Morgunblaðið - 16.02.1984, Blaðsíða 32

32
MORGUNBLAÐIÐ, FIMMTUDAGUR 16. FEBRÚAR 1984
GLUGGA- OG HURÐAÞÉTTINGAR
TÖKUM AÐ OKKUR AÐ ÞÉTTA OPNAN-
LEGA GLUGGA OG HURÐIR MEÐ
»SLOTISLISTEN“ INNFRÆSTUM VAR-
ANLEGUM ÞETTILISTUM:
siom
Ólafur Kr. Sigurðsson HF
Suðurlandsbraut 6, sími 83499
TOLVU
l ÚIVUVFEíjINÍ
undirbúningur og f ramkvæmd |
Stöðugt fleiri fyrirtæki taka ákvörðun um kaup á tölvubúnaði til notk-
unar við fjárhags-, viðskipta-, launa-, birgðabókhald og framleiðslu og
verkstýringu.
Dæmin sýna og sanna að fátt er mikilvægara en réttur undirbúningur
þegar tekin er ákvörðun um með hvaða hætti sé ráðlegast að tölvuvæða
fyrirtækið.
MARKMIÐ NÁMSKEIÐSINS
er að gera þátttakendur færa um að skilgreina kröfur og þarfir eigin fyrir-
tækis og kynna fyrir þeim helstu lausnir sem koma til greina.
EFNI:
- Hvað er tölva - hvemig vinnur tölva.
- Hvaða rekstrarþætti er hagkvæmt að tölvuvæða - stjómun, fjármála-
svið, birgðastýring, framleiðslustýring.
- Undirbúningur tölvuvæðingar - úttekt á þörfum fyrirtækisins, skil-
greining á kröfum fyrirtækisins til tölvulausnar.
- Söfnun upplýsinga - gerð útboðsgagna, samanburður tilboða, val hug-
búnaðar og vélbúnaðar.
- Framkvæmd tölvuvæðingar - fjármögnun, námskeið, samningur við
seljendur.
- Áhrif tölvuvæðingar á starfsfólk og stjómun.
- Sýning á nokkrum tölvukerfum.
Sérstaklega verður fjallað um framboð á hugbúnaði og vélbúnaði á ís-
lenska markaðnum.
ÞÁTTTAKENDUR:
Stjómendur og starfsmenn fyrirtækja og stofnana er hafa með höndum
ákvörðun um val tölvubúnaðar og umsjón með framkvæmd tölvuvæð-
íngar.
LEIÐBEINENDUR:
Gunnar Ingimundarson, við-
skiptafræðingur, próf í við-
skiptafræði frá Háskóla ís-
lands, 1981, starfar sem ráð-
gjafi hjá Félagi fslenskra iðn-
rekenda við undirbúning og
framkvæmd tölvuvæðingar.
Páll Kr. Pálsson, hagverkfræð-
ingur, próf í hagverkfræði frá
Tækniháskólanum í V-Berlín
1980, deildarstjóri tæknideild-
ar Félags íslenskra iðnrekenda
og stundakennari við Háskóla
íslands.
TIMI:
Tími: 27. febrúar — 1. marz 1984, kl. 14—18.
TIIKYNNIÐ ÞÁTTTÖKU
í SÍMA 82930
Starfsmenntunarsjóður starfsmannafélags ríkisstofnana styrkir fé-
lagsmenn sína til þátttöku á þessu námskeiði. Upplýsingar gefa við-
komandi skrifstofur.
STJÓRNUNARFÉLAG
!v ÍSLANDS IMo23
Metsölublad á hverjum degi!
Minning:
Sveinn Þorbergs-
son vélstjóri
Þann 10. febrúar sl. lést í St.
Jósefsspítalanum í Hafnarfirði
Sveinn Þorbergsson, vélstjóri.
Sveinn faeddist þann 12. apríl
1899 á Klúku í Ketildalahreppi,
Barðastrandasýslu, sonur Þor-
bergs Bjarnasonar frá Rauðstöð-
um í Arnarfirði. Móðir Sveins var
Guðný Sigríður Sveinsdóttir frá
Klúku.
Sveinn kvæntist þann 25. nóv-
ember 1932 Jónínu Björgu Guð-
mundsdóttur og eiga þau þrjú
börn, Sigurberg sem fæddur er 15.
apríl 1933, viðskiptafræðingur,
kvæntur Ingu Gísladóttur; Guð-
mann sem fæddur er 3. júní 1936,
vélstjóri, og er kvæntur Þorbjörgu
Ragnarsdóttur og Ásdísi sem
fædd er 27. desember 1942 og er
gift Þórarni Karli Sófussyni,
stýrimanni.
Snemma ákvað Sveinn að gera
sjómennsku að æfistarfi, en á
hans uppvaxtarárum voru fiski-
skipin að breytast úr árabátum í
vélknúin skip.
