Morgunblaðið - 04.04.1985, Blaðsíða 4
;m .IhlSA >HtlOAQUTMMH ,QiaAJaH0030M
MORGUNBLAÐIÐ, FIMMTUDAGUR 4. APRÍL 1985
fi
4
Margeir fer
til ísrael
„Við ætlum að taka af skarið hjá Skáksambandinu og senda
Margeir út til ísrael og aðstoðarmann sem verður Bragi Krist-
jánsson," sagði Þorsteinn Þorsteinsson, forseti Skáksambands
íslands, í samtali við Morgunblaðið, en eins og sagt hefur verið
frá í fréttum hefur staðið um það deila hvar einvígi Margeirs
Péturssonar og ísraelsmannsins Schvidlers um sæti á milli-
svæðamótum eigi að fara fram og hver bera eigi kostnaðinn.
Skáksambandið leggur til að
einvígið hefjist 14. apríl í ísrael.
Það þýðir að Margeir og Bragi
fara út þann 12. Bjóst Þorsteinn
við að frétta nánar frá ísraels-
mönnum og frá svæðisforseta
Norðurlanda, Finnanum Helme, í
gærkvöldi, en Helme þessi lofaði
Israelsmönnum í trássi við íslend-
inga að einvígið færi fram þar í
landi.
Þessi ákvörðun var tekin á
fundi í Skáksambandinu í gær-
kveldi, þar sem það blasti við að
það myndi bitna á þessum tveimur
skákmönnum ef af einvíginu yrði
ekki og réttur sigurvegarans til að
tefla á millisvæðamótinu myndi
niður falla. „Við erum að leggja út
í heilmikinn kostnað, en það er
ekki um annað að ræða, eins og
málum er komið. Við munum taka
þetta mál upp á næsta fundi Nor-
ræna skáksambandsins, sem verð-
ur haldinn í Noregi í júlímánuði í
tengslum við Norðurlandamótið í
skák. Þá munum við einnig ræða
þetta mál á FIDE-þingi sem verð-
ur í Austurríki í ágúst,“ sagði
Þorsteinn að lokum.
Kafað niður að flaki Bervíkur:
Engar vísbendingar
um afdrif skipverjanna
í FYRRADAG var kafað niður
að flaki vélbátsins Bervík SH
43 frá Ólafsvík sem fórst rétt
utan við Rif í síðustu viku.
Kafarar könnuðu allt flakið en
urðu ekki varir við vísbend-
ingar um afdrif skipverjanna
Kirkjukvöld í
Dómkirkjunni
BRÆÐRAFÉLAG Dómkirkj-
unnar í Reykjavík heldur kirkju-
kvöld í kvöld, skírdag, klukkan
20.30.
Tvær ræður verða fluttar.
Kjartan Gunnarsson, fram-
kvæmdastjóri, fjallar um
trúna og nútímann og Árni
Johnsen, alþingismaður, talar
um íslenska stemmningu.
Orgelleik annast Marteinn
H. Friðriksson, dómorganisti.
Ávarp flytur séra Hjalti Guð-
mundsson, dómkirkjuprestur.
Séra Þórir Stephensen, dóm-
kirkjuprestur, flytur bæn.
Karlakór Reykjavíkur syngur
tvö lög undir stjórn Páls
Pampichler Pálssonar.
flmm sem saknað hefur verið
frá því báturinn fórst.
Kafarar Landhelgisgæslunn-
ar og frá Köfunarstöðinni önn-
uðust köfun. Flak bátsins reynd-
ist illa farið, sérstaklega að inn-
an. Annar af tveimur björgun-
arbátum Bervíkur er í flakinu,
en hinn fannst uppblásinn en
mannlaus kvöldið sem slysið
varð. í gær var leit haldið
áfram, gengnar fjörur auk þess
sem þyrla og flugvélar leituðu
úr lofti. Leit verður haldið
áfram.
Nafn féll niður
FALLIÐ hefur niður nafn ferm-
ingarbarns í Langholtskirkju af
lista, sem birtur er í blaðinu í dag.
Þórhallur Skúlason, Eikjuvogi 29
verður fremdur í kirkjunni á ann-
an dag páska klukkan 13.30.
INNLENT
Lyftir Jón Páll Grettis-
taki í Stiklum á morgun?
BJARGIÐ sem Jón Páll Sigmars-
son, sterkasti maður heims, glímir
hér við er hestasteinn á hlaði Lauf-
áss í Eyjafirði. Tilefni þessarar
glímu kappans er Stikluþáttur
Omars Ragnarssonar, sem er á
dagskrá Sjónvarps kl. 20.50 annaö
kvöld.
