Morgunblaðið - 07.02.1986, Side 18

18
MORGUNBLAÐIÐ, FÖSTUDAGUR 7. FEBRÚAR1986
Lánasj óðurinn:
SUS styður mennta
málaráðherra
EFTIRFARANDI samþykkt
stjórnar Sambands ungra sjálf-
stæðismanna hefur borist Morg-
unblaðinu:
Vandi Lánasjóðs íslenskra náms-
manna hefur verið mikið til umræðu
undanfarið en hann felst m.a. í
eftirfarandi:
Eftirspum eftir námslánum hef-
ur aukist langt umfram spár og
hefur þetta valdið miklum erlendum
lántökum sem leggjast nú þungt á
sjóðinn.
Endurgreiðslukerfi lánanna skil-
ar lánsfénu hægt til baka og án
allrar ávöxtunar. Auk þess fýmast
15—20% útlána sjóðsins vegna
endurgreiðslureginanna.
Því er ljóst að endurgreiðslur í
sjóðinn munu einungis geta staðið
undir hluta af útlánum í nánustu
framtíð og kallar þetta á sífellt
meira skattfé eða erlendar lántökur.
Vegna endurskoðunar laga um
LÍN vill stjóm SUS taka eftirfar-
andi fram:
1. Eðlilegt er að námslán, sem
önnur lán, endurgreiðist að fullu,
beri lántökugjald og hóflega já-
kvæða vexti. Námslán eiga ekki
að vera sjálfteknir styrkir.
2. Beinir styrkir til námsmanna,
t.d. vegna hárra skólagjalda,
geta verið eðlilegur þáttur í
menntastefnu til að jafna mögu-
leika til náms, efla námsárangur
eða að stuðla að nýjum mennt-
unarleiðum.
3. Sjálfvirkar hækkanir námslána
án tillits til fjárhagslegrar getu
þjóðarinnar og kjara almennings
verður að leggja af.
4. Stjóm SUS lýsir yfír stuðningi
og fagnar því framtaki mennta-
malaráðherra að taka máiefni
LÍN tii endurskoðunar og skorar
á þingflokk Sjálfstæðisflokksins
að stuðla að skynsamlegum
breytingum á lögum um LÍN.
Morgunblaðið/Ámi Sæberg
Frá hinum fjölmenna ftmdi viðskiptaf ræðinema í gær.
Viðskiptafræðinemar HÍ:
Mótmæla aðstöðu-
og húsnæðisleysi
STÚDENTAR í viðskiptadeild
Háskóla íslands héldu fjölmenn-
an fund í hátiðasal Háskólans í
hádeginu í gær til þess að mót-
mæla aðstöðu- og húsnæðisleysi
deildarinnar. Fundinn sátu Sig-
mundur Guðbjamason rektor og
Halldór Guðjónsson kennslu-
stjóri háskólans.
Á fundinum var samþykkt álykt-
un þar sem mótmælt er því
„ófremdarástandi sem ríkir í hús-
næðismálum viðskiptadeildar".
Teija stúdentar að ekkert hafi verið
gert til þess að leysa þennan vanda.
Þá benda þeir á að námsaðstöðu
þeirra sé stórum ábótavant. Mót-
mæla þeir því einnig að hluta við-
skiptadeildar hefur verið úthýst úr
Odda, hugvísindahúsi Háskólans,
en rýmið lagt undir verkfræðinema
sem þegar hafi yfrið húsnæði.
Ályktunin hefur verið afhent
bæði rektor og kennslustjóra HÍ.
Söngvakeppni sjónvarpsstöðva:
Dómnefnd hefur valið
10 lög til undanúrslita
TÍU lög eftir islenzka höfunda
hafa verið valin í undankeppni
fyrir söngvakeppni evrópskra
sjónvarpsstöðva. Dómnefnd valdi
lögin úr þeim 287 lögum sem
bárust. Framlag íslands í
Söngvakeppni Evrópu í Bergen
í vor verður valið í beinni útsend-
ingu í sjónvarpi 15. marz.
Álls bárust 287 frumsamin lög
og textar í keppnina og samþykkti
dómnefndin lögin tíu einróma. Öll
lögin voru send inn undir dulnefni.
