Morgunblaðið - 18.09.1983, Blaðsíða 20
20
MORGUNBLAÐIÐ, SUNNUDAGUR 18. SEPTEMBER 1983
Hjól atvinnulífsins
Siglufirdi, 15. september.
AÐ KOMA til Siglufjarðar á þessutn haustdögum ársins 1983 er ævintýri líkast, sérstaklega
fyrir þá sem þar hafa komið nokkuð reglulega undanfarin ár og séö hvernig allt atvinnulíf og
manniíf hefur smám saman verið að dragast saman.
íbúatalan hefur stöðugt dregist saman undanfarin ár og fór á síðasta ári niður fyrir 2000 í
fyrsta sinn frá árinu 1928. En strax við komuna nú inn í bæinn verður utanaðkomandi var við
breytinguna. Allt mannlíf hefur á einhvern hátt hert á sér — hjólin eru farin að snúast á fullu á
ný í þessum margfræga síldarbæ fyrri ára — þótt enn vanti kannski upp á hinn ævintýralega
athafnablæ fyrri ára.
Hvað veldur? Tíðindamaður Mbl. átti leið um Siglufjörð nýlega og reyndi að forvitnast um
breytinguna — eigum við að leyfa okkur að kalla það byltinguna?
Fyrst verður fyrir augum athafnasemi fyrirtækisins Þormóðs Ramma, sem í júní sl. bætti við
starfsemina með því að taka Sigló-síld á leigu og hefja vinnslu á íslenskri rækju í stórum stíl, auk
þess að gera út 2—3 togara, reka frystihús og ýmislegt fleira í sambandi við sjávarútveg. Þarna er
greinilega á ferðinni fyrirtæki, sem á sinn stóra þátt í aukinni bjartsýni heimamanna á það að
takast megi að reisa við atvinnulíf bæjarins.
Tíðindamaður Mbl. ræddi við nokkra aðila á Siglufirði um atvinnumálin.
Haukur Jónssun
Haukur Jónsson, skipstjóri á Kóp:
10 tonn eftir
4 sólarhringa
„VIÐ erum 4 á bátnum og komum inn núna í dag með um það bil 10
tonn eftir að hafa verið fjóra sólarhringa að veiðum. Þetta er búið að
vera alveg sérstaklega gott í sumar. Að vísu er ég bara í afleysingum
að þessu sinni, útgerðarmaður bátsins, Albert Leónardsson, hefur
verið með hann, en varð að taka sér frí og ég hljóp í skaröið," sagði
Haukur Jónsson, skipstjóri á Kóp frá Raufarhöfn, en það er 80 tonna
bátur, sem lagt hefur upp rækju hjá Þormóði Ramma á Siglufirði
undanfarið.
„Þessi rækjuvinnsla Þormóðs
Ramma hér á Siglufirði hefur ger-
breytt ástandinu á bænum, skapað
óhemju vinnu og kannski miklu
frekar almenna bjartsýni á að
staðurinn geti átt framtíð fyrir
sér,“ sagði Haukur einnig.
Hásetahlutur á Kóp fyrir þessa
síðustu ferð, sem tók fimm sól-
arhringa, er ca. 15.000 kr., þannig
að ekki er furða þótt bjartsýni
gæti hjá bátsverjum. Að sögn
Hauks er óhemju fjöldi skipa að
þessum veiðum fyrir Norðurlandi,
allt frá 18 tonna bátum upp í
7—800 tonna skip.
Myndir og texti: Gunnar Berg