp úr, hvað efni og útlit
snertir. Tímarit sem höfðar til
allrar fjölskyldunnar, án þess að
vera heimilisrit í þeim venjulega
skilningi.
Ég hef trú á því að þetta geti
gengið, því hér er boðið upp á
það sem við viljum kalla há-
gæðarit. Viðbrögðin hafa líka
verið mjög jákvæð, en framtíðin
verður að leiða það í ljós hvert
framhaldið verður.
Það er mjög spennandi fyrir
blaðamann að fást við svona
verkefni. Það er nú einu sinni
blaðamönnum í blóð borið að
fást í sífellu við eitthvað nýtt, og
ef vel tekst til skilur það eitt-
hvað eftir og er í raun framlag
til samfélagsins," sagði Harald-
ur einnig.
Haraldur J. Hamar segir með-
al annars í formálsorðum fremst
í hinu nýja tímariti, þar sem því
er fylgt úr hlaði: „STORÐ, það
nýja rit sem þú hefur nú í hönd-
um, vill veita lesendum sínum
tækifæri til að staldra við á
hraðfleygri stund og dvelja við
svipmyndir úr nútíð og fortíð —
og skyggnast inn í framtíðina.
Storð ætlar að fjalla um land og
þjóð, mannlíf og menningu,
tvinna saman gamalt og nýtt —
njóta í því skyni hæfra höfunda
og nýta eins og kostur er mögu-
leika myndtækninnar og list-
ræns handbragðs. STORÐ vill
tileinka sér nútímaviðhorf í efn-
isvali og frágangi — og vill geta
borið sig saman við það sem best
gerist í hliðstæðri útgáfu með
stærri þjóðum. Þetta nýja rit vill
veita allri fjölskyldunni ánægju
og fróðleik og örva vakandi hug,
stuðla að heilbrigðu mati og
varðveislu okkar þjóðlegu verð-
mæta.“
í útgáfunefnd ritsins sitja þeir
Brynjólfur Bjarnason, Eiríkur
Hreinn Finnbogason og Harald-
ur J. Hamar, sem jafnframt er
ritstjóri blaðsins, eins og fyrr
sagði. Aðstoðarritstjóri er Páll
Magnússon og hönnuður ritsins
er Guðjón Eggertsson.
Egilsstaðir:
Hljómplötu-
útgáfa hafin
Kgilsstöóum, 24. maí.
SKÖMMU fyrir hvítasunnuhelgina
kom út hér á Egilsstöðum hljómplat-
an „Grimmt og blítt“. Þar leikur
hljómsveitin „Slagbrandur“ ásamt
Viðari Alfreðssyni og Þorleifi Gísla-
syni fimm frumsamin lög eftir hinn
kunna hljóðfæraleikara og lagasmið,
Árna ísleifs.
Lögin eru öll ný af nálinni að
sögn Árna og höfða textar, sem
eru eftir Héraðsmennina Einar
Georg og Einar Rafn Haraldsson,
til þjóðsögulegra atburða hér um
slóðir.
Hljómsveitin Slagbrandur var
um skeið ein aðaldanshljómsveitin
á Austurlandi — en hefur nú hætt
störfum. Hljómsveitina skipuðu
Bjarni Helgason, trommari og
söngvari; Friðjón Jóhannsson,
bassaleikari og söngvari; Sigurður
Fr. Lúðvíksson, gítarleikari, og
Árni ísleifsson, stjórnandi og pí-
anóleikari. Þeir Slagbrandsmenn
fengu svo til liðs við sig við upp-
töku plötunnar tvo góðkunna
hljóðfæraleikara, Viðar Alfreðs-
son, trompetleikara, og Þorleif
Gíslason, sem endur fyrir löngu
lék með Lúdó-sextett, en hefur hin
síðari ár haslað sér völl sem mjög
liðtækur jassleikari á tenórsaxó-
fón.
Upptaka plötunnar fór fram í
Grettisgati Þursaflokksins og
annaðist Júlíus Agnarsson stjórn
upptöku.
Matti Ástþórs, auglýsingateikn-
ari, hannaði og teiknaði plötu-
umslag.
„Grimmt og blítt“ með Slag-
brandi er 45 snúninga stereo-plata
og útgefandi er hið nýja hljóm-
plötuútgáfufyrirtæki Árna ísleifs,
Brandur á Egilsstöðum.
Steinar hf. mun annast dreif-
ingu plötunnar.
— Olafur.
