Morgunblaðið - 16.02.1984, Blaðsíða 13
MORGUNBLAÐIÐ, FIMMTUDAGUR 16. FEBRÚAR 1984
13
LJósm. Mbl./KÖE.
Nemendur á leið í frímínútur, en hópnum er þá tvískipt vegna plássleysis á skólalóðinni.
Stefán Thors skýrir húsnæðisvanda skólans fyrir blaðamönnum í kennarastofunni sem jafnframt
er vinnuaðstaða kennara og skrifstofa skólans.
Foreldra- og kennarafélag Vesturbæjarskólans:
Tveir fermetrar á nemanda
í stað sex í öðrum skólum
„ÁSTANDIÐ hefur verið óviðunandi í
mörg ár, en nú er svo komið að til þess
að skólinn verði starfhæfur næsta vet-
ur þarf tvær kennslustofur til. Við höf-
um staðið í bréfaskrifum við borgaryf-
irvöld frá því 1979 og við lítum á það
bréf sem nú hefur verið sent borgar-
stjóra sem lokatilraun til að knýja á
um útbætur,“ sagði Stefán Thors,
formaður foreldra- og kennarafélags
Vesturbæjarskólans á blaðamanna-
fundi sl. þriðjudag.
Vesturbæjarskólinn hefur í 25 ár
verið til húsa í gamla Stýrimanna-
skólanum við Öldugötu. Húsið, sem
er 85 ára gamalt, er um 400 fermetr-
ar á stærð, en auk þess hefur skól-
inn fengið tvær færanlegar kennslu-
stofur, samtals um 180 fermetrar.
Voru þær settar niður á akbraut og
leiksvæði nemenda, sem er nú það
lítið að tvískipta verður frimínút-
um. Með þeim hætti fær hvert barn
13 fermetra útileiksvæðis, en við-
miðunarreglan kveður á um 25 fer-
metra á barn. Innanhúss eru að-
stæður þannig að 2 fermetrar eru á
hvern nemendanna 282, en meðaltal
skólahúsnæðis í grunnskólum
Reykjavíkur eru 6 fermetrar, að
frátöldu íþróttahúsnæði. Aðstaða til
að geyma yfirhafnir er nánast engin
og heilbrigðisyfirvöld hafa gert at-
hugasemd við hreinlætisaðstöðu í
skólanum. Bókasafn skólans er að
hluta til nýtt til kennslu og aðstaða
fyrir sérfræðinga og sérkennara er
ekki fyrir hendi.
Vegna þrengsla sækja nemendur
Vesturbæjarskólans leikfimi í
Hagaskóla, smíðar, heimilisfræði og
myndmennt í Melaskóla og tónment
og sauma á Hallveigarstaði. Börnin
fara í læknisskoðun í Langholts-
skóla og tannlæknaþjónustu sækja
þau á Barónsstíg. Einungis yngstu
börnunum er ekið í leikfimi, að öðru
leyti fara nemendur sjálfir á milli
staða.
Stefán Thors sagði allt útlit fyrir
að nemendur yrðu á næsta ári 305
talsins, miðað við aukningu undan-
farinna ára. Kvað hann vonir for-
eldra og kennara hafa verið að sjá
nýjan Vesturbæjarskóla tekinn í
notkun árið 1986, en sá skóli mun
rísa á mótum Framnesvegar og Sól-
vallagötu. Þær vonir hefðu þó
brugðist þegar gengið var frá fjár-
hagsáætlun Reykjavíkurborgar, því
að ekki væri gert ráð fyrir að hefja
framkvæmdir við nýjan skóla fyrr
en 1986. Enfremur sagði Stefán það
undarlega tilhögun borgarstjórnar
að láta byggingu nýs skóla í Graf-
arvogi hafa forgang, þegar ástand
væri eins slæmt í Vesturbæjarskól-
anum og nú. Kvaðst hann vona fyrir
hönd félagsins og allra nemenda að
borgarstjórn myndi leita lausnar á
þessum vanda og það senn. For-
eldra- og kennarafélag Vesturbæj-
arskólans gæti ekki lengur sætt sig
við sífelldar bráðabirgðaúrlausnir,
flýta þurfi byggingu nýs skóia og
umfram allt sjá til þess að skólinn
verði starfhæfur næsta vetur.
Adeins í Vörumarkaðmim getur þú keypt GAGGENAU
ofn, helluborð, grill eða viftu með 1000 króna útborgun
Vikuna 30. janúar - 4. febrúar gerum við þér til-
boð sem ekki ér hægt að hafna. . :
Örbylgjuofn kr. 27.500. Einfaldir- og tvöfaldir ofnar frá
kr. 16.900 til 27.700. Helluborð m/4 hellum, emelerað,
stál/ eða keramik frá kr. 7.900 til 16.900. Helluborð m/2
hellum, stál/ eða keramik frá kr. 4.400 til 10.900. Grill í
borð kr. 7.900 í vagni kr. 15.900. Viftur 60 og 90 cm
kr. 7.400 til 9.900 Viftur í borð kr. 12.990
Aðeins 1000 kr.útborgun í hverju tæki fyrir sig.
Eftirstöðvar lánum við til allt að 6 mánaða á
skuldabréfl. Ath. þetta tilboð gildir aðeins
vikuna 30. jan.—4. feb - eða meðan birgðir endast.
Tilboðiö gildir um land altt
Hringdu strax í síma 86117
Þér er sendur umsvifalaust myndalisti
þú gerir tækjapöntun í síma 86117, við
sendum þér skulda- bréflð í pósti til
undiritunnar. Þegar okkur berst það
aftur ásamt útborguninni-, sendum
við tækin samdægurs til þín.
Yörumarkaðurinnhí.
ÁRMÚLAIaSÍMl: 86117