Morgunblaðið - 07.02.1986, Side 28

28
MORGUNBLAÐIÐ, FÖSTUDAGUR 7. FEBRÚAR1986

Frá aðalfundi Vinnuveitendasambands íslands á síðasta ári.
Morgunblaðið/Júlíus
Aðild ríkisfyrirtækja að VSÍ:
Rúmlega hálf önnur milljón
greidd í félagsgjöld 1985
RÍKISFYRIRTÆKI og önnur fyrirtæki með eignaraðild ríkisins, sem
aðild eiga að Vinnuveitendasambandi íslands (VSÍ), greiddu rúmlega
hálfa aðra milljón króna í félagsgjöld til sambandsins á síðasta ári.
Arið 1984 námu slíkar greiðslur tæplega 700 þúsund krónum.
Þessar upplýsingar koma fram í
skriflegu svari forsætisráðherra við
fyrirspum frá Hjörleifi Guttorms-
syni (Abl.-AI.) um aðild ríkisfyrir-
tækja að VSI og greiðslur þeirra
til sambandsins.
í svari forsætisráðherra kemur
ffarn að árið 1984 gerðust tvö fyrir-
tæki, sem heyra undir iðnaðarráðu-
neytið, Jarðboranir ríkisins og Raf-
magnsveitur ríkisins, beinir aðilar
að VSÍ. Þessu til viðbótar gerðust
íslenska jámblendifélagið hf., Kísil-
iðjan hf., Sementsverksmiðja ríkis-
ins og Þörungavinnslan hf. beinir
aðilar að Félagi íslenskra iðnrek-
enda (FÍI) árið 1984 og öðluðust
með því óbeina aðild að VSÍ_ í
samræmi við lög og samþykktir FII.
Sama ár fuligilti Ríkisprentsmiðjan
Gutenberg aðild sína að Félagi ísl.
prentiðnaðarins og hefur í samræmi
við þá aðild, frá ársbyrjun 1985,
verið fullgildur aðili að VSÍ. Þá
gekk eitt fyrirtæki, sem heyrir undir
landbúnaðarráðuneytið, Áburðar-
verksmiðja ríkisins, í VSI í maí
1984.
Fram kemur í svarinu að félags-
gjöld Jarðborana ríkisins til VSÍ
námu á árinu 1984 68.481 kr. og
árið 1985 131.165 kr. Félagsgjöld
Rafmagnsveitna ríkisins námu árið
1984 277.302 kr. og árið 1985
400.508 kr.
Síðan segir. „í samræmi við lög,
samþykktir og samstarfssamning
Félags íslenskra iðnrekenda og
VSÍ greiddi það til Vinnuveitenda-
sambands íslands félagsgjöld vegna
áðurgreindra fyrirtækja, sem hér
segir árin 1984 og 1985.
Vegna Kísiliðjunnar hf. kr.
43.070 árið 1984 og kr. 100.304
árið 1985. Vegna Sementsverk-
smiðju ríkisins kr. 101.925 árið
1984 og kr. 162.230 árið 1985.
Vegna Þörungavinnslunnar hf. kr.
30.405 árið 1984 og kr. 32.585 árið
1985. Jámblendifélagið hefur árum
saman haft þjónustusamning við
Vinnuveitendasamband íslands og
gilti hann út árið 1984, en félags-
gjöld þess fyrirtækis árið 1985 voru
kr. 338.206. Félagsgjöld Félags ís-
lenska prentiðnaðarins vegna Ríkis-
prentsmiðjunnar Gutenbergs til
VSÍ árið 1985 voru kr. 93.405.
Greiðslur félagsgjajda Áburðar-
verksmiðjunnar til VSÍ voru á árínu
1984 kr. 170.229 og árið 1985 kr.
293.088.“
í fyrirspum Hjörleifs Guttorms-
sonar var einnig spurt um greiðslur
íslenska álfélagsins (ÍSAL) til VSÍ.
í svari forsætisráðherra kemur
fram að VSÍ telur sér óskylt og
óheimilt að upplýsa um greidd eða
vangreidd félagsgjöld einstakra
aðila.
