Morgunblaðið - 09.07.1985, Blaðsíða 56

56
MORGUNBLAÐIÐ, ÞRIÐJUDAGUR 9. JÚLÍ 1985
Það var glaumur og gleði í „Hlaðvarpanum** i róstudaginn en þann dag voru nýju eigendunum formlega afhent húsin
við Vesturgötu 3.
„Hladyarpinn“, menningar-
miðstöð og félagsheimili
kvenna, tekinn í notkun
„Vonumst til að hlutabréfasalan nægi til
að borga húsin“ — segir Guðrún Jónsdóttir
EINS OG kunnugt er var hlutafélag-
ið Vesturgata 3 stofnað nú fyrir
skemmstu. Konur úr ýmsum áttum
standa að stofnun félagsins, en til-
gangur þess er að kaupa húsin sem
standa við Vesturgötu 3 í Reykjavík
og koma þar upp menningarmiðstöð
og félagsheimili kvenna.
Stjórn félagsins skrifaði síðast-
liðinn föstudag undir kaupsamn-
ing og voru félaginu formlega af-
hent húsin. í tilefni af því var efnt
til fagnaðar í portinu milli hús-
anna á Vesturgötu 3 og blaða-
mönnum boðið að skoða húsa-
kostinn.
Að sögn Guðrúnar Jónsdóttur,
sem saeti á í stjórn félagsins, er
vonast til að hlutabréfakaup verði
nógu mikil til þess að greiða allan
kostnað, en heildarverð húsanna
er 9,5 milljónir króna. Á föstudag-
inn var greidd tæplega ein og hálf
milljón, en sú fúlga hefur safnast
með hlutabréfasölu síðan félagið
var stofnað 9. júní síðastliðinn.
Aðeins konur geta verið hluthafar
en að sögn hefur mikið verið um
HLAÐVARPINN
Vcsturgötu 3
það að karlar kaupi handa konum
sínum hlutabréf. „Hlutabréfin
verða til sölu allt árið og fram á
mitt næsta ár, og verður búin til
ný útgáfa þeirra fyrir hverja af-
borgun, samtals sjö bréf. Hvert
hlutabréf verður hannað af ís-
lenskri listakonu svo segja má að
hluthafarnir kaupi ekki aðeins
hlut í húsunum heldur einnig
listaverk,“ sagði Guðrún.
Svanhildur Jóhannesdóttir er
einnig stjórnarmaður í hlutafélag-
inu. Hún sagði mikilvægt að húsin
verði rekin eins og hvert annað
fyrirtæki. Bjóst hún við því að
starfsemin geti staðið undir sér
erfiðleikalaust því mikil þörf sé nú
einmitt fyrir þá starfsemi sem
ætlað er að verði í húsinu. „í bak-
húsinu er geysistór salur þar sem
auðveldlega gæti verið leikað-
staða. Kjallarinn undir því er
mjög rúmgóður svo þar má koma
upp veitingastað. Auk þess er nóg
pláss eftir sem hægt er að nýta
undir vinnustofur, skrifstofur og
fleira.“
Að sögn kvennanna eru viðir
húsanna traustir þótt þau séu
frekar óásjáleg. Þökin séu og í
sæmilegu lagi og verði þau tjörguð
vel í sumar ætti ekki að þurfa að
skipta um járn á þeim í bráð. Nýt-
anlegt húsnæði mun vera um 1000
fermetrar en auk þess fylgir hús-
unum port sem fyrr segir. Það er
að mestu lokað og því afar skjól-
sælt. Þar verður að öllum líkind-
um starfrækt útikaffihús þegar
vel viðrar.
Nafn hússins er Hlaðvarpinn og
hefur Kristín Þorkelsdóttir hann-
að merki þess. „Hlaðvarpinn er í
hjarta borgarinnar, svo við
búumst fastlega við að hann eigi
eftir að setja nokkurn svip á borg-
arlífið í framtíðinni,“ sagði Guð-
rún Jónsdóttir að lokum.
Kaupmannahöfn:
Sr. Gunnar Björns-
son predikar í St.
Pálskirkjunni
_ JAnshúsi, I. júlí.
í GÆR tóku góðir gestir þátt í íslenzku guðsþjónustunni í St Páls-
kirkjunni í Kaupmannahöfn. Síra Gunnar Björnsson fríkirkjuprestur
predikaði og þjónaði fyrir altari ásamt sendiráðsprestinum og lék á
selló við undirieik Sigrúnar Valgerðar Gestsdóttur í upphafi athafnar-
innar.
Þá söng frú Ágústa Ágústs- dag, er félagar úr Dómkórnum,
dóttir stólvers, Gratias agimus sem enn dvöldu í borginni, gengu
tibi, einnig við undirleik Sigrún- í lið með honum. Var athöfnin í
ar. Sungu báðar þessar ágætu kirkjunnf fjölmenn og hátíðleg,
söngkonur, Ágústa og Sigrún, og söngur og gleði ríkti í messu-
einnig með kirkjukórnum, sem kaffinu í félagsheimilinu í
hafði auk þess eflzt mjög þennan Jónshúsi á eftir. G.L.Ásg.
Rúmri milljón úthlutað
úr Menningarsjóði SÍS
STJÓRN Menningarsjóðs Sam-
bands íslenskra samvinnufélaga út-
hlutaði nú í vor styrkjum til ýmissa
aðila sem starfa að menningarmál-
um eins og venja er.
17 manns hlutu að þessu sinni
styrk úr sjóðnum og nam heildar
upphæðin einni milljón og 30 þús-
und krónum. Þessir hlutu styrki.
’85-nefndin, samstarfsnefnd um
lok kvennaáratugar SÞ vegna
listahátíðar haustið 1985 100 þús.
kr. Sr. Eiríkur J. Eiríksson, Sel-
fossi vegna fræðirannsókna er-
lendis 75 þús. kr. Áhugamannafé-
lag um uppbyggingu og verndun
Löngubúðar, Djúpavogi, 75 þús.
kr. Leikklúbburinn Saga, Akur-
eyri, vegna leikfarar um Norður-
lönd 75 þús. kr. Sundlaugarsjóður
Grímseyjar, 75 þús. kr. Kór Lang-
holtskirkju, vegna söngferðar er-
lendis, 75 þús. kr. Pólýfónkórinn,
Reykjavík, vegna söngferðar til ít-
alíu 75 þús. kr. íslenski Alpa-
klúbburinn, vegna tækjakaupa 60
þús. kr. Flugbjörgunarsveitin,
Reykjavík, vegna tækjakaupa 60
þús. kr. Baldur Hrafnkell Jónsson,
vegna gerðar heimildarkvikmynd-
ar um Tryggva ólafsson listmál-
ara 60 þús. kr. Textilfélagið,
Reykjavík 60 þús. kr. Katrín Sig-
urðardóttir, Húsavík, vegna
söngnáms 60 þús. kr. Þorsteinn
Gauti Sigurðsson, píanóleikari 60
þús. kr. Guðbjörg Thoroddsen,
leikari, vegna kynningarferðar 30
þús. kr. Hjalti Rögnvaldsson, leik-
ari, vegna kynningarferðar 30 þús.
kr. Sunddeild Ungmennafélags
Njarðvíkur 30 þús. kr. Inga
Bjarnason leikstjóri, vegna náms í
óperustjórn 30 þús. kr.
Allar vífcttr verða fegrunarvífcur
með Becfcers málníngu.
15% afsláttur og
afborgunarkjör.
Ármúla 1a. Sími 91-686117