Morgunblaðið - 12.07.1985, Blaðsíða 5
MORGUNBLADIÐ, FÖSTUDAGUR 12. JÚLl 1985
5
„ísland f deiglunni“ á Kjarvalsstöðum:
Kynningarátak á íslenskri
nútímalist með al-
þjóðamarkað fyrir augum
Alþjódlegri kjnningu á gróandanum í nútímalistum íslendinga, sem ætlunin er
að fari víða um lönd, verður hlejpt af stokkunum með sýningu að Kjarvalsstöðum
er hefst á morgun, laugardag.
Sýningin ber heitið Iceland Cruci-
ble, eða ísland i deiglunni. Hún
stendur til 28. júli og verður opin frá
kl. 14 til 22 daglega.
Hér er um að ræða fjölþætt átak
til alþjóðlegrar kynningar á íslensku
listalifi, sem fyrirtækið Hilda hf. og
Bókaútgáfan Vaka standa að í sam-
einingu.
Á Kjarvalsstöðum mun gefa að
lita stærstu mannamyndasýningu
sem efnt hefur verið til hérlendis,
330 ljósmyndir hins kunna ljós-
myndara Vladimirs Sicov af um 170
íslenskum listamönnum úr flestum
greinum.
Þá verður sýnd a.m.k. tvisvar
daglega kvikmyndin Iceland Cruci-
ble, sem gerð er af bandarísku
kvikmyndagerðarmönnunum Hal
Calblom og Phil Davies. En sá síðar-
nefndi hefur átta sinnum verið
sæmdur hinum eftirsóttu Emmy-
verðlaunum fyrir sjónvarpsþætti
sína. Myndin er um hálftíma löng
með ensku tali.
í tengslum við ljósmynda- og
kvikmyndasýninguna kemur síðan
út á vegum Bókaútgáfunnar Vöku
stór og vönduð bók á ensku með úr-
vali af myndum Sicovs af um 170
íslenskum listamönnum. Bókin ber
heitið Iceland Crucible, A Modern
Artistic Renaissance og samdi Sig-
urður A. Magnússon, rithöfundur,
texta hennar. Þar rekur Simirður
þróun hverrar listgreinar á Islandi
frá öndverðu fram á þennan dag.
Á forsýningu, sem efnt var til
fyrir fjölmiðla að Kjarvalsstöðum í
gær, sögðu aðstandendur þessa
framtaks að ráðgert væri að fara
með ljósmyndasýninguna og kvik-
myndina um öll Bandaríkin og
Kanada og koma bókinni á framfæri
við lesendur sem viðast vestan hafs.
Síðan væri ætlunin að snúa sér að
öðrum löndum og væru þessar sýn-
ingar og útkoma bókarinnar þvi upp-
haf mikils kynningarátaks á
straumum, stefnum og fólki i fs-
lenskri nútímalist.
Þeir lögðu hönd á plóginn vió kynningarnar, sem gefa mun að Ifta á Kjarvalsstöð-
um á næstunni. Fyrir miðju situr kvikmyndaframleiðandinn Hal Colblom. Aðrir
eru f.v. Tómas Holton, forstjóri Hildu hf., Torfi ólafsson, skólastjóri Myndlista-
og handíðaskólans, ólafur Ragnarsson, forstjóri Bókaútgáfunnar Vöku, Valdimar
Sichov, Ijósmyndari og Sigurður A. Mgnússon, rithöfundur.
á'
Innbrotið f Islenzku umboðssölunni:
Peningaskápurinn og
verðmætin í leitirnar
LÖGREGLU hefur tekist að hafa upp á
peningaskápnum, sem stolið var frá fs-
lensku umboðssölunni á Hmmtudag í
síðustu viku. Tekist hefur að hafa upp
á öllum verðmætum sem í skápnum
voru; ávísanaheftunum, sumum hverj-
um með stimpli fyrirtækisins, og lið-
lega 700 þúsund króna ávísun, auk
skjala sem í skápnum voru.
Að kvöldi miðvikudagsins hand-
tóku rannsóknarlögreglumenn fíkni-
efnalögreglunnar í Reykjavík tvo
Norðlæg átt
ríkjandi
um helgina
BÚAST má við þvf að í dag verði norð-
austanátt á landinu og víða talsverður
strekkingur fram eftir degi, samkvæmt
upplýsingum Veðurstofunnar.
Um norðanvert landið verður 8 til
10 stiga hiti og vfða skúrir. Sunnan-
lands verður hiti 10 til 14 stig og
víðast léttskýjað.
Gert er ráð fyrir að norðlæg átt
verði ríkjandi bæði laugardag og
sunnudag og að fremur svalt verði í
veðri, einkum Norðanlands.
