Morgunblaðið - 09.07.1985, Blaðsíða 34
34
MORGUNBLAÐIÐ, ÞRIÐJUDAGUR 9. JtJLÍ 1985
Hreppsnefnd Sveinsstaðahrepps:
Hefur höfðað
mál til ógild-
ingar á ítölum
— stefnir Landgræöslunni, sýslumanni,
fimm hreppum og eigendum átta jarða
HREPPSNEFND Sreinastaðahrepps í Auatur-Húnavatiiasýslu hefur höfðað
mál i hendur Landgræðalu ríkiaina, aýslumanni Húnvetninga, 5 hreppum og
eigendum nokkurra jarða í aýahinni, til ógildingar i ítölugerðum fyrir
Grímstungu- og Haukagilsheiðar, og aðra afrétti i fjallskilasvaeði Upprekstr-
arfélags As- og Sveinsstaðahrepps. Eins og fram befur komið óskaði Land-
græðslan ítölu fyrir afréttina í fyrra vegna ofbeitar og gróðureyðingar, og var
ítalan birt (aprfl. Sveinsstaðahreppur hefur alla tlð verið á móti þessari ítölu
og algerlega neitað að virða hana.
Oddviti Sveinsstaðahrepps hef-
ur stefnt eftirfarandi aðilum:
Landgrseðslu ríkisins, sýslumanni
Húnavatnssýslu, hreppsnefndum
Ás-, Blönduós-, Svínavatns-,
Torfalækjar- og Þverárhrepps og
eigendum jarðanna: Stóru-Giljár,
Þingeyra, Hnausa I og II, Axlar I
og II, Undirfells og Nautabús.
Sýslumanni er stefnt fyrir af-
skipti hans af málinu og þess kraf-
ist að hann viki úr dómarasæti en
hreppsnefndunum og eigendum
jarðanna er stefnt vegna þess að
þeir eru eignaðaraðilar á móti
Sveinstæðingum á ýmsum hlutum
afréttanna.
Sveinsstaðahreppur krefst þess
að ítölugerðirnar, sem eru þrjár
talsins, verði dæmdar ógildar og
hreppsnefnd Sveinsstaðahrepps
dæmt óskylt að framfylgja ítöl-
unni og annast eftirlit með að
henni sé fylgt. Málsástæður og
lagarök stefnanda eru þau að ekki
hafi legið fyrir samþykki bænda-
fundar, sýslunefnd hafi ekki stað-
ið að ítölunni, hlutleysis hafi ekki
verið gætt við skipan ítölunefnd-
arinnar, hreppsnefndinni hafi
ekki verið kynnt þau gögn sem
ítalan byggðist á, aður en hún var
birt, og að hreppsnefndinni sé
óskylt að hlíta ítölunni.
Þrjátíu þúsund hafa
skrifað undir Friðar-
ávarp íslenskra kvenna
Tala kvenna sem ritað höföu nöfn
sín undir Friðarivarp íslenskra
kvenna var í gærkvöldi um 30.000,
að því er Gerður Steinþórsdóttir, ein
forsvarskvenna undirskriftasöfnun-
arinnar, tjiði blaðamanni Morgun-
blaðsins.
Undirskriftasöfnunin hófst 5.
júní sl. Henni lauk formlega 30.
júní, en Gerður sagði að listar
væru enn að berast frá ýmsum
stöðum á landinu og kvaðst vonast
til að þeir þeir siðustu yrðu komn-
ir fyrir nk. miðvikudag.
Fulltrúar íslensku sendinefnd-
arinnar á alþjóðlegu kvennaráð-
stefnunni í Nairobi, sem fara utan
þ. 15. júní, munu afhenda ávarpið
þar og einnig verður ríkisstjórn
fslands væntanlega afhent afrit af
því.
Gestir i Ísafjarðarhitíð nutu veðurblíðunnar um helgina.
IsafjarðarhátíÓ um helgina:
Um 2000 manns saman
komnir á Silfurtorgi
— sjaldan eða aldrei slíkt fjölmenni þar
fsíTirti, 8. júlf. Frí Frióu Proppé, blaóimuiii MorpmbUósiiw.
