Morgunblaðið - 03.05.1985, Blaðsíða 35

35
MORGUNBLAÐIÐ, FÖ9TUDAGUR 3- MAÍ 1985
„Dásamlegir kroppar“
sýnd í Bíóhöllinni
BÍÓHÖLLIN hefur hafið sýn-
ingar á dans- og skemmtimynd-
inni „Dásamlegir kroppar", sem
á frummálinu heitir „Heavenly
Bodies“. Myndin er nýgerð og
er hér um frumsýningu á mynd-
inni að ræða í Evrópu.
Myndin fjallar um ungar
stúlkur, sem stofnsetja heilsu-
ræktarstöðina „Heavenly Bodi-
es“, þar sem þær sérhæfa sig í
aerobics, sem er þrekdans, vin-
sæll víða um heim, að því er segir
í upplýsingum frá kvikmynda-
húsinu. Aðallag myndarinnar er
„The East in me“. Tónlist er flutt
af Bonnie Pointer, Sparks, The
Jazz Band, The Tubes og Cheryl
Lynn.
Aðalhlutverk í myndinni leika
Cynthia Dale, Richard Rebiere
og Laura Henry. Leikstjóri er
Lawrence Dane.
Sýning á stanga-
veiðivarningi
LANDSAMBAND stangaveiðifélaga
gengst fyrir sýningu á stangaveiði-
vörum og fleiru tilheyrandi íþrótt-
inni í Norræna húsinu. Sýningin
opnaði í gær, en hún stendur fram á
sunnudag. Opið er frá klukkan 14.00
til 22.00.
Flest þau fyrirtæki sem flytja
inn eða framleiða stangaveiðivör-
ur sýna þarna varning sinn og
tímaritin þrjú, Sportveiðiblaðið,
Veiðimaðurinn og Á veiðum, sem
út koma hér á landi og fjalla um
þetta málefni eru þarna einnig
með sýningarbása. Ýmislegt verð-
ur á dagskrá meðan sýningin
stendur yfir, þannig fer fram
fluguhnýtingarsamkeppni á veg-
um „Litlu flugunnar". Sportveiði-
blaðið býður upp á getraun með
glæsilegum vinningum og Rafn
Hafnfjörð flytur erindi. A með-
fylgjandi mynd flytur Birgir Jó-
hannsson formaður landsam-
bandsins setningarerindi.
Morgunblaðið/ Ól.K.Magn.
Lokaverkefni Nemendaleikhússins:
„Fugl sem
flaug á
Á ÞRIÐJUDAGINN frumsýna
nemendur á síðasta ári í Leikíist-
arskóla íslands lokaverkefni sitt í
vetur „Fugl sem flaug á snúru“, en
verkið er sérsaklega samið fyrir
hópinn af Nínu Björk Árnadóttur.
Fyrr á þessu ári hafa nemend-
ur sýnt Grænfjöðrung og tekið
þátt í sýningum Leikfélags
Reykjavíkur, Draumur á Jóns-
messunótt.
Leikstjóri er Hallmar Sigurðs-
snúrua
son, en leikmynd er eftir Grétar
Reynisson. Lýsingu annaðist
Ólafur Örn Thoroddsen.
Leikendur og jafnframt nem-
endur þeir sem nú útskrifast úr
Leiklistarskólanum eru Alda
Arnardóttir, Barði Guðmunds-
son, Einar Jón Briem, Jakob Þór
Einarsson, Kolbrún Erna Pét-
ursdóttir, Rósa Guðný Þórsdótt-
ir, Þór H. Tulinius og Þröstur
Leó Gunnarsson.
Merkjasala
Björgunar-
sveitarinnar j
Ingólfs um
næstu helgi i
BJÖRGUNARSVEIT Slysavarna-
deildarinnar Ingólfs í Reykjavík efn-
ir til hinnar árlegu merkjasölu sinn-
ar um næstu helgi. Merkin verða
afhent sölubörnum föstudaginn 3.
maí og þann sama dag og næsta dag
verða merkin boðin borgarbúum,
segir í frétt frá Ingólfi. 1
■
Björgunarsveitin gegnir þýð-
ingarmiklu hlutverki í öryggisS-
málum borgarbúa og þeir hafa
alltaf sýnt málefnum hennar vel-
vild og skilning. Það er von
björgunarsveitarmanna að borg-
arbúar muni nú sem endranær
styðja þá og styrkja í áframhald-
andi uppbyggingu sveitarinnar en
nútíma björgunarstörf krefjast
mikilla og dýrra tækja sem sveit-
inni væri um megn ef ekki kæmi
til aðstoð og velvilji samborgar-
anna.
