Morgunblaðið - 04.04.1985, Blaðsíða 43

MORÖÚNBLAÐÍÐ, FIMMftíÚAGtTR í.'ÁPRÍL 19te
43
Sextugur:
Sr. Þorbergur
Kristjánsson
Sóknarprestur minn, séra Þor-
bergur Kristjánsson, er sextugur í
dag, skírdag.
Ekki veit ég hvar Þorbergur er
fæddur; sem sóknarbarn hans læt
ég mig það varða að hann er
trúfæddur, að hann er ekki emb-
ættisprestur fyrst og fremst, held-
ur köllunarprestur, að hann préd-
ikar á stéttunum, eins og útvaldir
ttuðsmenn hafa ætíð gert, og að
hann prédikar með hjartanu, þótt
nógir séu vitsmunirnir eða einmitt
þess vegna.
Tvennt hefur ríkulega hrifið
mig í trúfari þessa prests: blessun
hans og prédikun.
Þegar séra Þorbergur blessar
kirkjusöfnuð streyma blessunar-
orðin ekki af vörum hans með
vanabundnu ósjálfræði heldur út-
breiða hendur hans þau, svo þau
knýja hjörtun til móttöku, hverju
og einu finnst þau eiga blessandi
erindi við sig.
Prédikun hans er kapítuli útaf
fyrir sig: hún er hvorki deyfandi
mælgi né leiðaraskrif í dag-
blaðsstíl, hún er lifandi sannfær-
ing reist á krossi, sem hvorki tíska
né lýðdaður fá haggað. Það er
sjaldan slegið úr og í, sem mörg-
um þykir einkenna nútíma-
mannaveiðara, þar er slegið á
þann steng, sem hreinn og ósnort-
inn hljómber orð guðs yfir himin-
blind trúþök, boðar ofar blindletri
þrætubóka, hvíslar í gegnum ær-
andi styrjaldagný; hið eilífa guð-
sorð sem eitt megnar að fullyrða:
allt er harla gott.
Séra Þorbergur nýtur þó ekki
þeirrar náðargáfu að geta haldið
uppi prédikun eingöngu á auðug-
um tilbrigðum sama dýrðarstefs:
Hann er. Þeirri viskufullu og
heilögu einfeldni útdeildir Sigur-
björn Einarsson biskup einn ís-
lenskra kennimanna. Þar er préd-
ikun orðin sakramenti. Séra Þor-
bergur megnar yfirskyggður and-
anum að leiðrétta tímanlegt og að-
steðjandi trúarrugl. Engum sem
blýðir á boðun hans blandast
framar hugur um: að frelsi er ekki
sama og frelsun, að ekkert sam-
ansemmerki er á milli sáluhjálpar
pg sósíalisma, né milli kommún-
isma og kristindóms; að kristur
var og er ekki fátæktarfulltrúi,
skæurliði, félagsmálafulltrúi held-
ur frelsari mannssálarinnar, að
svokölluð vandamál eiga arf-
bundnar rætur í vitund mannsins
eða réttara sagt vitundarleysi og
að raunhæf friðarumræða fcr að-
eins fram í hjartanu. Með orðum
drottins sjálfs: leitið heldur ríkis
hans, og þá mun þetta veitast yður
að auki; t.d. jafnrétti, friður,
bræðralag. Trúaráhersla séra
Þorbergs er á aðalatriðinu, orðinu,
guðsorðinu, en ekki aukaatriðinu,
borðinu, hringborðinu. Þannig
prédikar séra Þorbergur; því ekk-
ert mannlegt í tengslum við guð-
legt er honum óviðkomandi.
Áhersluvíxlun skipuleggjenda
^eitingahús^p
LOKAÐ
Skírdag.
Föstudaginn langa.
Laugardag.
Páskadag.
Annan í páskum.
Eigendur og starfsfólk
óskar öllum landsmönn-
um Gleöilegra páska.
kirkjunnar er á vondri leið með að
gera hana að einskonar vanda-
mála-kirkju í staðinn fyrir sálu-
hjálpar-kirkju. f augum vímuráf-
andi ungmenna, svo og margra
annarra magnleysingja, verður
hún því ein kerfisstofnunin enn,
sem ríkir og rekur sjálfa sig, þing-
ar um tæknivæðingu trúarinnar á
sama tíma og trúarþurfandi
mannssálir tortímast innan hand-
bærrar seilingar eða ánetjast af
trúarhungri sinu austrænni og
guðlausri trúareigingirni, kenndri
við jóga og alls staðar og ætíð er á
boðstólum.
Þetta eru mín orð, ekki séra
Þorbergs. Svo mikið get ég þó full-
yrt að kirkja séra Þorbergs ber
enga hagvaxtarlega kerfisdrætti.
Hún hefur eigi að heldur gengist
undir andlitslyftingu, eins og
sviðssjúkar leikkonur á fallandi
frama fæti. í kirkju hans er iðkuð
trúar-upplitning, sú himinspeglun
holdsins, sem heldur því án ald-
ursmarka, svo það megi í fyllingu
tímans þangað upp rísa, til himna.
