Morgunblaðið - 27.02.1985, Blaðsíða 27

MORGUNBLAÐIÐ, MIÐVIKUDAGUR 27. FEBROAR 1985
27
Hinn mannlegi þáttur
eftir
Ásgeir Hvítaskáld
Eg hafði lofað kærustunni að
fara með henni í sirkus ef við
kæmumst einhverntíma til út-
landa. Svo þegar Sirkus Arena
kom hér eitt sumar, komst ég
ekki hjá því að fara. Þeir höfðu
reist blátt tjald á túninu við
Glæsibæ, og raðað hjólhýsum
með sjónvarpsgreiðum í kring.
Tjaldið sýndist ekki stórt miðað
við sirkustjald. Þetta sumar var
hræðilegt rigningasumar, maður
varð þunglyndur og sljór. Og
þetta kvöld var dumbungsveður;
ég syfjaður.
Við leiddumst gegnum skraut-
lega miðasöluna og inn í fortjald-
ið. Þar var maður í svörtum
jakkafötum, stráðum gullsandi,
og seldi plaköt. Hann sagðist vera
fílatemjari flokksins, er við tók-
um hann tali. Hann blótaði yfir
því að hafa ekki fengið að koma
með dýrin sín inn í landið, en það
hafði verið bannað vegna sýk-
ingarhættu. Einnig fannst hon-
um kalt og hann taldi dagana.
Þegar maður kom inn í sirkus-
tjaldið sjálft, virtist það alls ekki
lítið. Stólum og bekkjum var rað-
að í kringum hringlaga svæði, þar
sem búið var að strá spónum.
Hljómsveit lék létta orgelmúsik.
Mest var um bðrn, þurfti að sitja
undir sumum, svo var fólk komið
yfir miðjan aldur. Til dæmis feit-
ur karl með tyggjó og gömul
tannlaus kerling. Salurinn var
tæplega hálfur. Og þarna sat ég,
geispandi og forvitinn rithöfund-
ur. Bakatil sást listafólkinu
bregða fyrir. Strax fékk ég í mig
einhvern undarlegan tón. Svo var
flautað og allir hrukku í kút.
Inn kom rauðklæddur trúður
með kúlunef og í of stórum skóm.
Hann bjó til allskonar hunda úr
blöðrum sem hann batt saman og
gaf krökkunum. Eg krosslagði
fætur, hnipraði mig saman því
það var kalt. Allt í einu kom rúm-
enskt listafólk inn, létt á fæti og
lék ýmsar stökklistir. Það var
gaman að sjá. Þetta var vel æft,
greinilega atvinnufólk, fimi
þeirra var með ólíkindum. Karl-
mennirnir voru í stuttum jökkum
með bera bringu, ég vorkenndi
þeim vegna kuldans. Eitthvað
heillaði mig þó.
Næst kom ung grönn stúlka og
lék jafnvægislistir á stórum hvít-
um bolta. Standandi uppi á hon-
um rúllaði hún boltanum upp
braut. Kastað var kylfum til
hennar sem hún lék listir með og
hún kastaði boltum upp í loftið og
marggreip. Þetta fólk hlaut að
helga sig þessu algjörlega. Þarna
voru aðstoðarmenn, músíkantar
og dýratemjarar, margir unnu
við sirkusinn. Ég velti því fyrir
mér hvort þetta fólk fengi nú
eitthvað fyrir sinn snúð. fslend-
ingar eru fáir og þrjóskir, eru
lengi að taka nýjungum, vinna
daginn út og inn, hafa engan tíma
til að lyfta sér smávegis upp. Á
íslandi er ekki grundvöllur fyrir
sirkus, er það?
Inn komu tveir trúðar frá Vín-
arborg, annar þóttist ölvaður
þjónn en hinn fínn herramaður.
Þeir létu alveg eins og fífl með
spagetti og dót, drepfyndið, það
sem þeim datt í hug. Ég var að
springa úr hlátri.
I hléinu voru seldar blöðrur.
