Morgunblaðið - 30.12.1986, Blaðsíða 47

Morgunblaðið - 30.12.1986, Blaðsíða 47
MORGUNBLAÐIÐ, ÞRIÐJUDAGUR 30. DESEMBER 1986 47 Afmæliskveðja: Þórður Helgason Þursstöðum Það átti nú víst ekki að fara hátt að hann Þórður á Þursstöðum yrði 70 ára í dag. Ekki fer reyndar allt eins og ætlað er. Ég hitti Þórð á góðum degi í sumar. Bar ég þá afmælið hans í tal. Hann vildi sem minnst um það ræða. Þegar ég þá tæpti á því að ég hefði hug á að fá birta afmælis- kveðju varð hann hinn styggasti. Það er því sjálfgert mál að láta þessi orð flakka, líka til þess að fjölmargir vinir Þórðar vítt um land geti í huga sér samglaðst honum og minnst góðra samverustunda í starfi og leik. Afmælisbarnið ber nafn móður- afa síns, Þórðar Jónssonar skipa- smiðs og útgerðarmanns í Gróttu. Hann var að sögn allsérkennilegur karl. Til hans mun nafni hans hafa sótt drjúgan hluta af glettni sinni og hin snöggu og hnitmiðuðu til- svör eru þeirrar ættar. Guðrún Þórðardóttir, móðir af- mælisbarnsins, þótti myndarleg kona í sjón og raun. Var sagt að sópaði að henni. Helgi Jónsson, faðir Þórðar, var ættaður úr Hrútafirði, hógvær skynsemdarmaður, vinnusamur og traustur. Hann átti líka til að glett- ast ögn. Þau hjón bjuggu á Þurs- stöðum sem er næsti bær við kirkjustaðinn Borg á Mýrum. Eitt sinn var allt heimilisfólkið í kirkju- ferð, annað en húsbóndinn. Bjó hann sig þá af stað og náði að setj- ast á aftasta bekk kirkjunnar og hlýða á messuna. Hvarf hann síðan heim á undan fólki sínu án þess að það yrði hans vart. Mun hann hafa verið venju frem- ur spurull við fólkið er það kom heim um efni ræðunnar og annað sem fyrir augu og eyru bar á Borg þennan messudag. Þórður á Þursstöðum hefir aldrei veifiskati verið. Þó hann fengi í frumbemsku að kenna á sjúkdómi sem leiddi til ævilangrar fötlunar hefir hann aldrei verið með neitt víl um það. Hefir hann stundað margvísleg erfiðisstörf um dagana og engum gefið tommu eftir. Hefir hann átt heimilisfang á Þursstöðum hjá Helga bróður sínum, sem nú er látinn, og Guðrúnu mágkonu sinni. Á sumrin dvelur hann þar og sinnir ýmsum störfum, þar á meðal laxveiðum. Haust og vetur hefur hann leitað starfa annars staðar svo sem í sláturhúsum og við fisk- vinnslu. Marga vetur var hann t.d. hrognameistari hjá Ingvari í ís- birninum. Munu báðir hafa glaðst þegar blómlegt var í tunnugeymsl- unni. Minnist Þórður oft á hve vel Ingvar lét yfir þegar þrengdist á gólfi. Nokkra yetur hefir Þórður líka verið hér í Ólafsvík. Hvarvetna hefir hann eignast vini og kunn- ingja að verðugu. Hann hefir ferðast vítt, utan lands sem innan, ann fögru landslagi og kann að meta sögustaði. Þórður er mikill söng- og gleði- maður, hrókur alls fagnaðar á góðri vinarstund og jafnast fáir við. Af öryggi beitir hann þróttmikilli söngrödd og hefir yndi af að taka lagið. Fljóta svo inn á milli gaman- sögur þegar gengið er á vit góðra minninga. Gaman þykir okkur frændum hans sumum að finna þá eitthvað til að vera ósammála hon- um um því þá er heldur ekkert gefið eftir. Einu mótmælum við þó aldrei, en það er að þrátt fyrir allar þær stjörnur sem fram hafa komið í íslenskri sönglist þá beri Stefán íslandi enn hæst í flutningi á laga- perlunum. Stefán er „hinn hvíti Baldur" og þannig skal það vera. Annars á Þórður í eigin frænd- Starfsmenn Radíódastar f Hafnarfirði f framköllunarstofiinni. Tvær nýjar framköllunarstofur TVÆR nýjar hraðframköllunar- stofur frá Kodak tóku nýlega til