Morgunblaðið - 29.05.1983, Blaðsíða 23

MORGUNBLAÐIÐ, SUNNUDAGUR 29. MAÍ 1983
Ivionel
Hampton
andi ímynd þessarar tónlistargreinar.
Hann hefur haldið tónleika víða um heim,
spilað á öllum meiriháttar jazz-hátíðum,
sem haldnar eru regulega og leikið með
flestum frægustu jazz-mönnum veraldar.
Hampton er óvenjufjölhæfur tónlistar-
maður, leikur jöfnum höndum á trommur,
píanó og víbrafón og bregður jafnvel fyrir
sig að syngja á sinn sérstaka hátt. Víbra-
fónninn er aðalhljóðfæri hans og hefur
hann sérstök töfratök á því. Hann hefur
verið brautryðjandi i notkun þess í jazz-
hljómsveitum.
Lionel Hampton er fæddur 12. apríl 1913
og byrjaði að leika á trommur á barns-
aldri. Fyrsta hljómsveitin, sem hann lék í,
var hljómsveit blaðasölustráka, sem sett
var á laggirnar hjá blaðinu Chicago De-
fender, en það blað var fyrst og fremst
lesið af svertingjum.
Fjölskylda hans fluttist til Califc.iifu
þegar hann var unglingur og þar lék
Hampton í unglingahljómsveit í Los Ang-
eles. Fljótlega komst hann í tæri við víbra-
fón, sem þá var fyrst og fremst notaður
sem ásláttarhljóðfæri, og fyrir tilviljun
lék hann á vibrafón með Louis Armstrong
inn á plötu og var það í fyrsta sinn, sem
jazz var leikinn á víbrafón á hljómplötu.
eftir BIRGI ÍSLEIF GUNNARSSON
Einn af höfuðsnillingum
jazzins, Lionel Hampton,
sækir okkur heim í vik-
unni og heldur tónleika í
Háskólabíói á vegum
Jazz-vakningar þann 1.
júní nk. Þótt hann sé kom-
inn yfir sjötugt, er hann
enn sagður hress og er á ferð og flugi til að
miðla fólki af list sinni.
Lionel Hampton hefur alla tíð verið ein-
skonar náttúrubarn í jazzheiminum og lif-
á íslandi
Það var lagið „Memories of you“. Hampton
hreifst af þessu hljóðfæri, en hljómsveit-
arstjórinn vildi halda honum við tromm-
urnar.
Lionel Hampton yfirgaf þá hljómsveit-
ina og setti upp eigin hljómsveit, sem ferð-
aðist á milli staða á Vesturströnd Banda-
ríkjanna. Þar voru þeir félagar að leik eitt
sinn, þegar Benny Goodman heyrði hann
leika og fékk hann umsvifalaust til liðs við
trio sitt, sem eftir það varð að frægum
kvartett, sem lék víða á árunum
1936—1940. Eru ótal hljóðupptökur til með
kvartettinum og er þessi sígilda jazz-
tónlist þeirra félaga eitt af þvi besta, sem
gert hefur verið i jazz-heiminum.
Árið 1940 stofnaði Lionel Hampton sína
eigin hljómsveit og ekki leið á löngu áður
en sú sveit var orðin fræg og eftirsótt í
Bandaríkjunum. Margir frægir tónlist-
armenn léku í þessari hljómsveit og má
þar t.d. nefna Dizzy Gillespie. Allt til
dagsins í dag hefur Hampton haldið áfram
að spila, ýmist með eigin hljómsveitum
eða öðrum.
Hér verður ekki rakinn frekar ferill
þessa einstæða tónlistarmanns. Um hann
sjálfan og tónlist hans hafa verið notuð
hástemmdari lýsingarorð en um flesta
aðra. Hann þykir einstakur persónuleiki,
sviðsframkoma hans er margrómuð og oft
tekst honum að skapa slika stemmningu á
tónleikum að allt ætlar um koll að keyra.
Þó að víbrafónninn sé aðalhljóðfærið gríp-
ur hann enn í trommurnar og píanóið.
