Morgunblaðið - 16.02.1984, Blaðsíða 26
26
MORGUNBLAÐIÐ, FIMMTUDAGUR 16. FEBRÚAR 1984
Neyðarnúmerið — 000 — á Suðurnesjum:
Bilun í símakerfinu veld-
ur tíðum upphringingum
Á SUÐURNESJUM er í notkun sérstakt neyðarsímanúmer — 000 —
sem hægt er að hringja í á milli sveitarfélaga þótt langlínulás sé á síma
hringjanda. Þetta neyðarnúmer geta menn notað ef ekki tekst að ná í
aðstoð á neyðarstundu eftir hefðbundnum leiðum, hvort sem það er
læknir, lögregla, slökkvilið eða björgunarsveitir sem leita þarf til. Svar-
að er í símann á lögreglustöðinni í Keflavík allan sólarhringinn, en
lögreglan tekur síðan að sér að koma boðunum til réttra aðila. Það er
mikið hringt í þetta númer, en þó ekki í þeim tilgangi að kalla eftir hjálp,
eins og hugmyndin er, heldur hringir fólk óviljandi vegna bilunar í
símakerfínu:
„Það er einhver samsláttur í
kerfinu, sem veldur því að fólk
sem ætlar sér að hringja inn í
Innri-Njarðvík eða út á flugvöll
kemst inn á neyðarlínuna," sagði
Guðni Sigurðsson, varðstjóri á
lögreglustöðinni í Keflavík.
„Ég hef ekki hugmynd um hvað
bjátar á, en það er af þessu þó
nokkuð ónæði. Hins vegar er sára-
lítið um það að menn notfæri sér
númerið til að leita eftir hjálp,
sem stafar kannski af því að menn
vita ekki af þessum möguleika enn
sem komið er,“ sagði Guðni.
Númerinu var komið í gagnið af
Sambandi sveitarfélaga á Suður-
nesjum fyrir nokkrum árum og
stendur sambandið straum af
kostnaði vegna þess. En hvers
vegna var númerið sett upp? Ell-
ert Eiríksson, formaður Sveitarfé-
laga á Suðurnesjum, svarar því:
„Þetta var öryggisráðstöfun
sem gerð var vegna þess hve
margir símar á Suðurnesjum eru
með langlínulása, sem skapaði
vandræði, því það er langlína á
milli allra sveitarfélaga á Suður-
nesjum, og því var ekki hægt að
hringja beint eftir aðstoð til
Keflavíkur í þessum símum.
Neyðarnúmerið leysir þennan
vanda, því það er þannig úr garði
gert, að lásinn hefur engin áhrif á
það. Það er hægt að hringja beint
í Lögreglustöðina í Keflavík úr
hvaða síma sem er í nágranna-
sveitarfélögunum. Ég veit ekki
hvers vegna fólk notfærir sér ekki
þennan möguleika meira en raun
ber vitni, því vissulega hefur núm-
erið verið auglýst rækilega," sagði
Ellert.
Þrjú þúsund lestir af
loðnu á Bolungarvík
INNLENT
Bolungarvík, 15. Tebrúar.
í NÓTT og í morgun komu hingað
fímm loðnuskip til löndunar með
samtals um 3000 lestir af loðnu.
Skipin eru Örn, með 550 lestir, Sig-
hvatur Bjarnason, með 650 lestir, Al-
bert, með 5000 lestir, Hákon með
750 lestir og Helga II með 500 lestir.
Loðnuna fengu skipin suður við
Vestmannaeyjar og tekur siglingin
til Bolungarvíkur um sólarhring.
Þessar tæpu 3000 lestir fylla
nánast það þróarrými sem hér er.