Dómnefndina skipuðu beir Egill
Eðvarðsson, Þorgeir Ástvaldsson,
Þorsteinn Jónsson og Jónas R. Jóns-
son.
Undanúrslit fara fi-am í beinni
útsendingu sjónvarpsins laugardag-
inn 15. mars og verður þá skipuð
firnm manna dómnefnd til þess að
velja sigurlagið, sem verður fram-
lag íslands til keppninnar í Bergen
3. maí nk. í þeirri dómnefnd verður
einn fulltrúi frá SATT, einn frá
félagi hljómplötuútgefenda, einn
frá félagi tónskálda og textahöf-
unda og tveir skipaðir af innlendri
dagskrárdeild sjónvarpsins.
Dómnefndin að störfum: Frá vinstri eru þeir Jónas R. Jónsson,
Þorsteinn Jónsson, Þorgeir Ástvaldsson og Egill Eðvarðsson.
Morgunblaðið/Ævar
Eldborgin við bryggju á Eskifirði. Fjær er danska flutningaskipið, sem
var að lesta 700 tonn af loðnumjöli. Innfellda myndin er af Bjama
Gunnarssyni, skipstjóra á Eldborginni.
Eskifjörður:
Norðmenn eru hvorki
betri né verri en við
— sennilega eins ósvífnir
Eskifirði, 3. febrúar.
ÞAÐ VAR ys og þys við höfnina
á Eskifirði í gær eins og reynd-
ar flesta daga. Þijú loðnuskip
höfðu komið inn um morgun-
inn. Verið var að skipa út loðnu-
mjöli. Guðrún Þorkelsdóttir SU
kom inn með sinn síðasta farm
á loðnuvertiðinni og höfðu skip-
veijar þar með fyllt sinn kvóta,
liðlega 20 þúsund tonn. Þá kom
minnsta skipið í loðnuflotanum,
Erling KE, og einnig það
stærsta, Eldborgin frá Hafnar-
firði, sem var i þessari ferð
með um 1.450 tonn af loðnu.
í stuttu spjalli við Bjarna
Gunnarsson, skipstjóra á Eld-
borginni, sagði hann að þessi
loðnuvertíð væri um margt ólík
síðustu vertíðum. Veður hefði
verið með afbrigðum leiðinlegt og
eritt að eiga við veiðamar þess
vegna. „Við hófum veiðar 1. októ-
ber, höfðum áður verið á rækju-
veiðum, en nýlega voru tæki til
frystingar loðnu sett um borð,"
sagði Bjami. „Með þessu minnk-
aði burðargeta skipsins um 170
tonn fyrir áramót og við byijuðum
aftur 10. janúar. Það segir ekkert
til um það í dag hveijir era mestu
aflamenn, eins og áður var. Nú
er það bara kvótinn og skips-
stærðin sem ræður því,“ sagði
Bjami ennfremur. Kvóti Eldborg-
arinnar var 27.800 tonn og er
lokið við að veiða 23.600 tonn.
Eldborgin á því um 4.200 tonn
eftir af kvótanum, eða sem nemur
þremur veiðiferðum. „Við höfum
landað mest af okkar loðnu hér á
Stutt bryggju-
spjall við
Bjarna Gunnars-
son, skipstjóra
á Eldborginni
Eskifírði. Það er mikil loðna á
ferðinni, meiri en oftast áður og
virðist vera um allan sjó,“ sagði
Bjami.
Þegar fréttaritari spurði Bjama
hvort hann ætlaði ekki að geyma
að veiða einhvem afla þar til
hrognataka byijaði, svaraði hann
nei við því. „Við eram löngu búnir
að læra það á þessu skipi að bíða
ekki með neitt, heldur taka afla
meðan hann gefst."
Varðandi samskipti við Norð-
menn sem nú veiða hér við iand,
í fyrsta sinn í mörg ár, sagði
Bjami að það hefði gengið furðan-
lega vel. „Norðmenn era hvorki
betri né verri — sennilega jafn
ósvífnir. Þeir haga sér bara eins
og við í þeirra sporam. Sjálfsagt
hefði verið betra að vera lausir
við þá, en úr því sem komið er —
sennilega rétt að leyfa þeim að
veiða þetta núna, heldur en síðar
þegar minni loðna er á ferðinni."