„Ég valdi að gera honum eins
erfitt fyrir og hægt var,“ sagði
Ómar Ragnarsson, í samtali við
blm. Mbl. í gær, um þessi átök
Jóns Páls við steininn. „Við fór-
um þarna norður í upphafi vik-
unnar og það var 13 stiga gaddur
og snjór í miðja kálfa þegar Jón
Páll hóf átökin. Þó að reynt væri
að sópa frá og af steininum, þá
settist alltaf snjór í hann á nýjan
leik. Ég er reyndar alveg hissa að
hann skyldi taka i mál að reyna
þetta, en eins og alþjóð veit þá er
hann ekkert smeykur um sína
stöðu. Jón Páll sagðist reyndar
ekkert hafa á móti því að takast á
við gamlar sögur.“
Ómar sagði að þessi steinn
væri 270 kíló, en Kvíahellan á
Húsafelli er 186 kíló. Henni hafa
allnokkrir menn lyft, en Jón Páll
er sá eini sem tekið hefur hana og
gengið með hana upp á kvíahell-
una og niður aftur. Þessi steinn
fyrir norðan væri mun þyngri og
erfiðari. „Þessi steinn verður því
meira framtíðarverkefni fyrir
aflraunamenn hér á landi,“ sagði
ómar, en þegar hann var spurður
um hvernig Jón Páli hefði tekist
til í glímunni, sagðist ómar ekk-
ert vilja upplýsa um það. Það
kæmi bara í ljós í Stiklum annað
kvöld. Blm. Mbl. hleraði það þó
norðan úr Eyjafirði að eitthvað
séu skiptar skoðanir um það hver
árangur Jóns Páls hafi verið, en
þó munu allir sammála um að
hann hafi náð einhverjum ár-
angri í glímunni. En úr þessu
fæst endanlega skorið í Stiklum
annað kvöld.
Varaformaður Alþýðubandalagsins:
Svavar og Asmundur
geta ekki talað saman
V ARAFORM AÐUR Alþýðubanda-
lagsins, Vilborg Harðardóttir, lýsir
því yfir í yfirheyrslu Helgarpóstsins,
að vandi Alþýðubandalagsins sé m.a.
fólginn í því að þeir Svavar Gestsson,
formaður flokksins og Ásmundur
Stefánsson, forseti ASÍ geti ekki tal-
að saman.
í yfirheyrslunni er m.a. vikið að
þeim vandmálum sem Alþýðu-
bandalagið á við að stríða, sem
sumir hafa kallað kreppu. Vilborg
staðfestir að þessi vandi sé fyrir
hendi og segir að hann lýsi sér
helst í því, að ekki hafi farið fram
að undanförnu nauðsynleg umræða
á milli þeirra, sem hafa verið kosn-
ir til trúnaðarstarfa í verkalýðs-
hreyfingunni og þeirra, sem hafa
verið kosnir til trúnaðarstarfa í
flokknum. Aðspurð um það, hvort
forysta flokksins hafi brugðist í
þessum efnum segir Vilborg „Ég er
ekki endilega að segja, að forysta
flokksins hafi brugðist í því frekar
en þeir alþýðubandalagsmenn, sem
eru í forystu i verkalýðshreyfing-
unni. Ég er bara að segja það, að
þessi umræða hafi ekki orðið sem
skyldi."
Varaformaðurinn segir ennfrem-
ur að ekki hafi gengið sem skyldi,
að koma á viðræðum milli þessarra
aðila og spurningu þess efnis hvers
vegna það hafi gengið illa svarar
Vilborg: „Eigum við að segja, að
það sé til þarna fólk, sem vill helst
ekki tala saman." Vilborg var þá
spurð hvort hún ætti við að for-
maður flokksins, Svavar Gestsson,
og forseti ASÍ, Ásmundur Stef-
ánsson, geti ekki talað saman: „Já,
ég held, að það sé svona visst bil,
sem er óbrúað þar.“
MINNISBLAÐ LESENDA
Morgunblaðið veitir lesendum
sínum að venju upplýsingar um
ýmsa þjónustu yfir bænadaga og
páska.
Slysadeild
Slysadeild og sjúkravakt Borg-
arspítalans er opin allan sólar-
hringinn og er síminn þar 81200.
