Morgunblaðið - 18.09.1983, Blaðsíða 44
44
MORGUNBLAÐIÐ, SUNNUDAGUR 18. SEPTEMBER 1983
Kartöfluupptaka í Þykkvabænum
Gunnar Guðmundsson í Vatnskoti:
„Það verður ansi lítið
kaupið okkar þetta árið“
„JÁ, hún er með eindæmum
, léleg núna, algjör ræfill. Þó
| er hún misjöfn eins og geng-
ur enda eðlilegt eftir svona
sumar. Ég man ekki eftir
öðru eins sumri,“ sagði
Gunnar Guðmundsson í
Vatnskoti er við spurðum
hann um kartöfluupp-
skeruna. Gunnar var þá
ásamt sonum sínum heima
við bæ að afferma vörubíl
sem þeir flytja kartöflurnar á
úr görðunum.
Gunnar sagði það gott ef
hann næði 50 tunnum úr
hverjum hektara, en helm-
ingurinn væri það smár að
þær kartöflur væru ekki
söluvara. Yrði að aka
megninu af því beint á
haugana þar sem kartöflu-
verksmiðjan gæti ekki nýtt
þær rauðu. Sagðist hann
hinsvegar vonast til að
verksmiðjan gæti nýtt
smælkið af hvítu tegundun-
um. Þó sagði hann að til-
raun hefði verið gerð með
að sjóða rautt smælkið og
senda á markað en ekki
væri ljóst hvort fólki líkaði
varan.
„Það verður ansi lítið
kaupið okkar þetta árið,“
sagði Gunnar, er við spurð-
Gunnar Guðmundsson í Vatnskoti.
Uppskerunni komió fyrir í kæligeymslu í Vatnskoti.
um hann um fjárhagshlið-
ina. „Það er þó enn ekkert
uppgjafarhljóð í mönnum
enda menn varla farnir að
gera sér grein fyrir því
hvað þessi uppskerubrestur
þýðir." Sagðist hann vera
langt kominn með að taka
upp og virtust allir garð-
arnir koma jafn illa út.
Kartöflurnar væru þó enn
óskemmdar í görðunum þar
sem enginn gaddur hefði
enn komið. „En ekki er
hætta á að plássleysi verði í
kæligeymslunni hjá mér í
vetur," sagði Gunnar Guð-
mundsson í Vatnskoti.
Garðar Óskarsson kartöflubóndi í Húnkoti, lengst til hægri, ásamt heimilisfólkinu, Sigrúnu Bjarnadóttur konu sinni,
lengst til vinstri, og börnum þeirra, Óskari og Maríönnu.
Garðar Oskarsson í Húnakoti:
„Höfum útsæðið
og eitthvað
upp í áburðinn"
„ÞETTA er hrein eymd, eins og
þú sérð. Þó er þetta okkar besti
garður og gefur um 3 söluhæfar
kartöflur af hverju grasi. Venju-
lega eru þetta 10 til 12 kartöflur
undir hverju grasi en þetta fer
niður í eina sums staðar í ár,“
sagði Garðar Óskarsson í Húna-
koti er við hittum hann úti á
kartöfluakri þar sem hann vann
ásamt fjölskyldu sinni við að
taka upp kartöflur.
Garðar býr félagsbúi í
Húnakoti ásamt Óskari Gísla-
syni föður sínum og voru þeir
að taka upp kartöflur með
tveimur upptökuvélum er
okkur bar að garði en þeir eru
með um 20 hektara undir kart-
öflur. Þeir byrjuðu að taka
upp um síðustu helgi eins og
bændur gerðu almennt í
Þykkvabænum og hefur upp-
takan gengið vel að sögn Garð-
I