Morgunblaðið - 29.12.1984, Síða 42
42
MORGUNBLAÐIÐ, LAUGARDAGUR 29. DESEMBER 1984
--------- — - -- C 1883 unlv.n.l Pr... Syndlc.t.
„ hian>\ cc ck.ki ! GeJt éc) tekié ski' íabob f "
Ast er...
... að byggja sér kofa úti
í náttúrunni.
TM R»g u.s. P»l. Off — all rlghts reswvtd
•1984 Los Angtlts Tlmts Syndlcale
Bíllinn minn er miklu fallegri eftir
málninguna!
HÖGNI HREKKVlSI
Einfaldleikinn
samrýmist jóla-
boðskapnum
Einar Eiríksson hringdi:
Kæri Velvakandi.
Mig langar að biðja þig fyrir
nokkur orð til birtingar.
Þar sem mikil hálka er á götum
borgarinnar og ég orðinn aldraður
treysti ég mér ekki til kirkju á
annan í jólum en hlustaði í stað-
inn á útvarpsguðsþjónustu frá
Laufáskirkju við Eyjafjörð. En
þar er prestur séra Bolli Gúst-
avsson. Þetta var virðuleg messa
og minnti mig svo notalega á há-
tíðleik jólanna. Enda notaði hann
blessað gamla messuformið. Þökk
sé honum fyrir það. Ég get ómögu-
lega fundið að breytt form sé til
bóta nema síður sé og kann ég
ekki að meta það. Ræða séra Bolla
var ágæt: blátt áfram og vel flutt,
og laus við heimspekilegar vanga-
veltur, sem litla þýðingu hefur
Einn sem hringdi tekur gamla messuformið fram yfir það nýja sem hann
nefnir svo.
þegar um boðskap fagnaðarerind-
isins er að ræða. Einfaldleikinn
samrýmist jólaboðskapnum,
nærveru barnsins í jötunni.
Stjarna jólanna lýsir upp
skammdegið svo skuggarnir flýja.
í vesturbænum
Árni Bergþór skrifar:
Það er ekki vanzalaust fyrir
Reykvíkinga og yfirvöld, hve hægt
miðar endurreisn og endurgerð
mannvirkja og bústaða, er eiga sér
fagurfræðilega og sögulega hefð í
kvosinni, skuggahverfi og vestur-
bænum, gömlu Reykjavík. Skora
ég á borgaryfirvöld að gera fyrir
sitt leyti myndarlegt átak á nýju
ári í þessu efni. Vil ég nefna hús,
sem enn er hægt að endurgera
næst upprunalegu fari en það er
Bjarnarborg, eitt elsta og á sínum
tíma fallegasta sambýlishús í
Reykjavík, enda á húsfriðun-
arskrá. Hús Kveldúlfs við Skúla-
götu eru enn reisulegar minjar um
útgerð frá gömlu Reykjavík, sem
má endurnýja og varðveita list-
rænt útlit, innviði, og sérstakar
veggskreytingar, sem með réttu
lagi má við gera.
Eigi er unnt a.m.k. um sinn, að
færa til upprunalegs útlits síðasta
hús Innréttinga Skúla fógeta. En
það er þó merkilegt framtak, er
stjórnvöld standa að, að endur-
gera Viðeyjarstofu. Vonandi tekst
að opna þessi hús til almenn-
ingsskoðunar og nýrrar notkunar,
eftir lífgun og viðgerð þeirra fyrir
200 ára afmæli Reykjavíkur 18.
ágúst 1986.
Ungt fólk, þ.e. undir fimmtugu,
(því að meðalaldur íslendinga fer
hækkandi, hátt í áttrætt, og all-
nokkrir ná yfir 100 ára aldri) ætti
að takast á við það verðuga verk-
efni með aðstoð húsfriðunarsér-
fræðinga að lífga gömul hús víðs
vegar í Reykjavík! Takið þátt í að
gera Grjótaþorpið og gömlu
Reykjavík — sem fegurst fyrir
ofangreind tímamót, félög, ein-
staklingar sem og fyrirtæki.
Nú þegar sjást merki þess, að
slíkt framtak er hafið m.a. í Fisch-
ersundi. Stefnum að varðveizlu
merkra minja og lífgunar Reykja-
víkur með svipmóti liðins tíma, en
um leið nýrrar sköpunar í notkun,
því ekki áttu forfeður okkar völ á
mörgum þeim þægindum sem nú
er hægt að viðhafa í þessum
merkilegu húsum.
Flettið upp í bókum þjóðskálds-
ins Tómasar, sem orti fögur ljóð
um Reykjavík. Finnið hve dásam-
leg borgin getur verið fyrir sam-
tímann og komandi kynslóðir, sé
að hlúð. Átaks er þörf.
Því særinn er veraldarsærinn
og sjálfur er vesturbærinn
heimur, sem kynslóðir hlóðu
með sálir, sem syngja og gleðjast
og sálir, sem hittast og kveðjast
á strönd hinnar miklu móðu.
T.G.
Bréfritari gerir að umtalsefni verndun gamalla húsa í Reykjavík. A undanfbrnum árum hafa mörg gömul hús verið
gerð upp í borginni með góðum árangri, eins og t.d. þetta hús sem tilheyrir BernhöfLstorfunni.