Morgunblaðið - 07.05.1985, Blaðsíða 22

22
MORGUNBLAÐIÐ, ÞRIÐJUDAGUR 7. MAÍ 1985
Taka frumkvæðið í stefnumótun fiskeldis:
„Óánægðir með
sinnuleysi
stjórnvaldaa
— Segir Jón Kr. Sveinsson, formaður Lands-
sambands fiskeldis- og hafbeitarstöðva
„VIÐ ERUM mjög óánægðir með sinnuleysi stjórnvalda í garð þessarar
atvinnugreinar. Landssambandið ætlar því að taka frumkvæðið í stefnu-
mótun í fiskeldis- og hafbeitarmálum," sagði Jón Kr. Sveinsson, for-
maður Landssambands fiskeldis- og hafbeitarstöðva, í samtali við Mbl.
en aðalfundur samtakanna var haldinn fyrir skömmu.
Stjórn sambandsins er nú aö
undirbúa álitsgerð um skipan fisk-
eldismála í framtíðinni og verður
haldinn framhaldsaðalfundur í
sumar til að móta til fullnustu
stefnu landssambandsins, sem sið-
an verður lögð fyrir stjórnvöld.
Jón nefndi sem dæmi um sinnu-
leysi stjórnvalda að tvisvar hefðu
verið samin á vegum stjórnvalda
drög að lögum fyrir atvinnugrein-
ina en aldrei tekist að fá þau lög-
fest. Nú hefði þriðja nefndin verið
stofnuð og væri enginn fiskeldis-
maður í þeirri nefnd.
Jón sagði að fiskeldismenn
legðu áherslu á fyrirbyggjandi
fisksjúkdómarannsóknir. Þeir
vildu fá stutt en skýr lög, en að
síðan yrði stjórnað með ítarlegum
reglugerðum. „Við leggjum ríka
áherslu á að fá lánafyrirgreiðslu
til jafns við aðrar atvinnugreinar í
landinu. Þá viljum við hafa at-
vinnugreinina sjálfstæða innan
stjórnkerfisins, og viljum því
draga okkur út úr skaðlegri tog-
streitu ráðuneytanna. Við þurfum
að hafa gott samstarf við a.m.k.
þrjú ráðuneyti, landbúnaðar-,
sjávarútvegs- og orkuráðuneyti",
ði Jón.
ályktun aðalfundarins segir
svo: „Landssambandið hyggst vera
virkur þátttakandi í stefnumörk-
un fiskeldis á íslandi. Flest öll
fiskeldisfyrirtæki landsins hafa
því sameinast með þátttöku í
landssambandinu. Landssam-
bandið krefst þess að fullt samráð
verði haft við það við ákvarðana-
töku hins opinbera sem snertir
hagsmuni fiskeldis í landinu.
Landssambandið bendir á hæga-
gang stjórnvalda við úrlausn
brýnna hagsmunamála er tafið
hefur uppbyggingu fiskeldis sem
atvinnugreinar. Landssambandið
leggur þunga áherslu á aö fiskeldi
verði sköpuð sjálfstæð staða innan
íslenska stjórnkerfisins sem skapi
atvinnugreininni þann jarðveg,
sem henni er nauðsynlegur til að
þróast og dafna."
f stjórn Landssambands fiskeld-
is- og hafbeitarstöðva voru kosnir:
Jón Kr. Sveinsson (Lárós), for-
maður; Róbert Pétursson (Pólar-
lax, Fiskeldi hf. á Húsavík); Sigur-
jón Davíðsson (Lax hf. á Tálkna-
firði); Gunnar Helgi Hálfdánar-
son (Hafbeitarstöðin Vogum) og
Jón Þórðarson (íslandslax). I
varastjórn voru kosnir: ólafur
Skúlason (Laxalón, Fiskalón); Jón
G. Gunnlaugsson (Sjóeldi) og Jón-
as Matthíasson (Fiskeldi Grinda-
víkur).
5 stofnendur Lionsklúbbs Dahlknr sem beióraðir roru af nmdæmisstjóra Lf.v.: Jón Karlsson, umdæmisstjóri,
Stefán Snævarr, Árni Arngrimsson, Helgi Þorsteinsson, Baldvin Magnússon og Gylfi Björnsson.
Lionsklúbbur Dalvíkur 25 ára
LAUGARDAGINN 27. aprfl sl. béll
afmæli sitL f tilefni af afmælinu
Svarfdæla myndbandstæki að gjöf.
Lionsklúbbur Dalvíkur var
stofnaður á vordögum árið 1960
og voru stofnendur 18 talsins. Sr.
Stefán V. Snævarr þáverandi
sóknarprestur beitti sér mest
fyrir undirbúningi og framgangi
að stofnun klúbbsins, og stýrði
hann fyrsta fundi. Lionsklúbbur
Dalvikur var 20. klúbbur Lions-
hreyfingarinnar á íslandi. Fyrstu
stjórn klúbbsins skipuðu: Sr.
