Morgunblaðið - 26.08.1987, Blaðsíða 3

3
MORGUNBLAÐIÐ, MIÐVIKUDAGUR 26. ÁGÚST 1987
Morgunblaðið/Sigurður Gunnarsson
ÍJÖKLAFERÐ
MYND þessi var tekin í ferð með Austurleið og Jöklaferðum
upp á Miðfellsegg í um 1200 metra hæð á sunnanverðum Vatna-
jökli. Þaðan er gott útsýni til Hornafjarðar og nærsveita vestan
hans og naut ferðafólkið fagurs útsýnis auk þess sem sprungur
voru skoðaðar.
Norðurlöndin:
Mestur hagvöxtur á
Islandi á þessu ári
Samkvæmt spá hagdeilda iðnrekendafélaganna
HAGVÖXTUR á Islandi verður hæstur á Norðurlöndunum
á þessu ári, að því er segir í ritinu Nordic Economic Outlo-
ok sem gefið er út af hagdeildum iðnrekendafélaganna á
Norðurlöndum.
Samkvæmt ritinu verður hag-
vöxtur á Norðurlöndum innan við
2% á þessu ári samanborið við 2
V2 vöxt í aðilarríkjum Efnahags
og framfarastofnunar Evrópu,
OECD. Mestu munar um lítils-
háttar samdrátt í Danmörku og
lítinn vöxt í Noregi. Gert er ráð
fyrir 4% hagvexti á íslandi og er
sú spá byggð á þeim opinberu
tölum sem lágu fyrir í byijun júlí
en nú er gert ráð fyrir rúmlega
5% aukningu á landsframleiðslu.
Ritið gerir ráð fyrir 3% hagvexti
í Finnlandi, 2,2% í Svíþjóð, 1,8% í
Noregi en '/2 samdrætti í Dan-
mörku. Horfur eru á að hagvöxtur
á Norðurlöndum verði enn minm
árið 1988 en 1987 eða aðeins 1,2%,
einkum vegna áframhaldandi sam-
dráttar í Danmörku og stöðnunar
í Noregi.
Verðbólga á Norðurlöndunum
verður um 5% á þessu ári eða svip-
að og í fyrra og er ekki búist við
breytingu á næsta ári. Verðbólga
verður rúmlega 8% í Noregi á þessu
ári en aðeins 3,5% í Danmörku og
Finnlandi. Spáð er 19% verðbólgu
á íslandi.
í sérkafla um ísland er spá fyr-
ir árið 1988 sem unnin var af
hagdeild Félags íslenskra iðnrek-
enda. Þar er gert ráð fyrir að
hagvöxtur verði 3,1%, verðbólga
verði 15%, þjóðarútgjöld aukist
taisvert og viðskiptahalli verði
áfram talsverður. í skýringum FÍI
segir að þessi spá hafi verið byggð
á lauslegum framreikningi talna
fyrir árið 1987 áður en ný ríkis-
stjórn var mynduð og miðað við
nokkurnveginn óbreyttan sjávar-
afla og útflutning. Framkvæmd
efnahagsstefnunnar komi síðan til
með að hafa talsverð áhrif á fram-
vinduna á næsta ári en ekkert
hafí enn komið fram sem hafi af-
gerandi áhrif á þessa niðurstöðu.
Ef hinsvegar verður farið að tillög-
um fískifræðinga og þorskaflinn
stórlega minnkaður muni hagvöxt-
ur á næsta ári líklega verða lítill
sem enginn og viðskiptahallinn
yrði einnig mun erfiðari viðfangs.
B t,
Konfektbúðin í Krtnglunm er glæsileg sérverslun
með konfekt og annað sælgæti á heimsmælikvafða
Gott fi/rir þig og aðra sem þér þykir vænt utn.
Komdu i Konfektbúðina, þú hefur gott af því.