Morgunblaðið - 10.02.1988, Síða 16

16
MORGUNBLAÐIÐ, MIÐVIKUDAGUR 10. FEBRÚAR 1988
Sýning Hörpu
Björnsdóttur
Myndlist
Valtýr Pétursson
í Gallerí Borg stendur nú yfir
sýning á tuttugu og sjö myndum
eftir unga listakonu, Hörpu
Bjömsdóttur. Hún sýnir eingöngu
myndir gerðar með blandaðri
tækni, flestar unnar í olíu á pappír.
Áferð þessara verka gerir þau dál-
ítið keimlík, og flest eru þau undir
gleri, eins og sagt er á stundum á
máli myndlistarmanna.
Það er éinkennandi fyrir þau
verk, sem sýnd eru að sinni, að
andlit og mannslíkaminn gegna
þar stóru hlutverki. Harpa virðist
leggja aðaláherzlu á þá möguleika,
sem mannslíkaminn býður upp á
i myndrænum skilningi. Teikningin
verður aðalatriði í mörgum þessara
verka, en liturinn er í flestum til-
vikum nokkuð einskorðaður við
ákveðinn skala, sem gengur eins
og rauður þráður í flestum þessara
verka. Það hefði að meinalausu
mátt vera meiri fjölbreytni hvað
þennan þátt varðar, en flestir lista-
menn beita þeim tónum, sem þeim
eru eiginlegastir. Harpa á það til
að vera svolítið rómantfsk á köflum
og gefur það skemmtilega tilbreyt-
ingu í þau snotru verk sem hún
sýnir.
Þetta er ekki veigamikil sýning
í sjálfu sér, en þama má finna
vissa hæfileika og tillitssemi í
meðferð viðfangsefna. Þama er
tekið á mannlegum myndefnum
af alúð og með skilningi.
í dag og næstu daga
bjóðum við ótrúleg
tilboð ó Ijósmynda-
vörum t.d. DIA STONE
12x50 SJÓNAUKA.
verð 4.875
eftir tollalækkun
3.590
verð nú
2.990)
TILBOÐSVERÐ
15% AFSLATTIIR
AF FRAMKÖLLUN
UÓSMYNDABÚOIN
fLauaavegi 118
(vio Hlamm)
TOLVUPRENTARAR

Q PIOIMEER
HUÓMTÆKI
Lennart Iverus
Myndlist
Valtýr Pétursson
Í anddyri Norræna hússins hefur
verið komið fyrir sýningu á verkum
sænska grafíklistamannsins Lenn-
art Iverus. Þar eru sýndar kopar-
stungur, ætingar og teikningar —
allt fyrsta flokks vinnubrögð, bæði
listrænt og tæknilega. Þessi verk
eru öll unnin af einstakri íþrótt og
era margslungin í eðli sínu og við-
fangsefnum. Skáldlegt handbragð
og mikið hugmyndaflug einkenna
bæði teikningar og grafík á þeim
tuttugu og fjóram blöðum, sem til
sýnis eru.
Það fer ekki milli mála, að hér
er mikill kunnáttumaður á ferð, sem
bæði ræður við fyrirmyndir sínar
og hefur vald á dramatískri út-
færslu þeirra viðfangsefna, sem
sækja á hann í það og það skiptið.
Hann nær í sumum verka sinna
undraverðri spennu, sem skapast
af samspili ljóss og skugga, svo að
manni dettur í hug, að gömlu meist-
aramir séu þama á ferð, og er þó
allt unnið á mjög nútímalegan hátt
og samtíð listamannsins sannarlega
hvarvetna til staðar. Það er mikið
af grafíklistamönnum á ferð í
samtíð okkar og margir nokkuð
keimlíkir í verkum sínum. Því kem-
ur sýning sem þessi nokkuð á óvart,
og óneitanlega glaðnar yfír manni
að kynnast jafn snjöllum verkum
og hér um ræðir.
Hér er á ferð einstök sýning, sem
á það sannarlega skilið að eftir
henni sé tekið, og ég skora á lesend-
ur að sækja Norræna húsið heim
og kynnast verkum Lennart Iveras
og óvenjulegum verðleikum þeirra.
Hér á hlut að máli verulega sér-
stæður listamaður, sem fer sínar
eigin leiðir og tekur á hlutunum á
persónulegan og frumlegan hátt,
enda skólaður f úrvals stofnunum
eins og Atelier 17 og Atelier Pried-
lander í París. Það er mikill fengur
að sýningu sem þessari, og ég færi
aðstandendum hennar bestu þakkir.