Morgunblaðið - 22.08.1987, Blaðsíða 33

MORGUNBLAÐIÐ, LAUGARDAGUR 22. ÁGÚST 1987
33
AKUREYRI
Iðnsýning 1987:
Morgunblaðið/KJS
Bakarameistaramir Birgir Snorrason, Snorri Kristjánsson og Júlíus
Snorrason, en þeir era jafnframt eigendur þess.
Krisljáns bakarí
opnar Konditorí
KRISTJÁNS bakari opnar í dag
nýtt Konditori bakarí við Hrisar-
lund 3, en á þessu ári er haldið
upp á 75 ára afmæli þess.
„Kostnaður við viðbygginguna
verður á bilinu 12-15 milljónir króna,
en hún hefur verið umtöluð og um-
deild, og vakið athygli, sem er bara
af hinu góða,“ sagði Snorri Kristjáns-
son, sem er eigandi bakarísins ásamt
sonum sínum. „Við höfum reynt að
leggja talsvert í innréttingar, en þær
eru allar úr marmara, og gefst fólki
kostur á því að kaupa veitingar þama
og neyta þeirra innandyra.
Snorri sagði að með sanni mætti
segja að bakaríið hefði tekið stakka-
skiptum á þeim 75 árum síðan það
var stofnað, en til að byija með var
það rekið í litlum kjallara en væri
nú komið í 1.900 fermetra húsnæði.
Mjólkursamlagssvæði KEA:
Bændur að minnka
mj ólkurinnlagnir
ÞEIM bændum fer nú fjölgandi
dag frá degi á mjólkursamlags-
svæði KEA sem framleitt hafa
mjólk umfram fullvirðisréttinn og
hættir eru að leggja inn mjólk.
„Það stefnir allt í að heildarmjólk-
urframleiðslan á svæðinu verði ekki
nema um 1,3 milljónir lítra en á tíma-
bili virtist sem hún yrði 300 þúsund
lítrum meiri," sagði Þórarinn Sveins-
son, mjólkursamlagsstjóri í samtali
við Morgunblaðið. „Af þeim rúmlega
250 bændum sem eru á svæðinu eru
20 hættir að leggja inn mjólk og fer
þeim fjölgandi með hveijum deginum
sem líður, auk þess sem greinilegt
er að margir bændur hafa dregið
saman mjólkurinnlagnir og þá jafnvel
gefíð mjólkina kálfunum. Framleiðsl-
an í ágústmánuði hefur því dregist
meira saman en ég hélt að hún myndi
gera. Reyndar hafa sumir þeir sem
á tímabili voru hættir að leggja inn
mjólk fengið keyptan kvóta og þvi
hafíð mjólkurinnlagnir á ný, en ann-
ars eru bændur nú allmargir komnir
fram yfir fullvirðisréttinn," sagði
Þórarinn að lokum.
Morgunblaðið/Sverrir
Blús í Mývatnssveit
Þýski tónlistarmaðurinn og flakkarinn Hans, sem hefur viður-
nafnið Blues and Boogie, er nú á ferð um Norðurland. Hann
hélt tónleika í Hótel Reynihlíð sl. fimmtudags- og föstudags-
kvöld og þar var þessi mynd tekin. Hans syngur blús og
blautlegar vísur og er megnið af þvi frumsamið af honum,
byggt á eigin reynslu.
I kvöld leikur Hans í Hótel Húsavík, á sunnudag verður hann
í Hótel Blönduósi, á mánudag í Vertshúsinu á Hvammstanga og
á þriðjudag í Sæluhúsinu á Dalvík.
Rúmlega 40 fyrirtæki
taka þátt í sýningnnni
UNDIRBÚNINGUR fyrir iðnsýninguna sem haldin verður í íþrótta-
höllinni í tilefni 125 ára afmælis Akureyrar er nú vel á veg kominn
og fyrirtækin sem taka þátt í henni i þann mund að koma upp sýn-
ingarbásum sinum. Rúmlega 40 norðlensk fyrirtæki munu sýna
afurðir sínar þar og mun áreiðanlega kenna ýmissa grasa í sýningar-
básunum í íþróttahöllinni.
Þorleifur Þór Jónsson er fram-
kvæmdastjóri Iðnsýningarinnar og
sagði hann í samtali við Morgun-
blaðið að undirbúningur fyrir hana
hefði hafist í mars með því að fyrir-
tækjum norðanlands hefði verið
skrifað bréf, þar sem hugur þeirra
til þátttöku í sýningunni var kann-
aður, og var hann greinilega mikill
því þátttökulistinn var fullskipaður
nær strax.
„íþróttahöllin þótti strax kjörinn
vettvangur fyrir sýninguna, og í
sumar hefur verið unnið að frá-
gangi í kringum hana og hún m.a.
máluð að utan þannig að segja má
að hún verði hinn ákjósanlegasti
sýningarstaður," sagði Þorleifur.