öll börnin vildu nú blöðrur því
trúðurinn hafði gefið nokkrum
þeirra. Fílatemjarinn kallaði í
fortjaldinu á dönsku:
„Plaköt til sölu, plaköt til sölu.“
En Danirnir hafa ekki skilið
dýrtíðina í landinu og þeir vissu
ekki að kaupið var þrisvar sinn-
um lægra en í heimalandi þeirra.
Þar með litlir peningar aflögu
hjá heimilisfeðrum til að fara í
sirkus.
Aðstoðarmenn komu með stóra
rólu inn á svæðið með aflöngum
palli. Rúmenska fólkið rólaði sér
og stökk hvert upp á annað. Sá
fjörugasti var lítill hvatlegur
drengur sem gaf fyrirskipanir.
Bræðurnir stóðu hver ofan á öðr-
Ásgeir Hvítaskáld
um í þrem hæðum; fjórir neðst,
svo tveir og einn efst. Drengurinn
stökk úr rólunni, flaug í kollhnís
og lenti á öxlum bróður síns. Ég
klappaði og fann fyrir ekka inn-
vortis.
Kona lék listir í kaðli. Henni
var snúið í hringi á fleygiferð,
mig svimaði bara af því að horfa
á, hvernig leið henni þá. Þarna
var hún í sviðsljósinu að þjást. Ég
sá að þegar hún kom niður úr
kaðlinum var hún fegin og brosti
sætt.
önnur kona lék jafnvægislistir
á höfði mannsins síns, það var
par frá tékkneska rikisfjölleika-
húsinu. Hún var mikið máluð í
fjólubláum sundbol alsettum
perlum og alltaf brosandi. Það
draup úr loftinu, sem þýddi, það
var rigning úti.
Svo kom galdramaður inn á
sviðið með allskonar kassa og dót,
tvær laglegar sem aðstoðuðu.
Upp úr tómum kassa kom hvít
gæs. Allt var gert með hraði til
að gefa auganu ekki tækifæri.
Hann fékk lánuð tvö armbandsúr
frá fólki í salnum sem sett voru
hvort í sitt vatnsglasið og hvort
inn í sinn kassann. Siðan var hvit
kanina sett i kassa og hifð upp i
rjáfrið. Þegar hún var tekin niður
voru bæði úrin um hálsinn á
henni. Það er stórkostlegt hvað
hægt er að blekkja mann. Ég var
orðinn heillaður; kominn út úr
gráum hversdagsleikanum. Mér
var orðið illt í höndunum' af
klappi.
Lokaatriðið voru þessir tveir
trúðar. Þeir voru alveg kostu-
legir, létu líka alveg eins og fífl.
Falleg ung brjóstamikil kona var
með þeim. Hún blés í trompet og
mátti sjá að móða kom út úr hon-
um vegna kuldans. Trúðarnir
voru með hvíta mús sem þeir allt
í einu fleygðu í áhorfendaskar-
ann. Éin kona trylltist og öskraði
stanslaust. En þetta var bara hvit
tuska. Svo réðust þeir á aðra
konu og kysstu hana. Annar fór
úr buxunum. Hinn át logandi
kerti. Svo kom górilluapi. í lokin
voru þeir að spila og syngja og þá
sprakk harmonikkan í loft upp,
með ægilegum hvelli svo allir
hrukku i kút. Alveg kostulegir
tveir trúðar. Það veltust allir um
af hlátri. Þarna var þrælgóð
stemmning, þó fáir. Ég hafði
gleymt stað og stund og hló í
innstu hjartarótum.
Á íslandi er enginn sirkus, ekk-
ert tivolí, enginn almennilegur
dýragarður, i útlöndum er svo
margt til skemmtunar sem er
ekki á tslandi. Ég fór að velta
fyrir mér hvað það væri eiginlega
sem héldi fólkinu í þessu harð-
býla landi? Við vorum látin
syngja og klappa í takt sem hristi
úr manni hrollinn. Það hafði birt
í sálartetri mínu. Var kominn
með verk í kinnarnar af hlátrin-
um. Ég hugsaði um þetta fólk
sem þvældist um heiminn til að
sýna atriði sín. Það var eitthvað
sem heillaði mig. Ég var jafnvel
til i að fara á flakk með svona
sirkus. Selja bílinn og stinga
kærustuna af. En þegar ég fann
ljósa lokka kærustunnar kitla
nefið mitt vissi ég að ég kæmist
ekki langt.
