Morgunblaðið - 27.03.1985, Side 52

52

MORGUNBLAÐIÐ, MIÐVIKUDAGUR 27. MARZ 1985
283 ár skáti?
- það hljóta að vera margir skátar
Hann óli K. Magnússon ljósmyndari tók þessa skemmtilegu mynd af þessum félögum á
aðalfundi Verzlunarbankans sem haldinn var á Hótel Sögu sl. laugardag. Þetta eru talið frá
vinstri: bræðurnir Þorsteinn Þorbjörnsson, Björgvin Þorbjörnsson og Sigurbjörn Þorbjörns-
son. Þá má sjá Þórarin Björnsson og Daníel Gíslason. Þeir heiðursmenn, sem eru allir skátar
og vinir frá barnæsku, eiga þegar ár þeirra eru lögð saman í skátunum alls 283 ár þar að baki.
MorKunblaðid/ÓI.K.M.
Samantha fær
draumahlutverkið
Breska leikkonan Samantha
Fox, sem sést hefur oftar en
einu sinni í fslenska sjónvarpinu
í enskum leikritum og kvikm-
yndum, er f skýjunum af gleði
þessa dagana. Hún fékk hlutverk
sem er það besta sem á fjörur
hennar hefur rekið fyrr og síðar.
„Þetta er hlutverkið sem mig
hefur alla tíð dreymt um. Ég var
ekki með þetta ákveðna hlutverk
f huga, en þegar mér var boðið
umrætt hlutverk sá ég strax að
þetta var það sem ég hef beðið
eftir,“ segir hún glaðhlakkaleg.
Samantha á að leika hina lffs-
glöðu 17. aldar konu, Moll Fland-
ers, í samnefndri kvikmynd sem
enginn annar en Ken Russel
leikstýrir. Höfundur að Moll
Flanders var Daniel Defoe sem
var uppi frá 1660 til 1732. Saga
hans um Moll vakti gífurlega at-
hygli og var ákaflega umdeild á
hans tíð.
Heiódís Steinsdóttir, Viihjélmur Magnússon og sonurinn Edvin. MorBunbto«ö/FrK>»»óhir
HEIÐDÍS STEINSDÓTTIR
í fjórða sæti
í fegurðarsamkeppni
hjá andfætlingum
etta var alveg frábært en ofsalega
þreytandi, sagði Heiðdís Steinsdóttir
sem ekki alls fyrir löngu lagði land undir
fót og tók þátt í fegurðarsamkeppni í Syd-
ney, Ástralíu.
„Þetta var gífurleg lífsreynsla segi ég
náttúrlega eins og allar hinar sem hafa
reynt þetta og það var gaman að fá þetta
tækifæri til að ferðast næstum því í kring-
um hnöttinn, því það er hlutur sem maður
myndi að öllum líkindum ekki hafa gert
annars."
— Hvernig kom það til að þú tókst þátt
í þessari keppni?
„Þannig var það að Heiðar Jónsson kom
að máli við mig og vildi endilega að ég
prófaði. Ég var nýkomin frá Þýskalandi og
hann vantaði fimmtu stúlkuna til að velja
síðan úr.
Nú, ég sló til og það kom síðan kona frá
London og rabbaði við okkur og skoðaði
myndir sem við síðan sendum til Los Ang-
eles, en þar völdu síðan úr aðilar frá fræg-
um tímaritum eins og Vogue, Bazar,
Cosmopolitan o.fl.
Það kom á daginn að ég hafði orðið fyrir
valinu og þarmeð var teningunum kastað."
— Hver fjármagnaði keppnina fyrir
þína hönd?
„Þau fyrirtæki sem að keppninni stóðu
en þau heita Dich Clark Institution og Lee
Production.
Það eina sem ég þurfti að sjá um voru
föt til að vera í.“
— Hvað voru það mörg lönd sem áttu
þarna fulltrúa?
„21 þjóð var með þátttakanda og þessi
keppni hefur einungis verið haldin einu
sinni áður og þá var ekki fslenskur fulltrúi
með.“
— Hvernig urðu svo úrslitin?
„Ungfrú USA lenti í fyrsta sæti, þá
ungfrú Suður-Ameríka, ungfrú París og
svo ísland í fjórða sætinu."
— Hvað tekur nú við að keppni lokinni?
„Ég er búin að prófa fyrirsætustörfin
erlendis og var í Þýskalandi um tíma en
ákvað að hætta og koma heim. Þetta var
virkilega gaman og nú veit ég að ég er ekki
að missa af neinu. En það er svo margt
fleira sem kallar. Ég á lítinn son sem
þarfnast min og ég hefði ekki getað veitt
honum það sem ég vil ef ég hefði farið
utan í fyrirsætustörf þó ég hefði tekið
hann með. Það hefðu þá orðið bamfóstrur
sem hefðu séð um uppeldið. Nú, og svo er
tilvonandi eiginmaður að sjá um þannig að
þegar kom að því að velja var það auðvelt.
Sem stendur vinn ég hjá Texta hf. og
hyggst gera það eitthvað áfram auk þess
sem ég sýni alltaf með Model ’79 af og til.“