Guðrún Helgadóttir:
Ráðherrabílar með einka-
bílsljórum nauðsynlegir
GUÐRÚN Helgadóttir (Abl.-Rvk.) lét svo ummælt við umræður um
bílafríðindi ráðherra í sameinuðu þingi í gær, að það væri vanvirða
við ráðherra að ætla sér að afnema með öllu þessi fríðindi þeirra.
Til umræðu var tillaga frá Jóhönnu
Sigurðardóttur (A.-Rvk.) um að
afnema ákvæði um sérstök fríðindi
ráðherra, sem gera þeim kleift að
eignast bifreiðir á mun lægra verði
en almenningur. Guðrún Helgadótt-
ir kvaðst vera sammála því að ráð-
herrar ættu ekki að eignast bíla á
kostnað ríkisins, en nauðsynlegt
væri hins vegar að ríkið ætti og
ræki bíla fyrir ráðherrana og að
þeim fylgdu einkabflstjórar. Kvað
hún ráðherra hafa mikilvægari
störfum að gegna en svo að þeir
gætu eytt tíma sínum í ýmislegt
umstang er fylgdi því að þurfa að
annast eigin bíl. I því sambandi
nefndi þingmaðurinn, að í gær-
morgun hefði hún þurft að eyða
tveimur klukkustundum á viðgerð-
arverkstæði vegna eigin bifreiðar.
Guðrún Helgadóttir fjallaði einn-
ig um laun alþingismanna, sem hún
taldi að væru ekki nógu há, og
kvað algengt að fólk miklaði þau
fyrir sér. Hún nefndi að þing-
mannslaun væru mun lægri en laun
ýmissa annarra, s.s. embættis-
manna hjá ríkinu, verkalýðsforingja
og þingfréttaritara. Hún upplýsti
að laun alþingismanna væru nú
68.128 kr. á mánuði og sjálf fengi
hún um 40 þús. kr. greiddar út
þegar skattar hefðu verið dregnir
af henni. Kvaðst þingmaðurinn ekki
geta lifað af þessum launum og
óskaði eftir því að Alþingi tæki til
umræðu störf og kjör þingmanna.
Þorvaldur Garðar Kristjáns-
son, forseti sameinaðs þings, sagði
í framhaldi af orðum Guðrúnar
Helgadóttur, að hann myndi ræða
ósk hennar við formenn þingflokk-
anna.
Jóhanna Sigurðardóttir taldi að
Guðrún Helgadóttir hefði ekki
fylgst nógu vel með málflutningi
sínum. Hún hefði tekið það fram,
að enda þótt lagaákvæði um sérstök
bflafríðindi ráðherra yrðu afnumin
væru enn lagaheimildir í gildi fyrir
því að ríkið ætti bifreiðir og fæli
einstökum starfsmönnum sínum að
annast þær.
Stuttar þingfréttir:
Framkvæmd eignar-
náms verði breytt
Skammstafanir í stjórnmálafréttum
í stjórnmálafréttum Morgunblaðsins eru
þessar skammstafanir notaðar.
Fyrir flokka:
A.: Alþýðuflokkur
Abl.: Alþýðubandalag
Bj.: Bandalag jafnaðarmanna
F.: Framsóknarflokkur
Kl.: Kvennalisti
Kf.: Kvennaframboð
S.: Sjálfstæðisflokkur
Fyrir kjördæmi:
Rvk.: Reykjavík
VI.: Vesturland
Vf.: Vestfirðir
Nv.: Norðurland vestra
Ne.: Norðurland eystra
AI.: Austurland
Sl.: Suðurland
Rn.: Reykjanes
EIÐUR Guðnason (A.-Vl.) og
Karl Steinar Guðnason (A.-Rn.)
hafa lagt fram á alþingi frum-
varp til laga um breytingu á
lögum frá 1973 um framkvæmd
eignarnáms.
Frumvarpinu er ætlað að breyta
aðferðum við ákvörðun eignar-
námsbóta í þá átt að afnema það
óréttlæti sem flutningsmenn telja
að nú viðgangist, stuðla að eðlilegri
þróun byggðar og gera það að
meginreglu laga að ekki skuli taka
tillit til verðbreytinga er rekja megi
til tilgangs eignamámstökunnar.
