Morgunblaðið - 23.01.1985, Blaðsíða 20

20
MORGUNBLAÐIÐ, MIÐVIKUDAGUR 23. JANÚAR 1985
List 09 hÖnnun/Bragi Ásgeirsson
Vefnaður og textíl
Langbrækurnar í Gallerí
Langbrók, sem aðsetur hefur í
gamia landlæknishúsinu á
Bernhöftstorfu, eru á nýbyrjuðu
ári með kynningarsýningu á
vefnaði og textíl. Það eru þær
Guðrún Auðunsdóttir, Guðrún
Gunnarsdóttir, Guðrún Marinós-
dóttir, Ragna Róbertsdóttir og
Þorbjörg Þórðardóttir sem valdar
hafa verið til að kynna starfsem-
ina að þessu sinni. Auk þess má
sjá mikinn fjölda hvers konar
gripa eftir aðrar Langbrækur í
öðru sýningarrými hússins.
Galleríið hefur og gefið út
kynningarmöppu með 24 kynn-
ingarkortum í svart-hvítu, en
það er einmitt núverandi með-
limafjöldi þeirra Langbróka. Á
annarri hlið kortanna er ljós-
mynd af myndverki eftir lista-
konurnar en á hinni hliðinni er
ágrip yfir starfsferil hverrar og
einstakrar ásamt lítilli ljós-
mynd. Ágætt framtak og hér
vantar eiginlega ekkert nema
heimilisfang og símanúmer!
Starfsemi sína kynna þær með
svohljóðandi inngangi: „Gallerí
Langbrók er myndlistar- og list-
iðnaðargallerí. Það var stofnsett
sumari 1978 af 12 konum. Þá var
langbrók til húsa að Vitastíg 12,
Revkjavík.
í ársbyrjun 1980 réðust Lang-
brækur, sem þá voru orðnar 14
að töiu, í það stórvirki að gerast
þátttakendur í uppbyggingu
Bernhöftstorfu.
í júní 1983 stækkaði hópurinn
enn og nú eru Langbrækur 24 að
tölu. Þær leggja stund á kera-
mik, textíl, grafík, glerlist, mál-
verk, teikningu, leðurvinnu og
fleira. Þær sýna og selja verk sín
í Langbrók."
Við þetta má bæta, að valkyrj-
urnar innréttuðu sjálfar hús-
næðið af dugnaði og smekkvísi
og gekk framtakið upp í leigu á
húsnæðinu í nokkur ár. Þá hafa
þær sjálfar að öllu leyti séð um
reksturinn svo og útréttingar
hvers konar.
Á þennan hátt hefur galleríið
getað gengið, en að sjálfsögðu er
þetta ekkert gróðafyrirtæki,
enda ekki beinlínis ætlað að var
það heldur skapa starfsgrund-
völl — kynning á vönduðum list-
iðnaði hefur og frá upphafi ráðið
ferðinni. Að mörgu leyti er gali-
eríið orðið samofið Bernhöfts-
torfunni og væri æskilegt að það
yrði þar áfram sem lengst. En
einn góðan veðurdag verða
Langbrækurnar þó vafalaust
orðnar 48 og þá verður ennþá
styttra í töluna 100 þekki maður
framþróunina rétt. Æskilegt
væri því að Langbrækurnar leit-
uðu fyrir sér að stærra húsnæði
og ykju þá við kynningarstarf-
semina — í dreifbýlið annars
vegar en útlandið hins vegar.
Hér er sem fyrr rétt að ráðast
á garðinn þar sem hann er hæst-
ur, láta hvergi deigan síga og
mun Langbrókum þá eflast
stuðningur víða að.
Með þessum línum vildi ég
öðru fremur vekja athygli á mik-
ilsverðri menningarstarfsemi er
verðskuldar samhug og aðdáun.
Ásrún Kristjánsdóttir: Una, 1984 — blýantsteikning.
Gallerí Langbrók.
Sigrún Eldjárn: „Engar sprengjur í dag 11“ mezzotinta, 1984.
Uppreisn æru
Kvikmyndir
Árni Þórarinsson
Nýja bíó: Dómsorð
— The Verdict ☆☆'/2
Bandarísk. Árgerð 1982. Handrit:
David MameL Leikstjóri: Sidney
Lumet. Aðalhlutverk: Paul New-
man, Jack Warden, James Mason,
('harlotte Rampling.
The Verdict er búin að vera
svo lengi í uppsiglingu hjá Nýja
bíói og svo útbreidd á mynd-
bandaleigunum að ég taldi hana
af hér í blaðinu um daginn; átti
satt að segja ekki von á að hún
næði nokkurn tíma upp á tjaldið.
En nú er hún komin. Og þó ekki
væri nema til þess að sjá Paul
Newman fást við eitt matar-
mesta hlutverk ferils síns um
langa hríð þá er ástæða fyrir
fólk að sjá þetta réttarfars-
drama.