Norðantil á landinu verður skýjað
og rigning öðru hverju um helgina
en sunnantil léttskýjað að mestu. Á
sunnudag má búast við að norðan-
áttin gangi niður suðvestanlands og
þykkni heldur i lofti syðst á landinu.
menn vegna gruns um ffkniefnamis-
ferli. Þeir fundu skjöl úr skápnum og
gerðu Rannsóknarlögreglu ríkisins
viðvart. Annar mannanna var við-
riðinn þjófnaðinn á skápnum og i
gær voru tveir menn handteknir
vegna gruns um aðild að málinu.
Vinsældalisti
rásar 2
Vinsældalisti rásar 2 þessa vik-
una hefur ekki tekið stórvægi-
legum breytingum, nema hvað lag
Sistcr Sledge, Frankie, hefur fikrað
sig upp eftir honum um fimm sæti
og trónir nú efsL
Aðeins eitt nýtt lag er að finna
á listanum, There must be an
angel með hljómsveitinni Eur-
ythmics, sem komið er í sjöunda
sæti. En svona lítur listinn yfir
tíu vinsælustu lögin út i heild:
1. (6) Frankie - Sister Sledge.
1. (2) Icing on the Cake - Stephen
„Tin Tin“ Duffy.
3. (2) A wiew to a kill - Duran
Durarn.
4. (4) Celebrate youth - Rick
Springfield.
5. (5) Raspberry beret - Prince.
6. (3) Get it on - Power Station.
7. (-) There must be an angel -
Eurythmics.
8. (9) Kittý - Oxsmá.
9. (7) Axel F. - Harold Fal-
termeyer.
10. (8) Left Right - Drýsill.
Morgunbladið/Arni Sæberg
Að loknum tónleikum f Markúsarkirkjunni í Feneyjum. Pólýfónkórinn, kammersveitin og stjórnandinn, Ingólf-
ur Guðbrandsson, voru hyllt með langvarandi lófataki áheyrenda.
Pólýfónkórinn í Markús-
arkirkjunni í Feneyjum
Söngferðalagi kórsins ásamt 35 manna kammersveit um Ítalíu lokið
SÖNGFERÐALAGI Pólvfónkórsins ásamt 35
manna kammersveit um ltalíu undir stjórn Ingólfs
Guðbrandssonar er lokið og hlutu iistamennirnir
hvarvetna mjög góðar viðtökur og lofsamlega dóma.
Pólýfónkórinn og kammersveitin fluttu H-moll-
messu Johanns Sebastian Bach í tilefni 300 ára
afmælis tónskáldsins. Einsöngvarar voru Jacqueline
Fugelle, Hilke Helling, Peter-Christoph Runge og
Jón Þorsteinsson. Flutningur H-moll-messu Bach
var framlag íslands til árs tónlistarinnar í Evrópu. Á
mánudag var verkið flutt í San Croce-kirkjunni í
Flórens að viðstöddum um eitt þúsund áheyrendum
og í Markúsarkirkjunni í Feneyjum á þriðjudag að
viðstöddum á annað þúsund áheyrendum.
Listamennirnir opnuðu alþjóðlegu tónlistar-
hátíðina í kirkju heilags Franz i Assissi um helg-
ina og hlutu lofsamlega dóma. „Opnun hátíðar-
innar var ákaflega tilkomumikill tónlistarvið-
burður i hæsta gæðaflokki. Sérstaka athygli vek-
ur, að flytjendur skuli svo langt að komnir — alla
leið frá Islandi — og ber vott um háþróað tónlist-
arlíf þar í landi,“ skrifaði italska blaðið Corriere
della Umbria meðal annars um tónleikana.
Fyrstu tónleikar listamannanna voru á föstu-
dagskvöldið i San Ignaziusar-kirkjunni i Róma-
borg. Fyrr um daginn veitti Jóhannes Páll II páfi
þeim áheyrn f Vatikaninu og blessaði eftir að
hafa hlýtt á Pólyfónkórinn flytja íslenzka þjóð-
sönginn.
1986
á alvöru bílasýningu aö Höfðabakka 9,
föstudag og laugardag
Isuzu Trooper sómir sér alls staðar vel. bílasýningu að Höfðabakka 9 föstudag og
Hvort sem þú átt leið um þjóðvegi, fjallvegi laugardag, skoðar, reynsluekur og færð
eða öræfaslóðir, þá er hann sniðinn fyrir svörviðöllum þínumspurningum. Þúættir
þlnar þarfir. að nota tækifærið og kynna þér þennan
Þú kynnist Isuzu Trooper á glæsilegri magnaða bíl - hann bregst þér ekki.
Sjáumst á alvöru bílasýningu
BíLVANGURsf
HÖFÐABAKKA 9 5ÍMI 687300
Auglýsingapjónustan