Morgunblaðið - 22.08.1987, Blaðsíða 37

MORGUNBLAÐIÐ, LAUGARDAGUR 22. ÁGÚST 1987
37
Afmæliskveðja:
Guðmundur Kr.
Sigurðsson
Guðmundur minn, þú fyrirgefur
framhleypnina. Við bridgemenn
eigum það til að taka „sjensinn"
(ef hann gefst...) og stöndum
eða föllum með ákvörðuninni.
Sumum tekst að láta drauminn
rætast, en öðrum mistekst.
Bridgekeppnin sjálf, er í raun ekk-
ert annað en endurspeglun lífins
og á löngum ferli þínum í bridge-
hreyfingunni, samofinn starfi
Bridgesambands íslands frá upp-
hafi, held ég að þú hafir uppgötvað
þann sannleik. Og lagt þitt af
mörkum.
Guðmundi kynntist ég fyrir
rúmum fímmtán árum. Það er
ekki langur tími í lífssögu, en ég
veit að mér fyrirgefst sökum
æsku. Þá var Guðmundur aðalsp-
rautan í stjómun hér á landi og
hafði verið um árabil. Snöggur upp
á lagið og ekki allra. Fádæma
reikningsglöggur og til fyrirmynd-
ar allur frágangur á því pappírs-
fargani sem fylgir okkur
bridgemönnum. Og ég, strákpatti,
að stíga mín fyrstu spor í keppnis-
bridge hafði dulítinn ótta af
þessum rómsterka manni, sem
sífellt var að skipta sér af hlutun-
um. Orð hans voru lög og vei þeim
sem möglaði. Það var með ólíkind-
um hvað karlinn komst yfír. En
allt þetta átti eftir að breytast og
segir ekki lögmálið, að mennimir
breytist með? Ég fór sjálfur að
hafa bein afskipti af félagslegu
hlið bridgemála og alhliða stjóm-
un. Þar var Guðmundur mín
hjálparhella, ætíð reiðubúinn að
lána einstakt safn sitt af merki-
miðum eða töflum, eða gefa góð
ráð. Við sem stöndum enn í félags-
starfinu emm heppnir að hafa
haft Guðmund Kr. Sigurðsson að
samferðamanni.
Til em margar sögur af Guð-
mundi, enda maðurinn meinfynd-
inn á eigin kostnað yfirleitt. I eitt
skiptið man ég, að Guðmundur var
í spilarasæti þegar einhvem vant-
aði og í andstöðunni var m.a.
undirritaður. Eitthvað fór ég illa
með Guðmund í spilinu og skap-
maður eins og hann var ekki sáttur
við útkomuna. „Þú spilar eins og
sofandi næturvörður, drengur,“
sagði hann við mig. Ég reyndi að
réttlæta spilamennskuna (ég var
á fermingaraldri er þetta átti sér
stað) en Guðmundur hristi hausinn
og kvað endanlega uppúr: „Svona
gera þeir víst í Kópavoginum.“
Og ekki meira um það.
Það merkisár í sögu bridge-
hreyfingarinnar 1985 skeði það
að Guðmundur Kr. Sigurðsson gaf
Bridgesambandi íslands íbúð sína
að Hátúni í Reykjavík. Litlu seinna
festu Bridgesambandið og
Reykjavíkurborg kaup á húsnæði
að Sigtúni 9 í Reykjavík. Gamall
draumur margra varð að veruleika
og Guðmundur braut blað í sögu
bridge hér á landi. Hans framlag
verður aldrei fullþakkað svo lengi
sem bridge lifír hér á landi.
Um þetta framlag Guðmundar
þarf ekki að fara mörgum orðum.
Enda leiðast honum langlokur.
Guðmundur dvelst þessa dag-
ana við Álftavatn í boði Lands-
banka íslands en þar vann hann
til margra ára. Hefur sú stofnun
gert vel við Guðmund og til fyrir-
myndar í okkar hraða samfélagfi
þar sem manngildið virðist á und-
anhaldi en önnur ógildi hafin til
vegs.