The Verdict fjallar um niður-
lægingu og uppreisn einstakl-
ings og réttarkerfis. Newman er
Frank Galvin, lögmaður sem
misst hefur fótfestuna í lífi sínu
og starfi, glatað sjálfsvirðing-
unni og virðingunni fyrir flestu
öðru. Á fyrstu mínútum The
Verdict er dregin upp mynd af
drykkfelldum manni sem á yfir-
borðinu er reffilegur en undir
niðri róni; hann hefur aðeins
fengið fjögur „mál“ á þremur ár-
um og eyðir tíma sínum þjórandi
og slórandi við leiktæki á börum
milli þess sem hann eltir sjúkra-
bíla og sveimar eins og hræ-
gammur yfir ekkjum á útfarar-
stofum til að harka aura fyrir
meðferð dánarbúa. Svo fær hann
Málið. Hann á að reka mál fyrir
aðstandendur ungrar stúlku sem
vegna mistaka lækna á kaþólsk-
um spítala varð fyrir ólæknandi
heilaskemmdum. Og þá þarf
Frank Galvin að takast fyrst á
við sjálfan sig, í stað eiginhags-
muna hins veikgeðja lögfræð-
ings kemur þörfin fyrir að þjóna
réttlætinu. Þannig fær Galvin
sjálfsvirðinguna aftur en ekki
fyrr en hann hefur þurft að tak-
ast á við ósvífinn afburðamann,
þar sem er verjandi læknanna,
rotinn dómara, svikula ástkonu
og aðstæður sem allar snúast
honum og málstað hans í óhag.
Svona réttarfarsdrama er í
eðli sínu grípandi og spennandi;
áhorfandi á auðvelt með að taka
afstöðu, lifa sig inn í átök um
rétt og rangt. Sidney Lumet —
sem gert hefur margar myndir á
löngum og fjölskrúðugum ferli
um þetta sama efnisstef — veitir
The Verdict vandaða leikstjórn.
En í handriti hins kunna leik-
ritahöfundar David Mamets eru
ýmsar veilur sem grynna mynd-
ina, ósannfærandi viðbrögð
Paul Newman leikur hinn brotna
lögmann meó igætum í The Ver-
dict
persóna sem gera The Verdict
yfirborðslegri en efni standa
greinilega til. Nægir þar að
nefna þátt „ástkonunnar" svik-
ulu, sem sú litlausa leikkona
Charlotte Rampling fær lítið
lagað. Og síðan er það persóna
lögmannsins, aðalhlutverkið sem
öll myndin er byggð í kringum:
Þrátt fyrir það að Paul Newman
túlki um flest niðurlægingu og
endurreisn Galvins með ágætum
þá vantar meir en herslumun að
handritið veiti honum það sál-
fræðilega svigrúm sem þarf til
að botna persónuna, fylla út í
myndina.
The Verdict er samt traust af-
þreying og góður safi í ýmsum
aukahlutverkum sem prýðilegir
skapgerðarleikarar eins og Jack
Warden og James Mason kreista
til hins ýtrasta.
Innbrot í Fellahelli
BROTIHT var um helgina inn í fé-
lagsmiðstöðina Fellahelli í Breið-
holti og mikjar skemmdir unnar ó
húsnæðinu. Útihurð var brotin upp
og hurð á gangi. Þá brutu þjófarnir
sér leið inn á skrifstofu félagsmið-
stöðvarinnar og stálu um 5 þúsund
krónum.
Miklar skemmdir hafa verið
unnar á skólum á höfuðborgar-
svæðinu í vetur. Svo sem fram
kom í Mbl. á sunnudag var mikið
tjón unnið í Seljaskóla aðfaranótt
laugardagsins. Spellvirkjar gengu
berserksgang um skólann og virð-
ist eina markmið þeirra hafa verið
að eyðileggja. Átta hurðir voru
brotnar upp og miklar skemmdir
unnar á skrifstofu skólastjóra. 1
kennarastofu var fjórum kassettu-
tækjum svo og ritvél grýtt í gólfið
og eyðilagt. Eggjum, mjólk, sykri
og glerjum var kastað í veggi.
Slíkt var offorsið að glerbrotin
stóðu eftir í veggjum. Skrúfað var
frá brunaslöngu og eru miklar
skemmdir af völdum vatns. Þá
voru speglar á salernum brotnir.
Ljóst er að tjón er gífurlegt. „Að-
koman í Seljaskóla er ólýsanleg —
hryllileg," sagði Helgi Daníelsson
yfirlögregluþjónn hjá RLR í sam-
tali við Mbl. Enginn hefur verið
handtekinn vegna þessara inn-
brota.
Húsvíkingum
fækkaði 1984
HÚMiTÍk, 21. janúar.
AÐFARANÓTT fóstudags breytti
um tíðarfar og á laugardagsmorgun
var kominn hér tíu sentimetra jafn-
fallinn snjór. Síðan hefur verið élja-
gangur en fært er um allt héraðið og
til Akureyrar.
Samkvæmt bráðabirgðatölum
Hagstofu fslands hefur íbúum
Húsavíkur fækkað á síðasta ári
um 24 en langt er síðan slíkt hefur
gerst. Eru íbúar nú 2.490.
Innheimta bæjargjalda á síð-
asta ári var rúmlega 90% en hefur
undanfarin ár verið 93—95%.
Orsök samdráttarins eru verri skil
fyrirtækja.
Fréttaritari
Alþjóðleg bænavika í Hafnarfirði
í KVÖLD, miðvikudaginn, 23.
janúar, og fimmtudaginn 24. janú-
ar, verða haldnar samkirkjulegar
helgistundir á alþjóðlegri bæna-
viku í kapellu St. Jósefssystra í
Hafnarfirði og hefjast þær klukk-
an 20.30 og standa yfir í um það
bil hálfa klukkustund. Efni bæna-
vikunnar er „Frá dauða til lífs
með Kristi".
(KrcUatilkynning.)