Læknaþjónusta
Helgarvakt lækna hófst kl. 17 f
gær og stendur til kl. 8 á þriðju-
dagsmorgun. Síminn er 21230.
Heimilislæknaþjónusta er í
gangi á Göngudeild Landspítal-
ans í dag og 2. páskadag kl.
14—15. Síminn er 29000.
Sjálfvirkur símsvari Læknafé-
lags Reykjavíkur er 18888.
Tannlæknavarsla
Neyðarvakt tannlækna er alla
dagana frá kl. 10 til 11 í Heilsu-
verndarstöðinni við Barónsstíg.
Síminn er 22417.
Slökkvilið
Slökkviliðið í Reykjavík hefur
símann 11100, slökkviliðið í
Hafnarfirði símann 51100 og
slökkviliðið á Akureyri sfmann
99999
Lögregla
Lögreglan í Reykjavík hefur
símann 10200. Neyðarsími er
11166 og upplýsingasími er 11110.
Lögreglan á Akureyri er í síma
23222, í Kópavogi 41200 og í
Hafnarfirði 51166.
Sjúkrabflar
Sjúkrabilar í Reykjavík hafa
símann 11100, í Hafnarfirði 51100
og á Akureyri 22222.
Lyfjavarsla
Apótek Austurbæjar er opið í
dag og nótt til kl. 9 í fyrramálið.
Föstudaginn langa, laugardag,
páskadag og annan páskadag er
næturvarsla í Háaleitisapóteki
(varsla allan sólarhringinn) og á
laugardag er Apótek Vesturbæj-
ar opið frá kl. 9 til 22.
Guðsþjónustur
Tilkynningar um guðsþjónust-
ur eru á bls. 58 B í blaðinu f dag
og fermingar á bls. 42 og 43 B.
Útvarp — sjónvarp
Dagskrá útvarps og sjónvarps
ásamt efnisútdráttum nokkurra
dagskrárliða er að finna á bls. 1,
2, 3 og 4 C.
Hvað er að gerast
um helgina?
Upplýsingar um menningar-
viðburði helgarinnar birtast á
bls. 32 og 33 B.
Bilanir
Hitaveitu- og vatnsveitubilanir
tilkynnist til Vélamiðstöðvar
Reykjavíkur í síma 27311. Síma-
bilanir er hægt að tilkynna f síma
05 frá kl. 8 til 24 alla dagana.
Viðgerðir fara þó ekki fram fyrr
en eftir helgina.
Söluturnar og verslanir
Verslunum er heimilt að hafa
opið kl. 9—16 á laugardag. Sölu-
turnar verða opnir frá kl.
9—23.30 í dag, laugardag, og ann-
an páskadag, en lokaðir á föstu-
daginn langa og páskadag.
Bensínafgreiðslur
Bensfnafgreiðslur verða opnar
frá kl. 9.30-11.30 og 13-16 í dag
og annan páskadag. Föstudaginn
langa og páskadag eru allar bens-
ínafgreiðslur lokaðar en á laug-
ardag opna þær kl. 7.30 og eru
opnar til kl. 21.15.
Bensinafgreiðsla á Umferð-
armiðstöðinni er opin sem hér
segir: í kvöld er opið kl. 20—24.
Föstudaginn langa og páskadag
er lokað. Á laugardagskvöld
opnar afgreiðslan kl. 21 og er
opin til miðnættis, en á annan
páskadag opnar hún kl. 20 og er
opin til kl. 01.
Strætisvagnar Reykjavíkur,
Hafnarfjarðar og Kópavogs
í dag aka strætisvagnar sam-
kvæmt sunnudagsáætlun. Föstu-
daginn langa hefst akstur kl. 13
og er ekið skv. sunnudagsáætlun.
Laugardaginn er akstur strætis-
vagna eins og aðra laugardaga,
en á páskadag hefst akstur kl. 13
og er ekið skv. sunnudagsáætlun.
Annan páskadag er ekið skv.
sunnudagsáætlun. Strætisvagnar
Reykjavíkur aka ekki að Geit-
hálsi á föstudaginn langa og á
páskadag.
Mosfellsleið
í dag er ekið skv. sunnudags-
áætlun. Föstudaginn langa og á
páskadag er ekki ekið, á laugar-
dag er ekið eins og á öðrum laug-
ardögum og á annan páskadag er
ekið skv. sunnudagsáætlun.
Vegaeftirlit
Vegaeftirlitið hefur upplýs-
ingaþjónustu í síma 21000 og
21001.