Fundir og
mannfagnaðir
á Húsavík
Húsavík, 2. maí.
FUNDIR og mannfagnaðir hafa
undanfarið verið á Húsavík þessir: Á
sumardaginn fyrsta söng kór kirkju
og tónlistárskólans í Húsavíkur-
kirkju undir stjórn Úlriks Ólasonar
við undirleik Þórarins Stefánssonar.
Á laugardag hélt
„framkvæmdanefnd um launamál
kvenna“ fund í félagsheimilinu.
Þar voru frummælendur Gerður
Steinþórsdóttir og Elín Flygen-
ring. 1. maí-hátíðahöldin fóru
fram með hefðbundnum hætti í fé-
lagsheimilinu. Ávarp flutti Helgi
Bjarnason en aðalræðuna Birna
Þórðardóttir, verslunarmaður í
Reykjavík. Sigurður Hallmarsson
las upp, barnakór söng undir
stjórn Hólmfríðar Benediktsdótt-
ur og Bubbi Morthens söng.
Leikfélagið sýnir ennþá leikritið
„Ástin sigrar“ við góðar undir-
tektir.
Kynna undirstöðu nýlíftækni
NÁMSKEIÐSNEFND Læknafélags íslands og endurmenntunarnefnd Háskól-
ans efna til námskeiðs um sameindaerfðafræði og ónæmisfræði á Hótel Loft-
leiðum helgina 4. og 5. maí nk. Lögð verður áhersla á að kynna á aðgengilegan
hátt þau undirstöðuatriði þessara fræða, sem mynda kjarna svokallaðrar nýlíf-
tækni, er hefur verið að þróast undanfarin ár. Margir telja að þessi nýja tækni
sé í þann veginn að hafa mjög afgerandi áhrif á framkvæmd heilbrigðisþjón-
ustunnar, segir í frétt frá nefndunum.
Námskeið þetta er hugsað sem
„upphitun“ fyrir framhaldsnám-
skeið um sama efni sem verður
haldið í Menntaskólanum við
Hamrahlíð 12.—16. júní nk. og er
tengt 16. þingi Norrænu ónæmis-
fræðisamtakanna. Þar munu flytja
fyrirlestra ýmsir af helstu braut-
ryðjendum nýlíftækninnar.
þeir sem ætla að taka þátt í upp-
hitunarnámskeiðinu þurfa að skrá
sig fyrir 30. apríl á skriftofu
læknafélaganna eða í Háskóla ís-
lands, s. 25088. Þátttökugjald er kr.
1000 og er hádegisverður laugar-
daginn 4. maí innifalinn. Nánari
upplýsingar veitir Margrét
Björnsdóttir í síma 23712.
Þátttaka í framhaldsnámskeið-
inu kostar kr. 3500 og er hádegis-
verður innifalinn alla 5 dagana.
Námskeiðsnefnd LÍ hefur ákveðið
að greiða þátttökugjald fyrir allt
að 20 íslenska lækna á norræna
námskeiðið og skal umsóknum skil-
að til skrifstofu læknafélaganna
fyrir 15. maí nk. Einnig er hægt að
tilkynna þátttöku í síma 692 í
Landspitalanum.
BORGARNESDAGAR
Í LAUCARDALSHÖU 2.-5. MAÍ
Borgnesingar bjóöa alla velkomna í Laugardalshöll á myndarlega sýningu allra helstu fyrirtækj-
anna á staðnum. Skoöiö fjölbreytta iönframleiöslu, bragöið á gómsætum réttum úr kjöti, fiski
og mjólkurvörum. Matvæli á kynningarveröi, tískusýningar, skemmtun fyrir börnin svo sem
tívolí og tölvuknattspyrna. 9 holu golfvöllur og myndlistarsýning þar sem sýnd eru verk 20
þekktustu myndlistarmanna landsins.
FJÖLBREYTT DAGSKRÁ OPIÐ KL. 13-22
O
FYRIR BORN OG FULLORÐNA
TIL SUNNUDAGSKVOLDS