Morgunblaðið - 31.03.1985, Blaðsíða 20

20 B
MORGUNBLAÐIÐ, SUNNUDAGUR 31. MARZ 1985
Umsjón: KRISTÍN GESTSDÓTTIR
Páskadagsmáltíð
Pálmasunnudagur, síðasti sunnudagur fyrir páska. Þá minnast kristnir menn
innreiðar Jesús í Jerúsalem. í katólskum kirkjum eru pálmaviðargreinar
notaðar við guðsþjónustur þennan dag. Með pálmasunnudegi hefst dymbil-
vika. Áður voru allar skemmtanir bannaðar í dymbilviku. Hljómur kirkju-
klukkna þótti of glaðlegur og voru járnkólfar teknir úr klukkunum og trékólfar settir
í staðinn (dumb bjalla) svo að hljómur klukknanna varð dapur. Af því er nafnið
dregið. Dymbilvikunni lýkur síðan með páskunum, upprisuhátíð frelsarans. Kristnir
menn um allan heim halda páskana heilaga og gyðingar héldu þá hátíðlega löngu fyrir
Krists burð í minningu þess þegar Guð leiddi þá út úr Egyptalandi og heim í þeirra
eigið land. Páskalambið er tengt þeirri hátíð gyðinga, en í katólskum löndum og víðar
er lambakjöt borðað um páska.

FORRÉTTUR
Gggin í þessum rétti eru soðin
skurnlaus í vatni. Kallast það að
pochera egg. Að sjálfsögðu er
þetta ekki íslenskt heiti á þess-
ari matreiðsluaðferð, en poche er
komið úr frönsku og þýðir vasi.
Rauðan í eggjunum liggur í hvít-
unum eins og vasa, en ekki
finnst mér hægt að kalia þetta
vasasoðin egg. Gaman væri að fá
uppástungu um gott íslenskt orð
yfir þetta. Þegar egg eru pocher-
uð þurfa þau að vera ný, annars
flýtur hvítan út og hleypur ekki
jafnt saman og eggin verða ekki
falleg í laginu. Gngin dagsetning
er á eggjabökkunum og því
óhægt um vik.
Þegar egg eru pocheruð, ef
vatn, edik og salt sett í djúpa
pönnu eða grunnan pott. Þegar
vatnið nær suðumarki, er eggið
brotið í litla ausu eða stóra
skeið, síðan er ausan/skeiðin
með egginu látin ofan í vatnið og
hvítan látin stirðna örlítið út við
jaðrana, þter egginu hvolft ofan í
vatnið og hvítunni ýtt vel að
rauðunni. Vatnið má alls ekki
bullsjóða. Gggið er síðan látið
vera við suðumark í 5 mínútur
og þeim snúið. Þá er það tekið
varlega upp úr vatninu með
stórri skeið og annað hvort borð-
að strax eða látið kólna eins og
gert er í uppskriftinni hér á eft-
ir. Notið glæra smábikara úr
plasti eða dósir undan jógurt
undir forréttinn.
Pocheruð egg í hlaupi
Handa 5
Kínakál, u.þ.b. ‘k af höfði
5egg
1 lítri vatn
1 msk edik
1 tsk salt
1 pakki ('k lítri) ljóst soðhlaup
(fæst tilbúið í pökkum) eða
kjötsoð með matarlími, sem þið
búið tit sjálf.
Smábiti lítil gulrót
Smábiti gúrka, græn paprika eða
græn blöð af blaðlauk (púrru).
1. Pocherið eggin eins og sagt er
hér á undan. Kælið. Látið liggja
aðskilin á diski.
2. Farið eftir leiðbeiningum á
soðhlaupspakkanum. Kælið soð-
ið en látið ekki hlaupa saman
strax. Setjið 1 msk af soði á botn
bikaranna. Látið inn í kæliskáp
til að stífna.
3. Skerið út 10 smárenninga úr
ysta laginu á gúrku, papriku eða
grænu blöðunum af blaðlauk.
Skerið raufar á 5 stöðum eftir
endilangri gulrótinni. Skerið síð-
an 5 þunnar sneiðar af henni.
4. Raðið tveimum grænum smá-
renningum og gulrótarsneiðinni
ofan á hlaupið i bikarnum og lát-
ið það mynda blóm.
5. Takið eggin í lófann og leggið
varlega ofan á „blómin".
6. Setjið soðhlaupið í skeiðatali
ofan á. Gf hellt er snögglega yfir,
flýtur skreytingin upp. Geymið í
kæliskáp í minnst 4—6 klst.
7. Klippið kínakálið þvert í
þunnar ræmur. Setjið á fimm
smádiska.
8. Skerið kringum hlaupið með
heitum hníf. Dýfið síðan bikur-
unum augnablik í heitt vatn og
hvolfið ofan á kínakálið.
GLÓÐARSTEIKT
LAMBSLÆRI
MEÐ STEINSEUU,
BÖKUÐUM KART-
ÖFLUM
OG KRYDDSMJÖRI
Handa 5
1 læri, u.þ.b. 2% kg
1 tsk salt
'k tsk nýmalaður pipar
margar greinar fersk steinselja
2 msk smjör
Úrbeining á læri:
I. Notið beittan hníf með mjóu blaði. Skerið
upp með hækilbeininu og losið það frá lær
leggnum.