ÍSAFJARÐARHÁTÍÐ var haldin hér um helgina að viðstöddu fjölmenni.
fþróttir tengdar sjó, bitum og veiði bar hæst en auk þess var ýmislegt tfl
skemmtunar í miðbæ ísafjarðar þar sem sett voru upp sölutjöld. Talið er að
um 2000 manns hafi verið i Silfurtorgi í miðbæ ísafjarðar um miðjan dag i
laugardag og höfðu menn i orði að sjaldan eða aldrei hefðu svo margir verið
þar saman komnir. Dansað var öll kvöld um helgina i þremur stöðum.
Um 20 bátar komu til hátíðar-
innar frá höfuðborgarsvæðinu og
var skemmtileg sjón að sjá þá
sigla saman inn á Pollinn um há-
degi á föstudag og fylgdu sæfara-
bátar frá ísafirði f kjölfarið.
Björgunarþyrla frá Varnarliðinu
sýndi björgun úr sjó og hraðbátur
dró fallhlífamenn yfir Pollinn.
Þyrla Varnarliðsins lenti sfðan
fyrir framan gömlu sjúkrahús-
bygginguna þar sem hátiðagestum
gafst kostur á að skoða hana. Af
öðrum skemmtiatriðum á hátíð-
inni má nefna að Bubbi Morthens
söng og hljómsveitin Graffk lék á
Silfurtorgi við góðar undirtektir.
Ungt tónlistarfólk úr Tónlistar-
skóla ísafjarðar spilaði á götum
úti. Ennfremur sýndu ungar
stúlkur jass og ungir piltar
skrykkdans. Sjóstangaveiðimenn
héldu upp frá Bolungarvík
snemma á föstudag og voru að
veiðum þann dag og laugardaginn.
53 sjóstangaveiðimenn mættu til
leiks og veiddu á 9 bátum. Þetta
var ennfremur lokakeppni ís-
landsmeistaramóts eftir mót á
Akureyri og í Vestmannaeyjum
fyrr á árinu. íslandsmeistari varð
Jóhann Kristinsson frá Akureyri,
og vann sveit Jóhanns einnig
sveitakeppni karla. í sveitakeppni
kvenna sigraði sveit Jósefinu
Gisladóttur frá ísafirði. Jóhann
Kristinsson Akureyri varð einnig
aflahæstur karla. Aflahæsta kon-
an var Ásgerður Halldórsdóttir. í
sigursveit Akureyringa voru auk
Jóhanns Kristinn Jóhannsson,
Helgi Sigfússon og Sævar Sæ-
mundsson. í kvennasveit ísafjarð-
ar voru auk Jósefínu Ásgerður
Halldórsdóttir, Björg Thorlacius
og Kolbrún Halldórsdóttir. Afla-
hæsti báturinn var Húni frá ísa-
firði, skipstjóri Hjörtur Bjarna-
son.
Djúprall báta fór fram á laug-
ardag. Lagt var upp frá ísafirði,
siglt inn Djúp, allt að Reykjanesi,
síðan til Bolungarvíkur og komið í
mark á Pollinum á ísafirði. Sam-
tals tóku 9 bátar þátt f keppninni,
2 bátar með bensínvél og 6 bátar
með dísilvél. Sigurvegari ( flokki
báta með bénsinvél var Skutla
undir stjórn Kristjáns Halldórs-
sonar og ólafs ólafssonar. Örn
sigraði í flokki báta með dísilvél
undir stjórn Kára Jóns Halldórs-
sonar og Valdimars Long. í bauju-
ralli báta sem fram fór á Pollinum
á sunnudag sigruðu Skutla og örn
einnig i sínum flokkum.
Seglbrettakeppni fór ennfremur
fram á Pollinum á sunnudag. í úr-
valsflokki sigraði Jóhann Ævars-
son. Annar varð Guðmundur
Björgvinsson. í fyrsta flokki sigr-
aði Guðmundur Harðarson og i
öðru sæti hafnaði óli V. Antons-
son.
Margeir hélt jöfnu við
Polu f maraþonskák
Skák
Bragi Kristjánsson
Frá Braga KrwtiánasTiii, frétUriUra
MorpinbUAsiiw í Kiel.
