Morgunblaðið - 27.10.1988, Blaðsíða 28

28
MORGUNBLAÐIÐ, FIMMTUDAGUR 27. OKTÓBER 1988
Líbanon:
Tvær loftárásir
flughers Israels
Perez de Cuellar,
aðalritari SÞ for-
dæmir árásirnar
Sídon. Reuter.
ÍSRAELAR gerðu tvær loftár-
ásir á bækistöðvar Palestínu-
manna i Líbanon í gær. Fyrri
loftárásinni var beint að búðum
frelsissamtaka Palestínumanna
nálægt borginni Sídon. Tals-
maður samtakanna sagði að 15
manns hefðu farist í loftárá-
sinni og 40 manns slasast. Seinni
árásin var gerð á búðir norðan
við bæinn Damour, sem liggur
miðja vegu milli Sídon og Beir-
út. Ekki hefur verið greint frá
dauðsfbllum í kjölfar seinni ár-
ásarinnar.
Talsmaður ísraelska hersins
sagði að skotmörkin hefðu verið
bækistöðvar hryðjuverkamanna.
Samkvæmt heimildum öryggis-
sveita í Líbanon voru loftárásimar
svar við tilraun sjö liðsmanna
Fatah-skæruliðasamtakanna til að
laumast inn í ísrael á mánudag.
Perez de Cuellar, aðalritari
Sameinuðu þjóðanna, fordæmdi
loftárásir ísraela á Líbanon harð-
lega í gær og hvatti þá eindregið
til að láta af þeim og virða landa-
mæri Líbanons.
Þetta er íj'órða loftárás ísraela
á Líbanon frá því á föstudag í
síðustu viku. Alls hafa ísraelar
gert 19 loftárásir á Líbanon á
þessu ári og að minnsta kosti 70
manns hafa farist af völdum
þeirra.
Þá greindu sjónarvottar í Jez-
zine, 20 km austur af Sídon, frá
því að 200 manna herlið Suður-
líbanska hersins (SLA), eins þeirra
herflokka er beijast innbyrðis í
landinu, hefði barist þar við herlið
Palestínumanna. Fjórir hermenn
Palestínumanna féllu í átökunum.
Reuter
Michael Dukakis (t.v.) sést hér fylgjast með ieikkonunni Sally Field er hún stjórnar slagorðahrópum
mannfjölda sem tók á móti frambjóðandanum á flugvellinum í Denver á þriðjudag.
Kosningabaráttan í Bandaríkjunum:
Enn vænkast hagur George
Bush í skoðanakönnunum
Ósannindi og persónulegt skítkast í kosninga-
áróðri frambjóðendanna sætir gagnrýni
New York, Washington. Reuter.
GEORGE Bush, forsetafram-
bjóðandi Repúblikanaflokksins,
heldur áfram að bæta við sig
fylgi ef marka má skoðanakann-
anir. I könnun, sem gerð var
fyrir CBS-sjónvarpsstöðina og
dagblaðið The New York Times
á þriðjudag sögðust 54% að-
spurðra styðja Bush en 41% Mic-
hael Dukakis, frambjóðanda
demókrata. Bush hefúr mjög
höfðað til þess að efhahagur
fólks sé nú betri en á stjórnará-
rum demókratans Carters og
varað kjósendur við umskiptum
til hins verra ef demókratar nái
völdum. Tæpar tvær vikur eru
nú fram að kosningunum en
Dukakis segir slaginn ekki tap-
aðan og bendir á þá staðreynd
að mjög margir kjósendur hafa
enn ekki gert upp hug sinn.
Samsvarandi könnun fyrir tveim
vikum sýndi 50% fylgi við Bush en
45% við Dukakis. Þátttakendur í
könnuninni á þriðjudag voru spurð-
ir um álit á frambjóðendum og
sögðust tveir þriðju hlutar þeirra
hafa viljað fá einhverja aðra fram-
bjóðendur en Bush og Dukakis.
Einnig kom fram mikil óánægja
með kosningabaráttuna sem margir
telja hafa verið innantóma og auk
þess hafí hún einkennst af gagn-
kvæmum ósannindaáróðri. Demó-
kratar hafa sakað repúblikana um
að ala á kynþáttafordómum í kosn-
ingaáróðri sinum. Hafa þeir einkum
lýst óánægju með gagnrýni repú-
blikana á lög um útivistarleyfí
fanga í Massachusetts þar sem
Dukakis er ríkisstjóri. Blökkumað-
urinn Willy Horton nauðgaði hvítri
konu er hann var í slíku leyfí og
er því haldið fram að repúblikanar
veki upp hræðslu hvítra við svert-
ingja með áróðri sínum þar sem
Horton er mjög í sviðsljósinu. Að
auki hefur verið bent á að það var
fýrirrennari Dukakis í ríkisstjóra-
Breska sjónvarpsmyndin um morðið á Kennedy:
Frakkar og Bandaríkjamenn
vísa staðhæfíngunum á bug
Einn Frakkanna, „morðingja Kennedys“,
virðist hafa skothelda flarvistarsönnun
London. Reuter.
