Morgunblaðið - 28.05.1988, Síða 41

MORGUNBLAÐIÐ, LAUGARDAGUR 28. MAÍ 1988
41
Morgunblaðið/Bjöm Blöndal
Nýbrautskráðir stúdentar frá Fjölbrautaskóla Sudurnesja á vorönn 1988 setja upp stúdentshúfurnar
eftir að hafa tekið við brautskráning-arskírteinum.
Fjölbrautaskóli Suðumesja:
Sjötíu nemendur braut-
skráðust á vorönn
Keflavík.
SJÖTÍU nemendur voru braut-
skráðir frá Fjölbrautaskóla Suð-
urnesja á vorönn 1988. Skólanum
var slitið við hátíðlega athöfn,
sem fram fór i íþróttahúsinu í
Keflavík að þessu sinni, en braut-
skráning hefur farið fram í
byggðarlögunun á Suðurnesjum
til skiptis. Nemendur í Tónlistar-
skóla Njarðvíkur fluttu tónlist
undir stjórn Haraldar Árna Har-
aldssonar skólastjóra.
Nemendur í skólanum voru 941
talsins sem er svipaður fjöldi og á
síðasta ári, 541 stunduðu nám í
dagskóla, 150 voru í öldungadeild
og 250 voru í starfsnámi eða náms-
flokkum. Flestir brautskráðust af
flugliðabraut, en kennslan við þessa
námsbraut fór fram í Reykjavík,
stúdentar voru 19, af tæknisviði
voru 10, 9 luku 2ja ára tækninámi
og 3 skiptinemar iuku prófum frá
skólanum. Kennarar í vetur voru
60 talsins.
Bestum námsárangri náði Oddný
Halldórsdóttir sem lauk stúdents-
prófi úr máladeild og hlaut hún öll
bókaverðlaunin sem veitt voru, auk
þess sem hún hlaut bikar Spari-
sjóðsins í Keflavík fyrir frábæran
námsárangur í íslensku. Oddný
fékk verðlaun fyrir ensku, dönsku,
íslensku, þýsku, frönsku og raun-
greinar og er þetta í fyrsta sinn sem
sami nemandi hlýtur öll þessi verð-
laun við skólann.
Morgunblaðið/Bjöm Blöndal
Þau hlutu viðurkenningar fyrir góðan námsárangur. Lengst til
vinstri er Böðvar Jónsson formaður nemendafélagsins, sem fékk
viðurkenningu fyrir vel unnin störf, við hlið hans er Bjarni G. Bjarna-
son, sem náði bestum árangri flugliða, fyrir miðju er Oddný Hall-
dórsdóttir, sem fékk öll bókaverðlaunin að þessu sinni. Síðan kemur
Helga Sigrún Harðardóttir sem fékk vélritunarbikarinn og lengst
til hægri er Guðbjörg Jónsdóttir sem fékk bókfærslubikarinn.
Ingólfur Halldórsson aðstoðar-
skólameistari flutti yfirlitsræðu um
störf skólans, Böðvar Jónsson for-
maður nemendafélagsins talaði og
Hjálmar Ámason skólameistari hélt
skólaslitaræðu. Þar lýsti hann yfír
áhyggjum sínum vegna sífellt lak-
ari árangurs nemenda sem í aukn-
um mæli ynnu með skólanum og
aukin íþróttaiðkun kæmi greinilega
niður á námsárangri. Hjálmar lýsti
áhyggjum sínum með þessa þróun
og sagði að aðgerða væri þörf.
- BB
Kópavogur:
„Ævintýri og útilíf'“
í SUMAR mun skátafélagið
Kópar, í Kópavogi, standa fyr-
ir námskeiðum, sem bera yfir-
skriftina „Ævintýri og útilíf“.
Námskeiðin eru ætluð 10 — 13
ára börnum og hefjast 6. júní.
