Morgunblaðið - 04.03.1987, Qupperneq 44

44
MORGUNBLAÐIÐ, MIÐVIKUDAGUR 4. MARZ 1987
4
Að þeytast um
í þremur
þýskum borgum
ÍSLENDINGAR hafa löngum
sótt mikið til annarra landa og
láta ekkert tækifæri ónotað til
að bregða sér út fyrir landstein-
ana. Þannig var einnig með
blaðamann, sem þáði boð um
tæplega vikulanga ferð til Þýska-
lands á vegum Norðurlanda-
deildar þýska ferðamálaráðsins.
Á þessum dögum skyldu þrjár
þýskar borgir skoðaðar og þætti
ferðavönustu íslendingum sjálf-
sagt nóg um.
Það var ekki þrautalaust fyrir
svefnþunga að hefja ferðina, því
skylt var að mæta við Hótel Loft-
leiði klukkan fimm að morgni, eða
nóttu. Þegar þessir bytjunarörðug-
leikar voru hjá reyndist framhaldið
leikur einn. Flogið var með Flugleið-
um til Luxemburg og þaðan var
ekið til Trier, sem var fyrsta borgin
af þremur sem heimsótt skyldi.
Trier er hvorki meira né minna
en 2000 ára gömul borg, eða sú
elsta í Þýskalandi. Rómveijar sett-
ust þar fyrstir að 16 árum fyrir
Krist og nefndu borgina Augusta
Treverorum. Blaðamanni varð
hugsað til hátíðarhalda í Reykjavík
vegna 200 ára afmælis þeirrar
ágætu borgar og lá við að heima-
borgin bliknaði dálítið við saman-
burðinn. En Islendingar hafa nú
skorið núll aftan af krónunni sinni
og kippa sér varla neitt upp við það
þó núllin séu ekki eins mörg í af-
mælisárunum og hjá þýskum.
Rómverjar og Marx
Trier er um margt merkileg borg,
enda hefur ýmislegt skeð á tveimur
árþúsundum. Einkenni borgarinnar
er borgarhliðið, Porta Negra, sem
nú á tímum er að vísu inni í miðri
borg. Hlið þetta reistu Rómvetjar,
en því miður voru þeir orðnir einum
of öruggir með sig svo þeir höfðu
aldrei fyrir því að fullgera það.
Þessi sjálfsánægja kom þeim auð-
vitað í koll síðar meir, því hálfkarað
borgarhlið kemur að litlu gagni á
ófriðartímum.
Það virðist vera einkenni á þeirri
ágætu borg Trier að menn hafa
með ærinni fyrirhöfn reist myndar-
legt steinhús á einum stað, rifið
það, byggt upp aftur á öðrum st.að,
rifíð það, gefíð steinhrúguna ein-
hvetjum öðrum sem notaði hana til
að byggja öðruvísi hús, sem var
riftð og hrúgan notuð til að byggja
upprunalega húsið á þeim stað þar
sem það var fyrst! Þetta er e.t.v.
Borgarhliðið í Trier, Porta Negra.
í Freiburg má víða sjá skemmtilegar, þröngar götur. Hérna gefur
að líta sannkallaða „Lækjargötu“.
eitthvað orðum aukið, en iðni Tri-
erbúa við gijótflutninga hefur samt
verið með ólíkindum, ef marka má
orð leiðsögumanns. Þó er ótrúlega
mikið til af vel varðveittum húsum
í borginni og þar er meðal annars
að finna leifar af rómversku baði.
Þá er einnig fróðlegt að líta við í
húsinu sem Karl Marx fæddist í,
en það hefur nú verið gert að safni
þar sem er að finna ýmsan fróðleik
um manninn.
Rómantskur háskóla-
bær
Heidelberg heitir önnur þýsk
borg, ekki ófrægari en Trier. Borg-
in er þekktust fyrir háskólann sem
þar er og er sá elsti í Þýskalandi,
stofnaður fyrir rúmum 600 árum.
Elsti hluti borgarinnar er mjög fal-
legur og yfir henni gnæfir stór og
mikill kastali. Kastalann er fróðlegt
að heimsækja, þó ekki sé nema til
að fræðast um dverginn Perkeo.
Dvergur þessi gætti vínbirgða kast-
alans, meðal annars vínámu sem
tekur hvorki meira né minna en
tæpa 222 þúsund lítra. Slíkur forði
mundi eflaust nægja á allnokkur
þorrablót, en kastalabúar drukku
yfirleitt 2000 lítra af víni á dag
Perkeo var sjálfur mikill drykkju-
bolti og lést eftir að hafa dreypt
af misgáningi á vatnsglasi.
Ferðalöngum er hér með eindreg-
ið ráðlagt að fara eftir „heimspek-
Fræðslufund-
ur um gæða-
stjórnun
Gæðastjórnunarfélag íslands
heldur fræðslufund um stjórnun
gæða að Hótel Esju fimmtudag-
inn 5. mars og hefst hann kl.
15.00.
Gunnar H. Guðmundsson frá
Ráðgarði og Haukur Alfreðsson frá
Iðntæknistofnun, segja frá hug-
myndum og aðferðum við stjórnun
gæða. Lýst verður helstu þróunar-
leiðum fyrirtækja og kynnt m.a.
gæðakerfum og gæðahandbók.
Jafnframt verður sagt frá fræðslu
sem í boði er á þessu sviði.
Eiríkur Þorsteinsson frá Iðn-
tæknistofnun mun fjalla sérstak-
lega um þær aðferðir sem notaðar
hafa verið í tréiðnaðarfyrirtækjum.
Fundurinn er öllum opinn.

Höföar til
.fólks í öllum
starfsgreinum!
4
fc