Morgunblaðið - 01.11.1984, Blaðsíða 5

MORGUNBLAÐIÐ, FIMMTUDAGUR 1. NÓVEMBER 1984
5
Guðrún GuðmundsdóMir
Kaupmáttar-
tryggingin var
aðalatriðið
— segir Guðrún Guð-
mundsdóttir, hjúkr.fr.
„Þetta eru hreint út sagt lélegir
samningar. Fyrst kaupmáttartrygging-
in náði ekki fram að ganga er augljóst
mál, að þetta verður tekið til baka með
gengisfellingu. Sú tregða stjórnvalda
að semja ekki um kaupmáttartrygg-
ingu er beinlínis sönnun þess að mein-
ingin er að fella gengið,** sagði Guðrún
Guðmundsdóttir, hjúkrunarfraeðingur
á Landspítalanum.
„í mínum huga var kaupmáttar-
tryggingin aðalatriðið. Hversu há
prósentuhækkunin er skiptir ekki
eins miklu máli. Hins vegar tel ég
alrangt að blanda skattamálum inn í
kjaradeilur, eins og gert hefur verið
nú. Skattamálin eru i ólestri og
þurfa endurskoðunar við, en það á að
gera á öðrum vettvangi," sagði Guð-
rún.
MORGUNBLAÐIÐ leitaöi til
talsmanna verkalýöshreyf-
ingarinnar og vinnuveitenda
og innti eftir áliti þeirra á
samningum BSRB og ríkis-
ins. Svör þeirra fara hér á
eftir. Ekki náöist í Ásmund
Stefánsson, forseta ASÍ.
Guðmundur J.
Guðmundsson:
Ottast að
hækkanirn-
ar renni út
í sandinn
„FÓLKI veitir örugglega ekk-
ert af þessum kauphækkunum
og giídir það um félaga í
BSRB eins og aöra. Ég óttast
þó, að með ekki betri trygg-
ingarákvæöi renni allar hækk-
anir út í sandinn. V ísitala hef-
ur verið afnumin án þess að ég
vilji nú mæla þesskonar fyrir-
komulagi bót — en veikleiki
BSRB-samningsins er í því
fólginn, að hann er berskjald-
aður gagnvart verðhækkunum
og gengislækkunum. Því
óttast ég að það verði varla
komiö fram á mitt næsta ár
þegar allur ávinningurinn er
horfinn,“ sagði Guðmundur J.
Guðmundsson, formaður
Verkamannasambands ís-
lands, í samtali við blaðamann
Mbl. um nýgerðan kjarasamn-
ing BSRB og ríkisins.
Guðmundur lagði á það
áherslu, að hann teldi BSRB
hafa sýnt mikinn styrk og mikla
samstöðu í nýafstöðnu verkfalli
bandalagsins. „Þeir verða metn-
ir bæði sterkari og áhrifameiri
eftir þessa deilu," sagði hann.
„Verkamannasambandið og
BSRB eru að sjálfsögðu ekki
andstæðingar, þvert á móti eru
báðir samtök launafólks þótt
samvinna mætti vafalaust vera
meiri. En það sem við höfum
verið að reyna í viðræðum
okkar við Vinnuveitendasam-
band íslands, er að meta verð-
lækkanir til kauphækkana. Við
höfum viljað komast að sam-
komulagi um lækkun vaxta,
sem eru að drepa yngra fólk í
landinu. Við höfum viljað fá
tryggingu fyrir því, að opinber
þjónusta verði ekki hækkuð.
Hvað varðar verðlagningu bú-
vara, þá höfum við verið and-
vígir því sjálfvirka kerfi með
vísitölugangverki, sem þar er.“
Hann minnti á, að VMSI
hefði viljað semja um skatta-
lækkanir „þótt sú leið hefði ver-
ið ákaflega vandasöm í fram-
kvæmd. Tekjuskattur er ekki
helgur dómur, sem verkalýðs-
hreyfingin á að standa vörð um.