í viðtali við fréttaritara Mbl.
sagðist Jónatan Einarsson, fram-
kvæmdastjóri Síldarverksmiðju
E.G. vera að vonum ánægður með
að hafa fengið hráefni í verk-
smiðjuna og vonast til að meiri
loðna bærist hingað á næstu vik-
um. Jónatan sagði það hins vegar
skoðun sína að hefja ætti loðnu-
veiðar fyrr á haustin, til dæmis í
ágúst- eða septembermánuði. Þá
væri loðnan mun feitari, eða með
fituinnihald þetta 15—18%, og því
mun verðmeira hráefni en til
dæmis sú loðna sem nú veiðist,
sem hefur fituinnihald um 10%.
Fer það minnkandi eftir því sem
líður á veturinn.
Gunnar
Samkeppni
um Arnarhól
og nágrenni
BORGARRÁÐ samþykkti á fundi,
sem haldinn var sl. þriðjudag að
gangast fyrir samkeppni um um-
hverfísmótun Arnarhóls og svæðis-
ins næst Seðlabankabyggingunni.
Verður samkeppni þessi öllum
opin og verður hún haldin í sam-
vinnu við Seðlabankann. Jafn-
framt verður í samkeppninni tek-
in afstaða til frágangs á þaki bíla-
geymslu og anddyris bankans
ásamt því hvernig Arnarhóll teng-
ist Seðlabankanum.
Rangt far-
ið með nöfn
í FRÉTT sem birtist í Morgun-
blaðinu í gær um afhendingu gjaf-
ar Lionsklúbbsins Víðarrs til
Landssamtaka hjartasjúkra var í
myndatexta ranglega farið með
nöfn tveggja manna. Voru það
nöfn þeirra Björns Bjarmans og
Jóhannesar Proppé. Morgunblaðið
biðst velvirðingar á þessum mis-
tökum.
Ólafur Einar Júlíusson heimsmeistari í Bag-man. „Ætli ég eyði ekki um 50
krónum á viku í spilin.“ Ljósm. Mbl.: H.S.
„Var orðinn svo
leiður á spilinu“
— segir Ólafur Einar Júlíusson sem
nýlega sló heimsmet í Bag-man tölvu-
leik og spilaði í rúman sólarhring
„Það var áramótaheit hjá mér að setja heimsmet í þessu,“ sagði Ólafur
Einar Júlíusson, 16 ára gamall piltur sem setti nýtt heimsmet í svonefndu
BAG-MAN-tölvuspili í keppni sem háð var í spilasalnum Bauknum á Lauga-
vegi 116 fyrir skömmu.
llafur er nemi í Iðnskólanum,
þar sem hann leggur stund á
málmiðnaðarnám. Hann hóf að
spila Bag-man laugardaginn 11.
febrúar klukkan 10.15 og hætti
daginn eftir klukkan 10.22; spilaði
því stanslaust í einn sólarhring og
sjö mínútur. „Ég var orðinn svo
leiður á spilinu, að ég nennti ekki
að spila lengur," sagði Ólafur er
blm. Morgunblaðsins ræddi við
hann þegar ljóst var að hann hafði
slegið nýtt heimsmet. „Ég náði
7.477.650 stigum (sjö milljón fjög-
ur hundruð sjötíu og sjö þúsund
sex hundruð og fimmtíu) en
heimsmetið sem Bandaríkjamað-
ur, sem ég man ekki hvað heitir,
átti áður, var upp á 6.840.000 stig
og það tók hann tæplega 23
klukkutíma að ná því.“
— Varstu ekki orðinn þreyttur
eftir að hafa staðið við spilakass-
ann í sólarhring?
„Jú, ég var alveg búinn að vera,
en vinur minn kom með mat til
mín meðan á þessu stóð, svo ég gat
í það minnsta borðað svolítið."
— Hefurðu æft þig lengi í Bag-
man?
„Nei, ekki get ég nú sagt það, ég
hef jú verið þarna í spilasalnum
nærri því á hverjum degi frá því í
september, en ég spila ekkert sér-
staklega mikið. Það kostar 10
krónur í hvert spil og ætli ég eyði
ekki um 50 krónum á viku í spilin.
