Morgunblaðið - 16.02.1984, Blaðsíða 16

16
MORGUNBLAÐIÐ, FIMMTUDAGUR 16. FEBRÚAR 1984
Voru kafarar Landhelgisgæslunnar ótryggðir við störf á Grundartanga?:
Var sagt að þeir köfuðu sem
einstaklingar en ekki í
nafni Landhelgisgæslunnar
REYNT var ad bera þeim tveimur starfsmönnum Landheigis-
gæslunnar, sem köfuðu á slysstað við Grundartanga á fóstudag,
þar sem fjórir sjómenn af ms. Fjallfossi fórust nóttina áður, þau
boð, að þeir köfuðu þar sem einstaklingar, en ekki sem starfs-
menn Landhelgisgæslunnar, samkvæmt upplýsingum sem Mbl.
fékk hjá Helga Hallvarðssyni, skipherra, en honum var falið að
bera mönnunum þessi boð, en hann neitaði því, þar sem þyrlan
sem flutti mennina upp á Grundartanga, var þá að fara í loftiö.
Skilja starfsmenn Gæslunnar
þessi boð sem svo að kafararnir
tveir, þeir Þorvaldur Axelsson og
Hjalti Sæmundsson, hafi kafað
við Grundartanga ótryggðir af
Gæslunnar hálfu, en hins vegar
fékk Mbl. það staðfest hjá Hann-
esi Hafstein, framkvæmdastjóra
Slysavarnafélags íslands, að hann
hefði sagt mönnum að kafararnir
væru tryggðir eins og aðrir starfs-
menn Slysavarnafélagsins við að-
gerðirnar.
Sigurður Árnason skipherra, yf-
irmaður stjórnstöðvar Landhelg-
isgæslunnar, sagði í gær að Gæsl-
an ætti í launadeilu við kafara
sína, og á meðan sú deila stæði,
köfuðu þeir ekki í nafni Landhelg-
isgæslunnar.
Gunnar Bergsteinsson, forstjóri
Landhelgisgæsiunnar, sagði að
hann hefði ekki fengið skýrslu um
þessa atburði, og yrði hann að
kynna sér málið áður en hann
gæti svarað fyrir þessa hluti, en
hann gat þess að menn sem væru
starfandi hjá Gæslunni, kafarar
eða aðrir, væru á ábyrgð hennar.
„Við gerðum okkur grein fyrir
því að ef við gætum komið að liði
sem kafarar við þessa hörmungar-
atburði, þá værum við í köfuninni
á eigin vegum og sjálfir ábyrgir
eins og ávallt, og munaði raunar
litlu að sú ábyrgð yrði greidd,"
sagði Þorvaldur Axelsson hjá
Landhelgisgæslunni, í gær, en
hann var annar tveggja kafara
sem leitaði á Grundartanga.
„Hinu óraði okkur ekki fyrir að
Gæslan afneitaði gerðum af-
kvæma sinna og það áður en hún
vissi hvað úr þeim yrði,“ sagði
Þorvaldur.
SAMBANDIÐ BYGGINGAVÖRUR
SUÐURLANDSBRAUT 32 - SIMI 82033
Þýðir 68.500
lesta skuld
við Norðmenn
VERÐI leyfð veiði á alls 640.000 lest-
um af loðnu á vetrarvertíðinni, þaö
er frá nóvember og fram eftir mars,
þýðir það að við upphaf vertíðar
næsta haust skuldum við Norðmönn-
um um 68.500 lestir af loðnu áður en
til skipta úr þessum stofni milli þjóð-
anna kemur.
Vegna þess, að hér er að nokkru
leyti um sameigilegan stofn okkar
og Norðmanna að ræða, hefur ver-
ið um það samkomulag, að þeir fái
vissan hluta af stofninum, en
talsvert minna en við. Þessi stofn
veiðist einnig eitthvað í græn-
lenskri iögsögu og á umdeilda
svæðinu milli Jan Mayen og Græn-
lands. Vegna þess hefur EBE gert
tilkall til veiða og samninga um
veiðina þó þjóðir þess stunduðu
ekki veiðar á þessu svæði á síðasta
ári.
Norðmenn stunda veiðar úr
þessum stofni í júlí og ágúst, það
er þegar loðnan er innan fiskveiði-
lögsögu þeirra, og við upphaf vetr-
arvertíðar höfðu þeir farið nokkuð
fram úr skammti sínum og skuld-
uðu okkur því um 27.500 lestir í
haust. Miðað við þann afla, sem
ákveðinn var í haust, 375.000 lestir,
vorum við komnir 56.250 lestum
fram úr okkar skammti þannig að
miðað við það hefðum við skuldað
Norðmönnum um 29.000 lestir áð-
ur en nokkuð kæmi til skipta
næsta haust. Eins og áður segir
verður skuld okkar við þá um
68.500 lestir miðað við að veiðin
verði aukin um 265.000 iestir eða
upp í 640.000.
Þetta mál mun væntanlega
verða rætt á fundum Norsk-
íslenzku fiskveiðinefndarinnar og
EBE, sem verða í Reykjavík dag-
ana 22. og 23. þessa mánaðar. Hins
vegar hefur þessi skipting valdið
verulegum erfiðleikum, þar sem
ekki er nægilega vitað um stofn-
stærð, þegar loðnuveiðar Norð-
manna hefjast seinni hluta
sumars. Sú vitneskja liggur
sjaldnasat fyrir fyrr en í nóvem-
ber.
Bandarískur einsöngv-
ari á tónleikum Sinfón-
íuhljómsveitarinnar
WILLIAM Parker, bandarískur bar-
iton-söngvari, syngur einsöng á
áskriftartónleikum Sinfóníuhljóm-
sveitarinnar, sem haldnir verða í
kvöld og hefjast kl. 20.30.
Þetta kemur fram í tilkynningu
sem Mbl. hefur borist frá Sinfóníu-
hljómsveitinni, þar sem segir
ennfremur, að William Parker sé
ákaflega fjölhæfur listamaður og
jafnvígur á ljóða-, óratóríu- og
óperusöng. Einnig segir að hann
hafi unnið til fjölda verðlauna, þar
á meðal fyrstu verðlauna í keppni
sem kennd er við Kennedy Center
og Rockefeller-stofnunina.
Efnisskrá tónleikanna er sem
hér segir:
J.S. Bach: Grosser Herr, aría úr
Jólaóratóríu. W.A. Mozart: Rivolg-
ete a lui 10 sguardo, konsertaría, K
584. W.A. Mozart: Sinfónía nr. 36 í
C-dúr, K 425. Frank Martin: Sex
mónólógar úr Jedermann. Muss-
orgsky-Ravel: Myndir á sýningu.
Stjórnandi á tónleikunum er
Jean-Pierre Jacquillat, sem hefur
stjórnað hljómsveitinni í vetur, en
einnig hefur hann m.a. starfað sem
William Parker, baritonsöngvarinn
bandaríski, sem syngur á tónleikum
Sinfóníuhljómsveitarinnar í kvöld.
hljómsveitarstjóri Orchestre de
Paris og í Metropolitan-óperunni í
New York.