Guðmundur Kr. Sigurðsson er
heiðursfélagi Bridgesambands ís-
lands, Bridgefélags Reykjavíkur,
Bridgefélags Skagfirðinga í
Reykjavík og Breiðfirðinga i
Reykjavík og einn af hvatamönn-
um Bridgesambands Reykjavíkur.
Fyrsta keppnin sem hann stjómaði
var hjá Bridgefélagi Reykjavíkur
1949 (27 sveita keppni) þannig
að ferill hans spannar hátt í 40
ár, því enn er hann að. Árlega eru
haldin Guðmundarmót víðs vegaiT'
um landið og enn er leitað til
Guðmundar. Á Bridgehátíðum
tekur hann gjaman að sér viðvik,
ef hægt er að narra hann frá þátt-
töku og í sumarbridge á hann sitt
fasta sæti hvert kvöld, utan þá
daga sem hann dvelur erlendis á
hverju sumri. Minn maður, Guð-
mundur Kr.
Guðmundur Kr. Sigurðsson, þú
afsakar enn á ný framhleypnina í
mér. Ég þykist vita allt um óbeit^.
þína á svona löguðu, en í okkar
litla landi þar sem allir þekkjast,
þykir það kurteisi að heiðra mann-
fólkið á vissum tímamótum.
Dagurinn i dag, 22. ágúst 1987,
eru þannig tímamót í lífí þínu að
Bridgesamband íslands, sem á þér
svo mikið að þakka, gat ekki látið
sem ekkert væri.
Lifðu heill vinur.
Ólafur Lárusson
framkvæmdastjóri Bridge-
sambands íslands
Afmæliskveðja:
Guðmimdur Guðleifsson 80 ára
Hildegard Guðleifsson 60 ára
Guðmundur Guðleifsson
fæddur 22. ágúst 1907
Hildegard Guðleifsson
fædd 2. júlí 1927
Við undirrituð viljum minnast
þessara sæmdarhjóna með örfáum
orðum á þessum merku tímamótum
og þakka þeim fyrir góð kynni. Þau
bjuggu á Langsstöðum í Flóa til
ársins 1974 er þau fluttu út á Sel-
foss.
Það var fyrir rúmum 30 árum
að kynni okkar hófust og gleymast
þær stundir ei. Það er margs að
minnast og margt getur skeð þegar
ungmenni hittast á ókunnum stað.
Og ekki fannst okkur nú Flóinn
fallegur þegar við sáum hann fyrst
— en þar sem gott fólk er, er gott
að vera enda urðu sumrin okkar
mörg á Langsstöðum. Guðmundur
var og er mjög bamgóður og hann
misnotaði ekki sitt starfsfólk, enda
hafði hann sömu krakkana ár eftir
ár.
Hilde og Guðmundur eru mjög
félagslynd og góð heim að sækja
Birting af-
mælis og
minningar-
greina
Morgunblaðið tekur af-
mælis- og minningargreinar
til birtingar endurgjaldslaust.
Tekið er við greinum á rit-
stjórn blaðsins á 2. hæð í
Aðalstræti 6, Reykjavík og á
skrifstofu blaðsins í Hafnar-
stræti 85, Akureyri.
Athygli skal á því vakin, að
greinar verða að berast með
góðum fyrirvara. Þannig verður
grein, sem birtast á í miðviku-
dagsblaði að berast síðdegis á
mánudegi og hliðstætt er með
greinar aðra daga.
í minningargreinum skal hinn
látni ekki ávarpaður. Ekki eru
tekin til birtingar frumort ljóð
um hinn látna. Leyfílegt er að
birta ljóð eftir þekkt skáld, 1—3
erindi og skal þá höfundar get-
ið. Sama gildir ef sálmur er
birtur. Meginregla er sú, að
minningargreinar birtist undir
fullu nafni höfundar.
enda vinimir margir. Og ekki er
síðra að koma til þeirra að Lyng-
heiði 15, en var á Langsstöðum,
ávallt glaðværð í fyrirrúmi og svo
er gaman að spjalla við þau um liðna
tíð því með þetta mörg ár að baki
er margs að minnast.
