Morgunblaðið - 31.03.1985, Blaðsíða 3

MORGUNBLAÐIÐ, SUNNUDAGUR 31. MARZ 1985
B 3
StálfyrirUekið Arbed Saaratehl í Saar. Fyrirtækið er einn sUersti vinnuveit-
andi fylkisins. Hnignun þess á undanförnum árum hefur þó haldizt í hendur
við hnignun stáliðnaðarins og námuvinnslunnar í Saar. Lafontaine hyggst
rétta við hag þessara atvinnugreina með því að þjóðnýta fyrirtækin, en sætir
þar verulegri andstöðu, einnig á meðal jafnaðarmanna.
mitt í Vestur-Þýzkalandi. Af þeim
sökum er mikil tortryggni fyrir
hendi gagnvart þjoðnýtingar-
áformum Lafontaines og það ekki
bara á meðal stjórnmálaandstæð-
inga hans. Með því að hasla sér
völl svo langt til vinstri, hefur
Lafontaine einmitt vakið upp
mikla andstöðu í hægri armi jafn-
aðarmannaflokksins. Háværar
raddir heyrast nú þegar um hætt-
una á klofningi í flokknum, verði
Lafontaine of áhrifamikill um
stefnu hans, hvað þá heldur ef
hann verður gerður að flokksleið-
toga.
Að sinni nýtur Lafontaine hins
vegar nýfengins sigurs, sem er
vissulega meiri en nokkur annar
stjórnmálamaður í Sambandslýð-
veldinu hefur unnið um árabil.
Með þessum sigri er Lafontaine
orðinn að stórstjörnu á himni
vestur-þýzkra stjórnmála og þar
hann vafalítið eftir að láta mjög
að sér kveða á næstu árum.
(Heimildir: Frukfurter Allgemeiiw
Zeilang og Der SpiegeL)
Sannfær-
andi sveins-
stykki
Tánlist
Siguröur Sverrisson
Autograph
Sign in please
RCA/Skífan
Ég hef margoft í undangengn-
um plötudómum um þessa teg-
und tónlistar lýst uppgangi
hennar í Bandaríkjunum og
Kanada og fer þvi ekki að eyða
frekari orðum á þá þróun, en
Autograph er hins vegar enn
einn flokkurinn, sem rennur
undan rifjum þungarokksbylgj-
unnar vestanhafs.
Þeir, sem sáu Skonrokk fyrir
nokkru, hafa vafalítið veitt
Autograph athygli, þar sem hún
flptti lagið „Turn up the Radio".
Ágætasta lag í hvívegna, en
hræddur er ég um að ímynd
sveitarinnar hafi fælt væntan-
lega aðdáendur frá. Menn ættu
hins vegar að gleyma útliti með-
limanna hið fyrsta því umrætt
lag er nokkuð táknrænt fyrir þá
tónlist, sem Autograph leikur,
og hún er ef nokkuð betri en
margt af því sem komið hefur á
markað úr þessum herbúðum
undanfarna mánuði. Lögin eru
gegnumgangandi lýrísk og sum
hver skemmtilega byggð upp en
á hæfilega einfaldan hátt, þann-
ig að auðvelt er að meðtaka þau.
Autograph er ung sveit, til
þess að gera, en hefur náð ótrú-
lega langt á skömmum tíma. Má
vafalítið þakka frama hennar
þeirri gífurlegu uppsveiflu, sem
verið hefur í þungarokki vestan-
hafs undanfarið, en nú keppast
plötufyrirtækin um að „sæna“ til
sín sveitir, sem hafa þungarokk
á stefnuskránni. Það er það, sem
selst þar vestra í dag. Vafalítið
hefur það einnig skipt miklu
máli fyrir Autograph að sveitin
fékk að fylgja Van Halen á 3
mánaða tónleikaferðalagi um
Bandaríkin í fyrra sem „upphit-
unarsveit". Slíkt hefur óneitan-
lega mikið gildi og sparar
hljómsveitum að þræða alla
klúbba landsins í leit að að-
dáendum. Sitthvað að leika fyrir
2—300 manns á kvöldi eða
12.—15.000 eins og á tónleikum
Van Halen.
Þessi fyrsta plata Autograph
finnst mér lofa góðu að flestu
leyti og greinilegt er að forráða-
menn RCA-steypunna hafa
tröllatrú á fyrirtækinu. Kynn-
ingarherferðin virðist smám
saman vera að skila sér og nú er
bara gamla spurningin: Er Auto-
graph það sem þeir á enskunni
nefna „eins dags undur" eða
eitthvað varanlegra. Allir muna
hvernig fór fyrir Quiet Riot, en
ég held að Autograph hafi alla
burði til að gera miklu betur en
sá kvartett. Sign in please er
sannfærandi sveinsstykki.
VfSA
HEIMILIS- OG RAFTÆKJADEILD
Verö kr. 9.880
HF
LAUGAVEGI 170-172 SIMAR 11687 ■ 21240
oeót/
tt ENWOOD
FRUMSÝNING á stórmyndinni
„Vígvellir” í Háskólabíói
Myndin er sannsöguleg og byggir á atburðum sem áttu sér stað í Víetnam, Kambódíu og
Thailandi um það leyti er syrta tók í álinn hjá herjum Suður-Vietnams og Bandaríkjanna og
uppgangur Rauðu Khmeranna var að hefjast í Kambódíu. Rakin er saga Dith Prah sem
vegna styrjaldarinnar verður að afneita uppruna sínum, yfirgefa heimili sitt í Kambódíu
og fara huldu höfði, en kemst að lokum í flóttamannabúðir í Thailandi við landamæri
Kambódíu.
Mynd þessi hefur hlotið mikið lof gagnrýnenda, var útnefnd til 7 Óskarsverðlauna og hlaut
þrenn verðlaun: Besta kvikmyndatakan, besti teikari í aukahlutverki, og besta
hljóðupptaka Einnig veitti breska kvikmyndaakademían myndinni fjölmörg verðlaun,
þ.á.m. titilinn Besta kvikmynd ársins 1984.
Rauði krossinn reisti flóttamannabúðir á landamærum Thailands og Kambódíu og þangað
streymdu hundruð þúsunda flóttamanna. Rauði kross íslands tók virkan þátt í þessu starfi
og hafa 16 íslendingar verið þar við störf frá upphafi.
Hver miði á frumsýninguna kostar 200 krónur sem er hærra verð en á almennum sýningum
- en allur ágóði af frumsýningunni rennur óskiptur til hjálparstarfs Rauða krossins
Forsala aðgöngumiða er í Háskólabíói sunnudaginn 31. marsfrá kl. 14°°
ogmánudaginn 1. apríl frá kl. 1600
Styrkið gott málefni! Rauði kross íslands (afc)