Frá 1915 til 1968 stóð Fiskifélag
íslands fyrir mótornámskeiðum
um allt land fyrir þá sem hugðust
starfa sem vélstjórar á fiskiskipa-
flota landsmanna, en langur og
farsæll vélstjóraferill Sveins hefst
er hann lýkur minnamótornám-
skeiði Fiskifélagsins á Bíldudal
veturinn 1927—28. Strax að loku
námskeiðinu réðst Sveinn sem vél-
stjóri á fiskiskip þar sem hann
starfaði um nokkurt skeið. En
hugur Sveins stóð til frekara
náms og því var hann með þeim
fyrstu, sem lauk meiramótornám-
skeiði Fiskifélagsins, en þau nám-
skeið hófust árið 1936.
Að loknu meiramótornámskeiði
starfaði Sveinn lengst af sem vél-
stjóri á skipum Landhelgisgæsl-
unnar, lengst af á varðskipinu
Ægi.
Sveinn hætti störfum hjá Land-
helgisgæslunni 1965 og hafði þá
starfað við vélstjórn í 35 ár.
Þegar Mótorvélstjórafélag ís-
lands var stofnað var Sveinn einn
af stofnendum þess og í stjórn þar
frá upphafi til ársins 1968, en þá
sameinuðust Mótorvélstjórafélag
íslands og Vélstjórafélag íslands.
Sveinn var í stjórn Vélstjórafélags
fslands frá 1968 og starfsmaður
þess frá sama ári til þess tíma er
hann lét af störfum árið 1979, þá
kominn á níræðisaldur.
Starf Sveins hjá Vélstjórafélagi
Islands var fyrst og fremst fólgið í
því að innheimta árgjöld félagsins
og sjóða þess, svo og samskipti við
félagsmenn og almenn skrifstofu-
störf. Sveinn var ákaflega dugleg-
ur innheimtumaður og sá ekki eft-
ir sér að ferðast um landið til þess
að inna starf sitt sem best úr
hendi. Vegna þessara ferða Sveins
gjörþekkti hann bæði okkar félaga
út um allt land svo og eigendur
hinna ýmsu skipa og útgerðar-
háttu þeirra. Vegna þessa kunnug-
leika Sveins var oft haft við orð að
eigi væri nauðsynlegt að eiga fé-
lagaskrá Vélstjórafélagsins upp-
skrifaða, þar sem nóg væri að
spyrja Svein sem hefði á reiðum
höndum upplýsingar um alla
okkar félagsmenn, störf á líðandi
stundu og heimili.
Sveinn var mjög ljóðelskur og
kunni mikinn fjölda vísna og
kvæða, sem hann fór með á góðum
stundum sér og öðrum sem á
hlýddu til hinnar mestu skemmt-
unar. Sveinn var kjörinn heiðurs-
félagi Vélstjórafélags íslands á
aðalfundi þess 1980. Áður hafði
hann verið kjörinn heiðursfélagi í
Mótorvélstjórafélaginu á árinu
1949 og hlaut heiðursmerki sjó-
mannadagsins 1967.
Nú við leiðarlok vottum við eig-
inkonu, börnum og öðrum alhuga
samúð okkar.
Helgi Laxdal, formaður
Vélstjórafélags fslands.
Leiðrétting
f minningargrein um Guðrúnu
Rögnvaldsdóttur, kaupkonu í
Siglufirði, sem birt var í Morgun-
blaðinu í gær, 14. febr. sl., féllu
niður nokkur orð í einni máls-
grein. Rétt er málsgreinin svo:
„Guðrún var gift Ragnari Jó-
hannessyni, skattstjóra í Norður-
landsumdæmi vestra, og búsett í
Siglufirði alla tíð. Ragnar gegndi
ýmsum trúnaðarstörfum fyrir
Framsóknarflokkinn og var m.a.
lengi í bæjarstjórn Siglufjarðar".
Á réttum tíma
Fyrir þá sem ferðast í viðskiptaerindum til
útlanda er stundvísi ekki aðeins dyggð - hún
skiptir sköpum. Seinkun um aðeins hálfa
klukkustund getur valdið því að þú missir af
lestarferðum eða áframhaldandi flugi og þar af
leiðandi mikilvægum fundum og viðskiptum.
Arnarflug kemur ekki of seint.
Frá miðju ári 1983 hafa vélar Arnarflugs farið
í loftið frá Keflavík á réttum tíma í 94% tilvika.
Sú tala verður varla hærri, enda eru þau flug-
félög ekki mörg sem geta státað af betri árangri.
Með okkar einstöku stundvísi og því að fljúga
að morgni héðan til Amsterdam og síðdegis til
baka tryggjum við að þú kemur á leiðarenda
samdægurs - og á réttum tíma.
Flugfélag með ferskan blæ
ARNARFLUG
Lágmúla 7, slml 84477