Hjörleifur Guttormsson (Abl.-
Al.) hefur beint til iðnaðarráðherra
fyrirspum um opinber innkaup á
erlendum iðnaðarvömm. Fyrir-
spumin er svohljóðandi: „Til hvaða
aðgerða hefur ríkisstjómin gripið
til að stuðla að opinberum innkaup-
um á innlendum iðnaðarvömm eftir
að samstarfsnefnd um opinber inn-
kaup var lögð niður haustið 1983?“
Sami þingmaður Spyr iðnaðar-
ráðherra: „Hver hefur verið hlut-
fallsleg markaðshlutdeild helstu
vömflokka innlends iðnvamings á
hvetju ári á tímabilinu
1980-1985?“
Þá hefur Þórður Skúlason
(Abl.-Nv.) beint til samgönguráð-
herra fyrirspurn um framlög til
vegagerðar á árunum
1983-1985.
Trésmiðjan Víðir hf
Búslpóri
sinnir
daglegum
rekstri
REKSTUR Trésmiðjunnar Víð-
is hf. er nú undir stjórn Rúnars
Mogensen bústjóra, sem skipta-
ráðandinn í Kópavogi skipaði
til verksins þegar stjórn tré-
smiðjunnar ákvað þann 27.
janúar sl. að óska eftir því að
fyrirtækið yrði tekið til gjald-
þrotaskipta. Auglýst hefur
verið eftir kröfum I búið í
Lögbirtingi.
Fimm mánaða greiðslustöðvun
Víðis hf. rann út þann 23. janúar
sl. og hafði forráðamönnum þess
þá ekki tekist að selja húseignina
við Skemmuveg, sem var talið skil-
yrði þess að tækist að rétta hag
fyrirtækisins.
Stærstu lánardrottnamir, Iðn-
lánasjóður og Iðnþróunarsjóður,
gátu ekki fellt sig við tryggingar
stuðningsmannaféiags Vals, sem
gert hafði tilboð í húsið.
Boðaður hefur verið fundur með
kröfuhafa þann 12. febrúar nk., þar
sem væntanlega verður tekin af-
staða til þess hvort frekar verði
reynt að selja húseignina.
Hjá Trésmiðjunni Víði unnu 36
manns. Að sögn Rúnars Mogensen
eeru nokkrir starfsmanna hættir,
en flestir eru þó að vinna við tíma-
bundin verkefni, og ekki verið
endanlega ákveðið hvenær öll vinna
verður lögð niður.
Leiruvegnrinn
við Akureyri:
Tengivegur-
inn einnig
í notkun
næsta haust
Akureyri, 5. febrúar.
FRAMKVÆMDUM við Leiru-
veg á Akureyri — brúargerð
og byggingu tengivegar að
brúnni frá Drottningarbraut —
lýkur í haust þannig að hægt
verður að taka brúna í notkun.
Skv. áætlun átti aðeins að klára
brúna í ár en tengivegurinn var
á áætlun 1987. Nú er ljóst að
bæði verkin verða unnin í ár.
„Allir þingmenn kjördæmisins
eru hlynntir því að tilfærslu fjár-
magns til vegamála innan kjördæm-
isins veri þannig háttað að tengi-
vegurinn verði einnig kláraður í
haust. Það kemur ekki til greina
af okkar hálfu að byggja brúna og
láta veginn bíða," sagði Bjöm
Dagbjartsson, alþingismaður Sjálf-
stæðisflokksins, í samtali við Morg-
unblaðið í dag. Aðrar framkvæmdir,
t.d. malbikun einhvers staðar, frest-
aðist þá í eitt ár í staðinn.
Norðurverk hf. á Akureyri átti
lægsta tilboð í brúargerðina og
hefur þegar fengið það verk. Þess
má geta að fyrirtækið skilaði einnig
frávikstilboði — þar sem boðin var
vegargerð frá brú og í land á
Drottningarbraut. Boðinn var 3,5%
afsláttur á brúargerðinni tæki
Vegagerð ríkisins frávikstilboðinu
— en það eru um 830.000 krónur.
Ekki er enn ljóst hvemig vega-
lagningunni verður hagað en líklegt
er að verkið verði boðið út fljótlega.
Forráðamenn Vegagerðarinnar
telja óhjákvæmilegt að bjóða verkið
út — um svo stórt verkefni sé að
ræða að ekki sé annað hægt for-
dæmisins vegna.