I BRESKRI heimildamynd um
morðið á John F. Kennedy Banda-
ríkjaforseta, sem sýnd var í gær-
kvöld, voru nefhdir á nafin þrlr
franskir glæpamenn og þvi haldið
fram, að bandaríska mafian hefði
fengið þá til að myrða forsetann.
Sérfróðir menn í Bandaríkjunum
og Frakktandi hafiia þessari nið-
urstöðu algerlega en framleið-
endur myndarinnar segjast
standa við sin orð.
Meginniðurstaða sjónvarpsmynd-
arinnar „Mennimir, sem myrtu
Kennedy" er sú, að bandaríska maf-
ían hafí viljað ryðja Kennedy forseta
úr vegi vegna þess, að hann og bróð-
ir hans, Robert, þáverandi dóms-
málaráðherra, hafi ætlað að segja
henni stríð á hendur og einkanlega
eiturlyfjasmyglinu. Hafí þrír fran-
skir glæpamenn verið fengnir til
verksins.
Lucien Sarti, einn glæpamann-
anna, sem nefndir eru í myndinni,
var drepinn í Mexikó árið 1972 en
hinir tveir eru enn á lífí og búa í
Marseilles í Frakklandi. Franskir
löggæslumenn segjast hins vegar
ekki taka mikið mark á þessum full-
yrðingum. Bemard Gravet, yfirmað-
ur frönsku eiturlyflalögreglunnar,
kvaðst t.d. ekki trúa því, að ein-
hveijir smáglæpamenn væm færir
um að fremja slíkan stórglæp og
Honore Gevaudan, sem upprætti eit-
urlyljahringinn „Franska samband-
ið“ á síðasta áratug, var sömu skoð-
unar.
„Hvemig getur nokkmm dottið í
hug, að tvítugir strákar með hnaus-
þykkan Marseille-hreim, vissulega
ekki talandi neina Oxford-ensku eða
Texas-amerísku, hefðu verið færir
um þetta? Hveijir hefðu yfírleitt trú-
að J>eim fyrir því?“ sagði Gravet.
I Bandaríkjunum hefur niðurstöðu
myndarinnar verið vísað aftur til
föðurhúsanna og sagði dr. Robert
Blakey, helsti ráðgjafí þingnefndar-
innar, sem rannsakaði morðið á
sínum tíma, að höfundamir gætu
augljóslega ekki stutt mál sitt nein-
um rökum. „Þungamiðjan í mál-
flutningi þeirra er, að kúlumar hafí
lent í framanverðu höfðinu hægra
megin en það er einfaldlega ekki
rétt,“ sagði Blakey og bætti því við,
að meintur banamaður Kennedys,
Lee Harvey Oswald, hefði verið fyr-
ir aftan forsetann eins og kmfningin
hefði líka sýnt.
í gær átti svo einn Frakkanna,
sem nefndir em í myndinni, Sauveur
Pironti, 46 ára gamall, viðtal við
útvarpsstöð í Frakklandi og hélt því
fram, að hann hefði aldrei komið til
Dallas í Texas og gæti sannað hvar
hann var daginn, sem Kennedy var
myrtur.
Sauveur Pironti.
Reuter
Lucien Sarti.
Christian David.
„Allt, sem ég veit um Dallas, hef
ég úr samnefndri sápuópem,“ sagði
Pironti og Marseille-blaðið Le Pro-
vencal hafði það eftir honum, að
hann hefði verið um borð í frönskum
tundurduflaslæðara daginn, sem
Kennedy var myrtur. Talsmaður
franska sjóhersins hefur staðfest það
og segir, að Pironti hafí gegnt her-
þjónustu á þessum tíma og verið
skipveiji á tundurduflaslæðaranum
frá því í október 1962 og fram í
apríl 1964. Pironti segir einnig, að
„sökunautamir" hans tveir hafi ver-
ið í fangelsi þegar Kennedy var
myrtur og hefur hann nú á pijónun-
um að höfða mál á hendur framleið-
endum bresku sjónvarpsmyndarinn-
ar.