Stefán Snævarr, formaður, Egill
Júlíusson, varaformaður, Valdi-
mar óskarsson, ritari, og Tryggvi
Jónsson, gjaldkeri.
Fyrsti stallari klúbbsins var
Árni Arngrímsson.
Afmælisfagnaður Lionsklúbbs-
ins hófst með sameiginlegu
borðhaldi í Víkurröst. Formaður
afmælisnefndar, Helgi Þorsteins-
son, setti hófið. Frá Lions-
hreyfingunni var mættur um-
dæmisstjóri, Jón Karlsson frá
Sauðárkróki, auk svæðisstjóra,
Harðar Þórleifssonar á Akureyri,
og Þórodds Þóroddssonar frá
„föðurklúbbi" Lionsklúbbs Dal-
víkur. Umdæmisstjóri heiðraði 5
virka stofnfélaga en auk þess
voru fleiri af stofnendum mættir.
Klúbbnum bárust gjafir og
heillaskeyti frá öðrum klúbbum.
Stefán Jón Bjarnason rakti sögu
; Lionsklúbbur Dalvíkur upp á 25 ára
afhent klúbburinn Héraðsskjalasafni
Lionsklúbbs Dalvíkur i saman-
tekt Tryggva Jónssonar og kom
þar fram i allítarlegu yfirliti
starfsemi klúbbsins í þessi 25 ár.
Lionsklúbbur Dalvíkur hefur
unnið að ýmsum menningar- og
líknarmálum i héraðinu og hafa
félagar lagt á sig mikla vinnu tii
fjáröflunar þessum málum við-
komandi.
Hátíðardagskrá klúbbsins var
tekin upp á myndband það, sem
klúbburinn afhenti Héraðsskjala-
safni Svarfdæla að gjöf í tilefni
af 25 ára afmæli klúbbsins.
Myndbandstæki þessi eru af
„Canon“-gerð og samanstanda af
myndavél, myndbandi, þrífæti,
spennubreyti og töskum. Formað-
ur klúbbsins, óskar Pálmason,
afhenti tækin en Júlíus Krist-
jánsson, formaður safnsstjórnar,
veitti þeim móttöku. í gjafabréfi
segir „að þess sé vænst að tæki
þetta komi að sem bestum notum
og verði nýtt eins og frekast er
kostur i byggðarlaginu öllu“.
Núverandi stjórn Lionsklúbbs
Dalvíkur skipa: óskar Pálmason,
formaður, Árni óskarsson, vara-
formaður, Baldvin Magnússon,
ritari, og Jón Finnsson, gjaldkeri.
Fréttaritarar.
Frú afhendingu myndbandstækjanna Lf.v.: Július Kristjánsson, Ólafur B.
Thoroddsen, myndatökumaður, og Óskar Pálmason, form. Lionsklúbbs
Dalvíkur.
Tjamargata 2—4 Keflavík:
Framkvæmdir hafnar að nýju
Morgunblaftiö/E.G.
Hinar umdeildu byggingarframkvæmdir á Tjarnargötu 2—4 í Keflavík,
Voem. 22. Ifrfl.
FRAMKVÆMDIR hófust að nýju
við byggingu verslunarhúss á
Tjarnargötu 2—4 í Kefiavík á mið-
vikudag í sl. viku, eftir að bæjar-
stjórn Kefiavikur hafði samþykkt
nýtt byggingarleyfi, en eldra bygg-
ingarleyfið var fellt úr gildi með
úrskurði félagsmálaráðherra 22.
október 1984.
Það var 21. desember 1982 að
fyrirtækið Bústoð hf. fékk leyfi
til þess að byggja 3ja hæða hús á
lóðunum Tjarnargata 2—4.
Sýndi teikning að byggt yrði á
lóðarmörkum Hafnargötu 28.
Það var síðan eftir að gerðar
höfðu verið breytingar á teikn-
ingu hússins, að framkvæmdir
hófust með grunngreftri 10. apr-
íl 1984. Þá er það þann 25. júní
1984 að lögmaður ritar bygg-
inganefnd Keflavfkur og fyrir-
tækinu Bústoð hf. bréf og mót-
mælir fyrir hönd eigenda Hafn-
argötu 28 byggingu hússins.
Bendir lögmaðurinn á að ekki
hafi verið gætt grenndarsjón-
armiða byggingareglugerðar og
fyrirhuguð bygging valdi um-
bjóðendum hans verulegum
eignaspjöllum, að ekkert deili-
skipulag heimili slíka randbygg-
ingu ofan Hafnargötu og loks að
nýtingarhlutfall sé óeðlilegt.
Bygginganefnd heldur 24. júli
fund með eigendum Hafnargötu
28 og lögmanni þeirra án þess að
nokkur niðurstaða fáist. 16. ág-
úst kærir lögmaðurinn bygg-
ingarleyfið til félagsmála-
ráðuneytisins og krefst þess að
byggingarleyfið verði fellt úr
gildi. óskar hann jafnframt eftir
og Hafnargata 28.
að frestað verði úrskurði vegna
samningaumleitana um málið.
