Morgunblaðið - 30.12.1986, Blaðsíða 29

Morgunblaðið - 30.12.1986, Blaðsíða 29
MORGUNBLAÐIÐ, ÞRIÐJUDAGUR 30. DESEMBER 1986 29 Shamir hreinsaður af aðild að aftöku Palestínumanna Tel Aviv, AP. Reuter. NEFND á vegum ríkisstjórnar- innar í ísrael hefur hreinsað Yitzhak Shamir, forsætisráð- herra, sem sakaður hafði verið um að hafa fyrirskipað aftöku tveggja Palestínumanna og til- raun til að hylma yfir málið. ísraelska sjónvarpið skýrði frá niðurstöðum nefndarinnar, sem rannsakaði aftöku tveggja Pal- estínumanna, sem tóku strætisvagn á Gaza-svæðinu og héldu 35 manns í gíslingu þar til hermenn gerðu áhlaup á vagninn. Ræningjarnir hótuðu að sprengja vagninn í loft upp ef 500 Arabar yrðu ekki látnir lausir úr ísraelskum fangelsum. í áhlaupinu féllu tveir ræningj- anna af fjórum og í yfirlýsingu hersins var sagt að tveir hinna hefðu dáið á leið í sjúkrahús. Ljós- myndir blaðaljósmyndara staðfestu hins vegar að þeir voru leiddir ómeiddir úr vagninum og vel á sig komnir. Nefndin komst að þeirri niður- stöðu að óeinkennisklæddir lög- reglumenn hefðu leitt mennina tvo á brott. Farið hefði verið með þá á afskekktan stað, þar sem þeim hefði Japanir ætla yfir 1 prósent markið í fjárveitingum til varnarmála Tókýó, Reuter. JAPANIR hafa ráðagerðir á prjón- unum um að víkja frá þeirri stefnu sinni að takmarka fjárframlög til hermála við eitt prósent af þjóðar- framleiðslu eða minna, að því er haft var eftir talsmanni varnar- málaráðuneytisins í gær. Talsmaðurinn sagði að þessi ákvörðun hefði verið tekin á fundi embættismanna stjórnarinnar og frjálslyndra demókrata, sem nú eru við völd. Fundinn sátu m.a. Yuko Kurihara varnarmálaráðherra og Kiichi Miyazawa fjármálaráðherra. Að sögn talsmannsins var ákveð- ið að auka útgjöld til varnarmála um 5,2 prósent þannig að alls yrðu veittir 3.517 milljarðar japanskra jena (um 22 milljarðar dollara). Þetta jafngildir 1,004 prósentum af þjóðarframleiðslu samkvæmt spá hins opinbera fyrir fjárhagsárið, sem hófst 1. apríl. Ákveðið var að setja mörkin við 1 prósent árið 1976. Aftur á móti hafa Bandaríkjamenn þrýst á Jap- ani og reynt að fá þá til að auka fjárframlög til varnarmála. Því hef- ur einnig verið haldið fram að varnir Japana hafa ekki verið efldar nægi- lega til að samsvara hernaðarupp- byggingu Sovétmanna í Asíu. Japanska stjórnin greiðir atkvæði um þetta atriði í dag og verður þá einnig fjallað um önnur atriði fjár- laga. Fjárlögin koma fyrir þing í upphafi næsta árs. verið misþyrmt unz þeir féllu dauð- ir niður. Nefndin sagði hins vegar útilokað að fullyrða um hver reiddi þeim banahöggið. Var niðurstaða nefndarinnar sú sama og annarrar opinberrar nefndar, sem áður rannsakaði ásakanir á hendur Shamir, sem var forsætisráðherra þegar atvikið átti sér stað 13. apríl 1984. Avraham Shalom, fyrrum yfir- maður öryggisstofnunar ríkisins, Shin Bet, bendlaði Shamir við af- tökuna á Palestínumönnunum með því að gefa í skyn að hann hefði fengið fyrirmæli um að taka hryðju- verkamennina, sém næðust í áhlaupi á strætisvagninn, af lífi. Hann gaf einnig til kynna að Sham- ir hefði tekið þátt f að láta hylma yfir atburðinn. Rúmu ári eftir at- burðina