í fréttatilkynningu frá Kópum
segir, að markmiðið með nám-
skeiðunum sé að gefa bömum
tækifæri til að kynnast náttúrunni
og reyna sig í leikjum og þrautum.
Farið verður í fjallgöngu, fjöru-
ferð, hjólaferð og hellaferð, veitt
tilsögn í meðferð áttavita, útield-
un, skyndihjálp og hnýtingum.
Hvert námskeið stendur í 5 daga
og lýkur með útilegu. Leiðbein-
endur verða reyndir skátaforingj-
ar.
Námskeiðin standa frá mánu-
degi til föstudags vikumar 6. —
10. júní, 20. — 24. júní og 27.
júní — 1. júlí. Innritað verður 23.
— 27. maí í skátaheimilinu að
Borgarholtsbraut 7.
Símar 35408 og 83033
Hvanneyri:
Skólaslit Bændaskólans
Bændaskólanum á Hvanneyri
var slitið 11. maí sfðastliðinn. 39
nemendur hófu nám í 2. bekk
og tæplega 40 nemendur voru
við nám á fyrra námsári f
Bændadeild. Auk þess eru 9
nemendur við nám f Búvfsinda-
deild skólans.
Alls luku 36 nemendur búfræði-
prófí og bestum árangri náði Jó-
hannes H. Ríkharðsson, Brúnastöð-
um, Fljótum, og hlaut hann verð-
laun Búnaðarfélags íslands fyrir
þann árangur. Allmargir aðrir
nemendur hlutu viðurkenningu
m.a. fyrir góðan árangur í námi
og ástundun.
Skólastarfíð var að mestu með
hefðbundnu sniði. Flestir nemendur
2. bekkjar fóru í viku náms- og
skólaferðalag í byqun desember til
Englands þar sem þeir skoðuðu
m.a. Smithfíeld-landbúnaðarsýn-
inguna.
Síðastliðið haust var tekin í notk-
un ný efnarannsóknastofa sem
starfrækt er á vegum skólans.
Verkefni stofunnar eru m.a. þjón-
ustuefnagreiningar fyrir bændur,
bæði jarðvegs- og heyefnagreining-
ar, auk þess gjörbreyttist aðstaða
til verklegrar kennslu í efnafræði
og skyldum greinum. Þá er í undir-
búningi bygging gróðurhúss sem
einkum er ætlað til tilrauna og sem
kennsluaðstaða fyrir nemendur.
Síðastliðinn vetur var unnið að
umfangsmiklu námskeiðahaldi á
vegum skólans fyrir starfsmenn
landbúnaðarins. Flest námskeiðin
voru ætluð starfandi bændum,
einkum á sviði nýbúgreina. Alls
munu tæplega 300 manns hafa
komið á þessi námskeið.
Nýlega var tekin sú ákvörðun
að Framleiðnisjóður landbúnaðar-
ins styrki þá bændur sem vilja
sækja sér endurmenntun. Tilgang-
ur þessa styrks er m.a. sá að auð-
velda bændum þátttöku á nám-
skeiðin. Telja má því líklegt að
námskeiðahald verði mun stærri
þáttur í starfí Bændaskólans á
Hvanneyri á næstu árum.
Á næsta ári verður minnst 100
ára afmælis Bændaskólans á
Hvanneyri. Unnið er að undirbún-
ingi afmælisins, m.a. er unnið að
útgáfu afmælisrits og átak verður
gert í fegrun umhverfís á staðnum.
(Fréttatilkynningf)
AUSTURBÆR BREIÐHOLT
Stórholt Stangarholt Fornastekkuro.fi.
Meðalholt Óðinsgata Háteigsvegur UTHVERFI
Laugarásvegur21-37 Akurgerði
KOPAVOGUR
Hraunbraut 18-47 ■ GRAFARVOGUR
Kársnesbraut 7-71 Skjólbraut Dverghamrar Logafold
VESTURBÆR Fannafold
Hjarðarhagi 44-64
JMorgwnMa&fó