Það er mikilvægt á skipi sem
er langdvölum að heiman að vel
fari um mannskap um borð.
Sannarlega fer vel um menn um
borð í Eldborginni. Strákamir
vora nýkomnir úr gufubaðinu,
sem þeir hafa um borð. Rúmgóður
sjónvarpssalur og íbúðir skipveija
era til fyrirmyndar. Vélarrúmið
er eins og finasta stofa. Hvergi
sást olíublettur þegar fréttaritari
var þæ- á ferð og skipið allt eftir
því, sem sagt, svona eiga fiskiskip
að vera.
Og loðnuskipin héldu áfram að
koma inn. Þar á meðal Jón Kjart-
ansson, sem kom með síðustu
loðnuna sína og þar með lauk
þeirra vertíð. Skiljanlegt er að
sjómönnum þyki súrt í broti að
þurfa að sigla í land og hætta
veiðum og sjórinn fullur af loðnu.
En við því er ekkert að gera á
tímum kvóta og reglna.
Danskt skip var að lesta 700
tonn af loðnumjöli, svo afurðimar
fara burt jafnóðum og hráefnið
berst að. Loðnuverksmiðja Hrað-
frystihúss Eskifjarðar tók á móti
116 þúsund tonnum á síðasta ári.
Það sem af er þessu ári era 30
þúsund tonn komin á land. Allur
þessi afli skapar mikil verðmæti
í þjóðarbúið og mikla vinnu í landi
fýrir þá, sem þau störf stunda og
oft lögð nótt við dag. Senn líður
að lokum þessarar vertíðar og þá
er bara að vona að loðnan haldi
áfram að gefa sig, ekki síður en
hún gerði á þessari vertíð. Ekki
er það svo að allir séu ánægðir
með loðnuna, því bræðslureykur-
inn og lyktin angra fólk, sérstak-
lega ef hráefnið er gamalt. Liggur
oft reykský eins og þoka yfír
bænum, sérstaklega þegar lygnt
er. Heyrst hefur að nú eigi að
bæta úr og vonandi að rétt sé.
Ævar
Flugleiðir kaupa DC 8-þotu
NÝLEGA festu Flugleiðir kaup
á þotu af gerðinni Douglas DC
8-55 sem er minnsta gerð DC 8
vélanna. Nú eru 5 DC 8-þotur
í eigu Flugleiða. Þotan hefur
hlotið nafnið Suðurfari og ber
einkennisstafina TF-FLB. Hún
rúmar 174 farþega.
Flugleiðir hafa haft vélina á leigu
undanfarin ár og notað sem vara-
flugvél. Þannig hefur hún verið
notuð til að mæta álagspunktunum
í áætlunarflugi félagsins auk þess
sem hún hefur mikið sinnt leiguflugi
innan Evrópu. Hún var keypt af
bandaríska flugfélaginu National
og vildi Sæmundur Guðvinsson
fréttafulltrúi Flugleiða ekki upplýsa
um kaupverðið, sagði aðeins að það
væri „mjög hagstætt". Flugleiðir
reikna með að nota þotuna a.m.k.
þangað til hávaðatakmarkanir taka
gildi á flugvöllum Evrópu árið 1988.
Suðurfari var smíðaður f apríl
1965 og hefur raðnúmerið 45753
frá Douglas-flugvélasmiðjunum. í
desember sl. hafði henni verið flogið
tæpa 60 þúsund tíma og var þá
með rúmlega 18 þúsund lendingar
að baki.
Fyrir áttu Flugleiðir íjórar DC
8-63-þotur sem era lengri gerð en
sú sem keypt var á dögunum.
Suðurfari hefur styttri skrokk,
minni vængi og framleiðir hver
hreyfill hans þúsund punda minni
kný (afl) miðað við hinar áttumar.
DC 8-55-gerðin var hin upphaf-
lega DC 8-þota og era aðrar gerðir
lengdar og endurbættar gerðir
hennar.