Þann 23. ágúst kærir lögmaður-
inn til skipulagsstjórnar ríkisins
og krefst úrskurðar hennar um
afturköllun leyfisins. Skipulags-
stjórn skrifar byggingarnefnd
28. ágúst, þar sem þess er óskað
að hægt verði á framkvæmdum.
21. september kærir lögmaður-
inn til félagsmálaráðuneytisins.
Bæjarstjóranum í Keflavík barst
bréf frá ráðuneytinu 4. október
um kæruna.
Með úrskurði félagsmálaráðu-
neytisins 22. október 1984 var
byggingarleyfið fellt úr gildi að
svo stöddu og lagt fyrir skipu-
lagsstjórn að eiga nú þegar
frumkvæði að gerð deiliskipu-
lags fyrir miðbæ Keflavíkur {
samráði við bæjarstjórn Kefla-
víkur. Þann 27. nóvember sam-
þykktu bæjarstjórn Keflavíkur
og skipulagsstjórn randbyggingu
húsanna Tjarnargötu 2—4 og
Hafnargötu 28. Byggingarfull-
trúi sendi eigendum Hafnargötu
28 nýja byggingarleyfisumsókn
Bústoðar hf., til umsagnar sam-
anber byggingareglugerð 3.1.1.
þann 6. desember. Bygginga-
nefnd barst 8. febrúar svar með
bréfi Iögmanns. Inní málið flétt-
ast mótmæli lögmanns Guðnýj-
ar Ásberg sem leigulóðarhafa og
eiganda bílastæðisins Hafnar-
götu 28. Þetta ágreiningsefni
leystist 27. febrúar með kaup-
samningi bæjarsjóðs og Guðnýj-
ar um greinda lóð.
í greinargerð er bæjarlögmað-
ur og byggingarfulltrúi Kefla-
víkur lögðu fyrir byggingar-
nefnd 6. mars segir: „Margir
fundir hafa verið haldnir með
aðilum um mál þetta, m.a. með
þátttöku bæjarráðs, bygginga-
nefndar, byggingafulltrúa, eig-
endum beggja húseignanna, lög-
mönnum aðila og bæjarlög-
manni, án þess að friðsamleg
lausn fengist." Þá segir i fundar-
gerð bygginganefndar Keflavík-
ur frá 6. mars að: „Með fyrr-
greindum viðræðum hafa bæjar-
yfirvöld með margvíslegum
hætti gert rækilegar tilraunir til
að sætta deiluaðila. Meðal ann-
ars boðið eigendum Hafnargötu
28 að kosta hönnun og gerð
þeirra breytinga sem nauðsyn-
legar yrðu á þaki, einnig að
kosta byggingu yfir svalir húss-
ins. Meira að segja var boðið að
bæjarsjóður kaupi eignina, efri
hæð eða alla, án þess að þvi væri
svarað.
Nefndin samþykkir að leyfa
byggingu hússins með þeirri
breytingu að austurstafn verði
dreginn inn frá lóðarmörkum
um 60—80 sm ofan fyrstu hæð-
ar, aftan stigahúss, í þvi skyni
einu að ekki verði hróflað við
þakskeggi Hafnargötu 28.“
Það var svo þriðjudaginn 16.
apríl sl. að bæjarstjórn Kefla-
víkur samþykti nýtt byggingar-
leyfi fyrir Tjarnargötu 2—4, eft-
ir að bygginganefnd hafði sam-
þykkt breytta teikningu, þar sem
ofan fyrstu hæðar er austur-
stafn dreginn inn um 80 sm.
Daginn eftir hófust fram-
kvæmdir við bygginguna. E.G.
3. tbl. Æsk-
unnar komið út
ÞRIÐJA tölublað Æskunnar 1985 er
komið ÚL f blaðinu kennir ýmissa
grasa. Opnuviðtalið er að þessu sinni
við Jón Pál Sigmarason, „sterkasta
mann heims“ og fylgir veggmynd af
honum. Séra Ólafur Jóhannsson tal-
ar við börnin um bænirnar þeirra og
bendir þeim á bænarefni. Valgerður
11 ára og Sólveig 15 ára Franklíns-
dætur spjalla við ömmu sína, Hall-
dóru Kristínu Eyjólfsdóttur, um það
sem á daga hennar hefur drifið um
ævina.
Þrjár 14 ára stelpur úr Garða-
skóla skrifa um Simon Le Bon,
söngvara hljómsveitarinnar Dur-
an Duran, og Jens Guðmundsson
rekur sögu dúettsins Wham! Þá er
fjöldinn allur af sögum i blaðinu
eftir börn og unglinga.
Ritstjórar Æskunnar eru þeir
Eðvarð Ingólfsson og Karl Helga-
son. Útgefandi er Stórstúka Is-
lands.
(FrétUtilkynning)
JNoröunblnMft
MetícHubladá hverjum degi!