Við teljum að með komu Hilde
að Langsstöðum hafi opnast nýr
heimur fyrir Guðmund. Þau eignuð-
ust þrjú böm sem öll búa á Selfossi
og nú em bamabömin orðin 7.
Það er svo margs að minnast frá
dvöl okkar á Langsstöðum, að það
væri nánast að gera upp á milli
atburða að nefna eitthvað eitt frem-
ur en annað. En það ber að þakka
þessum ágætu hjónum samveruna
á Langsstöðum árin sem við vomm
þar fyrir rúmum 30 ámm.
Elsku Hilde og Guðmundur, við
óskum ykkur alls hins besta á kom-
andi ámm. Ykkar lífsglöðu kaupa-
krakkar.
Óli, Silla og Gugga.
ÁSKIRKJA: Guðsþjónusta kl. 11.
Sr. Árni Bergur Sigurbjörnsson.
BREIÐHOLTSPRESTAKALL:
Guðsþjónusta í Breiðholtsskóla
kl. 11. Organisti Daníel Jónsson.
BÚSTAÐAKIRKJA: Messa kl. 11.
Fermdur verður Karl Rúnar Karls-
son frá Bandaríkjunum, staddur
á Sogavegi 220. Organisti Jónas
Þórir. Sr. Ólafur Skúlason.
DÓMKIRKJAN: Messa kl. 11.
Dómkórinn syngur. Organisti
Marteinn Hunger Friðriksson. í
lok messunnar verður stutt ferm-
ingarathöfn og altarisganga.
Fermdir verða: Ragnar Karl Stef-
ánsson, Laugalæk 36 og Trausti
Hafsteinsson, Bröttugötu 3. Flutt
verður hátíðatón og leikið á
orgelið í 20 mínútur fyrir mess-
una. Sr. Þórir Stephensen.
ELLIHEIMILIÐ GRUND: Guðs-
þjónusta kl. 10. Sr. Bragi Skúla-
son.
FRÍKIRKJAN f REYKJAVÍK: Al-
menn guðsþjónusta kl. 14.
Ræðuefni: „Nú róttlætist sá sem
trúir". Fríkirkjukórinn syngur.
Söngstjóri og organisti Pavel
Smid. Sr. Gunnar Björnsson.
GRENSÁSKIRKJA: Messa með
altarisgöngu kl. 11. Organisti
Árni Arinbjarnarson. Almenn
samkoma nk. fimmtudag kl.
20.30. UMFH. Allir velkomnir.
Kaffisopi á eftir. Sr. Halldór S.
Gröndal.
HALLGRÍMSKIRKJA: Messa kl.
11. Sr. Ragnar Fjalar Lárusson.
Þriðjudag: Fyrirbænamessa kl.
10.30. Beðið fyrir sjúkum.
LANDSPÍTALINN: Messa kl. 10.
Sr. Ragnar Fjalar Lárusson.
HÁTEIGSKIRKJ A: Messa kl. 11.
Organisti Orthulf Prunner. Sr.
Arngrímur Jónsson.
HJALLAPRESTAKALL: Messa
kl. 14íKópavogskirkju. Dómpróf-
astur, sr. Ólafur Skúlason, setur
sr. Kristján Einar Þorvarðarson
inn í embætti sóknarprests. Nýi
sóknarpresturinn prédikar og
þjónar fyrir altari ásamt sr. Þor-
bergi Kristjánssyni. Organisti
Kjartan Sigurjónsson.
KÓPAVOGSKIRKJA: Guösþjón-
usta í Kópavogskirkju kl. 14 (ath.
breyttan messutíma). Dómpróf-
astur, sr. Ólafur Skúlason, setur
sr. Kristján Einar Þorvarðarson
inn í embætti sóknarprests
Hjallaprestakalls. Hinn nýskipaöi
sóknarprestur prédikar.
LANGHOLTSKIRKJ A: Kirkja
Guðbrands biskups. Guðsþjón-
usta kl. 11. Prestur sr. Bragi
Skúlason. Organisti Jón Stefáns-
son. Sóknarnefndin.