hélt aðstoðarforstjóri stofnunarinnar, Reuven Hazak, því hins vegar fram að Shalom hefði sjálfur fyrirskipað aftökuna á Pal- estínumönnunum og stjórnað til- raunum til að hylma yfir atburðinn. Hann tjáði undirmönnum sínum að hann hefði stuðning Shamirs í þeim tilraunum, að sögn Hazaks. Asakanirnar á hendur Shalom leiddu nærri til falls samsteypu- stjórnar Likud-bandalagsins og Verkamannaflokksins og kröfðust ráðherrar síðrnefnda flokksins op- inberrar rannsóknar á ásökunun- Andrei Tarkovsky látinn: Einn helsti boðberi óhef ð- bundinnar kvikmyndagerðar Parfs, Reuter. RUSSNESKI kvikmyndaleikstjórinn Andrei Tarkovsky lést í París í jgær 54 ára að aldri. Banamein hans var krabbamein. I Sovétríkjunum var hann lítt þekktur en á Vesturlöndum naut hann mikillar virðingar sem f rum- legur listamaður. Tarkovsky var í hópi margra hæfileikamikilla leikstjóra sem brutust undan oki hinnar „félags- legu raunsæisstefnu" í listum, sem einkenndi valdaskeið Jósefs Stalín. Árið 1984 afsalaði hann sér sovéskum ríkisborgararétti og settist að á Vesturlöndum en ráðamenn í Sovétríkjunum höfðu þá um nokkurt skeið lagt áherslu á að kvikmyndaleikstjórar fjölluðu meira um hlutskipti alþýðunnar og veruleika verkalýðsins í mynd- um sínum. Tarkovsky gerði aðeins sjö kvikmyndir á ferli sínum og lék íslensk leikkona, Guðrún Gísla- dóttir, í síðustu mynd hans sem nefnist „Fórnin". Sú mynd hlaut sérstök verðlaun á kvikmyndahá- tíðinni í Cannes í maímánuði. Myndir Tarkovskys þóttu oftar en ekki tormeltar en sjálfur lagði hann jafnan áherslu á að myndir hans ættu ekki að tjá hlutlægan veruleika heldur drauma, hugsan- ir og endurminningar. „Ég hef takmarkað álit á hefðbundinni uppbyggingu kvikmynda því meirihluta tímans er varið í að fræða áhorfandann um hvað muni gerast í kvikmyndinni" sagði Tarkovsky eitt sinn í viðtali. Tarkovsky hafði óskað eftir leyfi stjórnvalda í Sovétríkjunum til að dveljast um óákveðinn tíma á Vesturlöndum. Þegar það fékkst ekki afréð hann að fara í sjálfskip- aða útlegð til Vesturlanda og settist að í París. I viðtölum tók hann jafnan skýrt fram að hann væri ekki andófsmaður. Sagði hann hins vegar að stjórnvöld hefðu gert honum ókleift að starfa í Sovétríkjunum. Fyrsta kvikmynd Tarkovskys í fullri lengd nefnist „Æska Ivans" (1962) og fjallar hún um ungan dreng sem upplifir innrás Þjóð- verja í Sovétríkin á árum síðari heimsstyrjaldarinnar. Mynd þessi vann til verðlauna á kvikmynda- hátíð í Feneyjum. Tarkovsky hlaut alþjóðlega við- urkenningu fyrir næstu mynd sína Andrei Tarkovsky við töku á atriði í myndinni gerð var í Svíþjóð. ,Fórnin" sem Guðrún Gísladóttir í hlutverki völvunnar í kvikmyndinni „Fórnin" eftir Tarkovsky. sem nefnist „Andrei Roublev" (1966) og voru honum veitt verð- laun fyrir hana á kvikmyndahátíð- inni í Cannes árið 1969. Hún var hins vegar ekki sýnd í Sovétríkj- unum fyrr en árið 1971 þar eð kvikmyndaeftirlitsmönnum þar þóttu sum atriðin í djarfara lagi. Margir telja „Andrei Roublev" bestu mynd Tarkovskys. Næstu mynd sína gerði Tark- ovsky árið 1972 og nefnist hún „Solaris". Myndin hefur á sér blæ visindaskáldsagna þó svo að efni hennar sé mjög