Morgunblaðið - 16.02.1984, Blaðsíða 23

MORGUNBLAÐIÐ, FIMMTUDAGUR 16. FEBRÚAR 1984
23
Stjórnin situr
áfram í Sviss
Bern, 12. febrúar, frá Önnu Bjarnadóttur, fréttaritara Mbl.
SVISSNESKIR jafnaðarmenn ákváöu með 773 atkvæöum gegn 511 aö sitja
áfram í ríkisstjórn landsins, á aukaflokksþingi sem haldiö var í Bern nú um
helgina. Flokksstjórnin kallaði til fundarins eftir að Lilian Uchtenhagen,
frambjóðandi flokksins í ríkisstjórnina, náöi ekki kjöri í sameinuðu þingi 7.
desember sl. Flokksstjórnin lagði til að flokkurinn hætti í samsteypustjórn-
inni, sem hefur starfað síðan 1959, en meirihluti flokksfulltrúa felldi tillög-
una og Pierre Aubert og Otto Stich, ráðherrar flokksins, munu sitja áfram í
ríkisstjórninni. Borgaraflokkarnir voru ekki sáttir við vinstri sinnaðar skoð-
anir frú Uchtenhagen.
Hugsanleg brottför jafnaðar-
manna úr ríkisstjórninni hefur
skyggt á öll önnur málefni síðustu
tvo mánuði. Helmut Hubacher,
formaður flokksins sagði, þegar
niðurstaða þingsins lá fyrir, að
umræðan á aukaþinginu hefði ver-
ið nauðsynleg. Hann sagði að
flokksstjórnin myndi taka lýðræð-
islegri ákvörðun þess og tók fram
að margir hafa velt framtíð hans í
flokknum fyrir sér en hann sagði
að niðurstaða þingsins myndi ekki
breyta neinu um forystu flokksins.
Óánægju með niðurstöðuna
gætti helst meðal yngri flokks-
meðlima og kvenna. Þeir kölluðu
til annars flokksfundar í næsta
mánuði þar sem reynt verður að
herða stefnu flokksins innan ríkis-
stjórnarinnar.
Talsmenn borgaralegu flokk-
anna þriggja sem starfa með jafn-
aðarmönnum í stjórn voru ánægð-
ir með ákvörðun flokksins en
bentu á að jafnaðarmenn mættu
ekki setja sig á of háan hest og
halda að þeir gætu nú farið að
setja hinum flokkunum skilyrði.
Danmörk:
Kreppan bitnar
á sparnaðinum
Raupmannahófn, 15. febrúar. AP.
SAMDRÁTTURINN í dönsku efnahagslífi á síðasta áratug, og sem af er
þcssum, hefur valdið því, að Danir fara nú með meira fé í húsnæðið sjálft og
upphitunina en minna í mat og skemmtanir. Verst af öllu hefur þó sparnað-
urinn farið út úr kreppunni og er hann nú miklu minni en áður.
Þessar upplýsingar koma fram í
könnun dönsku hagstofunnar á
högum 5000 fjölskyldna og er sam-
bærileg könnun árið 1976 höfð til
hliðsjónar. Á árinu 1982 fóru 32%
fjölskylduteknanna í kostnað við
hús og hitun en aðeins 23% árið
1976 og til að eiga fyrir þessum
reikningi spöruðu fjölskyldurnar
við sig næstum á öllum öðrum
sviðum.
Árið 1976 fóru danskar fjöl-
skyldur með 22,9% tekna sinna í
matvöru, drykkjarföng og tóbak
en nú 21,8%. Sambærilegar tölur
fyrir skemmtanir eru 9,1% og
8,2% og fyrir kostnað við að koma
sér í vinnuna og aðrar ferðir
15,8% og 13,8%. Mestur hefur
niðurskurðurinn orðið í almenn-
um sparnaði og nú leggja danskar
fjölskyldur aðeins til hliðar 1,2%
af tekjum sínum en 4,3% árið
1976.
Árið 1981 voru meðalbrúttótekj-
ur fjölskyldna í Danmörku 155.666
kr. danskar, sem svöruðu þá til
26.000 dollara. Ef það er fært til
núvirðis í íslenskum krónum er
þar um að ræða nærri 780.000 kr.
Óttast ekki sov-
ésku kafbátana
Wa.shington, 15. febrúar. AP.
TALSMENN bandaríska varnar-
málaráðuneytisins sögðu i gær, að
engin ástæða væri til að óttast hina
kjarnorkuvopnum búnu sovésku
kafbáta, sem eru jafnan á eftirlits-
siglingu úti fyrir Atlantshafsströnd
Bandaríkjanna. Ástæðan væri sú, að
það skipti ekki máli hvar umræddir
kafbátar væru til staðar, kjarnorku-
vopn þeirra gætu hæft skotmörk í
Bandaríkjunum engu að síður.
Umræddir talsmenn sögðu að
kafbátunum hefði fjölgað og væri
það í samræmi við hótanir Sov-
étmanna, en þeir hótuðu fjölgun
slíkra kafbáta ef NATO-löndin
hættu ekki við að koma fyrir
margumtöluðum meðaldrægum
kjarnorkuflaugum í Evrópu. Þeir
sögðu að staðsetning kafbátanna
væri alfarið af pólitískum toga,
sovéskir kafbátar væru yfirleitt á
sveimi á hafsvæðum nálægt Sov-
étríkjunum og stafaði það af því
að þeir væru svo vel vopnum bún-
ir, að þeir gætu skotið á bandarísk
skotmörk þó þeir væru í höfn
norður í Barentshafi. Þrír kafbát-
ar af Delta-tegund eru nú á sigl-
ingu fram og til baka 1200 til 1600
km úti fyrir austurströnd Banda-
ríkjanna.
Afar viðsjár-
verðir sýklar
AUÐVELDARA er að smitast af
kvefi eða flensu með því að kveðja
einhvern með handabandi heldur
en að verða fyrir hósta hans. Þá
hefur komið fram að mjög margar
fallegar konur snerta aldrei andlit
sitt með fingrunum. Það er vegna
þess að þær vita að fingur eru oft
löðrandi í sýklum. Þetta og fleira
kemur fram í bresku blaði nýlega.
Rannsóknir hafa sýnt að fing-
ur eru gróðrarstía sýkla. Það
kann að nægja að nota sömu
hnífapör og einhver sem ber
hættuleg kvikindi á fingrum sín-
um til að smitast. Sýklarnir eru
á fingrunum í 2—3 klukkustund-
ir og ef menn t. d. nudda augun í
millitíðinni er voðinn vís. Af
þessum sökum er fólk hvatt í
umræddu blaði til að nota
hanska sem allra oftast, einnig
að þvo sér reglulega um hend-
urnar.
HÚSGÖGM
rSlitþols-
prófun
áklæða
og heitar
lummur
— Já. Veggsettin sem eru allt í senn sófi, rúm, hillur, hirslur og
klæðaskápar renna út eins og heitar lummur.
Lengd: 274, H-167, B-75.
í stíl við þessa samstæðu eigum við að sjálfsögðu skrifborð o.ffl.
o.fl.
i S Plan’84 E
b - - -
L

m v ' 'JV,■ -V
-) /í
—1
rrv.*:
ÁkaJLlá. t * *•-*
Tegund: 2033 kostar með dýnu og þrem púðum kr. 14.960,00.
Sértilboð:
Aðeins 2.500 út
og eftirstöövar 1.500
pr. mánuð.
HAGSYNN VELUR ÞAÐ BESTA
EUSQ46NAH0LUN
BÍLDSHÖFÐA 20 -110 REYKJAVÍK S 91-81199 og 81410