Morgunblaðið - 18.09.1983, Blaðsíða 2

2
MORGUNBLAÐIÐ, SUNNUDAGUR 18. SEPTEMBER 1983
Janúar — júlí:
Rækjuútflutning-
ur jókst um 60%
Verðmætaaukning milli ára liðlega 300%
RÆKJUÚTFLUTNINGUR íslendinga jókst um tæplega 60%
fyrstu sjö mánuði ársins, þegar út voru flutt samtals 1.575,3
tonn, borið saman við 984,9 tonn á sama tíma í fyrra.
Athygli vekur síðan, að verð-
mætaaukning þessa útflutnings
milli ára er liðlega 308%, eða lið-
lega 255,5 milljónir króna fyrstu
sjo mánuðina í ár, borið saman við
liðlega 62,5 milljónir króna á sama
tímabili i fyrra.
Ef litið er á tölur um afla kom-
inn á land fyrstu átta mánuði árs-
ins, kemur í ljós, að aukningin
milli ára er liðlega 30%. í ár hafa
komið á land um 8.603 tonn, en til
samanburðar komu 6.607 tonn á
land á sama tíma í fyrra.
í ágústmánuði sl. komu á land
1.307 tonn af rækju, en til sam-
anburðar um 490 tonn á sama
tíma í fyrra. Aukningin milli ára
er því tæplega 167%.
Landsleikurinn við Ira:
Margt gert til að
skapa stemmningu
MARGT verður gert til að skapa stemmningu á landsleik
íslendinga við íra á miðvikudaginn í næstu viku, en í þann
leik mæta allir bestu atvinnumenn okkar og veitir víst ekki
af, því írar eru með mjög gott landslið.
Áróðursnefnd KSl, en í henni
eiga sæti Halldór Einarsson,
Gunnar Sigurðsson og Baldvin
Jónsson, stefnir að því að
stemmningin verði eins og best
gerist á kappleikjum í Englandi.
Magnús Ólafsson hefur verið feng-
in til að stjórna fjöldasöng og
Lúðrasveit Kópavogs leikur.
Karnabær gefur öllum börnum
sem koma á leikinn íslenska fán-
ann. Þá hefur frést að nokkrum
fyrirtækjum og verslunum verði
lokað klukkan 5, en leikurinn hefst
kl. hálf sex.
Forsala aðgöngumiða á leikinn
hófst á föstudaginn og heldur
áfram á mánudaginn í turninum á
Lækjargötu. Þar munu þeir at-
vinnumenn okkar, sem komnir
verða til landsins, gefa eiginhand-
aráritanir eftir hádegi og Horna-
flokkur Kópavogs leikur.
írska landsliðið kemur til lands-
ins á mánudagsmorgun.
Ökumaður missti stjórn á bifreið á Laugavegi:
Fimm slasaÖir, þar
af einn alvarlega
FIMM manns slösuðust, þar af
einn alvarlega, þegar bifreið ók á
þrjá gangandi vegfarendur á
Laugavegi um klukkan 1.30 í fyrri-
nótt, samkvæmt upplýsingum sem
Morgunblaðið fékk hjá lögregl-
unni í gær. Var fólkið flutt á slysa-
deild.
Atvik voru þau að bíl var ekið
niður Laugaveginn og er komið
var á móts við hús númer 7, sem
er Vegamótaútibú Landsbank-
ans, missti ökumaður stjórn á
bílnum og ók á þrjá gangandi
vegfarendur og hafnaði bíllinn
síðan á steinsúlu við bankann.
Einn vegfarendanna þriggja
slasaðist talsvert en hinir tveir
minna. Þá hlutu ökumaður bif-
reiðarinnar og farþegi einhver
meiðsl.
Orsök slyssins er talin sú að
ökumaður hafi veikst undir stýri
og samkvæmt upplýsingum lög-
reglunnar er álitið að hann hafi
fengið flogakast og við það misst
stjórn á bílnum.
Olafsvík, 15. seplcmber.
í DAG veiddi 12 ára piltur úr
Reykjavík, Þór Kjartansson,
furðulegan lax í Fróðá. I.axinn,
sem er ekki nema u.þ.b. 2,5 pund
og sá minnsti úr ánni í sumar, er
afar einkennilegur í laginu. Hann
er mjög stuttur með smáan haus,
en bolurinner sver og sömuleiðis
er sporðurinn digur.