TVÆR umferðir voru tefldar á milli-
svæðamótinu um helgina og gerði
Margeir Pétursson jafntefli í báðum
skákum sínum. í flmmtu umferð
tefldi hann við alþjóðlega meistar-
ann Partos frá Sviss og lauk þeirri
viðureign með jafntefli. í sjöttu um-
ferð mætti Margeir svo Polugaj-
evsky frá Sovétríkjunum og varð
jafntefli eftir mikla baráttu.
5. umferð
Margeir hafði svart gegn Part-
os og tefldi Svisslendingurinn af
miklu öryggi framan af. Margeir
reyndi að skapa sér sóknarfæri og
er Partos hirti peð gat hann fórn-
að skiptamun og fengið sterka
sókn. Margeir valdi hins vegar
annað framhald er leiddi til held-
ur lakari stöðu. Partos hélt peðinu
en lék ónákvæmt í síðustu leikjum
fyrir bið. Margeir fékk gagnfæri
og hélt jöfnu í biðskákinni, þrátt
fyrir að vera tveim peðum undir.
önnur Úrslit Solokov — Li 1:0,
Van der Wiel — Martin 1:0, Jansa
— Sax 1:0, Torre — Polugajevsky
Anderson — Ljubojevic
tk:'k, Gutman — Short Vr.'k,
Vaganjan — Quinteros 1:0, Rod-
rigues — Serawan biðskák.
6. umferð
Margeir tefldi uppáhaldsbyrjun
sína, Tarrasch-vörn, gegn Polug-
ajevsky og kom ekki að tómum
kofanum hjá honum. Margeir
ákvað að fórna peði fyrir mótspil
og í framhaldinu fórnaði hann
skiptamun. Polugajevsky varð
mjög taugaóstyrkur en tókst að
komast út í drottningarendatafl
með peði meira. Þegar skákin fór
í bið var ljóst, að Margeir átti
jafntefli með nákvæmustu vörn,
en það var ekki auðveit. Skákin
var tefld áfram á sunnudagskvöld
og er hún fór aftur í bið hafði
hagur Margeirs batnað nokkuð.
Biðskákin var tefld áfram í gær
og tókst Polugajevsky ekki að
vinna, enda vörn Margeirs ná-
kvæm. Þessi úrslit vöktu mikla
athygli hér, sakir þess að Polugaj-
evsky er mjög frægur fyrir hörku
sína með hvítu mönnunum og að
Margeir lenti í erfiðri stöðu i
byrjun.
Hvítfc Polugajevsky
Svart: Margeir Pétursson
Tarrasch-vörn
1. d4 — d5, 2. c4 — e6, 3. Rf3 — c5,
4. cxd5 — exd6, 5. g3 — Rf6, 6. Bg2
- Be7, 7. 0-0 — 0-0, 8. Rc3 - Rcfi,
9. Bg5 — cxd4, 10. Rxd4 — He8, 11.
Hcl — h6, 12. Bf4
12. — Bg4, 13. h3 — Be6, 14. Rcb5
— Rh5.
Vafasamur leikur, nauðsynlegt
var 14. — Hc8.
15. Be3 — Dd7, 16. Rxe6
Eftir 16. g4 — Rf6, 17. f4 hefur
Polugajevsky e.t.v. óttast fórn á
g4, en ekki er aö sjá að hún stand-
ist.
16. — fxe6, 17. g4 — Rf6, 18. f4 —
Hac8,19. Rxa7 — Rxa7, 20. Bxa7 —
Db5.
Hvitur hefur mjög góð tök á
stöðunni eftir 20. — Ha8, 21. Dd4
— b5, 22. Bc5 o.s.frv. Margeir
reynir því ekki að ná peðinu til
baka heldur fer í gagnsókn.
21. Hxc8 — Hxc8, 22. Bd4 — Bc5,
23. e3 — Re4, 24. Bxe4 — dxe4, 25.
Dc2 — Dd3, 26. Hf2
X íe
1 A
1 A
ÉL
iia
&
A3f S &
26. - Bxd4l?
Hraustlega leikiö, enda varð
Polugajevsky mikið um. Hann Var
kominn í tímahrak, reif af sér
gleraugun og setti þau aftur á,
horfði á klukkuna og borðið til
skiptis og vissi greinilega ekki sitt
rjúkandi ráð.