starfa 'a Akranesi og í Hafnar- firði. Framköllunarstofurnar eru hjá Bókaverslun Andrésar Níelssonar við Kirkjubraut á Akranesi og hjá Radíóröst Myndahúsinu Dalshrauni 13 í Hafnarfirði. í þessum stofum er notaður nýr iitpappír, Kodak Ektacolor 2000 og 20001 og er framköllunartími pappírsins helmingi styttri en eldri litmyndapappírs. I frétt frá Hans Petersen hf. sem hefur umboð fyrir Kodak, segir að litgæði pappírsins séu stöðugri og myndirnar litsterk- ari en áður auk þess sem þær þoli betur hnjask og rispist síður. garði nöfn þjóðþekktra tónlistar- manna. Má þar nefna Sigurð heitinn Þórðarson tónskáld og Gunnar Pálsson söngvara. Eplið liggur því ekki langt frá eikinni. Söngvini á Þórður víða. Nú eru þó ýmsir horfnir yfir móðuna miklu. „Nú er hún Snorrabúð stekkur" hefir Þórður oft á orði þegar honum þykir skarð fyrir skildi. Þó er enn sungið. Með aldri og árum má þó reikna með að fækka taki samverustund- um við söng og gleði. Þó er engan veginn öryænt um að enn megi taka undir með Tómasi, því „enn syngur vornóttin vögguljóð sín", þrátt fyrir allt. Hver getur svo sagt að ekki muni síðar bjarma af nýjum degi þessa heims eða annars þó nú húmi að kveldi? Afmælisbarnið er ekki í vafa. Þó öll frekja og kröfugerð sé Þórði fjarri þá sagði hann eitt sinn í létt- um tón að hann ætlaði að gera þá kröfu til almættisins að fá að verða óperusöngvari í nýju lífi. Ekki neitt stúss við hænsni eða refi — óperu- söngur skal það verða. En þá verður hann líka að standa klár á því að verði frændhópurinn sömu vistar kemur hann allur og heimtar að- göngumiða að sýningum — boðs- miða, þó ekki væri nema fyrir aðstoðina á æfingakonsertunum um árin. Hann mun örugglega láta það eftir okkur sem annað. Að endingu óska ég afmælis- barninu þess að mega sem lengst njóta ljúfra tóna og yls frá vinarhug samferðamanna. Megi góðlátleg glettni ríkja og hnyttiyrði fjúka uns „síðustu óm- arnir ströndinni frá hverfa í rökkurró". Þórður er að heiman í dag að helstu manna sið. Helgi Kristjánsson t,i;,.--ií,^,,'v Starfsmaður Bókaverslunar Andrésar Magnússonar við nýju framköllunartækin frá Kodak. erusðlu 'staðir okkar Reykjavík: Skátabúðin við Snorrabraut Fordhúsiö, Skeifunni Bifreiðar og landbúnaöarvélar, Suðurlandsbraut 12 Verslunarmiðstöðin Mjódd, Breiðholti Seglagerðin Ægir, Örfirisey Mazdahúsið, Fosshálsi 1 Við Miklagarð Við Staldrið, Breiðholti Við Þjóðarbókhlöðuna, Melatorgi Kópavogur: Toyota, Nýbýtavegi 8 Kaupgarður, Engihjalla Skátaheimilið, Borgarholtsbraut 7 Garðabær: Hjálparsveitarhús við Bæjarbraut Frigg viö Hafnarfjaröarveg Njarðvík: Hjálparsveitarhús, Holtsgötu 51 Iþróttavallarhúsiö Söluskúr við Sparisjóðinn Dalvík: Þjónustumiðstöðin. Gunnarsbraut 4-6 Flúðir: Slökkvistöðin á Flúðum Fljótsdalshérað: Slátursala K.H.B. (viö hliðina á bakaríinu) Vestmannaeyjar: Skátaheimilið, Faxastig 38 Eyjataxi, Strandvegi 75 Hveragerði: í hjálparsveitarhúsinu Barðaströnd: Hjálparsveitin Lómfell ísafjörður: Skátaheimilið Blönduós: Hús Hjálparsveitar skáta við Efstubraut Akureyri: Stórmarkaður i Lundi Bilvirkinn, Fjölnisgötu Söluskúr við Hagkaup Söluskúrvið íþróttavöll Saurbæjarhreppur í Eyjafirði: Hjálparsveitin Dalbjörg Aðaldalur: Hjálparsveit skáta, Aðaldal Flugeldar - blys - gos - sólir - stjörnuljós SKIPARAKETTUR - SKIPABLYS - TIVOLÍBOMBUR OG INNIBOMBUR MEÐ LEIKFONGUM OG SPÁDÓMUM FLUGELDAMARKAÐIR HJÁLPARSVEITA SKÁTA
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.