Annars eru fáir sem spila Bag-
man, a.m.k. hér á landi. Ég held að
mönnum finnist þetta erfitt spil
og þeim finnst leiðinlegt hvað það
tekur langan tíma að safna stig-
um.“
— Nú-I -'ur mönnum orðið tíð-
rætt um iíkniefnaneyslu unglinga
og eru spilasalinir þá gjarnan
nefndir í leiðinni. Hefur þú orðið
var við slíkt?
„Nei, ekki þarna í Bauknum, en
ég fer alltaf þangað. Það eru frek-
ar krakkar um tvítugt sem maður
sér undir einhverskonar áhrifum,
en það kemur örsjaldan fyrir að
þeir séu í spilasölunum. Ég held að
þeir safnist frekar saman á
Hlemmtorgi." btom
Leikritið Súkkulaði handa Silju sett upp í Sjallanum á Akureyri:
Nýtum andrúmsloftið sem þarna
ríkir við uppsetningu verksins
Leikstjórinn Haukur Gunnarsson með leikkonunum Þóreyju Aðal-
steinsdóttur (Dollý) og Sunnu Borg (Önnu) í „Súkkulaði handa Silju“.
stakur hópur sem ég þekki orðið
vel og gaman er aövinna með,“
sagði Haukur.
— Og hvaða verkefni eru nú
framundan hjá þér?
„Nú held ég til Reykjavíkur og
set upp nýtt leikrit hjá Leikfé-
lagi Reykjavíkur, eftir Svein
Einarsson, fyrrum Þjóðleikhús-
stjóra. Er þetta fyrsta verk hans
fyrir leiksvið og verður það
frumsýnt í vor. Þá fer ég í 3ja
mánaða leyfi til Japans til upp-
rifjunar á fræðunum og í mál-
inu. Síðan kem ég í haust aftur
til Akureyrar til þess að vera við
frumsýningu á Galdra-Lofti,
sem við urðum að fresta sýning-
um á í vetur, vegna hinnar gíf-
urlegu aðsóknar sem verið hefur
að My fair Lady,“ sagði Haukur
J. Gunnarsson leikstjóri að lok-
um.
- G.Berg.
— segir Haukur J. Gunnarsson leikstjóri
Akureyri, 15. febrúar.
„ÞAÐ ER Ijóst að Sjallinn er ekki byggður sem leikhús, heldur skemmti-
staður og því ekki óeðlilegt að ýmsir undrist að við skulum setja upp
leikrit á þeim stað, en sannleikurinn er sá að verulegur hluti verksins
gerist einmitt á skemmtistað í líkingu við Sjallann, þannig að við nýtum
andrúmsloftið sem þarna ríkir, að nokkru leyti við uppsetningu verks-
ins,“ sagði Ilaukur J. Gunnarsson, sem leikstýrir verkinu Súkkulaði
handa Silju og Leikfélag Akureyrar frumsýnir annað kvöld, fímmtu-
dagskvöld.
Haukur, sem er 34 ára gamall,
stundaði nám í leikstjórn í Jap-
an í 3 ár og önnur 3 ár var hann
við nám í Bretlandi. Hann er nú
búsettur í Osló og hefur m.a. sett
upp leikrit í Noregi, Danmörku
og Finnlandi. En hvernig líkar
Hauki að vinna með leikhópnum
hjá LA? „Ég kom fyrst hingað til
Leikfélagsins 1978 og leikstýrði
þá Þess vegna skiljum við, eftir
Kamban. í fyrravetur leikstýrði
ég hér Bréfberanum frá Arles og
í haust kom ég til að leikstýra
Galdra-Lofti og Súkkulaðinu.
Ætli þetta svari ekki spurning-
unni um hvernig mér líkar að
vinna með þessum hópi. Hér rík-
ir sérstaklega góður andi, allir
eru reiðubúnir að leggja sitt af
mörkum til að sýningar megi
takast sem best. Leikarar smíða
og sauma og smiðirnir og
saumakonurnar eiga það jafnvel
til að leika. Þetta er alveg sér-
Höfundurinn Nína Björk Árna-
dóttir.