„Ætli það sé ekki leiðinlegt að
vera að vinna í svona sirkus?"
sagði ég við kærustuna þar sem
við leiddumst út í rigninguna.
„Leiðinlegt. Ertu frá þér. Ekk-
ert getur verið skemmtilegra en
að skemmta öðrum,“ sagði hún,
brosti blítt og hjúfraði sig undir
frakkann minn.
Kannski er það ástin sem held-
ur íslendingum í þessu kalda og
harðbýla landi.
Hafnarfjörður/
Garðabær:
Brýn þörf á
endurnýjun
röntgentækja
spítalans
Á VEGUM Bandalags kvenna í
Hafnarfírði var 19. febr. síðastliðinn
haldinn fundur í íþróttahúsinu þar í
bænum. Tilefni fundarins var aö
vekja athygli á brýnni þörf sem á því
er að röntgentæki St. Jósefsspítala í
Hafnarfírði verði endurnýjuð. Jafn-
framt talið aðkallandi í þessu sam-
bandi að kanna hvort fjárhags-
grundvöllur sé til kaupa á röntgen-
rannsóknatækjum fyrir spítalann.
Á þennan fund mættu fulltrúar
félaga og félagasamtaka í Garða-
bæ og Hafnarfirði og á fundinn
kom Jóhann Ágúst Sigurðsson
héraðslæknir. Ákveðið var að boða
til framhaldsfundar um þessi mál
fimmtudaginn 28. febrúar og
reyna í millitíðinni að ná til enn
fleiri félaga, fyrirtækja og ein-
staklinga í Hafnarfirði og Garða-
bæ, sem hér myndu vilja leggja
miklu nauðsynjamáli lið. — Fund-
urinn annað kvöld, fimmtudag,
verður í íþróttahúsi Hafnarfjarð-
ar og hefst hann kl. 18.
(Frá Bandalagi kvenna
í Hafnarfírði.)
LITGREINING MEÐ

CROSFIELD
540
LASER
LYKILLINN AO VANDADRI
LITPRENTUN
MYNDAMOT HF
Á undanförnum árum hefur eftirspurn eftir sumarhúsum og íbúöurn erlendis sífellt
aukist. í sumar bjóöum viö þess vegna mjög fjölbreytt úrval slíkra gistlstaöa í 7
Evrópulöndum: Austurríki, Bretlandi, Danmörku, Svíþjóð, Noregi, Frakklandi og
Þýskalandi. Aöalskrautfjöörin er aö sjálfsögöu hinn stórglæsilegi letigaröur í Daun
Eifel sem geröi stormandi lukku sl. sumar.
Fiug, bíll og sumarhús er senniiega ódýrasti feröamáti sem íslendingum býöst í sumar.
I bæklingnum okkar eru upplýsingar um staðsetningu, aöbúnaö og þjónustu á hverjum
staö.
Hér koma nokkur verðdæmi miðað viö hjón meö 2 börn 2— f f ára.
Innifaliö: er flug, bílaleigubíll í I viku mt'ö ótakmörkuöum akstri, ábyrgðar- og kaskó-
tryggingu og söluskatti, sumarhús eöa íbúö í 1 viku. Rafmagn, hiti, rúmföt og ræsting
er innifaliö í flestum tilfellum.
Austurríki: Verö frá kr. 58.790,- Noregur: Verð frá kr. 51.996.-
England: Verð frá kr. 47.070,- Svíþjóö: Verð frá kr. 56.880,-
Danmörk: Verö frá kr. 55.010,- Þýskaland: Verö frá kr. 45.784 -
Frakkland: Verð frá kr. 48.484 -
FERÐA5KRIF5T0FAN ÚRVAL
Þú ferö varla í ódýrara frí!
Feröaskrifslofan Úrval viö Austurvöll, sími (9l)-26900.
OOTT FÖLK