í anda fleiri mynda Tarkovskys; greinarmun anda og efnis. Árið 1975 gerði Tarkovsky kvikmyndina „Spegill", sem fjall- ar um æsku hans á draumkennd- an hátt og fer lítið fyrir hefðbundinni frásögn. Árið 1978 gerði hann „Stalker" fyrir sovéskt fé en sú mynd hlaut dræmar und- irtektireystra. „Nostalgia" (1983) fjallar einnig um æsku Tark- ovskys en hún hefur enn ekki verið sýnd í Sovétríkjunum þó svo að kvikmyndayfirvöld þar hafi fjármagnað myndina að hluta til. Síðustu mynd sína „Fórnin" tók Tarkovsky í Svíþjóð og fjallar hún um fyrrum blaðamann, sem heitir því að hafna fjölskyldu sinni og öllu því sem honum er kært í þeim tilgangi að koma í veg fyrir gjöreyðingarstríð. Myndin hlaut sérstök verðlaun á kvikmyndahá- tíðinni í Cannes en Tarkovsky gat ekki veitt verðlaununum viðtöku sökum hrakandi heilsu sinnar. Tarkovsky kvaðst líta á sjálfan sig sem ljóðskáld kvikmynda- tjaldsins. „ÖU kvikmyndagerð byggir á tveimur ólíkum gerðum kvikmynda. I fyrri flokknum eru leikstjórar sem reyna að líkja eft- ir heiminum sem þeir lifa og hrærast í en í annan stað eru leik- stjórar sem skapa sinn eigin heim - ljóðskáld kvikmyndanna. Ég er sannfærður um að hinna síðar- nefndu verður frekar minnst þegar fram líða tímar". Reagan um íransmálið: Mestu vonbrigði ársins Los Angeles, Reuter. REAGAN Bandaríkjaforseti tók sér í gær sex daga frí frá stjórnarstörfum í Hvíta húsinu. Hyggst hann aðeins koma einu sinni fram opin- berlega í þessari viku og næsta sunnudag á hann að leggjast inn á sjúkrahús, þar sem gerð verður á honum skurðaðgerð. í sjónvarpsávarpi á laugardag sagði Reagan, að Iransmálið væri það málefni, sem mestum von- brigðum hefði valdið á þessu ári, en að öðru leyti hefði árið 1986 verið „mjög gott ár". Dick Cheney, sem sæti á í nefnd þeirri, er Reagan hefur skipað til að rannsaka vopnasölu- málið, sagði í gær, að forsetinn gerði sér það Ijóst, að hann hefði ekki tekið þetta mál nógu föstum tökum í upphafi og að það gæti hafa átt þátt í því, hvernig fór. Cheney kvaðst þó ekki álíta, að Reagan ætti eftir að breyta verulega um stjórnarstíl þau tvö ár sem hann ætti eftir í forseta- embætti. Cheney er þingmaður í full- trúadeild Bandaríkjaþings fyrir Repúblikanaflokkinn, flokk Reag- Gengi gjaldmiðla London, AP. BANDARÍKJADALUR f éll gagn- vart helztu gjaldmiðlum í gær. Verð á gulli féll sömuleiðis í London en hélzt óbreytt í ZUrich. Sérfræðinmgar sögðu ástæðuna fyrir verðlkækkun dalsins vaxandi efasemdir um framtíð dalsins og óvenjulega litla eftirspurn eftir hon- um miðað við árstíma. í London var gengi sterlings- pundsins 1,4675 dalir í gær en 1,4570 dalir sl. miðvikudag, þegar gjaldeyrismarkaðurinn var síðast opinn. Annars var gengi dalsins á þá leið að fyrir hann fengust: 1,9468 v-þýzk mörk (1,9645) 1,6280 sv. frankar (1,6415) 6,4375 fr.frankar (6,4700) 2,2010 holl.gyllini (2,2190) 1.353,50 ít. lírur (1.363,00) 1,3850 kanad. dalir (1,3775) Dalurinn var auk þess skráður á 159,00 jen í Tókýó miðað við 161,95 sl. miðvikudag. Gullúnsan lækkaði úr 390,75 dollurum í 389,50 í London en stóð áfram í 390,50 dollurum í Zurich.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.