Morgunblaðið - 30.12.1986, Blaðsíða 47

MORGUNBLAÐIÐ, ÞRIÐJUDAGUR 30. DESEMBER 1986
47
Afmæliskveðja:
Þórður Helgason
Þursstöðum
Það átti nú víst ekki að fara
hátt að hann Þórður á Þursstöðum
yrði 70 ára í dag. Ekki fer reyndar
allt eins og ætlað er. Ég hitti Þórð
á góðum degi í sumar. Bar ég þá
afmælið hans í tal. Hann vildi sem
minnst um það ræða.
Þegar ég þá tæpti á því að ég
hefði hug á að fá birta afmælis-
kveðju varð hann hinn styggasti.
Það er því sjálfgert mál að láta
þessi orð flakka, líka til þess að
fjölmargir vinir Þórðar vítt um land
geti í huga sér samglaðst honum
og minnst góðra samverustunda í
starfi og leik.
Afmælisbarnið ber nafn móður-
afa síns, Þórðar Jónssonar skipa-
smiðs og útgerðarmanns í Gróttu.
Hann var að sögn allsérkennilegur
karl. Til hans mun nafni hans hafa
sótt drjúgan hluta af glettni sinni
og hin snöggu og hnitmiðuðu til-
svör eru þeirrar ættar.
Guðrún Þórðardóttir, móðir af-
mælisbarnsins, þótti myndarleg
kona í sjón og raun. Var sagt að
sópaði að henni.
Helgi Jónsson, faðir Þórðar, var
ættaður úr Hrútafirði, hógvær
skynsemdarmaður, vinnusamur og
traustur. Hann átti líka til að glett-
ast ögn. Þau hjón bjuggu á Þurs-
stöðum sem er næsti bær við
kirkjustaðinn Borg á Mýrum. Eitt
sinn var allt heimilisfólkið í kirkju-
ferð, annað en húsbóndinn. Bjó
hann sig þá af stað og náði að setj-
ast á aftasta bekk kirkjunnar og
hlýða á messuna. Hvarf hann síðan
heim á undan fólki sínu án þess að
það yrði hans vart.
Mun hann hafa verið venju frem-
ur spurull við fólkið er það kom
heim um efni ræðunnar og annað
sem fyrir augu og eyru bar á Borg
þennan messudag.
Þórður á Þursstöðum hefir aldrei
veifiskati verið. Þó hann fengi í
frumbernsku að kenna á sjúkdómi
sem leiddi til ævilangrar fötlunar
hefir hann aldrei verið með neitt
víl um það. Hefir hann stundað
margvísleg erfiðisstörf um dagana
og engum gefið tommu eftir. Hefír
hann átt heimilisfang á Þursstöðum
hjá Helga bróður sínum, sem nú
er látinn, og Guðrúnu mágkonu
sinni. Á sumrin dvelur hann þar og
sinnir ýmsum störfum, þar á meðal
laxveiðum. Haust og vetur hefur
hann leitað starfa annars staðar svo
sem í sláturhúsum og við fisk-
vinnslu. Marga vetur var hann t.d.
hrognameistari hjá Ingvari í ís-
birninum. Munu báðir hafa glaðst
þegar blómlegt var í tunnugeymsl-
unni. Minnist Þórður oft á hve vel
Ingvar lét yfir þegar þrengdist á
gólfi. Nokkra vetur hefir Þórður
líka verið hér í Ólafsvík. Hvarvetna
hefir hann eignast vini og kunn-
ingja að verðugu. Hann hefir
ferðast vítt, utan lands sem innan,
ann fögru landslagi og kann að
meta sögustaði.
Þórður er mikill söng- og gleði-
maður, hrókur alls fagnaðar á góðri
vinarstund og jafnast fáir við.
Af öryggi beitir hann þróttmikilli
söngrödd og hefir yndi af að taka
lagið. Fljóta svo inn á milli gaman-
sögur þegar gengið er á vit góðra
minninga. Gaman þykir okkur
frændum hans sumum að finna þá
eitthvað til að vera ósammála hon-
um um því þá er heldur ekkert
gefið eftir. Einu mótmælum við þó
aldrei, en það er að þrátt fyrir allar
þær stjömur sem fram hafa komið
í íslenskri sönglist þá beri Stefán
íslandi enn hæst í flutningi á laga-
perlunum. Stefán er „hinn hvíti
Baldur" og þannig skal það vera.
Annars á Þórður í eigin frænd-
Starfsmenn Radíódastar í Hafnarfirði í framköllunarstofunni.
Tvær nýjar framköllunarstofur
TVÆR nýjar hraðframköllunar-
stofur frá Kodak tóku nýlega til
starfa ’a Akranesi og í Hafnar-
firði.
