Morgunblaðið - 29.01.1989, Blaðsíða 11

MORGUNBLAÐIÐ SUNNUDAGUR 29. JANÚAR 1989
11
1700 klukkustundir
í rannsóknimar
SEGIR RAYBATEMAN1SAMTALIVIÐMORGUNBLAÐIÐ
Brúðkaupsmynd af foreldrum Rays, Daphne H6r or Ray með afa sínum, Lárusi Erlendssyni frá
Erlendsson og Ray Bateman eldri og með þeim er Stóru Giljá.
Fem, amma hans, sem er af norskum ættum.
LARRY RAY BATEMAN,
drengurinn sem svo mikla at-
hygli hefur vakið um allan heim
fyrir rannsóknir sínar með lyf
við krabbaæxlum, er af íslensk-
um ættum. M.a. af Orrastaða-
ætt og Hindisvíkurætt. Afi
hans, Lárus Erlendsson frá
Stóru Giyá í Austur-Húnavatns-
sýslu fór til Ameríku um
tvítugt, eftir að hafa lokið
gagnfræðaprófi við Mennta-
skólann á Akureyri 1919. Hann
tók að byggja hús í San Francis-
co, en missti þau í kreppunni
og varð að byrja að nýju. Hann
eignaðist því byggingar í mið-
borginni, sem ýölskyldan á
enn. Einkadóttir hans Daphne
Erlendsson giftist írskum verk-
fræðingi og Ray er einkasonur
þeirra. Ray á að sjálfsögðu Qöl-
marga ættingja hér á landi,
iangafí hans Erlendur Ey-
steinsson frá Beinakeldu og
kona hans Ástríður Helga Sig-
urðardóttir frá Hindisvik áttu
átta börn. Einn afabróðir Rays
var Björn Eysteinsson, afi dr.
Þorbjamar Sigurgeirssonar og
Björns Þorsteinssonar sagn-
fræðings. Afi Rays fæddist
1896 og Ray er 14 ára gamall,
svo að sá ættleggur hefur geng-
ið mun hægar fram. Kom Lárus
einu sinni til Islands ásamt
konu sinni laust eftir 1950, en
er látinn fyrir nokkrum árum.
Fréttamaður Mbl. náði tali
símleiðis af vísindamanninum
unga, Ray Bateman, á heimili
hans í Huntington Beach rétt utan
við Los Angeles á laugardags-
morgni, þegar hann var ekki í
skólanum. Hann er einkabam og
býr með foreldrum sínum, Ray
Bateman verkfræðingi sem er af
írskum ættum og móður sinni,
Daphne Erlendsson. Þau vora
nýkomin frá Ítalíu, en þangað
hafði Ray verið fenginn til viðtals
í ítalska sjónvarpið og foreldram
hans boðið að fylgja honum í ferð-
ina. Sagði Ray að þetta hefði ver-
ið afskaplega skemmtileg ferð,
þau gátu skoðað Flórens og
nokkrar fleiri borgir, en þar sem
móðuramma hans er gömul og
heilsutæp vildi fjölskyldan ekki
vera í burtu lengur en viku.
„Viðtalið í ítalska sjónvarpinu
var allt í lagi,“ svaraði Ray spum-
ingu okkar og virtist ekki hafa
haft miklar áhyggjur af því. „Ann-
ars hafa einhver viðtöl birst í
Evrópublöðum, þýskum blöðum
og það ítarlegasta sennilega í
London Daily Telegraph, sem
kemur út um þessar mundir. Þeir
tóku það í New York. Þar geturðu
kannski fengið handhægari upp-
lýsingar um þetta allt,“ sagði Ray
í símann.
Ray kvaðst hafa gaman af að
fara á skíði, en engan áhuga hafa
á boltaleikjum. Annars fari mikill
tími hjá honum í lestur. Ekki þó
skáldsögur, heldur liggi hann í
ritum um efnafræði, bókum eins
og Pharmacologic Principles of
Cancer Treatment og slíku, sem
hann hafi gaman af. „Ég er búinn
að eyða 1.700 klukkustundum í
þessar rannsóknir sém við voram
að kynna í New York, svo ég
fiefi ekki haft mikinn tíma til
annars. Svo er ég í skólanum, er
í níunda bekk í unglingaskólanum.
Ég á enn eftir langa skólagöngu.
Fer auðvitað áfram í háskóla,
líklega Stanford-háskóla.. En ég
hefi mestan áhuga á rannsókna-
störfum í læknisfræði og vil fara
í einhveija slíka grein.“
Ray segist enga formlega
kennslu hafa fengið í efnafræði,
aðeins lært sjálfur af bókum.
Daphne móðir hans segir að hann
hafi frá því hann var kornungur
haft áhuga á vísindum, en byijaði
um 10 ára aldur að sökkva sér
niður í efnafræði og rannsóknir.
Fjórtán ára vann hann verðlaun
fyrir verkefni við Kalifomíuhá-
skóla og er fyrsti drengurinn til
að fá slíka viðurkenningu svo
ungur. Og nýlega hlaut hann
American Veterinarian-verðlaun-
in, sem þótti merkilegt af 14 ára
dreng.
Feðginin sögðust bæði hafa
áhuga á að koma til íslands. Ray
sagði að kannski yrði hægt að
koma því við ef þau færa aftur
til Evrópulanda. Veit hann þá
nokkuð um ísland? „Sáralítið,"
segir hann. Auðvitað viti hann að
hann er þaðan ættaður og hefur
hitt ættingja. Tvær frænkur hans,
Erla og Asta Gunnarsdætur frá
Syðra-Vallholti i Skagafirði, hafa
komið þar, en móðir þeirra var
afasystir hans. „Afi var orðinn
gamall og kominn með Parkin-
sonsveiki þegar ég var lítill, svo
ég man ekki eftir að hann hafi
talað mikið um ísland við mig.
Hann er dáinn fyrir nokkrum
áram. Afi minn og amma bjuggu
í öðram bæ, San Mateo, þar sem
amma býr enn í gamla húsinu."
Ray er 180 sm á hæð og ljós
yfirlitum. Daphne Erlendsson,
móðir hans, segir að hann sé ákaf-
lega íslenskur í útliti og líkur afa
sínum. Ekki þarf að skoða lengi
myndir af honum og Lárusi afa
hans þegar hann var ungur maður
til að sjá að mikið er til í því.
Vomum etu kemmi
Verð:
Jakkih. 4.611,-
Buxurkl. 2.466,-
Pils h. 2.666,-
Blússurh. 2.766,-
NÁMSKEIÐ
Rafn við nuddkennslu:
„Allir geta lært að
nudda“.
fyrir
almenning
Laugardaginn 4. febrúar
kl. 10-17.
Kennari er Rafn Geirdal
nuddfræðingur.
ATH: Afsláttur fyrir hjón.
Gildi nudds: irmýkir vöðva,
irörvar blóðrás,
ikslakar á taugum,
ireykur vellíðan,
HEILSUMIÐSTÖÐIN
Upplýsingar og skráning
í síma Gulu línunnar kl. 9-18.

62 33 88.