27. Dxc8+ - Kh7, 28. exd4
Eftir skákina taldi Polugaj-
evsky þennan leik vera aðalástæð-
una fyrir því að hann missti skák-
ina niður í jafntefli. Betra hefði
verið að leika 28. Dc2 — Dxe3, 29.
Kg2 - Del, 30. Hfl - De3, en
hann kvaðst hafa óttast hótanir
svarts byggðar á h5, h4.
28. — e3, 29. Dc3 — exf2+, 30.
Kxf2 — Dbl, 31. a4 — Dhl, 32.
Dd3+ - Kb8, 33. f5 — Dh2+, 34.
Kfl - exf5, 35. gxf5 - Dhl+, 36.
Ke2 — Dg2+, 37. Kdl — Dxb2, 38.
d5 — Dal+, 39. Ke2 — De5+, 40.
Kf3 — Dd6.
Svartur verður að stöðva frípeð
hvíts á d-linunni.
41. De4
í þessari stöðu fór skákin í bið.
Við rannsóknir virtist okkur jafn-
tefli eiga að nást, en málið er síð-
ur en svo einfalt.
41. — Dh2.
Hvítur hótaði að vinna með 42.
De8 — Kh7, 43. Dg6 o.s.frv.
42. De8+ - Kh7, 43. Dg6+ - Kh8,
44. d6 - Hdl+, 45. Ke3 - Del+,
46. Kd4 — Dd2+, 47. Ke5 — De2+,
48. Kd5 — I)a2+.
Hvíti kóngurinn má ekki kom-
ast á e6.
49. Kc5 - Df2+.
Ekki má heldur hleypa honum á
b6.
50. Kb5+ — Db2, 51. Kc4
Hvað gerist eftir 51. Ka5 má sjá
í 59. leik. Polugajevsky teflir nú
upp á að koma skákinni i bið i
annað sinn til að geta rannsakað
hana með aðstoðarmönnum sín-
um.
51. — Dc2+, 52. Kd4 — Dd2+, 53.
Ke4 — De2+, 54. Kf4 — Df2+, 55.
Ke5 — De2+, 56. Kd5 — Da2+.
1 þessari stöðu fór skákin í bið
að nýju.
57. Kc5 - Df2+, 58. Kb5 — Db2+,
59. Ka5 — Dd4I
Á þessum sterka leik byggist
vörn Margeirs, hann hótar máti á
c5.
60. De8+ — Kh7, 61. Dg6+ — Kh8,
62. De8+ — Kh7, 63. f6
Á annan hátt getur hvítur ekki
gert sér vonir um sigur.
63. — Dc5+, 64. Db5 — Dxd6, 65.
Dbl+ - Kg8, 66. Db3+ - Kh7, 67.
Dbl+ - Kg8, 68. Db3+ - KgS, 69.
Dc2+ — g6, 70. Dc8 — Da6+, 71.
Kb4 - Db6+, 72. Kc4 - Da6+, 73.
Kb4 — Db6+, 74. Kc4 — Da6+, 75.
Kd5 - Dd3+, 76. Ke5 — Dg3+, 77.
Ke4 — Dg2+ og jafntefli var sam-
ið. Þessi skák var mikill varnar-
sigur fyrir Margeir og gefur hon-
um vonandi byr undir báða vængi.
Önnur úrslit: Seirawan —
Gutman 1:0, Quinteros — Jansa
0:1, Martin — Anderson lk:\k,
Ljubojevié — Vaganjan 'k'.'k, Li
— Van der Wiel 'k\lk, Torre —
Sokolov 'k:'k, Short — Partos
'k:'k, Sax — Rodrigues 'k:'k.
Staðan eftir 6 umferðir er á þá
leið að Sokolov er efstur með 5
vinninga, 2.-3. Vaganjan og Van
der Wiel 4'k v., 4. Jansa 4 v., 5.
Seirawan 3'k v. og biðskák, 6.-8.
Ljubojevié, Polugajevsky og Torre
3‘k v., 9.—12. Margeir, Short,
Gutman og Anderson 3 v., 13. Li
2‘k v., 14. Partos 2 v., 15. Rodrigu-
es 1 'k v. og biðskák, 16. Sax 1 'k v.,
17. Martin 1 v., 18. Quinteros 'k v.
I dag er frídagur, en á morgun
teflir Margeir við Short og hefur
hvitt.