Leiörétting
Þau leiðu mistök urðu í Mbl. í
gær, í grein um enduruppbyggingu
á Patreksfirði, að myndabrengl
varð. í grein sem bar fyrirsögnina
„Treystum á raunhæfar aðgerðir
til að fyrirbyggja snjóflóð", var
sett mynd af Gunnari Gunnars-
syni og Jóhönnu Leifsdóttur, en
þar áttu að vera hjónin Guðbrand-
ur Haraldsson og Vigdís Helga-
dóttir.
Og í stað myndar af Gunnari og
Jóhönnu kom mynd af Guðbrandi
og Vigdísi. Mbl. biðst innilega
velvirðingar á þessum leiðu mis-
tökum.
Tónlistarskólinn í Vog-
um lýkur 2. starfsári
Um miójan mái síðastliðinn lauk 2. starfsári tónlistarskólans i Vogum.
Skólann sóttu 45 nemendur og var kennt á píanó, málmblásturshljóðfæri,
sópran- og alt-blokkflautur, gítar og einnig var kenndur einsöngur.
Tónfundir voru haldnir einu
sinni í mánuði opnir aðstandendum
nemenda.
Vortónleikar skólans fóru fram
7. maí og komu þar fram 34 nem-
endur.
Kennarar við skólann auk skóla-
stjórans, Ragnheiðar Guðmunds-
dóttur, voru þau Ríkharður Frið-
riksson, Ágústa Þórólfsdótir og
Hilmar Þórðarson. Ellefu nemend-
ur luku stigaprófum.
Kennsla hefst að nýju um miðjan
september nk. og verður kennt á
tréblásturshljóðfæri auk áður-
nefndra hljóðfæra.
Þjóðleikhúsið fær afnot af íþróttahúsi Jóns Þorsteinssonar:
Hentar hugsanlega
vel fyrir Litla sviðið
— segir Sveinn Einarsson þjóðleikhússtjóri
„ÞAÐ ER KOMIN formleg staðfesting á því að Þjóðleikhúsið fái til afnota
íþróttahús Jóns Þorsteinssonar næstu tíu árin,“ sagði Sveinn Einarsson Þjóð-
leikhússtjóri í samtali við Morgunblaðið, en eins og sagt var frá í Morgunblaðinu
fyrir nokkru þá festi rfkið kaup á íþróttahúsi Jóns Þorsteinssonar og hefur
Þjóðleikhúsið ásamt fleiri aðilum haft:
„í ein 2—3 ár hefur verið bent á
hús Jóns Þorsteinssonar sem heppi-
legustu lausn á húsnæðisvanda
Þjóðleikhússins og síðastliðið haust
var skipuð nefnd til að fjalla um
þennan vanda. I þessari nefnd áttu
sæti fulltrúar þriggja ráðuneyta,
forsætis-, menntamála og fjármála-
ráðuneytis og fulltrúi frá Þjóðleik-
húsinu og var niðurstaðan sú að
þessi lausn væri sú heppilegasta.
Húsið mun nýtast okkar á mjög
margan hátt. Við munum flytja alla
starfsemi listdansskólans þangað,
;astað á húsnæðinu.
en hann hefur átt þar inni að hluta
undanfarin ár og talsvert af starf-
semi dansflokksins. Auk þess fáum
við þarna nýtt æfingahúsnæði, en
við höfum verið á hrakhólum með
æfingahúsnæði. Við munum trúlega
flytja skrifstofur Þjóðleikhússins
yfir í íþróttahúsið, en þar hafa einn-
ig verið vandræði vegna þrengsla.
Hugsanlega munum við einnig
flytja bókasafnið yfir og margt
fleira. Þá kemur til greina að hafa
sýningar í íþróttahúsinu. Þær
hugmyndir hafa komið fram, að
stærri salurinn, sem þarna er, henti
vel fyrir Litla sviðið, en Þjóðleik-
húskjallarinn hefur, eins og kunn-
ugt er, um sinn verið notaður sem
bráðabirgðaleiksvið.
Að fá íþróttahús Jóns Þorsteins-
sonar undir starfsemi Þjóðleikhúss-
ins er okkur mikið fagnaðarefni og
skiptir leikhúsið mjög miklu máli.
Margur vandi, sem við höfum verið
að berjast við undanfarin ár á að
leysast með þessu móti. Það er svo-
lítið gaman að því að Jón Þorsteins-
son, sem byggði þetta hús af miklum
stórhug á sínum tíma, hefur oftar
en einu sinni látið að því liggja, að
hann vildi gjarnan að það yrði Þjóð-
leikhúsið, sem tæki við þessu húsi,“
sagði Sveinn Einarsson, Þjóðleik-
hússtjóri að lokum.