David Knight, talsmaður fram-
léiðenda myndarinnar, Central Tele-
vision, sagði í London í gær, að þeir
teldu, að myndin væri langtrúverð-
ugasta skýringin á Kennedymorð-
inu, sem enn hefði komið fram. Um
fjarvistarsönnun Pirontis sagði
hann: „Við erum fyrstir til að nefna
nöfn ákveðinna manna. Þeir hafa
haft heilan aldarfjórðung til að búa
til íjarvistarsönnunina."
Stjómandi myndarinnar, Nigel
Tumer, vann að gerð hennar ásamt
bandaríska rithöfundinum Steve Ri-
vele en hann segist aftur hafa unnið
að rannsókn á Kennedymorðinu í
fjögur ár. í myndinni er viðtal við
franskan eiturlyfjasmyglara, sem nú
bíður dóms í París fyrir morð, en
hann heldur því fram, að sér hafi á
sínum tíma verið boðinn „samning-
ur“ um að myrða Kennedy. Þá er
einnig rætt við fyrrverandi eitur-
lyfjasmyglara, sem gerðist uppljóstr-
ari fyrir bandarísk stjórnvöld. Rivele
segist hafa afhent bandarískum
dómsmálayfirvöldum allar upplýs-
ingamar en samt hafi ekkert verið
gert í málinu. Sjálfum hafi honum
hins vegar borist hótanir um dauða
og tortímingu.
embætti Massachusetts og repú-
blikani í þokkabót sem staðfesti
lögin um útivistarleyfíð á sínum
tíma.
Demókratar segja um Bush að
hann hafí ráðið úrslitum með at-
kvæði sínu á þingi er ákveðin hafí
verið 20 milljarða dollara lækkun á
framlögum til almannatrygginga.
Sannleikurinn er sá að Bush greiddi
atkvæði með óbreyttum framlögum
til þessara mála er atkvæði höfðu
fallið jafnt í þinginu og allt var
komið í hnút. Loks má geta þess
að repúblikanar staðhæfa í áróðri
sínum að Dukakis sé mótfallinn öll-
um nýjum vopnum sem rætt hafí
verið um að framleiða. I reynd er
munurinn á stefnu frambjóðend-
anna í þessu máli nú afar lítill þótt
Dukkais hafi efasemdir um gildi
geimvamaáætlunarinnar, SDI, og
vilji leggja meiri áherslu á hefð-
bundin vopn.
Dukakis kom fram í 90 mínútna
sjónvarpsþætti ABC-stöðvarinnar
aðfaranótt þriðjudags en Bush, sem
er á kosningaferðalagi í Mið-Vest-
urríkjunum, hafnaði boði um að
koma fram í þættinum. Dukakis var
aðallega spurður um stefnu sína í
utanríkismálum en fylgismenn
Bush hafa hamrað á því hve óreynd-
ur Dukakis er í þeim málum. Fram-
bjóðandinn gagnrýndi þá ákvörðun
stjómar Margaret Thatcher í Bret-
landi að banna breskum útvarps-
og sjónvarpsstöðvum að birta viðtöl
við hópa sem mæla með ofbeldi,
þ.á m. hryðjuverkasamtök IRA á
Norður-írlandi. „Ég er áhyggjufull-
ur vegna þessa og í hreinskilni sagt
olli þetta mér vonbrigðum," sagði
Dukakis. „Mér fannst ákvörðunin
óheppileg."
Dukakis sagðist vera hlynntur
hugmyndum um alþjóðlega ráð-
stefnu um frið í Mið-Austurlöndum
að því tilskildu að hún leiddi til
beinna viðræðna milli fulltrúa fsra-
ela og nágrannaþjóðanna. Shimon
Peres, utanríkisráðherra ísraels og
leiðtogi ísraelska Verkamanna-
flokksins, hefur mælt eindregið með
slíkri ráðstefnu en Shamir forsætis-
ráðherra úr Likud-bandalaginu er
henni andvígur. Bandarískur sér-
fræðingur um alþjóðamál sagði á
þriðjudag í Tel Aviv að hann teldi
líklegt að Bush myndi ekki taka
upp þráðinn í tilraunum George
Shultz, utanríkisráðherra Banda-
ríkjanna, til að koma á friði milli
ísraela og arabískra nágranna
þeirra næði frambjóðandinn kjöri
8. nóvember. Bush myndi ekki
sætta sig við að ísraelar yrðu þving-
aðir til að sætta sig við ákveðna
lausn af öðrum ríkjum. Hins vegar
myndi hann vera hlynntur þeim
kröfu að ísraelar skiluðu aftur her-
teknum svæðum araba kæmist frið-
ur á.