Framköllunarstofurnar eru hjá
Bókaverslun Andrésar Níelssonar
við Kirkjubraut á Akranesi og hjá
Radíóröst Myndahúsinu Dalshrauni
13 í Hafnarfirði.
í þessum stofum er notaður nýr
litpappír, Kodak Ektacolor 2000 og
20001 og er framköllunartími
pappírsins helmingi styttri en eldri
litmyndapappírs. I frétt frá Hans
Petersen hf. sem hefur umboð fyrir
Kodak, segir að litgæði pappírsins
séu stöðugri og myndimar litsterk-
ari en áður auk þess sem þær þoli
betur hnjask og rispist slður.
Starfsmaður Bókaverslunar
Andrésar Magnússonar við nýju
framköllunartækin frá Kodak.
garði nöfn þjóðþekktra tónlistar-
manna. Má þar nefna Sigurð heitinn
Þórðarson tónskáld og Gunnar
Pálsson söngvara. Eplið liggur því
ekki langt frá eikinni.
Söngvini á Þórður víða. Nú em
þó ýmsir horfnir yfir móðuna miklu.
„Nú er hún Snorrabúð stekkur"
hefir Þórður oft á orði þegar honum
þykir skarð fyrir skildi. Þó er enn
sungið.
Með aldri og ámm má þó reikna
með að fækka taki samverustund-
um við söng og gleði. Þó er engan
veginn örvænt um að enn megi
taka undir með Tómasi, því „enn
syngur vornóttin vögguljóð sín“,
þrátt fyrir allt.' Hver getur svo sagt
að ekki muni síðar bjarma af nýjum
degi þessa heims eða annars þó nú
húmi að kveldi?
Afmælisbamið er ekki í vafa. Þó
öll frekja og kröfugerð sé Þórði
fjarri þá sagði hann eitt sinn í létt-
um tón að hann ætlaði að gera þá
kröfu til almættisins að fá að verða
óperusöngvari í nýju lífi. Ekki neitt
stúss við hænsni eða refí — ópem-
söngur skal það verða. En þá verður
hann líka að standa klár á því að
verði frændhópurinn sömu vistar
kemur hann allur og heimtar að-
göngumiða að sýningum — boðs-
miða, þó ekki væri nema fyrir
aðstoðina á æfingakonsertunum um
árin. Hann mun ömgglega láta það
eftir okkur sem annað.
Að endingu óska ég afmælis-
baminu þess að mega sem lengst
njóta ljúfra tóna og yls frá vinarhug
samferðamanna.
Megi góðlátleg glettni ríkja og
hnyttiyrði fjúka uns „síðustu óm-
arnir ströndinni frá hverfa í
rökkurró“.
Þórður er að heiman í dag að
helstu manna sið.
Helgi Kristjánsson
Reykjavík: Fljótsdalshérað:
Skátabúðin viö Snorrabraut
Fordhúsið, Skeitunni
Bitreiðar og landbúnaðarvélar,
Suðurlandsbraut 12
Verslunarmiðstöðin Mjódd, Breiðholti
Seglagerðin Ægir, Örtirisey
Mazdahúsið, Fosshálsi 1
ViðMiklagarð
Viö Staldrið, Breiðholti
Við Þjóðarbókhlöðuna, Melatorgi
Kópavogur:
Toyota, NýbýlavegiS
Kaupgarður, Engihjalla
Skátaheimilið, Borgarholtsbraut 7
Slátursala K.H.B. (viö hliðina á bakaríinu)
Vestmannaeyjar:
Skátaheimilið, Faxastig 38
Eyjataxi, Strandvegi 75
Hveragerði:
í hjálparsveitarhúsinu
Barðaströnd:
Hjálparsveitin Lómfell
ísafjörður:
Garðabær:
Hjálparsveitarhús við Bæjarbraut
Frigg við Hatnartjarðarveg
Njarðvík:
Hjálparsveitarhús, Holtsgötu 51
iþróttavallarhúsið
Söluskúr við Sparisjóðinn
Dalvík:
Þjónustumiðstöðin, Gunnarsbraut 4-6
Flúðir:
Slökkvistöðin á Flúðum
Skátaheimilið
Blönduós:
Hús Hjálparsveitar skáta við Efstubraut
Akureyri:
Stórmarkaöur i Lundi
Bílvirkinn, Fjölnisgötu
Söluskúr við Hagkaup
Söluskúrvið íþróttavöll
Saurbæjarhreppur
í Eyjafirði:
Hjálparsveitin Dalbjörg
Aðaldalur:
Hjálparsveit skáta, Aðaldal
Flugeldar - blys - gos - sólir - stjörnuljós
SKIPARAKETTUR - SKIPABLYS - TIVOLÍBOMBUR
OG INNIBOMBUR MEÐ LEIKFÖNGUM OG SPÁDÓMUM
FLUGELDAMARKADIR
HJÁLPARSVEITA SKÁTA