2. Snúið lærinu við og skerið niður með rófú
beininu að liðnum og losið það frá.
S. Stingið hnífnum niöur með lærleggnum
allt í kring og dragið hann út.
1. Úrbeinið lærið eins og sýnt er
á meðfylgjandi mynd.
2. Þvoið steinseljuna, klippið
smátt og setjið helminginn inn í
lærið. Vefjið lærið þétt upp og
vefjið sterkum bómullarþræði
utan um það.
3. Nuddið salti og pipar í lærið
að utan.
4. Hitið glóðarristina, stingið
glóðarsteikingarteininum I
gegnum lærið og látið lærið
glóðast í 1 klst. Hafið skúffuna
undir.
5. Bræðið smjörið, setjið afgang
steinseljunnar saman við og
penslið lærið meðan á steikingu
stendur.
Bakaóar kartöflur:
10 meðalstórar kartöflur
'k dl matarolía
Burstið kartöflurnar vel,
penslið þær síðan með olíu og
steikið í bakarofninum. Gott er
að hita ofninn hálftíma áður en
kjötið er sett í hann, setja kart-
öflurnar í hann. Síðan þegar þær
hafa verið hálftíma í ofninum,
eru þær settar á neðstu rim, en
kjötið glóðað í ofninum um leið
og kartöflurnar halda áfram að
steikjast.
Kryddsmjör:
200 gr smjör
2 tsk sítrónusafi
væn grein fersk steinselja
Hrærið smjörið með sítrónu-
safa og klipptri steinselju. Mótið
rúllu og setjið í álpappír og síðan
í frysti. Það frýs á u.þ.b. 2 klst.
Meðlæti: Hrásalat og alls konar
soðið grænmeti.
EFTIRRÉTTUR
Handa 5
Kaka með ís og marengs:
Þið getið búið til ísinn sjálf
eða keypt ferkantaðan 1 kg
pakka úr búð.
Kökubotninn:
2 egg
75 g sykur
50 g hveiti
1. Þeytið eggin ásamt sykrinum
þar til þetta er ljóst og létt.
2. Sigtið hveitið og hrærið sam-
an við með sleikju.
3. Takið bökunarpappír, búið til
úr honum ferkantað aflangt mót
örlítið stærra en ísinn, brjótið
upp á brúnirnar og stingið horn-
unum niður. Setjið deigið í papp-
irsmótið. Hitið bakarofninn í
200°C og bakið botninn í 10 mín-
útur.
ísinn:
3 eggjarauður
'k msk sykur
1 peli rjómi
2 msk sherry eða lk tsk vanillu-
dropar.
4. Þeytið eggjarauðurnar með
sykrinum þar til það er ljóst og
létt. Þeytið rjómann. Blandið
síðan rjóma og eggjarauðum
saman með sleikju, setjið sherry
eða vanilludropa út í og frystið í
aflöngu móti sem er heldur
minna en kökubotninn.
Marengsinn:
3 eggjahvítur
1 'k dl sykur
5. Byrjið á að þeyta hvíturnar
örlítið, bætið síðan sykrinum
smám saman út í. Þeytið þar til
þetta er alveg stíft.
6. Setjið ísinn ofan á kökubotn-
inn, smyrjið síðan marengsinum
yfir, látið hann hylja ísinn alveg.
Setjið í frysti.
7. Hitið bakarofn í 220°C og
bakið kökuna í 5 mínútur. Mar-
engsinn á að taka lit, en á að
vera linur.
Skreytingin:
3kiwiávextir.
8. Afhýðið kiwiávextina og sker-
ið í sneiðar.
9. Setjið kökuna á aflangt fat,
raðið kiwisneiðunum utan með
og berið strax á borð.
LEIÐRÉTTING
í síðasta þætti, 24. s.l. slædd-
ust tvær prentvillur inn í text-
ann. í uppskriftinni: Fyllt
snittubrauð með rjómaosti,
skinku og ananas stóð 1 ‘k pakki
rjómaostur, en átti að vera 'k
pakki. f uppskriftinni: Beikon-
rúllur stóð 2 g feitur mjólkurost-
ur, en átti að vera 200 g.
Nýir bílar fyrir 2.526
dollara í Njarðvíkum
Vopim, 27. mars.
ÞAÐ vekur athygli vegfarenda á
Reykjanesbrautinni, þegar ekið er
um Fitjar í Njarðvíkum, að þar er
auglýsingaskilti við bílasöluna. A
auglýsingunni eru auglýstir nýir
bílar til sölu fyrir 2.526 dollara.
Við nánari athugun kom í Ijós
að bílaumboð verður með bíla-
sýningu 30.—31. mars við bíla-
söluna, sem mun sérstaklega
ætluð Bandaríkjamönnum á
Keflavíkurflugvelli.
E.G.
Morgunblaðið/E.G.