í rauninni er einna mest órétt-
læti falið í gildandi skattstiga,
sem gerir tekjuskatt að beinum
launamannaskatti," sagði Guð-
mundur.
„Það er auðvitað ljóst," bætti
hann við, „að við hefðum samið
um talsvert lægri kauphækkan-
ir en nú hefur verið gert. Ef
maður lítur aðeins á kauphækk-
anirnar í BSRB-samningnum,
þá er hann góður. Þeir hafa
unnið vel fyrir þeim hækkun-
um. En ég er hræddur um að
það verði auðvelt að hrifsa þær
til baka — að þær liggi fyrir
ólæstum dyrum. Hitt er svo
annað mál, að þótt við séum
með þennan „óskalista", sem ég
var að minnast á, þá hefur
reynst mjög erfitt að fá Vinnu-
veitendasambandið til að semja
um hann. Við erum enn ekki
með neina samninga og Verka-
mannasambandið er enginn
dýrlingur. Enn getum við ekki
státað af miklu,“ sagði Guð-
mundur J. Guðmundsson.
Guðmundur Þ.
Jónsson:
BSRB mun
sterkara og
áhrifameira
en áður
„ÉG SEGI eins og fleiri: mér
líst illa á þennan samning
BSRB og ríkisins. Auðvitað
er Ijóst, að ýmsir opinberir
starfsmenn þurfa ekki síður
þessa hækkun en ýmsir í
okkar samtökum, en í samn-
inginn vantar alveg kaup-
tryggingarákvæði. Kaup-
hækkunin verður lítils virði
þegar kemur fram á næsta
ár,“ sagði Guðmundur Þ.
Jónsson, formaður Lands-
sambands iðnverkafólks, í
samtali við blaðamann Morg-
unblaðsins um kjarasamning
BSRB og fjármálaráðuneytis-
ins.
Guðmundur sagði, að ef til vill
mætti hugga sig við, að ákvæði í
samningnum um endurskoðun
eftir 1. júní á næsta ári sé nokk-
ur trygging fyrir því, að launa-
hækkunin verði ekki öll runnin
út í sandinn þegar líður á samn-
ingstímann. „Við verðum auðvit-
að að vona, að ríkisvaldið verði
reiðubúið að semja um að bæta
þann halla, sem þá verður orðinn
á, því að öðrum kosti gilda samn-
ingarnir ekki nema til 1. sept-
ember á næsta ári,“ sagði hann.
„Það er augljóst, að fólk lætur
ekki taka þetta allt af sér án þess
að rísa upp til mótmæla."
Hann sagðist sannfærður um,
að eftir verkfallið væru samtök
opinberra starfsmanna mun
sterkari og áhrifameiri en áður.
„BSRB hefur sannað sig. Sam-
tökin hafa sannað, að þau geta
lagt út í harða deilu og staðist
hana. Það er vitaskuld gríðarlega
mikils virði þegar til lengri tíma
er litið," sagði Guðmundur Þ.
Jónsson.
Magnús Gunnarsson,
framkvæmdastjóri VSI:
Fylgjum í
kjölfarið
MAGNÚS Gunnarsson, fram-
kvæmdastjóri Vinnuveitendasam-
bands Islands, sagði um nýgerða
kjarasamninga BSRB og ríkisins:
„Hér er verið að fara gömlu leið-
irnar í kjarabaráttu. Menn hafa
notað gömlu lausnirnar, sem færa
okkur gömlu vandamálin. Og við
eigum ekki annars úrkosta en að
fylgja í kjölfarið.“
tökum viö upp
mikiö úrval af barna
og unglingafatnaöi
í dag og á morgun.

BARNA- OG UNGLINGADEILD
KARNABÆR
AUSTURSTRÆTI 22
SÍMI FRÁ SKIPTIBORDI 45800