í 55 ár hefur Lionel Hampton staðið á
sviðinu og leikið tónlist sína. Hann eldist
eins og aðrir, en fregnir herma og tónlist-
argagnrýendur segja að ennþá sé sami eld-
ur í æðum sem fyrrum og að enn hrífi
hann áheyrendur með snilld sinni og sér-
stakri framkomu.
Lionel Hampton hefur aldrei leikið á ís-
landi áður. Hingað kemur hann með 17
manna hljómsveit.' Það verður örugglega
mikil eftirvænting meðal þeirra, sem fara
munu í Háskólabíó á miðvikudagskvöldið
kemur.
23
Styrkir
úr sjóði
Ludvigs Storr
STYRKIR til framhaldsnáms og
rannsókna fyrir árið 1983 verða
veittir úr menningar- og framfara-
sjóði Ludvigs Storr í samræmi við
skipulagsskrá sjóðsins:
„Tilgangur sjóðsins er að stuðla
að framförum á sviði jarðefna-
fræða, byggingariðnaðar og skipa-
smíða með því að styrkja vísinda-
menn á sviði jarðefnafræða, verk-
fræðinga, arkitekta, tækni-
fræðinga og iðnaðarmenn til
framhaldsnáms, svo og að veita
styrki til rannsókna á hagnýtura
úrlausnarefnum í þessum grein-
um.
Stjórn sjóðsins er ennfremur
heimilt að veita lán í sama til-
gangi.
Við mat á því, hvort umsækj-
andi skuli hljóta styrk, skal lagt
til grundvallar, hvort framhalds-
nám umsækjanda eða rannsóknir
geti stuðlað að raunhæfum fram-
förum í þeirri grein, sem um ræð-
ir.“
Umsóknareyðublöð eru á
skrifstofu Háskóla íslands og skal
senda umsóknir þangað fyrir 20.
júní nk.
Fræðsla um
gæðamál í
fiskiðnaði
verði stóraukin
MORGUNBLAÐINU hefur borizt
eftirfarandi: Aðalfundur Fiskiönar,
fagfélags firkiönadarins, haldinn í
Reykjavík 30. apríl 1983, ályktar um
gæðamál fiskiðnaðarins.:
„Fundurinn hvetur stjórnvöld
og hagsmunaaðila að hlutast til
um meiri og víðtækari fræðslu um
gæðamál í fiskiðnaði en hingað til
hefur tíðkast.
Fundurinn bendir á nauðsyn
þess að útbúa fræðsluefni fyrir
nemendur grunnskóla og almenn-
ing í landinu. Jafnframt verði haf-
in markviss fræðsla fyrir starfs-
fólk í fiskiðnaði um gæðamál, og
má því marki m.a. ná með því að
hraða byggingu Fiskvinnsluskól-
ans og efla starfsemi hans.
Einnig varar fundurinn alvar-
lega við þeirri neikvæðu umfjöllun
sem fjölmiðlar viðhafa oft um
gæðamál íslensks fiskiðnaðar, sem
gjarnan hefur einkennst af æsi-
fréttamennsku og hreinni van-
þekkingu á vinnsluþáttum og
mikilvægi fiskiðnaðarins."
Sænskur lækn-
ir flytur
fyrirlestur
NÚ UM helgina er væntanlegur
kunnur sænskur læknir, prófessor
Wolfram Kock, frá Stokkhólmi. —
Hann er auk þess aðalritstjóri
læknaritsins Nordisk Medisinsk
Ilistori.sk Ársbok.
Á vegum Fél. áhugamanna um
sögu læknisfræðinnar mun próf.
Kock flytja erindi í Norræna hús-
inu nk. þriðjudag kl. 17.30. Mun
fyrirlesarinn segja frá brautryðj-
andi námsferðum sænskra lækna
á 18. og 19. öld. Fyrirlestraferð
próf. Koks hingað er kostuð af
sjóði sem kenndur er við Egil
Snorrason lækni er var yfirlæknir
á Ríkisspítalanum í Kaupmanna-
höfn, en hann var ættaður vestan
frá ísafirði. — Afi hans var kaup-
maður þar í bænum. Fyrirlestur
próf. Kocks er öllum opinn.
Fróóleikur og
skemmtun
fyrirháa sem lága!