Morgunblaðið - 30.07.1987, Blaðsíða 21

MORGUNBLAÐIÐ, FIMMTUDAGUR 30. JÚLÍ 1987
21
Hafsteinn Þorvaldsson
„Þannig eru landsmótin
og eiga að vera, þ.e.a.s.
að þau vaxi að fjöl-
breytni og glæsibrag og
sýni alþjóð hversu ung-
mennaf élagshreyfingin
er megnug.“
Iþróttakeppni lands-
mótsins giæsilegri en
nokkru sinni fyrr
Óhætt mun að fullyrða að fag-
mannlegur undirbúningur og
framkvæmd íþróttakeppninnar bar
af því sem áður hefur verið.
Framganga íþróttafólksins og
hinna ýmsu sýningarhópa, inn-
lendra sem erlendra vakti líka mikla
athygli. Aralangur undirbúningur
og þjálfun keppnisfólks úr öllum
héruðum landsins kom nú berlega
í ljós. Fjöldaþátttakan og keppnis-
gleðin blómstraði sem fyrr á
landsmótum og nær þar fátt sam-
jöfnuði á kappmótum hérlendis.
Hápunktur allrar gleðinnar sem
ríkti á landsmótinu, var svo ís-
lands- og Norðurlandamet afreks-
mannsins Einars Vilhjálmssonar
spjótkastara, þegar hann kastaði
spjótinu 82,96 m undir dynjandi
lófaklappi þúsunda áhorfenda í sól-
inni norður á Húsavík. Nokkuð sem
ekki gleymist í bráð. Keppnin í
knattleilqunum, sundinu og fjöl-
mörgum öðrum íþróttagreinum var
nú jafnari og skemmtilegri en oft
áður.
Starfsíþróttakeppnin er líka vin-
sæl meðal þátttakenda og áhorf-
enda og gert var í því á Húsavík
að áhorfendur gætu fylgst með
keppninni. Víkingaleikarnir voru
skemmtileg tilbreytni og vöktu
verðskuldaða athygli svo og fjöldi
dagskráratriða og sýningargreina
sem voru nú í fyrsta skipti á lands-
móti. Þannig eru landsmótin og eiga
að vera, þ.e.a.s. að þau vaxi að fjöl-
breytni og glæsibrag og sýni alþjóð
hversu ungmennafélagshreyfingin
er megnug.
Landsmótin fjöregg
UMFÍ
19. landsmótið heyrir nú söguni
til og undirbúningur þegar hafinn
að næsta móti sem verður eftir
þijú ár.
Allir sem nutu þess að vera á
Húsavík þessa eftirminnilegu sum-
ardaga í júlí, hljóta að hafa fengið
aukna trú á lífið og tilveruna.
Allt það mikla félagslega- og
íþróttalega starf sem að baki liggur
slíkri framkvæmd, hlýtur að vitna
um öfluga félagsmálahreyfíngu,
sem jafnframt því að halda í heiðri
hefðbundnum þáttum í framkvæmd
landsmótanna, kýs að sækja fram
og laða starfsemina að nýjum tíma
og tækni. Þannig verður ung-
mennafélagshreyfíngin síung.
Fjöreggið verður nú í höndum
félaga úr Ungmennasambandi Kjal-
amesþings (UMSK) sem áformar
að halda 20. landsmót UMFÍ eftir
þijú ár.
Þakkir og árnaðaróskir
Fjölmiðlum í landinu ber að þkka
mikilsverðan stuðning og góða
umfjöllun um mótið.
Undirritaður leyfír sér að lokum,
fyrir ótilgreindan fjölda ungmenna-
félaga og landsmótsgesta, að óska
HSÞ, Húsvíkingum og Suður-Þing-
eyingum öllum til hamingju með
vel heppnaða landsmótsfram-
kvæmd, sem lengi mun í minnum
höfð. Við þökkum frábærar móttök-
ur og fyrirgreiðslu á Húsavík, sem
um margt boðar tímamót í fram-
kvæmd landsmótanna.
Við vonum heilshugar að skapara
vorum þóknist áfram að blessa
þessa viðamiklu framkvæmd til
heilla fyrir land og lýð.
Höfundur er fyrrverandi formað-
ur UMFÍ.
VARTAN
VŒ) AUSTURVÖLL
eftirHrafn
Gunnlaugsson
Þessa borg prýða nokkrar falleg-
ar byggingar, svo eru aðrar sem
eru eins og vörtur í fögru andliti.
Misjafn er smekkur manna, en nú
fínnst mér eins og ein slík varta sé
í fæðingu við Austurvöll: Nýja al-
þingishúsið.
Það er gott og blessað að al-
þingismenn vilji halda sínu striki,
en að láta reglustriku og skapalón
ráða ferðinni þegar skipuleggja á
hjarta þessarar borgar er full mik-
ið af því góða.
Því miður er sú teikning sem
hefur orðið fyrir valinu að nýju
alþingishúsi, enn eitt dæmið um
það, að fegurðarskyn og tilfínning
fyrir mannlegu umhverfi, virðist
látin víkja fyrir „hagkvæmnissjón-
armiðum".
Mér segir svo hugur að þegar
vartan tekur að vaxa og ekki verð-
ur snúið við, muni rísa við Austur-
völl einhver ósköpulegasi kumbaldi
allrar samanlagðrar byggingar-
sögu þessa lands. Er enginn meðal
okkar þingkjömu fulltrúa sem hef-
ur í sér döngun til að forða þessu
slysi? Ætlum við endanlega að
eyðileggja þann miðbæ sem gerir
þessa borg að bústað fyrir lifandi
Hrafn Gunnlaugsson
fólk? Á þursunum að takast að
vinna endanlega að því, að ekki
finnist mannaþefur í steinsteypu-
hellum þeirra? Ætla þeir menn,
sem byggja þetta hús, að reisa sér
bautastein til ævarandi ósæmdar,
handa komandi kynslóðum?
Höfundur er kvikmyndaleik-
stjóri og rithöfundur. Hann er
jafnframt varaforseti Banda-
lags íslenskra listamanna og
dagskrárstjóri við Ríkissjón-
varpið.
Ágæti ökumaður!
Þú hefur vafalaust orðið óþægilega var við afleiðingarnar af notkun nagladekkja síðastliðinn vetur.
Nagladekkin hafa skilið eftir sig slit á götum borgarinnar. Hættuleg og óþægileg hjólför hafa myndast mjög víða. Vegna þessa
er óhjákvæmilegt að framkvæma verulegar endurbætur á gatnakerfinu. Við biðjum þig þvi að aka varlega og taka alla aukakróka,
sem eru óhjákvæmilegir vegna þessara framkvæmda, með þolinmæði og brosi á vör.
Umferðartafir og lokanir verða tímabundið á eftirtöldum götum á næstunni:
Hringbraut, Miklabraut, Laugavequr, Suðurlandsbraut, Reykjanesbraut.
Við biðjum þig að fylgjast vel með tilkynningum í útvarpi varðandi tímasetningu viðgerðanna. Þannig getur þú skipulagt ferðir
þínar betur og aðstoðað okkur við viðgerðirnar.
, .. . ?!i Gatnamálastjóri
Við óskum þér alls hins besta í umferðmm. tjp
NAGLARNIR EYÐA GÚTUM BORGARINNAR