LAUGARNESKIRKJA: Minni á
guðsþjónustu í Áskirkju kl. 11.
Sóknarprestur.
NESKIRKJA: Guðsþjónusta kl.
11. Orgel- og kórstjórn Reynir
Jónasson. Sr. Guðmundur Óskar
Ólafsson.
SELTJARNARNESKIRKJA: Safn-
aðarferð í Skálholt, þar sem sótt
verður messa kl. 14. Lagt verður
af stað frá kirkjunni kl. 10 f.h.
Þátttaka tilkynnist í síma
611550. Sóknarnefnd.
SELJASÓKN: Guðsþjónusta kl.
11 í Ölduselsskóla. Séra Gylfi
Jónsson.
FRÍKIRKJAN f HAFNARFIRÐI:
Guðsþjónusta kl. 11. Orgel- og
kórstjórn Örn Falkner. Einar Eyj-
ólfsson.
DÓMKIRKJA Krists konungs,
Landakoti: Lágmessa kl. 8.30.
Hámessa kl. 10.30. Lágmessa
kl. 14. Rúmhelga daga er lág-
messa kl. 18, nema á laugardög-
um, þá kl. 14.
MARÍUKIRKJA, Breiðholti: Há-
messa kl. 11.
KAPELLA St. Jósefssystra,
Garðabæ. Hámessa kl. 14.
KAPELLA St. Jósefsspítala,
Hafnarfirði: Hámessa kl. 10,
rúmhelga daga er lágmessa kl.
18.
KARMELKLAUSTUR. Hámessa
kl. 8.30, rúmhelga daga er messa
kl. 8.
KFUM og K. Almenn samkoma
á Amtmannsstíg 2b kl. 20.30.
Ræðumenn Sigríður Óladóttir og
Málfríður Finnbogadóttir.
HVÍTASUNNUKIRKJAN Fflad-
elfía. Almenn guðsþjónusta kl.
20.
GARÐA- OG VÍÐISTAÐASÓKN-
IR. Guðsþjónusta í Hrafnistu kl.
11. Garðakórinn syngur. Organ-
isti Þorvaldur Björnsson. Séra
Bragi Friðriksson.
HJÁLPRÆÐISHERINN: Útisam-
koma á Lækjartorgi kl. 16 á
sunnudag og hjálpræðissam-
koma kl. 20.30. Brigader Ingi-
björg Jónsdóttir talar.
GRINDAVÍKURKIRKJA: Messa
kl. 11. Næstkomandi þriðjudags-
kvöld kl. 20.30 verður bænasam-
koma. Kaffi á eftir. Sér Örn
Báröur Jónsson.
HAFNARFJARÐARKIRKJA:
Guðsþjónusta kl. 11. Organisti
Helgi Bragason. Séra Gunnþór
Ingason.
SIGLUFJARÐARSÖFNUÐUR:
Guðsþjónusta að Vík í Héðinsfirði
sunnudaginn 23. ágúst. Lagt
verður af stað frá bátahöfninni
kl. 10. Komið vel búin. Kirkjukór
og lúðrasveit Siglufjaröar taka
þátt í guðsþjónustunni. Björgun-
arsveitin Strákar mun aðstoða
við lendingu í Héðinsfirði. Séra
Vigfús Þór Árnason.
EGILSSTAÐAKIRKJA: Messa kl.
11. Teo van der Weele frá Hol-
landi predikar. Sóknarprestur.
ÚTSKÁLAKIRKJA: Guðsþjón-
usta verður kl. 14. Séra Hjörtur
Magni Jóhannsson.
KEFLAVÍKURKIRKJA: Messa kl.
10. Kirkjukórar Njarðvíkursókna
syngja. Organisti Gróa Hreins-
dóttir. Séra Þorvaldur Karl
Helgason.
YTRI-NJARÐVÍKURKIRKJA:
Messa kl. 11. Organisti Gróa
Hreinsdóttir. Séra Þorvaldur Karl
Helgason.