Hið svokallaða nýja andlit
kirkjunnar er aðeins tíðarfarði
sem förðunar-meistarar hennar
hafa klínt á hana, til þess að reyna
að gera hana gjaldgenga, eða rétt-
ara sagt sjálfa sig, á markaðstorgi
óseðjandi neytenda, hverja barist
er um eins og þeir séu atkvæðis-
bærir á eilífðarþingi. Að baki
farðans er frelsarinn. Hin ósýni-
lega og óumbreytanlega ásjóna
Krists, opinberuð trúarsjónum:
Kristsandlit kirkjunnar, hið
raunverulega andlit hennar.
Trúgróið andlit kirkjunnar hef-
ur ekki önnur andlit, þarfnast ekki
annars andlits: fjölmiðlunar- eða
markaðsgrímu. Hið innantóma og
illa þarfnast umbreytinga, ný and-
lit og ný, svo það þekkist ekki og
af því að það er forgengilegt. Kær-
leikurinn er óumbreytanlegur og
fellur aldrei úr gildi; það er kirkj-
an einnig, óumbreytanleg í eðli
sinu, eins og guð.
Þrekmikil trúarrödd séra Þor-
bergs hljómar í hvelfingum kirkju
og á þingum, þar sem trúarum-
ræða fer fram, svo og skipulagn-
ing trúvæðingar. Rödd hans er
einlægt skýr og afdráttarlaus.
Enda engin nauðsyn að kristnir
menn séu sammála. Þeim ber hins
vegar að vera samsála. Hið fyrra
lýtur að hinu dauðlega orði hið
síðara lýtur hinu lifandi orði,
guðsorði. Megi raust séra Þor-
bergs hljóma sem lengst á meðal
vor.
Og Þorbergur Kristjánsson,
hvernig er hann? Hann er trúsýnn
en ekki hagsýnn.
Ingimar Erlendur Sigurðsson
Dómkirkjan:
Ingibjörg Guðjónsdótt-
ir syngur einsöng
í MESSUNNI í Dómkirkjunni kl. II á
föstudaginn langa syngur Ingibjörg
Guðjónsdóttir einsöng. Hróður hennar
hefur farið víða, síðan hún bar sigur úr
býtum í söngkeppni sjónvarpsins. í
messunni á langafrjádag ætlar hún að
syngja „Friðarins Guð“ eftir Árna
Thorsteinsson.
Sr. Þórir Stephensen les lok písl-
arsögunnar og flytur stutta hugleið-
ingu, en að öðru leyti byggist mess-
an á tónlistarflutningi. Dómkórinn
syngur þar m.a. sálminn „Ég kveiki
á kertum mínurn" við lag Páls Is-
ólfssonar, „Ave verum corpus" eftir
Mozart og „Faðir vor“ eftir Malotte.
Að venju verða engin ljós í kirkj-
unni þennan dag, hvorki á altari né
annars staðar. Þannig ber messan
öll sérstakan blæ til þess ætlaðan að
leiða hugi okkar að hinni miklu
kærleiksfórn Krists. Það er og hlut-
verk föstudagsins langa.
Þórir Stephensen
Grimsby:
Hæsta verð fyrir ís-
aðan fisk í gámum
HÆSTA heildarverð fyrir ísaðan fi.sk
í gámum, sem fengizt hefur á fisk-
mörkuðum í Bretlandi, fékkst í gær í
Grimsby. Rúm ein milljón króna fyrir
17,3 lestir af kola. Fiskurinn var úr
Freyju RE 38 og var að mestu koli.
Aðalsteinn Finnsen, starfsmaður
Fylkis í Grimsby, sem sá um sölu
fisksins, sagði í samtali við Morg-
unblaðið, að í gær hefði fyrirtækið
selt fisk úr þremur gámum frá Is-
landi og gott verð hefði fengist
fyrir fiskinn úr þeim öllum. Meðal-
verð á kolanum úr umræddum gám
hefði verið 62,17 krónur á hvert
kíló og heildarverð í pundum
21.449. Væri þetta hæsta verð, sem
fengist hefði fyrir fisk úr einum
gám á markaðnum.
Aðalsteinn sagði, að undanfarið
hefði verð fyrir gámafiskinn verið
um 20% hærra en á síðasta ári. Því
réði meðal annars eftirspurn eftir
fiski vegna páskanna, léleg vertíð I
Norðursjó og verkfallið I Danm-
örku. Horfur á áframhaldandi góðu
verði væru miklar, einkum vegna
aflasamdráttar í Norðursjónum.
r
íiö
PIOMŒER
Vinsælustu bíltæki í heimi.
Þetta er mest selda bíltækiö frá Pioneer á árinu sem leiö — og
af því tilefni seljum viö þessa samstæöu meö 20% afslætti á
meöan birgöir endast.
Kr. 8.552,-
KP3230 útvarps- og kassettutæki
★ Sjálfvirk endurspilun
★ Sjálfvirkt stopp
★ Hraðspilun i báöar áttir
★ Tónstillir
★ Innbyggður kveikjutruflana eyö-
ir
★ FM stereo, MW, LW
★ .2x4,5w (RMS)
TS 1020 hátalarar
* Niöurfelldir 10 cm
* Hámarks inngangsafl 30w
* Tíönisvörun 50-17000 riö
* Næmni 90 db/w/m
HIJÐMBÆR
HUOM*HEIMIllS*SKRIFSTOFUTÆKI
HVERFISGÖTU 103
SÍMI 25999