„Inni í höllinni verða 38 fyrirtæki
með sýningarbása fyrir sínar afurð-
ir og á útisvæðinu verða fimm
fyrirtæki með sýningaraðstöðu.
I vikunni var síðan hafíst handa
við að koma sýningarbásunum upp
og nú er allt tilbúið fyrir fyrirtækin
að hreiðra þar um sig,“ sagði hann.
Iðnsýningin verður einhver
stærsta sýning sem haldin hefur
verið hér norðanlands, og einnig sú
lengsta, en hún mun standa í tíu
daga samfleytt. Fram til þessa hafa
sýningar af þessu tagi einungis
staðið yfir eina helgi.
„Þetta er a.m.k. í fyrsta sinn sem
svona stór sýning er haldin í svona
langan tíma,“ sagði Þorleifur, og
kvað sýninguna, sem haldin hefði
verið úti undir berum himni í Hafn-
arstræti á 100 ára afmæli bæjarins,
viðameiri en þessa. „Það verður
reynt að bjóða upp á ýmis skemmt-
iatriði á sýningunni, sérstaklega á
kvöldin, og er meiningin að vera
með tískusýningar, tónlistarflutn-
ing þar sem Stórsveit Iðnsýningar-
Síðustu
sumartón-
leikarnir
SÍÐASTA sumartónleikaröðin
verður nú um helgina er þau
Laufey Sigurðardóttir, fiðluleik-
ari, og Richard Talkowsky,
sellóleikari, flytja dúó fyrir þessi
hljóðfæri í Akureyrarkirkju,
Húsavíkurkirkju og Reykjahlíð-
arkirkju.
Laufey lauk einleikaraprófi frá
Tónlistarskólanum í Reykjavík hjá
Bimi Ólafssyni árið 1974 og síðan
hélt hún til framhaldsnáms í Boston
í Bandaríkjunum. Þar lagði hún
stund á fíðluleik hjá prófessor
George Neikrug, sem einnig var
aðalkennari Talkowskys, sem lauk
BA-prófí frá skólanum árið 1975.
Þau Laufey og Talkowsky hafa
spilað saman áður, m.a. í Banda-
ríkjunum, á Spáni, þar sem Talkow-
sky er búsettur, og hér á íslandi. Á
efnisskránni eru verk eftir Giord-
ani, Haydn, Kodaly og Jón Nordal.
Tónleikamir á Akureyri hefjast
klukkan 17 á sunnudag, á Húsavík
klukkan 20.30 á mánudag og í
Reykjahlíðarkirkju klukkan 20.30 á
þriðjudag. Aðgangur að tónleikun-
um er ókeypis.
innar kemur fram og Michael Clark
og hljómsveit, og svo ætlum við að
bjóða gestum upp á það að fara í
heimsóknir í ýmis fyrirtæki í bæn-
um þar sem hægt verður að kynnast
því hvernig framleiðslan fer fram
og afurðimar verða til.
Ég er ekki farinn að átta mig á
því fullkomlega hvemig sýningin
mun koma út fjárhagslega; það fer
náttúrlega eftir aðsókninni, en ég
held að heildarveltan í sambandi
við sýninguna verði í kringum 2,5
milljónir króna. Það búa nú um 20
þúsund manns á öllu Eyjafjarðar-
svæðinu og ég hef svona leikið mér
að því að giska á að í kringum 3.000
fullorðnir borgi sig inn og 2.000
krakkar, en það eru tölur úr lausu
lofti gripnar og vitanlega mun þetta
ráðast mikið af veðri,“ sagði hann
að lokum.
Iðnsýningin verður opnuð af iðn-
aðarráðherra daginn fyrir afmælið,
28. ágúst, og stendur hún fram til
6. september. í tengslum við sýn-
inguna verður svo haldin ráðstefna
um iðnaðarmál í ráðstefnusalnum,
'Skipagötu 14, sama dag og sýning-
in hefst.
Morgunbl aðið/KJ S
Þorleifur Þór Jónsson, framkvæmdastjóri Iðnsýningarinnar, fyrir
framan íþróttahöllina þar sem sýningin fer fram.
VIÐSKIPTAVINIR
ATHUGID!
Við erum fluttir í nýtt húsnæði
v/Laufásgötu
VIÐ EIGUM Á LAGER:
Handfærabúnað • línubúnað •
togveiðibúnað • rækjuveiðibúnað •
og margt fleira
HÖFUM UMBOÐ FYRIR:
Hampiðjuna, Vélsmiðjuna Odda, Plastein-
angrun, J. Hinriksson, Fram (keðjur),
Moririn (net), Engel (flotvörpurogjiet).
SANDFELL HF
v/Laufásgötu, Akureyri, sími 96-26120.
Strandvegi 77, Vestmannaeyjum, sími 99-2975.
Suðurtanga, ísafirði, sími 94-3500