Hann er alveg ljós og nýrunn-
inn, en laxadröfnurnar leyna sér
ekki, en dökkir þræðir í sporð-
blöðkunni koma einkennilega
fyrir. Lax þessi mun fara í hend-
ur kunnáttumana. Fyrir nokkr-
um árum veiddist hnúðlax I
Fróðá og var hann talsvert frá-
brugðinn þessum. Sá fiskur var
hængur en þetta er hrygna,
hverrar ættar sem hún er.
Þetta kaldasta sumar aldar-
innar hefur verið Fróðá erfitt á
ýmsan hátt. Geysimikill snjór
var í fjallinu frameftir sumri og
er raunar enn. Kuldi var mikill í
vatninu og flóð voru mörg og
ströng. Laxinn var því nær ein-
göngu á fáum stöðum neðst í
ánni en fór lítt eða ekki á bestu
staðina. Veiðst hafa um 100 lax-
ar og mikið er sagt af laxi í ánni
og er hann enn að ganga.
- Helgi
Furðulax
í Fróðá
Afmælishátíð Flug-
leiða lýkur í dag
AFMÆLISHÁTÍÐ Flugleiða lýkur í
dag, en hón hófst í gærmorgun
kiukkan 11.00. Fjölmargir gestir
heimsóttu sérstaka yfirlitssýningu á
starfscmi félagsins að Hótel Loftleið-
um í gærdag, auk þess sem ein Fokk-
er Friendship-flugvél félagsins var al-
menningi til sýnis.
Klukkan 10.00 árdegis í dag verð-
ur sérstök athöfn, þar sem öllum
flugvélum Flugleiða verður gefið
nafn, en samkeppni um nafngiftir
fór fram á liðnum vetri, eins og
kunnugt er af fréttum.
Á sýningunni gefst almenningi
gott tækifæri til að kynnast starf-
semi Flugleiða, sem er mjög marg-
þætt, enda er fyrirtækið eitt af
stærstu fyrirtækjum landsins.
Séra Qlafur Skúlason dómprófastur:
Líkfylgd á leiðinni
MAKGIR hafa veitt því athygli, að
töluverð breyting hcfur orðið varð-
andi útfarir í Reykjavíkurpró-
fastsdæmi. Ber þar fyrst að nefna, að
Gufunesgarðurinn hefur verið tekinn
í notkun, en í Fossvogskirkjugarði eru
aðeins þeir jarðsettir, sem fyrr hafa
fengið frátekna reiti við andlát ást-
vina. En einnig hafa þær breytingar
orðið, að fleiri útfarir fara nú fram frá
sóknarkirkjunum en áður var.
Þessu hefur fylgt, að oftar eiga
líkfylgdir leið um borgina en áður
var. Fyrr tíðkaðist það, þegar fólk
mætti líkfylgd, að þá var numið
staðar og höfuðföt tekin ofan. Það
þótti sjálfsagt að sýna hinum látna
virðingu, um leið og hver minnti
sjálfan sig á, að það væri ekki vert
að flýta sér of mikið, fyrr en nokk-
urn varði gæti dauðinn gripið þann,
sem þar nam staðar, meðan lík-
fylgdin fór framhjá. En nú er þessu
öðru vísi farið. Það heyrir til al-
gjörra undantekninga, ef ökumenn
sýna líkvagni þá tillitssemi að
hleypa honum í gegn, þegar akleiðir
skerast. Og ef einhver er þó það
hugsunarsamur, þá á hann það
engu að síður til að aka af stað,
áður en þeir, sem líkvagni fylgja,
geta fylgt honum eftir í eðlilegri
röð, þar sem nánustu aðstandendur
koma næstir.
I kirkjum landsins verður í dag
sagt frá því, þegar Jesús mætti lík-
Séra Ólafur Skúlason
fylgd við borgarhlið Nain. Þá nam
hann staðar og sýndi hluttekningu
og meira til, eins og við þekkjum af
framhaldi sögunnar. Ekki er það á
okkar valdi að líkja svo eftir Jesú,
að lífgjöf fylgi tillitssemi okkar. Erí
væri samt ekki hægt að taka meira
tillit til þeirra sem dauðinn hefur
sótt heim, þótt ekki væri í öðru en
því að hliðra til þegar líkvagn og
líkfylgd beygir inn í þá götu, þar
sem við erum að aka, en gætum
auðveldlega numið staðar og vottað
þannig í senn samúð okkar og virð-
ingu. Ólafur Skúlason