Morgunblaðið - 15.08.1987, Page 18

18
MORGUNBLAÐIÐ, LAUGARDAGUR 15. ÁGÚST 1987
Úr Hollandsferð GÍ:
Háskólagarður-
inn 1 Utrecht
Laugardaginn 2. maí fórum við
ferðafélagamir úr GI að skoða
jurtagarð háskólans í Utrect. Þar
tók á móti okkur forstöðumaður
jurtagarðsins og er hann jafnframt
yfirmaður sinnar deildar við háskól-
ann. í fylgd hans skoðuðum við
þann hluta garðsins þar sem rækt-
aðar eru steinhæðaplöngur (fjalla-
plöntur) frá öllum heimsálfum.
Verið er að breyta garðinum til að
ná sem líkustum jarðvegi og lands-
lagi er hentar plöntunum og er
þeim eðlilegt. Ekki geta þeir samt
búið til há fjöll, en með aðstoð gam-
als borgarvirkis komast þeir ótrú-
lega hátt þar sem stór hluti
„fjallsins" er undirstaða þess. Virk-
ið er svo að innan notað í þágu
háskólans í friðsamlegum tilgangi.
En af stað — á eftir prófessomum
upp hæðina. Fyrst bar fyrir augu
blómstrandi, smávaxnar alparósir í
sterkbleikum lit, varla að sæist í
grænt laufíð fyrir blómskrúði.
Prímúiur í öllum regnbogans litum
(ætli mínar verði svona fallegar?).
Úpp, upp, hvað var nú þetta fallega
gula? Cotyledon var kallað aftur
eftir röðinni (og ég sem aldrei hef
nennt að læra latnesku nöfnin),—
þá er bara að reyna fyrir sér með
fræsáningu næsta vor. Undarlegt
hvað það getur verið bratt upp
þessa „litlu" hæð. Stöðugt heyrðist
kallað: Hvað er þetta? Og alltaf
fékkst svar á latínu, oft fylgdi þó
íslenska nafnið með: skógarblámi,
villitúlípanar, krókusar, anemónur,
vepjuliljur, lævirkjaspori, rósalauk-
ur og ótal margt fleira. Mikið var
af blómstrandi runnum, svo sem
snækvistur, síberíukvistur, töfratré,
gullsópur, og alparósir stærri en
þær sem fyrst heilluðu alla, sígrænn
gróður. Ýviður (taxus) margskonar
og furur af öllum stærðum og gerð-
um. Að ekki sé minnst á burknana,
sem kúrðu sig inn á milli kletta við
fossinn, því auðvitað var þama hjal-
andi lækur og vatn með sínu
fuglalífi og voru fuglamir þar í
óðaönn að útbúa sér bústað við
árbakkann eða í hólma í vatninu.
Þegar niður fyallið var komið blöstu
við blómstrandi kirsubeijatré í mis-
munandi bleikum lit ásamt magn-
olíum, yfir þessu gnæfði röð af
hrossakastaníu með sín ljósgrænu
blóm.
Þá var komið að kennslureitun-
um, en þar em allar plöntutegundir
sem ræktaðar em í garðinum vel
merktar. Þar geta svo nemendur
komið og fengið sér sprota eða
hvað sem þeir annars þurfa af
plöntunni til tilrauna, því verklegt
nám þeirra fer að hluta til fram
þama í garðinum. Því vilja þessar
plöntur verða ansi rytjulegar. Þegar
leiðsögninni var lokið fengum við
hálfa klst. til þess að kanna betur
það sem hver og einn hafði áhuga
að að skoða. Allir út um allt! —
Þegar komið var í rútuna aftur
var haldið í barrtijágarðinn Pinet-
um Blijdentum í Hilversum. Því sem
þar bar fyrir augu get ég ekki lýst.
Þið kannið hann bara sjálf þegar
næst verður farið til Hollands.
Ingibjörg Steingrímsdóttir.
SÚ NÝJA OG GLÆSILEGA í HAFNARFIRÐI
Hefur þú prófað Súperstöð ESSO við Lækjargötu í
Hafnarfirði. Þar leggjum við áherslu á mjög fjölbreytt
vöruúrval og alla venjulega þjónustu bensínstöðva, auk
sjálfsalaþjónustu allan sólarhringinn. En það er líka
sitthvað annað í boði:
• Bílaþvottur í fullkominni þvottastöð.
Völ er á 13 mismunandi þvottakerfum.
• Þjónustuskýli. Þar er vatn, loft, olíusuga og ryksuga
undir einu þaki, bíleigendum til hægðarauka.
Það er enginn krókur aö koma við á Súperstöðinni
-það er þérogbílnum í hag.
Olíufélagið hf
Lækjargötu 46 - Hafnarfirði - Sími 651988
Þörungavinnslan
á Reykhólum:
Rekstrar-
áætlanir
standast
Miðhúsum, Reykhólasveit.
REKSTUR Þörungavinnslunnar
á Reykhólum hefur gengið vel í
sumar. Fyrirtækið hefur selt
þangmjöi til Finnlands og Skot-
Iands og hafa allar rekstaráætl-
anir staðist.
í samtali við Kristján Þór Krist-
jánsson, forstjóra Þörungavinnsl-
unnar, sagði hann að verksmiðjan
hefði gengið vel í sumar. Öflun
hefði gengið vel og sala á þang-
mjöli væri í góðu lagi. — Búið er
að selja 1000 tonn til Finnlands en
þeir nota þangmjölið til snefilefna-
gjafa fyrir húsdýr. Einnig eru
Skotar búnir að kaupa 1000 tonn
og er þegar búið að afgreiða 500
tonn af þangmjöli til þeirra. Allar
rekstraráætlanir hafa staðist og
hægt hefur verið að standa í skilum
við alla skuldunauta og erj því all-
ir ánægðir hvað þá hlið varðar,
sagði Kristján. Ennfremur sagði
Kristján að nú væri að hætta fullt
af fólki og væri það aðallega skóla-
fólk sem væri á förum. Hinsvegar
væri erfitt að reka verksmiðjuna
með tíðum mannaskiptum, sagði
Kristján að lokum.
— Sveinn